Resident Evil: The Umbrella Chronicles | الموضوع الرسمي (فيديو انطباعات)

[Xeno]

أنا طلبت اللعبة مع زاك أند ويكي وبقية الألعاب اللي فاتتني.

أحس اللعبة كانت تحتاج online co-op بقوة. :/

 

[Nintendo]

اللعبه ذي من انحس الالعاب بالتاريخ معي .. كل ما اجي ابغى اخذها تصير مشكلة .. امس خلاص متونس ورايح اجيبها السياره تعطلت او بالاصح تجننت بشكل عجيب ..

لاحول ولاقوة الابالله .. ان شاء الله باخذها السبت او الاحد ..

 

[ryo hazuki]

Resident Evil: The Umbrella Chronicles

القصه : 6.5 عاديه مع الكثير من الشرح عن امبريلا ..عروض ال CG كنت روعه
الجرافك : 7 عادي جدا و مافيه شي مبهر اللهم تصميم المراحل فيه شويه حلاوه العروض كان هيه الي محليه التجربه
الجيم بلي : 6 مسلي شوي و سهل و خيارات الاسلحه حلوه و ابجريد الاسلحه و هذي الاضافات حلوه
الاصوات : 7 كلها من عالم رزدنت ايفل يعني حلوه + اصوات الزومبي المرعبين كانت ممتازه


التجربه كانت حلوه على ممله اللهم صوب على الشاشه ...طبعا الboSS بعد كل دور كانو مسلين لكن كلهم سهلين تقريبا

انا من محبين رزدنت ايفل لكن هذي النسخه مش رئيسيه و اذا لعبتها او طوفتها نفس الشي
طبعا انا لعبتها على ال CO OP و التجربه تكون ناقصه اذا SINGLE

التقييم : 7

 

[Golden_Sun]

شريتها اليوم ولعبتها co-op مع اخوي.. رووووعه وممتعه بشكل، قبل لا اجربها كنت شاك فيها (خصوصاً بعد ردود خالد في اول الموضوع) لكن جربتها من اول شي بالco-op وكانت وايد ممتعه.

لكن تلعبها بروحك (بدون لا اجربها بروحي للحين) احسها بتكون مملة :\ حلاتها بالتو بلاي وبس!
وبداية رزدينت ايفل زيرو حافظينها :\ ايضاً بداية اللعبة ما تشجع انك تكملها.

 

[Khalid-S]

صحيح ... بس كمل وشوف المفاجئات اللعبة في المراحل (سواء زيرو او غيره).

حظك .. Co-Op :_( ... صراحه صعبه جدا اذا لعبتها بلحالك

 

[Super Shadow]

معليش شباب الي يقارنها بقن سرفايفر اقوله ما عندك سالفة. مع احترامي طبعا.

-__-

أنا يوم قلت اللعبة تستاهل تنضم مع شلة جن سرفايفل

ما قصدت أنهم بنفس الأسلوب

قصدي أنها تعتبر من أحد ألعاب الرزدنت ايفل المخيبة و منهم جن سرفايفل

 

[Aoks]

شبه اتفقت اني العبها مع حازم:yuck: ( يا رب نحصل الوقت )
​

 

[Khalid-S]

خلصت RE4 .. باقيلي الشابتر المهم.

اللعبة روعة. اي واحد متعمق في قصة السلسلة حرام ما ياخذها بامانه ...

احلى شي باللعبة التشابترات الاضافية.

 

[Golden_Sun]

خلصت قسم زيرو، وفي نص الجزء الاول (او على النهاية).. بصراحة احلى شي فيها الco-op صج صج ممتعه ولها جو حماسي. ومن الاشياء اللي لاحظتها باللعبة انها تحتوي على ملفات واوراق اكثر مما كنت اتصور، وكثير منها ما يكون ظاهر امامك!؟ (شغله تعور الراس)

لعبت بالسينجل بلاير، مع

محتوى مخفي

ويسكر

.. ممله بروحي مع الاسف :\ واللي مشجعني اني قاعد العب شي جديد.


* على فكرة اداء الاصوات مو لهدرجة فاشل P: يعني قصدي ينبلع، بس بيلي كان غثيث اسلوبه :yuck: *

 

[Tomb raider]

خخخخخ طالبنهم بسعر جيد صراحه !
الاثنين ومع التوصيل وكل شي ب 275 درهم تقريبا !

