الموضوع الرسمي Pokémon GO!| إحذر من عصابة الرداء الأبيض بينما أنت تصطاد !

[Buck]

اللعبة سخيفة بكل صراحة
ومع ذلك مبسوط من نجاحها لان ودي نينتندو تستثمر بالجوال بشكل اكبر ونشوف ماريو وزيلدا على الايفون لو ب العاب تو دي خفيفه

 

[C RONALDO]

اليوم اللعبة سوتلي sign out بكيفها
احاول ادش على حسابي ماقدر يا ناسي اليوزر او الباسوورد

نزلت الأبديت اليديد؟
وهل حسابك من pokemon trainor club ؟
سمعت ان الابديت اليديد قاعد يطرد اللاعبين (يخليهم يسوون لوق آوت) اللي رابطين حسابهم من بوكيمون ترينر كلاب
انا حسابي رابطه مع ترينر كلاب ولكن لاحظت صارلي تقريباً 5 ساعات الجي بي اس خربان عندي!

 

[C RONALDO]

سكوريل البوكيمون المفضل عندي طلعلي في قصر بيان شلون اصيده؟ 🙁

هههههه
عالبحر عند الابراج طلعلي 3 سكويرتل وواحد وورتوتل

 

[fatal framer]

نزلت الأبديت اليديد؟
وهل حسابك من pokemon trainor club ؟
سمعت ان الابديت اليديد قاعد يطرد اللاعبين (يخليهم يسوون لوق آوت) اللي رابطين حسابهم من بوكيمون ترينر كلاب
انا حسابي رابطه مع ترينر كلاب ولكن لاحظت صارلي تقريباً 5 ساعات الجي بي اس خربان عندي!

يمكن هذا السبب عموما اذا مانحلت المشكلة بدش عن طريق جوجل والعب من البداية شسوي بعد

 

[Zero_IYAD]

صحيحة وجربتها
اثناء المواجهة اذا الكرة ما اصابت البوكيمون لازم بسرعوغتكبس على الكرة عشا تسترجعها،والا رح تطير منك.

رغم إني حاولت عدة مرات, لكن و لا مرة زبطت!
وضح أكثر من فضلك ^_^"

يا جماعة متى يتوفر التطبيق بشكل رسمي عندنا وخصوصا للأندرويد ؟ حاولت احول القوقل بلاي للأمريكي ماضبط حملت اللعبة من الروابط وبرضو مانفع..جالس اشوف العالم يستمتعون ب بكيمون قو وانا جالس في حسرة

للأسف بيطوّل بحكم Nintendo دعمها للشرق الأوسط سيء ككل و Miitomo للآن ما وصلت عندنا.
صحيح إن اللعبة من مطور آخر, لكن مو متأمل.
أنصح تنزل نسخة apk و تحملها مباشرة على جوالك. لكن انتبه من النسخ السيئة و تأكد تنزلها من مصدر موثوق.
تحويل Google Play للأمريكي شبه مستحيل بدون ما تدخل بنفسك الأراضي الأمريكية و تكلم دعم Google و تشتري بطاقات.
عانيت السنة الماضية لكن أخيراً قدرت أثبّت الـstore عندي على الأمريكي بعد ساعات على التلفون مع Google و شراء بطاقات بقيمة +20 $

كم وسام عندك؟

 

[L.O.R.D]

رغم إني حاولت عدة مرات, لكن و لا مرة زبطت!
وضح أكثر من فضلك ^_^"

هذا الفيديو رح يشرح كل شيء

 

[Zero_IYAD]

هذا الفيديو رح يشرح كل شيء

شفته أمس و ما أفادني -.-

 

[L.O.R.D]

شفته أمس و ما أفادني -.-

النقطة الرابعة 0:38 ،وانت شايف الكرة جالسة تتحرك بعيد فورا اضغط عليها مرتين او ثلاثة عشان ترجع ليدك.

 

[Zero_IYAD]

النقطة الرابعة 0:38 ،وانت شايف الكرة جالسة تتحرك بعيد فورا اضغط عليها مرتين او ثلاثة عشان ترجع ليدك.

عملت هالشي, لكن يلي يصير فعلياً إنه يظهر تحت عدد الكرات المتبقية! و تستمر في النقصان! و لا كأنها رجعت!!

 

[L.O.R.D]

عملت هالشي, لكن يلي يصير فعلياً إنه يظهر تحت عدد الكرات المتبقية! و تستمر في النقصان! و لا كأنها رجعت!!

غريب،انا صارت معي عدة مرات.

