موضوع انطباعي Resident Evil 4 Remake Demo شاركنا انطباعاتك

[m7tram]

الاختلاف بوجهات النظر يولد نقاشات ممتعة زي يعني هنا ما بين يشوفها صعبة او سهلة تطلع اراء حلوة.

البايخ هو المنحنى التطبيلي الرافض لأي نقد اي موضوع يتجه كذا يتحول بروباغاندا

مرات عدم رؤيتك لبعض العيوب نعمه .. لكن لما يجي واحد ويأشر على العيب بإيده ويصرخ باعلى صوته عليه .. راح تشوفه ويرسخ فبالك وانت ايضا تشوفه معاه وانت كنت مستانس بحياتك وماتشوفه اصلا .

 

[شيطون]

البايخ هو المنحنى التطبيلي الرافض لأي نقد اي موضوع يتجه كذا يتحول بروباغاندا

هو اتفق معك بس برضه ترى العكس يصير

 

[R E D]

الحين الجزئية الصغيرة هذي صايرة Memorable ادمان ولدت نقاشات أسرار ولحظات فما بالكم اللعبة الكاملة ^^.

 

[شيطون]

الحين الجزئية الصغيرة هذي صايرة Memorable ولدت نقاشات أسرار ولحظات ما بالكم اللعبة الكاملة ^^.

عاد ذي يمكن اكثر لحظة ايقونية باللعبة كاملة ومن افضل مواجهاتها

 

[MH MD]

فيه فرق

وقتها كنا نشوف اصدارات سنوية من اكبر السلاسل

مدري ليش انا قاعد اشرح و اكرر الكلام .. يعني اي واحد لحق على ذاك الجيل و اللي قبله يعرف الوضع

الزبدة ان السلسلة الان تعاني من تراجع مخيف في المستوى و السبب الاكبر هو سياسة كرابكوم الغبية

اي لعبة نزلت آخر ست سنين من السلسلة افضل بمليون مرة من ديد ايم واوتبريك وهالشلة وهي مرتاحة، فما اشوف تراجع

هو اتفق معك بس برضه ترى العكس يصير

#بروبوغاندا_المطر

 

[R E D]

المفروض Mercenaries مع Online Coop هالمرة. الطور هذا راح يكون ادمان مو طبيعي. بس أتمنى ما يشلون ويسكر p: .

 

[Just Human]

الزبدة ان السلسلة الان تعاني من تراجع مخيف في المستوى و السبب الاكبر هو سياسة كرابكوم الغبية

الكلام هذا عاري عن الصحة بالمرة وبالقطع و بالجلد كمان

السلسلة رجعت أيما رجعة، رجعة من الباب الكبير (حتى ما أقول رجعة أسطورية) .. ممكن نقدر نناقش إذا كانت تحمل DNA الألعاب الأصلية أم لا (ريزي الكلاسيكية طبعا )

لكن تراجع بالمستوى ؟!!

 

[MR Morgan]

اي لعبة نزلت آخر ست سنين من السلسلة افضل بمليون مرة من ديد ايم واوتبريك وهالشلة وهي مرتاحة، فما اشوف تراجع

مستوى ألعاب آخر 6 سنين هي الدليل على تراجع السلسلة

لا فيه تراجع و تراجع كبير جدًا

 

[MH MD]

مستوى ألعاب آخر 6 سنين هي الدليل على تراجع السلسلة

لا فيه تراجع و تراجع كبير جدًا

متراجعة اكثر من ذي؟ ما اعتقد.

 

[MR Morgan]

متراجعة اكثر من ذي؟ ما اعتقد.

مستوى كود فيرونيكا و الرابع و ريميك الاول و زيرو يخليك تنسى فشل اوت بريك و باقي الشلة

عفن السلسلة حاليًا خلاني اشوف الخامس اسطوري

 

[Just Human]

متراجعة اكثر من ذي؟ ما اعتقد.

ولا هذه

أو

أو حتى هذي

 

[hussien-11]

أو حتى هذي

عيب تنحط ريزدنت ايفل زيرو مع مشاريع جانبية قمامية.