 

[Nintendo]

لول انا ماحطيت انطباعاتي عن اللعبه

الجرافيكس : بعض الاحيان يكون جيد ونشوف حركات حلوه بالتكستشرز والاضائه وبعض الاحيان يكون متوسط جدا .. طبعا واضح انه فيه اشياء كثيره ماخوذه كوبي بيست من العاب ثانيه

الاصوات : الفويس اكتنج كوميدي كعادة العاب ريزدنت ايفل .. الموسيقى فيها الحان خطيره باللعبه .. الزومبيز صوتهم يتكرر كثير ( لول اجل تبغى كل زومبي بصوت مختلف )

الجيم بلي : والله مادري عنكم ولكن انا عجبني جدا .. مالعب بالكو اب كثير ومركز على السنجل بلير وماخلصت اللعبه الى الان ..

اجمالا لعبه اذا بقييمها بعطيها 7,5 او يمكن 8 اذا كنت متحمس مره .. اللعبه جيدهجدا واي فان للسلسله لازم ياخذها ..

مادري حسيت انه بوقت ما اللعبه كانت راح تكون مشروع اي كلام ولكن اعتقد نجاح 4 جعل كابكوم تعطي ميزانيه اكبر للعبه .. متحمس اشوف الفريق وش راح يسوي بمشروعه القادم وخصوصا انه المخرج كان متحمس جدا لاعادة احياء اجزاء السلسله على الوي واعتقد نجاح4 واميرلا كرونكل بيعطيه الاوكي من كابكوم 🙁

 

[Khalid-S]

عمر وين وصلت باللعبه.

 

[Nintendo]

خلصت تشابتر زيرو وراح ابدا بالاول . مالعبتها كثير ..

 

[Khalid-S]

اوه وعجبتك اللعبه .. انا خلصت تشابتر زيرو وكنت مخنوق منها .. اجل استمتع الآن 🙂.

 

[Tomb raider]

انا بعدني بالاول "شكلي بلعب شوي شوي" عندي تسليم بروجكتات ... اول ما اخلصهم ان شاء الله بستلمها عدل ...حتى الآن اشوفها جيده .. توقعتها اخس ..بس يمكن مع الوقت تصير خايسه ؟ الله اعلم ..

 

[Golden_Sun]

اكره شي باللعبة احداث زيرو، لأن من اواخر الاجزاء اللي نزلت.. مافيها جديد.
اذا اعجبتك (عمر وعبدالعزيز) اللعبة من اولها، عيل راح تستمتع اكثر واكثر بالسيناريوز اليايين (خصوصاً التشابتر الجدد)

والكو-أب احلى مافيها!!

 

[Xeno]

اليوم بتوصلني انشالله, مع الوالد. 🙂

تحرير: الطيارة تأجلت للخميس, توني أكلمه, لول. (من نيويورك)

 

[Tomb raider]

خلصت الشابتر الاول بس

محتوى مخفي

حسيت ان لاحداث بسرعه تمر !

الشابتر الاول كثيرين يقولون سيئ، انا اشوفه جيد صراحه ، عموما باجر بيلس عليها اكثر ان شاء الله !

 

[Solay]

وأخيرا رجعت للعبه..

خلصت زيرو وطبعا

محتوى مخفي

مالعبت بويسكر إلا خمس دقايق وسكرته لأني طفشت من مناطق زيرو...

 

[JOE]

انا ماشي في اللعبة و واصل عند تشابتر ويسكر Dark Legasy لما يقابل الإثنين الزعماء مع بعض ..... صعبين حيل !!!

و إنطباعي عن اللعبة = جيدة جداً و احسن من كثير العاب تصويب (تايم كرايسيس 4 مع قدرات الـPS3 ما قدمت لي المتعة هذه )

الرسوم ليست اقوى من الرابع بالطبع لكنها جيدة جداً ، الموسيقى (ممتازة) من شغل ماسافومي ، الاسلحة ايضاً ممتازة و التطوير ايضاً ممتع ....

انا ما العبها لحالي إذا كان إجباري ، الكو اب ممتع اكثر بكثير ....

تقييمي لها بيكون بين 8 إلى 8.5

 

[hussien-11]

ممتاز انو كلكم تمدحوا الكو - أب ، ان شالله اول ما اخدها ببدأ باللعبة كو أب مع أختي الصغيرة 😀
​

 

[Xeno]

ممتاز انو كلكم تمدحوا الكو - أب ، ان شالله اول ما اخدها ببدأ باللعبة كو أب مع أختي الصغيرة 😀
​

لول سيم هير, هذا الحل الوحيد.

 

[Tomb raider]

خلصت شابتر زيرو كامل مع الشابترات الاضافيه وخلصت الشابتر الجزء الول وقاعد اكمل على الشابترات الاضافيه !

