safari > firefox

[king zell]

في الماك على الأقل.. للأسف الفايرفوكس يحتاج تعديلات خصوصا لمستخدم لغة عربية


المهم شباب.. في عندي مشكلة في سفاري



الخط الdefault عندي هو Times


كل المواقع تشتغل بشكل جيد.. لكن بعض المواقع العربية الخط يجي فيها مقطع؟ كل حرف لحاله


كيف أحلها؟

 

[itachi]

أتوقع المشكله من خط الموقع نفسه ...إلى الآن أنا ما لقيت مشكله مع العربي
بس محمد عطني الموقع العربي اللي فيه المشكله وخلني أشوفه

وكلمه أخيره
Safari >>>>>>all 🙂

 

[ASWD]

غريبة انا منزل الفاير فوكس على الماك في الشغل وكل شي عادي مافيه اي مشاكل ولا سويت اله اي تعديلات

 

[Xeno]

لول أنا توني محول لفاير فوكس من الاكسبلورر.

 

[Isaac]

لول أنا توني محول لفاير فوكس من الاكسبلورر.

تحيـــــة إلك ! 😉

 

[Tomb raider]

ممم نفس المشكله معاي .... اللي اعرفه هو السبب برنامج الوورد له علاقه بالمشكله!
وفعلا فاير فوكس فيه شوية غباء ... اعطيك مثال: اذا حاط صوره كبيره في موضوع تشوفها نصها وما تقدر تشوف الجانب الايسر من الصوره !!! فعلا غباء بس استخدمه علشان مشكلة الخط في سافاري !

 

[itachi]

سالفة الصور الكبيره في الفايرفوكس قديمه موجودة في الماك والويندوز ...تحتاج بليج ان حق تعدلها

أما سالفة الخط...فتلاقيها في بعض المواقع مشكله
وأحتمال كبير صحيح كلام الأخ تومب رايدر ....سمعت من أكثر من واحد الأوفيس يعفس عليك خطوط النظام .
الحمد لله مستغني عن كل برامج مايكروزفت ولا ركيتها للآن ( ولا باركبها🙂)

 

[Isaac]

سالفة الصور الكبيره في الفايرفوكس قديمه موجودة في الماك والويندوز ...ولا بليج ان حق تعدلها

أما سالفة الخط...فتلاقيها في بعض المواقع مشكله
وأحتمال كبير صحيح كلام الأخ تومب رايدر ....سمعت من أكثر من واحد الأوفيس يعفس عليك خطوط النظام .
الحمد لله مستغني عن كل برامج مايكروزفت ولا ركيتها للآن ( ولا باركبها🙂)

أخوي اتوقع أحد الشباب حط Plug in قبل فترة يحل هالمشكلة..

أتمنى أحد يعطينا اللينك .


هو يا يسويلها Resizing أو يطلع لك شريط (أفقي) تحت ..



بس فيه حل ممكن تستخدمه اسمه .... Right click > View image

 

[itachi]

أوبس غلط مطبعي

تحتاج بليج ان حق تعدلها

هذا قصدي ...أدري في بلج ان لهالمشكله
كان فيه موضوع قديم لهالمشكله

 

[Khalid-S]

قايلك محمد من زمان .. عندك سافاري ليش تستخدم فاير فوكس ؟ وسافاري الجديد الي بينزل مع الليبورد فيه حركات حلوه اضافيه مو موجوده في اي متصفح اخر.

بالنسبه للخط المقطع ..

افتح الـFontBook .. وشوف الخطوط الي قدامها نقطه سوداء ( . ) .. الي عليها نقطه سوداء امسحها .. او سوي لها ديس ايبل. لو لسه المشكله موجوده امسحها افضل.
لو تلاحظ الخطوط الي عليها نقطه سوداء هي خطوط الويندوز .. الي جايه مع مايكروسوفت اوفيس .. هي الي تعفس الجهاز.

خلي الديفلوت فونت تاهوما الي حطيناه اول بالمنتدى .. عشان يطلع لك بشكل حلو .

كذا المفروض يطلع لك

 

[Sir Doyle]

إللي قاله خالد صحيح .... لازم تمسح الخطوط إللي فيها نقاط سوداء... الله يهدي مايكروسوفت (حتى في الماك تبي تسوي حالها)

بس هذه الخطوة الأولى من حل المشكلة.. بعد ما تسويها.. انتقل للخطوة الثانية:

أفتح الـ TextEdit .... اكتب كلمة بالعربي.... بعدين اضغط أوامر (أبل) + T

بيطلع لك نافذة الخطوط... سو تحديد للكلمة... و بعدين روح للخطوط و حدد على أول خط ....