 

[Just Human]

عيب تنحط ريزدنت ايفل زيرو مع مشاريع جانبية قمامية.

ماهي بنفس مستوى تعاستهم لكن تبقى لعبة ريزي متواضعة اذا قارناها بالأجزاء الكلاسيكية الرئيسية.

 

[MR Morgan]

السلسلة رجعت أيما رجعة، رجعة من الباب الكبير

لا باب كبير و لا غيره .. لو ما رجعت كان احسن

اللي صار هو تشويه ل تاريخ السلسلة الكبير

لكن تبقى لعبة ريزي متواضعة

افضل من العفن اللي نشوفه حاليًا

 

[Black Wolf]

لا باب كبير و لا غيره .. لو ما رجعت كان احسن

اللي صار هو تشويه ل تاريخ السلسلة الكبير



افضل من العفن اللي نشوفه حاليًا

اذا عفن ارحمنا ولا تلعبه وخليك عايش على اطلال الماضي

احنا جماعة عايشين وبنتفنس عفن وتركنا الاكل الهيلثي لك

 

[MR Morgan]

اذا عفن ارحمنا ولا تلعبه وخليك عايش على اطلال الماضي

ما راح امدح اللعبة عشان حضرتك ترضى

هذا رأيي عجبك اهلًا و سهلًا .. ما عجبك تجاوز الرد و بلاش كلام فاضي

 

[Just Human]

لو ما رجعت كان احسن

اللي صار هو تشويه ل تاريخ السلسلة الكبير

 

[Netero]

اشتريت ريزي ٢ ريميك وهذه اول مرة العبها، اقدر بعدها اسوي سكيب ل٤؟ كون الثالث ما حسيت كثير حابينه..

 

[Black Wolf]

اشتريت ريزي ٢ ريميك وهذه اول مرة العبها، اقدر بعدها اسوي سكيب ل٤؟ كون الثالث ما حسيت كثير حابينه..

يب عادي

 

[Just Human]

وخليك عايش على اطلال الماضي

وإحنا ما ننكر ريادة الأجزاء الكلاسيكية وفضلها..

لكن كثرة التطبيل لها (هذا وأنا من أكبر محبي ريزي الكلاسيكية) بيخليني أقفل من ناحيتها و أحول على وضع "الشبيح" للأجزاء الحديثة

 

[حساب ملغي ١٩٢٤٢]

ترى ريميك الثالث و الثاني و الرابع و الثامن كلها كانت تتطور مع بعض فشيء طبيعي تحصل تكرار للأصول فيها

هو المغزى أن حالة التململ ستبان مستقبلا مع التكرار السنوي ...
أساسنز كريد حتى الجزء الثالث كان اللاعبون مبسوطين ثم اشتكوا من تكرار لنفس القوالب كما يقال..
هنا سيتكرر المشهد بعد كم سنة وكم ريميك باستخدام نفس القوالب التي يتم استخدامها منذ ريميك2 .

 

[S30D1999]

سلامات وش ذا التسريبات على اليوتيوب ؟ وتذكرني بجودة دمك ٥ لا يكون نفس المسرب ؟

 

[S30D1999]

الحين الجزئية الصغيرة هذي صايرة Memorable ادمان ولدت نقاشات أسرار ولحظات فما بالكم اللعبة الكاملة ^^.

اقوى introduction لاي لعبة في التاريخ فعلا showcase للعبة وقتها قبل ١٨ سنة ولازالت مذهلة حتى مع الريميك

 

[MH MD]

هو المغزى أن حالة التململ ستبان مستقبلا مع التكرار السنوي ...

لهم ثلاثين سنة مش متملمين اخي الكريم

 

[abdullah-kh]

لهم ثلاثين سنة مش متملمين اخي الكريم

المقارنة ذي على الورق فلة.
لكن ثلاث ريميكات بظرف اربع سنين ما اشوفه وضع طبيعي.

