Project Freedom.

[Colorization]

السلام عليكم.

عندنا مشروع بالجامعة ولسوء الحظ آنا المشرف عليه. راح نسوي مجلة مصغرة تحت إسم Project Freedom راح يكون فيها 100 عمل فني -تصاميم، رسمات أو صور- من عمل الشخص نفسه -يعني ما ياخذ صورة من النت ويقول خل نحطها لول- تعبر عن الحرب، السلام، أو السياسة. المجلة المفروض تنعرض مع حفل التخرج القادم للطلبة. إحنا 10 طلبة ماسكين المشروع، كل واحد يقدم 10 أعمال.
حاليا ً، إنتهيت من عملين، راح أقتبس شرحي لهم من أحد المنتديات. اللي أبيه منكم هو آراء أو إنتقادات ممكن تساعدني، ومتوقع إنه البعض ما راح يفهم الشغل، لكني ما أقدر أشرح :slant: حاول تفهمه بنفسك لول.

1\

http://www.deviantart.com/deviation/51664434/

PS CS2 - Painter9

صرنا نعيش في عالم كله كذب ونفاق، أمريكا تدّعي السلام وتحرير الأرض وهي تنتهك حرمة البلاد \ أحمد نجادي يدعي السلام وتخطيطه للنووي ما يعكس كلامه عن السلام -نتوقف هني علشان القوانين-

-

2\

http://www.deviantart.com/deviation/51799148/

PS CS2 - Painter9

ما أعرف أنقل الفكرة الي ببالي بالضبط، لكن عشان تفهمونها بالشكل المطلوب، إستبدلوا جملة:

in the land of blinds, the one eyed man is unwanted

بـــ:

in the land of bad's, the good man is unwanted

-


هذا اللي خلصته، وأشوفكم بعد ما أرجع من الإختبار.

 

[Naif]

الثاني روعة .. حبيت الارت .. بس ما فهمت الفكرة منه وايد (خاصة مع الجملة الثانية .. )
(بما انك تتكلم عن الاشرار فيه (على حسب ما فهمت من الجملة الثانية) فشرايك تعطي الكبار منهم قرون و تخلي الصغير تحت اللي قاعد يطالعهم و هو خايف .. )

حلو الاول بعد .. عجبتني الالوان

 

[Ginko]

فهمت التصميمين كلهم، مدري اذا قصدك المزعوم هو الي فهمته، لكن الي طلعت فيه مره معبر وله معاني قويه، يمكن تفيدك في تصميمك.

الاول

اول شيء لو تشيل "copyrighted material Kenji" وتحطها بمكان اصغر واقل بروز راح يكون افضل بمراحل.

الي فهمته من هالتصميم ان الرسمه تشكل سفينه بشراع احمر. السيفنه راكبها رسول لكن لأن الشعار احمر فهو نيته شينه. معروف دائما اللون الاحمر في السياسه يعني being aggressive. مثلا اذا شفت بوش في مؤتمر صحفي لابس كرفته حمراء فاعرف انه مره جدي وما عنده نقاش في الكلام الي بيقوله، وكل الي بيقوله بيكون aggressive (مالقيت مرادف لها بالعربي، لكن اتوقع تعرف الكلمه).

فأنت تقول في النص السفلي " war is by sending a 'fake' messenger of peace." فياريت تحط كلام حول السفينه (يمكن ما تكون سفينه من الاساس، لكن هذا الي فهمته) تعكس فيه هالكلام وعن نوعية الرسول المرسل.

وايضا في اسفل التصميم كاتب we want peace وشاطب على peace على خفيف. نصيحتي كمل الشطبه بس خل peace واضحه، واكتب فوقها war. او تقدر تخليها نفس ماهي عليها الحين بس تكتب وراء peace بخط شفاف "war". يعني احنا قدام العالم نبي السلام لكن من ورى لورى نبي الحرب.

الثاني

نفس الشيء مع "copyrighted material Kenji"، يفضل برأيي انك تصغرها وتلزقها بزاويه.

الي فهمته من هالتصميم هو في عالم اعمى، يعني عالم ما يشوف الدمار في فلسطين او العراق مثلا، اشخاص ذوي منظور واحد (عين واحده) غير مرغوب فيهم. مدري اذا هذا قصدك، لكن برأيي انك تاخذ هالاتجاه لانه احس انه ممتاز ويدعوا للسلام. يعني احنا نبي ناس ذوي منظورين (عينين) عشان يشوفون ليش الفلسطينيين يحاربون والاسرائيلين يحاربون، وعشان نصلح بينهم.

برأي تغير الجمله الى " in a world\land of blindness, a one eyed man is unwanted". لكن عموما اذا توجهك غير الي ذكرته انا، فأشرح لي عشان اشوف كيف اساعدك فيها.

______________

اما من ناحية التصميم والفوتوشوبينج فكلهم ممتازين. شخصيا ما اصمم، لكن عندي خبره في التصاميم وكيف الكونسبت والمتطلبات حقتها عشان تصير ممتازه، خصوصا اذا كانت هادفه مثل حقتك.

وبالتوفيق.

