الموضوع الرسمي Rise of The Tomb Raider | اللعبة المنسية اللي حتى ما لها موضوع رسمي عدل!

[Golden Wind]

الاسم: Rise of The Tomb Raider
المطور: Crystal Dnamics
الناشر: Square Enix
الأجهزة: Xbox One, Xbox 360 حاليا، PC and PS4 بعدين بالسنة الجاية
نبذة: اللعبة تتمة للجزء الأول، اللي كان ريبوت. المطور ممتاز والعابه رهيبة. وطبعا اللعبة منسية لانها حصرية مؤقة للXbox One.
القصة: لارا، بطلتنا شافت مذكرات ابوها تتكلم عن بلا بلا بلا....
_________________
معليش على الموضوع التافه بس قلت حرام اللعبة تكون نازلة من اسبوع وحتى موضوع رسمي ما لها!

 

[ZIBIT]

عجبني عنوان الموضوع هههه.
السبب اكيد قلة ملاك الجهاز ولا مين كان يتوقع انه موضوع رسمي للعبة هيلو مرقمة له اكثر من اسبوع و لسة صفحتين!

 

[MH MD]

بس أحب أهنيك على اختيارك الرائع للعنوان

 

[guitaro]

يعطيك العافية عزيزي ،
اتمنى تغيير العنوان .. لأنه مايليق بهالتحفة الفنية

الموضوع الرسمي ننتظره من العضو @KAIN بس اخر شي قال انه مشغول وبينزله هاليومين

عموما لي عودة اكيد

 

[The Doctor]

يعطيك العافية... مادري وش صار بالضبط مع @KAIN ، قال أكثر من مرة إن الموضوع على وشك الإنتهاء و ما نشره
أعتقد ذكرت بموضوع حجز المواضيع الرسمية، أي طارئ أو أي شيء يمنع من قدرة الشخص إن يكمل الموضوع فالأفضل يقول بأبكر وقت ممكن

 

[fatal framer]

العنوان يضحك انا ناطر نسخة ps4
تقييمات اللعبة ممتازة بس المواقع العربية قالت انه القصة تجارية والقتال متكرر وصبد الحيوانات ماله داعي
يمكن التحسينات باضافة الالغاز للعبة اهي اللي عوضت

 

[Saudi Fighter]

لعبت اللعبة كم ساعة وهذا انطباعي
اول شي راح تلاحظة في اللعبة ان اللعبة فعلا جمييييلة بشكل خرافي يعني فعلا وانت تلعب قاعد تدلع عينك بالمناظر الخلابة بلا تردد اجمل لعبة بالجيل هذا القصة زي ماتتوقع قصة تجارية زي حقة افلام الصيف لكن الي يميز الجزء هذا ان تقديم القصة مثير ويشدك بسبب الاخراج وتعابير الوجه الحقيقة نجي على العيوب اكبر عيوب اللعبة هو البدائية في التجسس والتصويب تحس انك قاعد تلعب لعبة من 2012 وليس لعبة جيل جديد من الناحية هذي (كله من MGS V رفعت معاير الجيمبلاي) واصوات الاسلحة ماتكلفو فيها ماتحس انها واقعية
بالنهاية اللعبة مستمتع فيها وفعلا تستحق الاقتناء

 

[X I I I]

اسم الموضوع رهيب XD .. بس ما يتغلب على هالاسم (&)

25% tombs
75% less customers

لي عودة هالفترة اذا كريستال داينمكس رجعلها عقلها و نزلت اللعبة هالشهرين على البلايستشن ٤

 

[ASWD]

اسم الموضوع رهيب XD .. بس ما يتغلب على هالاسم (&)

25% tombs
75% less customers

لي عودة هالفترة اذا كريستال داينمكس رجعلها عقلها و نزلت اللعبة هالشهرين على البلايستشن ٤

وش دخل كريستال داينميك او ايدوس بكبرها؟

الفريق ملك شركة اسمها سكوير اينكس وهي الامر والناهي في مسالت متى تنزل ومتى ماتنزل

 

[Z E R O]

اسم الموضوع رهيب XD .. بس ما يتغلب على هالاسم (&)

25% tombs
75% less customers

لي عودة هالفترة اذا كريستال داينمكس رجعلها عقلها و نزلت اللعبة هالشهرين على البلايستشن ٤

في شيء اسمه عقد حتى لو تبيع نسختين ماحتنزل الا السنة الجاية للبس ولا مايكرو دافعه ليه ؟!