 

[Raulioo]

انا عندي قاعده اذا نزلت لعبة منتظرها جدا ماادش الموضوع الرسمي الا اذا خلصتها او حللتها .. لاني أكون جدا مستمتع فيها وأحصل ناس ماشاءالله تبارك الرحمن يطلعون عيوب من العدم أو يكبرونها او اشياء جدا عاديه لكن يبرزونه ويصير كأنه هو الشي الوحيد فاللعبه وهالشي يضيق خلقي لول.

فأستمتع لي اخر رمق ثم أدش وأقول رايي وأشارك.

نفس الشي هنا...ما ابي لا النقد ولا المدح، تبي تعيش التجربة بدون لا تبني اي انطباع مسبق عنها.
بس لما اشوف نفسي لعبت الديمو..وما دريت ان في حفرة سرية، او بقرة ملتهبة تركض وتولع بالخلق، او راعي المنشار وهو يشرح أصحابه..احس بتخوف اني بطوف نص اللعبة ببراءة لعبي 🙁

 

[m7tram]

نفس الشي هنا...ما ابي لا النقد ولا المدح، تبي تعيش التجربة بدون لا تبني اي انطباع مسبق عنها.
بس لما اشوف نفسي لعبت الديمو..وما دريت ان في حفرة سرية، او بقرة ملتهبة تركض وتولع بالخلق، او راعي المنشار وهو يشرح أصحابه..احس بتخوف اني بطوف نص اللعبة ببراءة لعبي 🙁

ماعليه طوفها المره الأولى .. ويكون عندك عذر تلعبها مره ثانيه

 

[MH MD]

المقارنة ذي على الورق فلة.
لكن ثلاث ريميكات بظرف اربع سنين ما اشوفه وضع طبيعي.

5 سنين.

برأيي انه الريميكات بتنتهي مع 4 يعني عموما، يمكن ريميك ثاني ل1 بالكثير، غير كذا اذا ما ضيعوا وقتهم بريميكات فبيضيعوا وقتهم بسبين اوفز عفنة فيعني مالك مهرب، الريميكات ارحم بكثير صراحة

 

[abdullah-kh]

5 سنين.

برأيي انه الريميكات بتنتهي مع 4 يعني عموما، يمكن ريميك ثاني ل1 بالكثير، غير كذا اذا ما ضيعوا وقتهم بريميكات فبيضيعوا وقتهم بسبين اوفز عفنة فيعني مالك مهرب، الريميكات ارحم بكثير صراحة

الفكرة اعادة التدوير ما هو بزين وريميك الرابع ترف ما يمنع نحصل ريميكات للخامس والسادس بعد.

بصراحة الشركة حولت الفانز إلى مستهلكي النستولوجيا وصحيح ناجحة لكن وين وقعي مع العاب ريزي قبل حتى لو كان سبين اوف بطريقة لعب مختلفة او جنرا مختلفة او غيره من العاب المحمول ما تتقارن لما والله فيه جزء جديد لريزي قادم.

الحين من متحمس لريزي 9 بالمقارنة مع اي ريميك راح تعلنه؟ اقولك لو اعلنوا عن رميك كود فرونيكا راح تشوف ناس تنتظره أكثر من ريزي التاسعة لول.

 

[شيطون]

المقارنة ذي على الورق فلة.
لكن ثلاث ريميكات بظرف اربع سنين ما اشوفه وضع طبيعي.

لو تبغى الصدق فمن السابع وطالع وهم ياخذون خطوات للخلف
هو احيانا ذا اللي تحتاجه اي سلسلة لما تضيع بس اللي صاير هنا شوية اوفر
بعد السابع ريميكين ورى بعض وبعدهم جاء الثامن اللي يحاول يكرر عناصر كثيرة من الرابع وكم فكرة من اللي قبله و بعده ريميك ثالث

انا حبيت واستمتعت بكل الاجزاء الاخيرة ولسه متحمس للرابع بس بالصدق ذي السلسلة مو قاعدة تطور وصايرة تكرر نفسها