 

[التشاد الحقيقي]

حملت اللعبة اليوم ووجدتُ مباشرةً بوكيمون أمامي فاصطدته.
الآن البوكيمونات الأخرى بعيدة عنّي وأحتاج إلى جولة من أجلها.

 

[fatal framer]

حملت اللعبة اليوم ووجدتُ مباشرةً بوكيمون أمامي فاصطدته.
الآن البوكيمونات الأخرى بعيدة عنّي وأحتاج إلى جولة من أجلها.

دور في المجمعات 🙂

 

[Luka]

ايش الفريق اللي اخترتوه؟
عن نفسي بختار أزرق أو أصفر من يوم ماألقى جيم، كل أمة محمد مختارة أحمر (&)

 

[XORO]

 

[Buck]

ايش الفريق اللي اخترتوه؟
عن نفسي بختار أزرق أو أصفر من يوم ماألقى جيم، كل أمة محمد مختارة أحمر (&)

اخترت الازرق ..
السبب الوحيد اني اخترته هو انه ارتيكونو من افضل 5 بوكيمونات عندي 😀

 

[Buck]

بالمناسبة اللي من جدة ...
روحو الممشى اللي قريب البحر . مليان بوكي ستوبز و جيمز توني راجع منه وجمعت لي عدد طيب من الكرات و البيض

 

[titanfall]

بالمناسبة اللي من جدة ...
روحو الممشى اللي قريب البحر . مليان بوكي ستوبز و جيمز توني راجع منه وجمعت لي عدد طيب من الكرات و البيض

شلون احصل بيض ؟
كل الي احصله بوكيمونات ، و الصورة الي فوق تقول لازم تمشي حوالي 10 كلم عشان تستخرج الي في البيضة لبعض البوكيمونات !!!
تبا .. احتاج امشي أميال حتى استخرج البوكيمونات من البيض 😡

 

[Buck]

شلون احصل بيض ؟
كل الي احصله بوكيمونات ، و الصورة الي فوق تقول لازم تمشي حوالي 10 كلم عشان تستخرج الي في البيضة لبعض البوكيمونات !!!
تبا .. احتاج امشي أميال حتى استخرج البوكيمونات من البيض 😡

البيض تحصله بالبوكي ستوبز فقط ..
بعد ما تحصله تروح على البوكيمونات اللي عندك -> فوق ع اليمين بتحصل eggs ..
اضغط ع البيضة و سوي start incubation .
للاسف حتى الان ما طلعت ام 10 كم 🙁

 

[Eye]

بكل صراحة اللعبة قمة في السخف ، تطلع من بيتكم = مشوار ، فري تو بلي = نصب ، تدور زي الأهبل = احراج

لكنها ممتعة وإدمانية جدا @_@ ، مش معقولة أبدا أنا أقع في خضم غياهب شي زي هذا

صدت 15 بوكيمون اجمدهم رايهورن ، حاليا لفل 4

 

[~SilverMoon~]

دورت على اللعبة مالقيتها يبدو أنها غير متوفرة بالخليج

 

[fatal framer]

دورت على اللعبة مالقيتها يبدو أنها غير متوفرة بالخليج

ايفون او اندرويد

 

[SuperSysom]

دورت على اللعبة مالقيتها يبدو أنها غير متوفرة بالخليج

بتصدر لبقية دول العالم لكن لاحقا .. باستثناء بعض الدول مثل كوريا والصين وبورما وايران والسودان .. فصدورها للستور السعودي مؤكد لكن متى ؟ محد يدري

 

[Ray Gun]

انا اقوى بوكيمون صدته hitmonlee ال cp حقه 104

 

[Roxaf]

يا عيال اللعبة متوفرة في أي ستور ؟؟

دورت في البلاي ستور والجالاكسي ستور والجوجل بلاي وما حصلتها ..

 

[XORO]

 

[XORO]

يا عيال اللعبة متوفرة في أي ستور ؟؟

دورت في البلاي ستور والجالاكسي ستور والجوجل بلاي وما حصلتها ..

مو موجودة لازم تحملها من مواقع ثانية على النت

 

[Roxaf]

الكلب فرحان مفكرك تصوره 😀😀

 

[Roxaf]

مو موجودة لازم تحملها من مواقع ثانية على النت

زي ؟؟

 

[XORO]

زي ؟؟

http://ihackedit.com/pokemon-go-apk/

 

[HeNNeSSy]

اللعبة سلبياتها أكثر من ايجابياتها جننت العالم كله . البوم اشوف مجموعه من الشباب في سوق الخضره تصيد بوكيمونات هذا ولا شي مع اللي شفته في حمامات المجمع الله يعزكم ناس تصيد هههههههههه والاخس من هذا كله الإعلان اللي وصلني

الله يستر هههههههه