اضغط down 🙂 ..... و انت تشرب بيبسي..... لما تشوف الكلمة مقطعة الاحرف، شوف اسم الخط.. و روح للفونت بوك و امسحه....

يعني لازم تمسح جميع الخطوط العربية المتقطعة لانها مو متوافقه مع الماك و تسبب مشاكل كثيرة....

المهم بعد ما تسوي هذه الخطوات.... برنامج السفاري بيشتغل زي الحلاوة بدون مشاكل مع الخطوط العربية... و أيضاً الفاير فوكس بيشتغل عدل بدون أي مشكلة بس على شرط انك تسوي ديسيبل لخط تاهوما لما تشغل الفاير.... و أنا قلت السبب من قبل.... محرك الفاير فوكس للخطوط غبي في الماك

المشكلة هذه واقعياً مو بسبب الابل.... لان الأبل تستخدم تقنية أفضل في الخطوط و اقدم من الويندوز .... يعني الخطوط ما يتوافقون في النظامين.... و لما يجي اليوزر يخلط بعض خطوط الويندوز في الماك أو يجي برنامج الأوفس البطل اتصير هالمشكلة.... على العموم يقولون في الليوبيرد بيشغل النظامين حق الخطوط 🙂 يعني الماك بيصير يشغل خطوط الويندوز ....و الويندوز إلى اللحين ما يشغل خطوط الماك

 

[Zero]

Opera>all
لحد الآن هو المتصفح الوحيد اللي مو شايف فيه مشاكل :slant:

 

[Sir Doyle]

Opera>all
لحد الآن هو المتصفح الوحيد اللي مو شايف فيه مشاكل :slant:

فيه مشاكل في بعض مواقع المنتديات... يقلب الاستايل على كيف كيفه

 

[H-Bomb]

Shiira ... أفضل متصفح على الماك

 

[Mohammed]

اذا عملت مستخدم جديد بتنحل المشكلة بالنسبة للسفاري
هي اساسآ من الاوفس

 

[Sir Doyle]

Shiira ... أفضل متصفح على الماك

أهو أفضل من ناحية المواصفات بس مشاكله مشاكل بسبب البيتا.... لو نزل كامل بيكون هناك كلام ثاني...وشكله الوقت اللي بينزل فيه الصدار الكامل، السفاري الجديد بيكون موجود أيضاً و اتوقع بيكون افضل منه.... و للمعلومية السفاري إلى اللحين أهو أسرع متصفح (مقارنة مع أي متصفح في أي نظام)... بس مشكلة السفاري البلقن معدومة، و الموجود ما يفيد بالنسبة لي...

اذا عملت مستخدم جديد بتنحل المشكلة بالنسبة للسفاري
هي اساسآ من الاوفس

مو شرط... بعض الخطوط تنسخ في فولدر الـ Library حق السيستم...

الخطوة اللي قالها خالد + الخطوة اللي قلتها = تختفي المشاكل

و إذا ما انحلت المشكلة يا زيل ... أعرف احلها لك بطريقة ثانية و مضمونة... بس يحتاج لها اشوية شرح....

أنا متأكد أن المشكلة بتنحل في الخطوات اللي قلتها في ردي السابق 🙂

 

[Naif]

safari > firefox

في عندي مشكلة في سفاري

 

[Sir Doyle]

لوووول نايف

------------

المهم بما إن زيل فتح موضوع المتصفح و الخط 🙂

أحب أعطيك برنامج بيفيدك عدل و خاصة أنك تصمم حق المنتدى... يمكن تعرفه ... اسمه Art Text

http://www.belightsoft.com/main.php

نزله و بتعرف ويش بيسوي 🙂

و له فايدة ثانية تقدر تخزن الخط بعد التعديلات الرهيبة على صيغة pdf (سمارت)... يعني تشغلها في الفوتوشوب (الخط)... هاي كوالتي بدون خلفية... و المفروض يازيل جربت الفوتوشوب الجديد البيتا... ضافوا له أشياء كثيرة

+ تقدر تكتب فيه بالعربي

 

[king zell]

لوووول شباب ما ودي أسوي الطريقة اللي قلتوا لي عليها أحسها حوسة


لو حذفت الأوفيس (قلعت مايكروسوفت) هل بتنحل مشاكلي و تنحذف الخطوط اللي تخرب !

