للي ما يعرف، أحد مزايا البس5 اللي تتوفر ببعض الالعاب هو ميزة استئناف اللعبة مباشرة من اطوار معينة او مهمات معينة من قائمة البس5 مباشرة، بمعنى، انت شغلت البس5، تبغى تشغل اللعبة الفلانية، لكن ما تبغى تنتظر تشوف شعارات الشركات ومن ثم القائمة الرئيسية ومن ثم اختيار ملف الحفظ ومن ثم الذهاب للطور إلخ، هنا البس5 كان له ميزة رهيبة ، تبغى تلعب اونلاين؟ من البس5 مباشرة تضغط على بطاقة تحت اللعبة تشغل اللعبة وتوديك لطور الاونلاين دايركت بدون مين مينيو بدون شيء، كان يسرع لعب كثير من الألعاب، فجأة تم ازالتها بتحديث أخير!
واستغربت لأنه ما ازالوا كل اثر لها تماما، أنا العب Sonic Generations ، أشوف مكتوب" أكمل من حيث وقفت" لكن مافي خيار استئناف اللعبة، لا، فقط لعب اللعبة، اللي يشغلها من البداية.
هذي احد الميزات اللي تم استعراضها والتسويق لها أثناء كشف جهاز ال PS5، انه يتم إزالتها فجأة بدون سبب هو من أسوأ القرارات اللي انعملت بحق الجهاز وتقلل من تميزه.
