الثلاث أيام الماضية كانت اعتكاف على اللعبة،
من زمان ما جات لعبة خلتني ما ابغى انام و اعد الساعات عشان ارجع اشغلها !
حالياً لعبت 20+ ساعة، شابتر 2 ، 18%
حصان واحد امتلكته وسميته Agro ولا افكر اغيره، صار بيننا عيش وملح والـ bond فل (=
قاعد العب بدون تخطيط، لأن كل ما فكيت الخريطة ضعت من كثر الأشياء اللي ممكن اسويها، ألف شغلة وشغلة تسحبني وتنسيني انا فين كنت رايح اصلاً
احداث عشوائية اشكل و ألوان، npc اصادفهم من كل الاجناس، مناظر جميلة تستوقفني ، حتى الحيوانات احياناً القاهم يتفاعلو مع بعض.. دب يضارب ذئب، غزلان تتناطح...الخ
في وحدة من الجولات الاستكشافية لقيت كوخ مهجور بداخله هياكل عظمية لناس يبدو انهم من طائفة دينية كانو يمارسو طقوس غريبة
لقيت ورقة مكتوب فيها صلواتهم وطقوسهم اللي يمارسوها و اتضح انهم انتحرو رغبة في تقديم انفسهم كقربان لربّهم!
لما شفت نفسي مفلّس قررت اجرب اسطو على بيوت الناس في انصاص الليالي، يمكن هذي وحدة من امتع الأشياء اللي سويتها
انتظار حلول الظلام ومراقبة البيت وحركة الناس اللي فيه والتخطيط للسرقة تحبس الأنفاس!
مرة كنت اراقب واحد من البيوت ولسى ما عندي اي فكرة هل فيه احد او لا، او هل فيه كلب يحرسه...
فجأة طلعو لي باونتي هنترز محاصرين المنطقة و انجبرت اهرب و اتخبى في البيت واللي تفاجأت كمان ان اهله موجودين فيه
اضطريت انتظر لين يختفو الهنترز و شلت اللي قدرت عليه و عدت على خير
مذكرات آرثر حركة رهيبة، تعطي ملخص للأحداث اللي مر فيها ولكن من منظوره
وكمان السكيتشات اللي يرسمها خرافية، السكيتش هذا لوحدة من اكثر الشخصيات الـ "كوول" في اللعبة
جلسة طرب (=
المخيم كل ماله يبهرني بالتفاعل اللي فيه،
العجوز grimshaw صايرة زي الأم للكل، مرات تاخذ آرثر على جنب وتنصحه ومرات تهزئ البنات
و الـ uncle حكاويه ما تنمل مع ان نصها كذب و الاستهبال اللي بينه وبين آرثر مجنون
مارستن يتكفخ من آبيقيل ويروح يفضفض للشلة ويشرح لهم ليش الزواج اتعس شي سواه في حياته..
وغيرها كثير من المواقف والمحادثات اللي تحصل وانت بس واقف تتفرج.
, وشخصيتي يقول انت فاهم غلط وانا اطارده وخليته يصمت الى الابد ههههههه واقعية كبيرة