 

[guitaro]

اول شي مبروك الموضوع مابغينا

اول ماخذت اللعبة ماكنت متفائل بشكل كبير .. كنت اعتقد ان بكون مقبل على الريبوت بس بتحسينات طفيفة هنا وهناك
حتى اني شريت فال اوت4 معاها إحتياطا اذا مليت منها ، لكن تفاجأت العكس .. ركنت فال اوت4 وجلست ألعب هالتحفة مو القصد ان فال اوت4 سيئة ، القصد ان تومب رايدر طلعت فوق المتوقع وبشكل كبير
بصراحة ناسي الريبوت لأني من زمان لاعبه لكن مااتذكر اني لعبتها بهالشغف والإندمان

الجيم بلاي سلس ورهيب .. اهم شي خلوها تركض والقفزة المعروفة في الماي رجعوها
الأسلحة تنويعها جيد ومعقول والتطوير كذلك ممتاز وفي موازنه بين الاسلحة .. لاننسى انها مو لعبة اسلحة فـ لااحد يتوقع اسلحة بالهبل

شي لازم اذكره اللي هو ان المطورين مسوين شغل محترم في الفيزيائية على تعابير الوجه وشعر لارا وهالشي معطي القصة بعد آخر وتفاعل افضل من اول
القصة اشوفها افضل من أول .. يعني ماوصلت مرحلة اني ابي اسوي Skip حق الكاتسينز .. بالعكس مستمتع

الاستكشاف اللي هو زبدة اللعبة .. من الألعاب القليلة اللي امشي في كل زاوية واحب استكشف فيها .. فجأة ألقى كهف وادخل خايف ماادري يطلع لي دب ولا قطيع ذئاب ولا نمور .. من أشوف واحد من هالحيوانات انحاش برى الكهف هههههههه شعور رهيب بس تمنيت ان المعارك مع الحيوانات تكون افضل ويطاردونك لفترة اطول ، لكن يبقى شي جانبي بس شي حلو نشوفهم يطورون في هالناحية اكثر
تخلص من الكهف ، تطلع وتكمل استكشاف تلقى تومب وتحاول تحل اللغز ، طبعا الالغاز ماهي تعجيزية ولا هي سهلة .. فيها تحدي حلو والـ Rewards في اللعبة مرضية
كل منطقة فيها كمية كهوف وألغاز لا بأس فيها ، اللعبة موزونة في هالأمور .. يعني حتى وانت في وسط المهمة الرئيسية تلقى لغز تروح تسويه وترجع تكمل المهمة عادي جدا
تلقى احجار وامور تحتاج ترجمة لازم تطور من لارا بالقراءة والاستكشافات يعني في اماكن تحتاج تزورها مرة اخرى بعدين عشان تقدر تدخلهم بعد تطوير مهاراتك

المناظر في المناطق الثلجية والغابات رهيبه بشكل لاااااازم تشوفها بتلفزيونك لاتشوفها ع النت !!

ايضا حبيت في منطقة فيها قرية وناس وتتفاعل معاهم ويعطونك مهمات جانبية .. كنت اتمنى هالشي اكثر ، لكن تبقى لعبة تومب رايدر مو من عوايدها تصير فيها قريات
هالقرية بالذات عشق .. قاعد اقضي فيها وقت طويل من الاكتشاف لأنها اكبر منطقة .. يمكن ؟ ماادري لأني وصلت لحد هالمكان

عموما كل هالزحمة انا واصل لحد الحين 36% .. وإيه نسيت المهمات الرئيسية وقاعد اكتشف بس واسوي مهمات جانبية .. نسيت ياجماعة ، مو تركتهم عمدا ايه لهالدرجة الاستكشاف فيها رهيب

