لعبت توي ديمو
LORD OF ARCANA على البيسب
ديمو طويل بصراحة فيها دنجن ثم مهمات تختارها عشان تخوض معارك بدنجن ثانية
وطبعا في زيارة للمدينة والتطويرات وغيرها بناء على الايتمات الي تاخذها من الدنجن والمعارك
طور الملتي الاونلاين ما يشتغل بالديمو
تبدا اللعبة تسوي شخصيتك ، يعني بالعربي شخصيتك مالها حس ، بس تمشي مع القصة وتشوف المحادثات من طرف الناس الي تكلمهم
تكون قوي ومدرع وتمشي بدنجن طويل فاضي، لكن على نهاية كل بوابة تلاقي وحش تضاربه عشان يفتح الممر الي وراه وهكذا
الى الان في كل بوابة وحش واحد ما شفت اكثر من وحشين،القتال داخل شاشة خاصة وليس على نفس خريطة الدنجن، لو ضربت الوحش قبل دخول المعركة بيصير لك ادفانتج بالقوة على الوحش ولو هو ضربك تطيح قدراتك وتصعب عليك المعركة
القتال اكشن اربيجي، عندك جميع الازرار تقدر تضرب فيها بين هجمات عادية وخاصة واسحار وكومبو وكذلك في استدعاء بشرط عداد المانا يكون فل وهو باهاموت
توقع بالمعركة اكثر من وحش وتقدر تبدل بينهم باللوك اون عن طريق زر L والاسهم ، لما تهزم الوحش يعطيك خيار تضغط دائرة عشان يقتله بحركة استعراضيه، لاحظت الحركة تختلف حسب الوحش لكن ما ادري اذا لها فايدة اكثر من كدة ولا لا
في معارك الزعماء تلاقي عدة مناطق للوحش ممكن ضربها، منها ما يمكن قطعه لتضعيف الوحش ومنها ما يحفز على دخول تحدي وتضغط الازرار الي تظهر لك بالوقت السليم عشان تكمل سلسلة كومبو ومنها عادية ما تأثر اي شي عدا تنقيص الطاقة من غير اشياء اضافية
بعد ما تخلص الدنجن الاول يرجعك للمدينة وانت فاضي ما معك الا السلاح، لتكتشف ان ذاكرتك اتمسحت ودحين راح تبدا من الصفر تعيد بناء قوة شخصيتك المفقودة، وهذه هي المغامرة الي راح تمشي فيها
طبعا لما دخل المهمات الجانبية اصبحت اللعبة اصعب لعدم وجود دروع للشخصية، والوحوش ما تنتظرك عند البوابة عشان تضاربها بل تتوجه لك بشكل عشوائي عشان تدخل المعركة معك ، ويصير امر انك تضربها عشان تاخذ ايجابية المعركة فيها تحدي اكثر
بالنهاية اللعبة ما اعرف ايش اقول عنها وكيف اقيمها، اعتبرها لعبة عادية قابلة للعب لا اكثر، وتاخذ 6-7 بالكثير لان مافيها شي جديد حتى الان لكنها متقنة ومافيها مشاكل منفرة