 

[Khalid-S]

لوووول شباب ما ودي أسوي الطريقة اللي قلتوا لي عليها أحسها حوسة


لو حذفت الأوفيس (قلعت مايكروسوفت) هل بتنحل مشاكلي و تنحذف الخطوط اللي تخرب !

ليش محمد .. شوف انت سوي الطريقه الي قلت لك عليها فقط وكل شي بيضبط .. انا ما سويت طريقه سير دويل وكل شي ماشي عندي تمام ..

بس افتح الفونت بوك ... بتحصل يمكن 6 خطوط فقط عليها نقط سوداء .. رايت كليك - ديليت ... وانحلت المشكله.

 

[itachi]

الحمد لله ما ركبت أوفيس ..🙂
لأني سمعت عن بلاويه ..ولا أنا محتاج له عندي غيره

 

[Sir Doyle]

لو حذفت الأوفيس (قلعت مايكروسوفت) هل بتنحل مشاكلي و تنحذف الخطوط اللي تخرب !

لا
-------

زيل أنت سو إللي قالك عنه خالد.... إذا ما انحلت المشكلة سو إللي قلت لك عنه....

النقاط السوداء معناها فيه مشكلة بالخط أو أن الخط متكرر... يعني إذا كان عندك خط متقطع ما بيطلع جنبه نقطة سوداء... فلازم تسوي الطريقة إللي قلت لك عنها.... بس إذا ماعندك أي خط من هالخطوط فطريقة خالد تكفي...

ما ادري ليش تحسها حوسة 😀 .... يالله نشجعك بالصور:

- روح للأبلكيشن فولدر .... اختر الفونت بوك...

- اختار all fonts ...... لا حظ النقطة السوداء قدام الخط

- رايت كلك... احذف الخط

 

[Khalid-S]

سير دويل .. خخخخخخ خلاص سواها محمد .. غصبته يسويها بالماسنجر وضبط معه كل شي .. الشغله ما يبيلها اصلا.

 

[Tomb raider]

اذا حذفت الخط ما بيصير شي مع العلم ان مشكلتي مثل مشكلة محمد بس النقطه اللي عند الخط مب موجوده !

 

[Khalid-S]

اذا حذفت الخط ما بيصير شي مع العلم ان مشكلتي مثل مشكلة محمد بس النقطه اللي عند الخط مب موجوده !

تاكد عزوز ... كل الخطوط بالاخص العربيه .. اذا لسه المشكله موجوده سوي الطريقه الثانيه الي قال عليها سير دويل.

 

[Sir Doyle]

اذا حذفت الخط ما بيصير شي مع العلم ان مشكلتي مثل مشكلة محمد بس النقطه اللي عند الخط مب موجوده !

النقطة السوداء معناها: مشكلة في الخط أو الخط متكرر في ملف السيستم...

سو الخطوة الثانية إللي ذكرتها (احتال عندك خط متقطع).... و إذا ما نفع معاك يكون لي كلام ثاني

 

[king zell]

شباب في شي عجيب في سفاري

ليش محرر WYSIWYG ما يشتغل فيه؟ دائما يطلع الكودز و أنا ما أبي هالشي أحيانا :roll:

 

[Hardcore Gamer]

على طاري السفاري..
عندي مشكله انه بعض مواضيع المنتديات لو فيه صور كبيرة (سكانات مثلا)
ما تطلع كامله .. وما اقدر احرك البراوزر يسار عشان اشوف باقي الصورة .. وش الحل؟

 

[king zell]

شباب الماك وينكم.. و لا بس توهقونا بالجهاز بعدين تسحبون علينا :evil:


أبي أحد يجاوب على سالفة المحرر حق المنتدى


و بعد مايكروسوفت وورد ركبته و لا استفد منه شي.. الحروف العربية كلها مقطعة :normal:

 

[Khalid-S]

السؤال الاول مني فاهمه لاني ما اعرف ايش هو اصلا ..

اما الثاني .. متاكد ان كل الخطوط الي محطوط عليها نقطه سوداء محذوفه ؟؟ اذا ايه .. جرب تغير نوع الخط العربي الي تكتب فيه بالورد .. لا تستخدم واحد من الي حذفتهم لو طالع لك.