ومالاحظت شي وقلت اوه وش هالعيب .. ابدا بالعكس يمكن عيبها انك تبي اكثر وطمعان في الاكتشاف
اللعبة خسراااااان اللي مايشتريها .. قلتها واعيدها .. لعبة السنة بالراحة بالنسبة لي

هذا اللي في بالي الحين

كريستال داينامكس مسوين شغل جبار .. لو احتفظوا على هالكونسبت ومشوا عليه بتعديلات .. راح يكون شي ممتاز ومتفائل جدا في الاجزاء القادمة تخيلوا هالاستكشاف بمناطق اكبر واوسع

 

[I-NERO-I]

يعطيك العافية على الموضوع ...لول و أخيراً

لعبت حدود ال10 ساعات وعندي كلام كثير بقوله البعض إجابي والبعض لا بس بنتظر شوية ألين ما أكب العفش كله .

بس كإنطباعات مبدئية من اللي لعبته، نسخة كربونية من الجزء اللي راح مع شوية إضافات هنا وهناك ومع تومبز أكبر حجماً لكن بسيطة في ألغازها ولا زالت زي ماهي حاجة جانبية وتقدر تمشي في اللعبة من غير ما تمر عليها، اللي حب الريبوت راح تعجبه علطول و اللي ما عجبه الريبوت مافي أي شيء راح يعجبك هنا .

نقاط عجبتني : حس الأدفنشر و الإكتشاف رهيب - وجود الحيوانات المفترسة في بعض المناطق يخليك حذر وعلى أعصابك - كولكتبلز ممتعة وتشرحلك عن المناطق و الأحداث اللي صارت فيها .

اللي ماعجبني : كومبات وجنبلاي جاي من 2007..2008 تعيس وبدائي جداً - الذكاء الإصطناعي أو بمعنى أصح الغباء الإصطناعي الأعداء أغبياء ومتخلفين لدرجة أسطورية ..
ست بيسز للنسيان كلها أجري بسرعة أرض قاعدة تتكسر ..أحجار جالسة تطيح عليك ...إلخ شيء مرة قديييييم والناس بطلته خلاص .

 

[Ray Gun]

شباب اللعبة معروف توجهها من اول
لو بتقيمها قيمها مقارنة بالجزء السابق او بثلاثية انتشارتد لاتقارنها ب العاب فيها قيمبلاي صلب زي ميتل قير
معروف هذا النوع من الالعاب فرد عضلات بالجرافيكس والسينمائيه على حساب القيمبلاي .. حتى القيمبلاي مب سيء بالعكس جيد جداً ومناسب للعبة
انا مستمتع بصراحه فيها .. جابو كل شي كويس كان في الريبوت واضافو عليه اشياء رهيبة
الرسوم والسينمائية في اللعبة عالم ثاني شي مبهر فعلاً

 

[hussien-11]

لو بتقيمها قيمها مقارنة بالجزء السابق او بثلاثية انتشارتد لاتقارنها ب العاب فيها قيمبلاي صلب زي ميتل قير

كنت عارف أن أي لعبة ثيرد بيرسون بعد متل جير رح تواجه نقد على أنظمة الجيمبلاي فيها بالمقارنة P: للأسف كثيرين فعلاً مو مقدرين قد ايش اللعبة صلبة ومتقنة بشكل حديدي

عموماً، متحمس لتومب رايدر الجديدة، كريستال دينامكس حسب الانطباعات أخذوا اللعبة في الاتجاه الي كنت أتمناه بالضبط! ( استكشاف وألغاز أكثر، تصميم ساندبوكس )
و واثق انها رح تعجبني أكثر بكثير من أنشارتد4 لهالأسباب، ما أحب ألعابي تكون أفلام تفاعلية كذوق شخصي.