 

[Colorization]

ما أدري شلون نسيت أقول :normal:
الشكل اللي بالصورة الأول هو حمامة :laugh: الشكل الرسمي أو المتداول عالميا ً للسلام -peace- هو الحمامة البيضا، وبنفس الوقت هي اللي تعتبر المرسال في أيام الرسول -ص-.
لذلك، أبسط مثال ممكن أشرح فيه هو العراق. الحكومة الأمريكية قاعدة ترسل جنودها بدعوة تحرير البلد من النظام البعثي، و -طبعا ً- تقول حق وسائل الإعلام إنه هدفها الأول والأخير من عملية التحرير هي إعادة العراق لأفضل حال، بينما كلنا نعرف إيش اللي يبيه بوش من هالعملية.

الثاني، إنه رؤساء الدول -بدون الإشارة لأي رئيس لأنه مو هذا القصد- صاروا يهتمون بمصلحتهم الشخصية أكثر من مصلحة الشعب بالشكل الخاص، والعالم بالشكل العام. لذلك الكل يلهث ورا مطالبه وحوائجه اللي محتاجها ويبيها، ولما "يبزغ" شخص -رئيس دولة \ عضو في الكونغرس \ ..الخ- يحاول يفكر بشكل أكبر وبنطاق أوسع، يصير شخص مش مرغوب فيه والكل يحاول إنه يزيحه من المنصب علشان "يخلى" لهم الجو .
مثال واضح وحي؛ مجلس الأمة الكويتي -اللي كل ماله وتتدهور حالته :evil: . اللي متابع حالة المجلس راح يشوف إنه في حالة عدم إستقرار، وفي أسوأ حالاته! كم عضو يجتمعون ويعملون لهم حزب علشان يشهدون ضد العضو الفلاني ويشيلونه من مجلس الأمة بحجة إنه غير كفؤ ويختلس أموال ..الخ \ بينما الهدف الرئيسي من عمليتهم إنه العضو ما رضى يتعامل معاهم بأسلوبهم الدنيء، أو إنه بالأساس عضو يخاف ربه وناوي يصلح المجلس بأي طريقة، لذلك هو يشكل خطر كبير لهم.

(بما انك تتكلم عن الاشرار فيه (على حسب ما فهمت من الجملة الثانية) فشرايك تعطي الكبار منهم قرون و تخلي الصغير تحت اللي قاعد يطالعهم و هو خايف .. )

أوافقك بهالشي :kiss: بحاول أعطيهم نظرة غير، بغيّر نظرة الـOne-eyed guy وأخليها نظرة خوف، وأيضا ً بزيد عددهم حيييييل لأنه العدد هذا ما يمشي مع الكلام 100%، وأحاول أسوي fade حق الشخصيات اللي ورا -كناية ً عن العدد الكبير لول.

اول شيء لو تشيل "copyrighted material Kenji" وتحطها بمكان اصغر واقل بروز راح يكون افضل بمراحل.

الـcopyright أحطه في نسخة الإنترنت فقط -يا كثر الناس اللي تسرق :evil: -، لكن لما نطبعها راح تكون textless وعنوان اللوحة -أو الجملة- تكون مطبوعة جنب التصميم بالورقة.

معروف دائما اللون الاحمر في السياسه يعني being aggressive. مثلا اذا شفت بوش في مؤتمر صحفي لابس كرفته حمراء فاعرف انه مره جدي وما عنده نقاش في الكلام الي بيقوله، وكل الي بيقوله بيكون aggressive

بالضبط، الأسود والأحمر معناتهم الظلم\الكراهية\النية الشينة + العنف والحقد :roll:

وشاطب على peace على خفيف. نصيحتي كمل الشطبه بس خل peace واضحه، واكتب فوقها war. او تقدر تخليها نفس ماهي عليها الحين بس تكتب وراء peace بخط شفاف "war". يعني احنا قدام العالم نبي السلام لكن من ورى لورى نبي الحرب.

حركة ممتازة بحاول أطبقها إن شاء الله :laugh:

برأي تغير الجمله الى " in a world\land of blindness, a one eyed man is unwanted". لكن عموما اذا توجهك غير الي ذكرته انا، فأشرح لي عشان اشوف كيف اساعدك فيها.

in a world of blindness, a one eyed man is unwanted.
جملتك ممتازة، احسن من مالتي بمراحل

اما من ناحية التصميم والفوتوشوبينج فكلهم ممتازين. شخصيا ما اصمم، لكن عندي خبره في التصاميم وكيف الكونسبت والمتطلبات حقتها عشان تصير ممتازه، خصوصا اذا كانت هادفه مثل حقتك.

خل نسوي Sync حق أمخاخنا -جمع مخ لول- وإنقل لي الأفكار :laugh:


نايف و Ginko، شكرا ً لكم على الإقتراحات الممتازة

 

[Justice]

في شيئ عن الحرية وهوا( ليست الحياة حصاناً تساق بالسوط )
ممكن ماله داعي بالموضوع لكن فيه معنى للحرية ^_^!

 

[Mr.3B]

...

ما أقدر أقول الا WOW على الثاني .. الجملة معبرة جدًا وبأكثر من معنى .. ما شاء الله عليك

 

[Colorization]

Project Freedom = Project let's-attack-war-fans

الحرية لها أكثر من معنى، ما نقصد فيه الحرية الشخصية مثلا ً. نقصد فيه مثلا ً تحرير دولة :slant:
والإسم قابل للتعديل، مرتاح له بس يبيله تضبيط شوية.

تحرير\

شكرا ً أنيمي لوفر :laugh: ريحتني بعد ما خبصت بالإمتحان لول :sealed: