هي فين الألعاب. لولا انسومنياك ما درينا انه عندكم طرف أول الجيل ذا يا يوشيدا.
هالكلام بيجلس يتكرر الين نهاية الجيل بدون منطق؟
سوني بالجيل الماضي سياستها كانت انها تنزل ثلاث العاب طرف اول كبيرة كل سنة، بعمر الـPS4 كله كان كذا ماعدى سنتين كانت ضخمة، والوضع حاليا مو مختلف..
في الاطلاق نزل ريميك ديمونز سولز وساكبوي ادفنشر وسبايدرمان ماليز موراليس .. السنة الاولى نزلت لعبة راتشت اند كلانك الجديدة وريتيرنال وديستراكشن اول ستار .. السنة اللي بعدها نزلت هورايزن الغرب المحظور وقاد اوف وار راقناروك وقران توريزمو 2 .. 2023 بس نزلت فيها سبايدرمان 2 .. السنة الماضية نزلت استرو بوت وهيل دايفرز 2 وكونكورد
زي ماتشوف.. بستنثاء سنة 2023 اللي كانت فاضية، الوتيرة هي نفسها .. السنة هذي بتنزل قوست اوف يوتاي وديث ستراندينق 2 ويمكن تنزل لعبة خدماتية او تكون فيه مفاجئة عند سوني زي استرو بوت اللي اعلنوها ونزلت بنفس السنة
هل سوني جايبه العيد هالجيل مع العاب الطرف الاول؟ نعم
هل العاب الخدمات اثرت على وتيرة اصدارات العاب سوني؟ نعم
هل كان من الممكن اننا نحصل على اصدارات اكثر لولاهم؟ نعم
هل سوني ماعندها العاب وانسومنياك بس هم اللي يسوون لهم العاب؟ لا
العبارة هذي اسمعها من وقت اعلان الجهاز والكشف عن مايلز وراتشت الجديدة بنفس الحدث، ردة الفعل كانت "اوف! كيف كذا انسومنياك شايلين سوني بلعبتين بوقت واحد!" ومع اعلان سبايدرمان 2 و وولفرين خلاص مخهم تقفل من هذيك اللحظة لليوم.. على الاقل اعطوا استرو بوت حقها واعتبروها بس انها موجودة