 

[Ray Gun]

كنت عارف أن أي لعبة ثيرد بيرسون بعد متل جير رح تواجه نقد على أنظمة الجيمبلاي فيها بالمقارنة P: للأسف كثيرين فعلاً مو مقدرين قد ايش اللعبة صلبة ومتقنة بشكل حديدي

بالعكس ارجع لموضوع ميتيل قير او بس اكتب فانتوم بين في قوقل وشوف الناس قاعده تمدح في القيمبلاي، ماشفت ولا واحد في تروقيمنق او خارج تروقيمنق ما امتدح قيمبلاي فانتوم بين والي ينكر قوة عنصر القيمبلاي فيها هذا رجٌل مكابر، اللعبة اخذت حقها في المديح من هذي الناحية
الاختلاف صار في اشياء ثانيه وانت عارفها

 

[guitaro]

شباب نقاش ميتل جير صاير فايروس في كل موضوع .. لاينجر هنا بعد

تومب رايدر يختلف توجهها تماما عن ميتل جير فـ مافي مجال للمقارنة

 

[التشاد الحقيقي]

أخذت اللعبة على الاكس بوكس 360، ووصلت إلى حد 7%.
طريقة اللعب هي نفسها لم تتغيّر منذ الجزء الماضي، تقنيّاً اللعبة محترمة قياساً بعمر الجهاز الذي وصل إلى عشر سنوات، لكن من المؤكّد انها مبهرة على الاكس بوكس وان بحكم المناظر الطبيعيّة الخلابة التي تحتويها.
الأمر المزعج هو اللّقطات التفاعليّة التي تتطلّب ضغط الأزرار الموجودة على الشاشة، وهي مكرّرة بشكل مرعب، علاوة على القصّة التي لا تستحقّ المتابعة بجدّية.
لكن اجمالاً، اللعبة لا تقدّم شيئاً جديداً أكثر من الجزء الماضي. فقط المزيد من نفس الشيء.

 

[Saudi Fighter]

كنت عارف أن أي لعبة ثيرد بيرسون بعد متل جير رح تواجه نقد على أنظمة الجيمبلاي فيها بالمقارنة P: للأسف كثيرين فعلاً مو مقدرين قد ايش اللعبة صلبة ومتقنة بشكل حديدي

فعلا كلامك صحيح يوم لعبت MGS V حسيت انها بدائية فعلا صارت مشكلة

 

[W.W.W]

الشباب اختصروا عليه كلام كثير بقوله
اللعبه كتوجه عام الغاز واستكشاف تروق لي اكثر من سلسلة انشارتد
لكن درجة اتقان الجيم بلى ولا تقرب لانشارتد
التسلل والاكشن احسه دونجريد شنيع من بعد ••• ما بقول فانتوم بين على لا يفرح بعض الناس ^_^
بل هي ضعيفه جدا مقارنتا مع العاب مثل ذا لاست اف اس وايفل ويذن
لحد الان واصل نص اللعبه واشوفها جيده جدا

 

[titanfall]

اتوقع اني راح العبها العام القادم أو بعد القادم لكن أتمنى أذكرها

 

[Mithos]

اللعبه جمييييلة جداااااا الى الآن لعبة السنة بالنسبة لي لحد ما تنزل Xenoblade يمكن تخربط القائمة مره ثانيه
لي الحين وصلت 67% ومتحسف اني قربت للنهاية من كثر ماني مستمتع

الاشياء الي عجبتني

- تنويع ممتاز بالالغاز .
- الاسلحة الموجوده استخدامها جدا ممتاز سواء على الحيوانات او البشر تستخدمها باسلوبك والطريقه الي تناسبك .
- الاعداء تختلف قوتهم سواء البشر بالاسلحه او الحيوانات بانواعها .
- تطوير الاسلحه والمهارات ممتع ويخدم بشكل كبير طريقة لعبك .
- القصة ما اقدر احكم عليها كوني لي الحين ما ختمتها بس الى الآن ممتازه والمهمات الجانبية فيها تفاعل مع القصة الرئيسيه عشان جذي اشوف اللعبه كلها حيه مو ميته وكلها مرتبطه ببعض مو نفس بعض الالعاب لما اسوي مهمه جانبيه انسى وين وصلت بالقصة الرئيسيه .
- فكرة صيد الحيوانات و صنع ادوات منها ممتازه ما تخليك تمل وانت تتنقل من مكان لي مكان تقدر تصيد حيوانات بالطريق .
- نظام الحفظ باللعبه جدا ممتاز لما تموت ما يروح عليك شي تقريبا ترجع لنقطه قريبه جدا يعني من 3 الى 5 ثواني قبل الموته .

اسف حاولت اتفادى كثر ما اقدر ال spoiler عشان جذي مافي تفاصيل بالنقاط الي ذكرتها لول

بالنسبة لي الافضل بـ 2015 لي الحين

1- Tomb Raider
2- the witcher 3
3- Resident Evil Revelation 2
4- MGS5
5- Splatoon

 

[Saudi Fighter]

للي خلصو اللعبة هل استطيع ان العب المهمات الجانبية بعد ماخلصت اللعبة ؟

 

[النسر الأسود]

لعبت شوي في اللعبة، ولحد الآن انطباعي متوسط. أفضل شي لحد الآن هو الجرافيكس لول
عندي سؤال شباب، أنا ألعب حالياً على ثاني أعلى صعوبة لكن أحس بأن الـ Survival Instinct يخرب متعة الاستكشاف، فهل تنصحون باستخدامه أو لا؟

 

[The Praiseworthy]

الي قريب من النهاية ممكن يجاوبني على هالسؤالين.. صديق مقرب مني ختم اللعبة قالي عن هالنقطتين أختاج تأكيد أكثر عليه:

محتوى مخفي: أسئلة

1- هل فعلا لارا لحتى الآن ما تقدر تتسبح و تغطس فيها بحرية مثل الأجزاء السابقة قبل الريبوت؟ يعني الغطس و السباحة يكون مجرد تفاعلي و خطي مافيه استكشاف حر تحت المياه؟
2- هل فعلا التومبز و الألغاز لا يزالون شي فرعي في اللعبة؟ و لا التومبز و الألغاز عادو للقصة الأساسية و الماين جيم كالسابق؟

و واثق انها رح تعجبني أكثر بكثير من أنشارتد4 لهالأسباب، ما أحب ألعابي تكون أفلام تفاعلية كذوق شخصي.

تفضل ألعاب ثانية على أخرى هذا رأيك يا حسين... و لكن تنعت أنشارتد بفيلم تفاعلي هذا غير منصف أبدا و ظلم كبير لأنها محاولة تقليل لها.

 

[prince khalid]

عندي سؤال شباب، أنا ألعب حالياً على ثاني أعلى صعوبة لكن أحس بأن الـ Survival Instinct يخرب متعة الاستكشاف، فهل تنصحون باستخدامه أو لا؟

- شخصيا أستخدمه لإيجاد كل الكنوز والوثائق وغيرها في المنطقة، تحديد الكنز على الخريطة واستخدامه أسهل، شخصيا ما أقوم به هو أنني ألعب دون الاعتماد عليه، وبعد إنهاء المهمة الرئيسية أعود لتحديد الكنوز والبحث عنها باستخدامه 🙂

1- هل فعلا لارا لحتى الآن ما تقدر تتسبح و تغطس فيها بحرية مثل الأجزاء السابقة قبل الريبوت؟ يعني الغطس و السباحة يكون مجرد تفاعلي و خطي مافيه استكشاف حر تحت المياه؟

2- هل فعلا التومبز و الألغاز لا يزالون شي فرعي في اللعبة؟ و لا التومبز و الألغاز عادو للقصة الأساسية و الماين جيم كالسابق؟

1 - لم أنهي اللعبة حتى الآن، لكن مما وصلت إليه نعم، السباحة حتى في الأماكن الحرة غير مفيدة في شيء، أظن مكان واحد فقط تسبح فيه للعثور على إحدى الكنوز.
2 - مجددا نعم، عددها أكبر وممتعة، لكنها اختيارية.