اللعبه صعبه صراحه :/ ، بس حلو التحدي !

 

[Nintendo]

ذي اللعبه كانت نحس عشان اشتريها ونحس اكبر عشان العبها .. ماتحركت باللعبه الى الان بسبب احداث الايام الماضي ..

ان شاء الله بسهر عليها سهره طويلة ..

 

[Aoks]

اوكي وصلت لريزدنت ايفل 3 اليوم

اللعبة تخدمني انا كـ فان لريزدنت ايفل بشكل غير طبيعي

من زماااان وانا ابي شي زي كذا يقولي ايش كان يصير لويسكر في نفس الوقت

وايش كان يصير للشخصيات الثانيه

ابداع

ناوي اخلصها قريب ان شاء الله
​

 

[Aoks]

اوكي وصلت اخر شابتر في اللعبة

استفسار

محتوى مخفي

الحين المهمه الي راح فيها كريس وجيل لقاعدة امبريلا هذه الاحداث صارت بعد كود فيرونيكا صح ؟؟

محتوى مخفي

لأني اتذكر في نهاية كود فيرونيكا كريس يقول لكلير انه بيروح يقضي على امبريلا

لو كذا يكون تمام وتكون تقريبا كل الفصول الناقصه اكتملت

​

 

[JOE]

شباب مساعدة !!!

محتوى مخفي

انا ماشي في اللعبة تمام التمام ... و لكن فجأة لما وصلت لـDark Legasy و خلصته ماني شايف اي مجال للتقدم !!! اين Dark Legasy 2

و هل هناك طريقة معينة مثل إحراز S rank في كل لمهمات عشان اقدر اكمل ؟؟ ولا إلي في بالي ؟؟ << Big BUG

 

[Alex]

^
^

محتوى مخفي

علشان تطلع الـ Dark Legasy 2 لازم تختم قبل مرحلة الـ Death's Door من الشابتر الثالث و مرحلة الـ Nightmare 2 من الشابتر الثاني خيو .. : )

و بنسبة لكيفية حصولك على Rank S لازم تجيب في المرحلة الواحدة ثلاثة Ranks S و اثنتين Ranks A على أقل تقدير .. ^.*"

 

[hussien-11]

لفترة طويلة كنت فاقد الاهتمام باللعبة تماما ، لكن بعد ما لعبت فيها اليوم شوي ..

اللعبة روعة صراحة ! كـ فان للسلسلة اللعبة هذي تقدم لي أشياء مو طبيعية ، ملفات بالهبل + ألحان و أحداث ريزدنت ايفل المميزة + الشابترات الإضافية ! اللعبة احداثها حماسية بشكل ما توقعته أبدا ، و الكو اوب ممتع جدا ، بس السنجل أحلى ! ليش ؟ لأنه يعطيك تحدي و صعوبة محترمة !

رسوميا : جيدة جدا أحيانا و عادية أحيانا اخرى ، بس بشكل عام تسوي المطلوب ، و الـبريكبل أوبجكتس مع حركات الإضاءة تساعد على إعطاء جو حلو ، الـCG's روعة طبعا .

الأصوات ، ممتازة و حماسية ، التمثيل الصوتي مخيب ( كالعادة ) ، في بعض الألحان الجديدة راااائعة جدا

القصة : القصة و الأحداث للأسف ممكن تحس بشوية ملل منها ( لأننا حافظين الأجزاء الماضية عن غيب ) ، بس الشابترات الإضافية ممتازة ( ويسكر ! )

بشكل عام طلعت أفضل مما توقعت ( الحمد لله لول ) ، جون سيرفايفر جنب هذي نكتة ، و ألعاب سيجا و نامكو أبدا ما تقرب من مستواها ، أحسن لعبة من نوعها على الإطلاق 🙂

8.4
​

 

[Aoks]

الـCG's روعة طبعا

معليش حسين بس هذه ما فيها مجاملات ,, السي جي في اللعبة تعباااااااااااااااااااان جدا

التفاصيل شبه معدومه

بشكل عام طلعت أفضل مما توقعت ( الحمد لله لول ) ، جون سيرفايفر جنب هذي نكتة ، و ألعاب سيجا و نامكو أبدا ما تقرب من مستواها ، أحسن لعبة من نوعها على الإطلاق 🙂

اخالفك هنا بعد ,, بالنسبة لي ما وصلت مستوى هاوس اوف ذا ديد 2 , مع اني كنت متوقعهم نفس المستوى

انا الحين موصل الزعيم الاخير ,, واحس مستحيل اهزمه لحالي لول
​