 

[I-NERO-I]

الي قريب من النهاية ممكن يجاوبني على هالسؤالين.. صديق مقرب مني ختم اللعبة قالي عن هالنقطتين أختاج تأكيد أكثر عليه:

محتوى مخفي: أسئلة

1- هل فعلا لارا لحتى الآن ما تقدر تتسبح و تغطس فيها بحرية مثل الأجزاء السابقة قبل الريبوت؟ يعني الغطس و السباحة يكون مجرد تفاعلي و خطي مافيه استكشاف حر تحت المياه؟
2- هل فعلا التومبز و الألغاز لا يزالون شي فرعي في اللعبة؟ و لا التومبز و الألغاز عادو للقصة الأساسية و الماين جيم كالسابق؟

أنا قريب من النهاية والإجابة هي نعم للسؤالين ...

السباحة محدودة وخطية جداً وعدد منها جاية كست بيسز aka أفلام تفاعلية .

والألغاز جانبية نعم ، في القصة كلها ما مر عليه غير لغز واحد بس حتى الآن .

وما يحتاج تحطها في سبويلر تراها أسئلة عادية .

 

[guitaro]

لعبت شوي في اللعبة، ولحد الآن انطباعي متوسط. أفضل شي لحد الآن هو الجرافيكس لول
عندي سؤال شباب، أنا ألعب حالياً على ثاني أعلى صعوبة لكن أحس بأن الـ Survival Instinct يخرب متعة الاستكشاف، فهل تنصحون باستخدامه أو لا؟

والله هو يعتمد على اللاعب نفسه .. في ناس تحب تدور من غير ماتستخدمه وطبعا هالشي بيكون متعب وبياخذ منك وقت طويل وفي ناس تستخدمه على طول
بالنسبة لي .. اخلص المهمات وارجع المنطقه واستخدمه عشان الكنوز والصناديق .. واحيانا لا خصوصا في التومبز وباقي الالغاز

الي قريب من النهاية ممكن يجاوبني على هالسؤالين.. صديق مقرب مني ختم اللعبة قالي عن هالنقطتين أختاج تأكيد أكثر عليه:

محتوى مخفي: أسئلة

1- هل فعلا لارا لحتى الآن ما تقدر تتسبح و تغطس فيها بحرية مثل الأجزاء السابقة قبل الريبوت؟ يعني الغطس و السباحة يكون مجرد تفاعلي و خطي مافيه استكشاف حر تحت المياه؟
2- هل فعلا التومبز و الألغاز لا يزالون شي فرعي في اللعبة؟ و لا التومبز و الألغاز عادو للقصة الأساسية و الماين جيم كالسابق؟

1- ماخلصتها للحين .. بس توني اخذت اداة للتنفس الطويل تحت الماء .. وماظنتي في كنوز تحت الماء بس فايدة الغطس انك تتجسس او تقتل غيرها ماادري يمكن بعدين يتغير شي
2- نعم و لا .. اصادف تومبز احيانا وسط المهمة الرئيسية وفي تومبز تكون في باقي المناطق .. هي فرعية صحيح .. لكنها مهمه لما فيها من تطوير للأسلحة والقدرات ، بالنسبة للألغاز فـ هي متوفرة في المهمات الرئيسية وفي التومبز .. يعني اللعبة متوازنة من هالناحية لا تحاتي

 

[mamiqdadi]

على نصايحكم لازم ألعبها قبل فانتوم بين حتى ما أشعر بداونجريد
شكراً على الموضوع الرسمي، سلسلة عريقة ولها معجبين كثر فشكرا لك

 

[guitaro]

على نصايحكم لازم ألعبها قبل فانتوم بين حتى ما أشعر بداونجريد
شكراً على الموضوع الرسمي، سلسلة عريقة ولها معجبين كثر فشكرا لك

لا ابدا لاتاخذ الامور بهالمبالغه .. انا لعبت فانتوم بين والحين تومب رايدر .. ماحسيت بداون جريد بالعكس مستمتع فيها كثر مااستمتعت في فانتوم بين ويمكن احيانا اكثر

كل لعبة لها اجواء مختلفه تماما ..

 

[التشاد الحقيقي]

سيبيريا ذكّرتني كثيراً بفصل الشّتاء في لاست أوف اس.
أجواء اللعبة رائعة والبيئات مختلفة بشكل مقبول. لكن للأمانة لا أعتقد أنها سوف تصل إلى فخامة ألعاب نوتي دوج ومستوى انشارتد 4 القادمة.