١- الإكس ماله أي حاجة لأن لوكهارت راح يستبدله بنفس السعر مع قوة أكبر ومعمارية مختلفة ويشغل العاب جيل قادم. الجهاز سيتم دعمه في فترة cross gen. انتهينا من ذي النقطة
لا ما انتهينا احنا للتو بدينا..اللوكهارت هو في الغالب بيكون نسخة الديجيتال هذي اول نقطة اختلاف..ولو فرضنا انه فيزيكال نسخة الاكس بمنطق العقل وبمنطق الخيار الافضل وبمنطق نقطة جذب الزبون هي النسخة اللي مفترض الابقاء عليها من هذ الجيل بدل نسخة الs الاضعف..اي عاقل يقوم بايقاف انتاج اجهزته ويبقي على نسخة الاقل بينما فيه خيار افضل منها ويتم ايقافها؟..بمنطق الاحدث الاكس هو اخر اصدار لعائلة الاكسون ومنطق السوق والبزنيز يقول انها هي الاصدارة اللي مفترض يتم الابقاء عليها..ماشفنا في السوق ان احد قام بالغاء الاحدث والاكثر تطور والابقاء على ماهو اقل منه في اي مجال كان..المنطق يقول انه الاكس هو الجهاز الوسطي الانسب بكل المعايير مابين اللوكهارت والسيريس اكس..وتقول لي انتهينا من هذي النقطة..تونا بسم الله بدينا..تقدر تبرر لهذ الجانب كيفما تشاء لكنك ماراح تخرج بتبرير واحد يتماشى مع اي منطقية او واقعية لا بلغت السوق ولا غيره
٢- اذا تركيزه الآن ليس مبيعات الكونسل لا يعني أنه لا يهتم اطلاقا بالكونسل. يريد أن يكون منافس هنا أيضا ولكن هذا ليس تركيزه. طالما أنه يريد أن يكون منافس لابد يقدم جهاز منافس يشغل ألعابه وألعاب الطرف الثالث التي ستصدر. الجهاز مصمم أيضا لكي يكون الجهاز المسؤول عن بث الالعاب في خدمتهم مستقبلا
وهذ عصب المشكلة التصريح شي والفعل شي اخر وهذ اللي قاعدين نشرحه في ردودنا واللي ما ادري شنو الصعب في فهمه!!!..ماحد معترض على التوجه هذ حقهم وهذي نقطن قوتهم كا شركة برمجيات وخدمات..انت مفترض تصريحاتك تتماشى مع هذ التوجه والافعال مو تجي وتعمل تشتيت في الفهم للزبون او المتتبع..وما فيه شي اسمه الان شي وبعدين شي ثاني..بمجرد ان تبدا عجلت الجيل بالدوران انت راح يتم مخاطبتك وتقييمك بناء على التوجه اللي اعلنته في حملتك ماقبل بدئ الجيل راح يسالونك عن وعودك حول توجهك
اما تجي وتقول لي بصريح العبارة ان الاكسبوكس توكيزه بيكون على السوفتوير والخدمات وليس عدد الاجهزة المباعة بينما فعلك من خلال قوة عتادك وحملتك الترويجية تتمحور حول قوة العتاد الاقوى في تاريخ الصناعة وكل مناوشاتك مع المنافس يتمحور حول القوة التقنية والمزايا اللي تقص هالنقطة وتصريحاتك حول سعر جهازك انه مابيكون اعلى من المنافس ناهيك عن لعبة القط والفار اللي قاعد تلعبها مع منافسك حول كشف السعر..هذي كلها توجهات ودلائل تتمحور حول اهمية مبيعات الاجهزة وتركيزك الكبير على هالنقطة هذ التفسير المنطقي..او ربما تمهد الطريق في حال فشلت في التغلب على المنافس في نقطة بيع الاجهزة ساعتها بتجي وتقول والله احنا قلنا من البداية تركيزنا مو على مبيعات الاجهزة!!!..عاد انت اختار النقطة الانسب في نظرك
وماهي الأفعال الي تراها لا تتطابق؟ الاكسبوكس ككونسل موجود وهو كونسل جيل قادم. عندهم نسخة رخيصة منه كذلك،والعابهم وخدماتهم موجود على البي سي. والألعاب راح تكون على كل الأجهزة. الإكس كلاود راح يكون على الكونسل والبي سي والهواتف. أين عدم الالتقاء الي تتحدث عنه هذا
القول:نحن لا نحبذ ان يتم حصر الالعاب على جيل واحد والعابنا ستصدر على الجيلين لعدة سنوات
الفعل:رسميا ايقاف تصنيع الاكسون اكس والاكسون اس ديجيتال والابقاء على الاكسون اس..تصرف غريب ويعطيني كازبون الاحساس بعدم جدية هذي الاقوال لما اشوف الافعال بعد كم يوم من هالاقوال عكس ذلك واللي يزيد استغرابي انه يتم ايقاف تصنيع افضل واحدث نسخة من جهازهم لهذ الجيل..لو فكرت مثلا اني اقتني مستقبلا جهاز من عندهم لخدمة الجيم باس ولعب العاب اللي فاتتني ويكون جهاز وسطي وارخص ماهو متوفر انظر للخيارات والاقي نسخة ضعيفة مثل الاس هي المتوفرة بينما الموديل الافضل تم ايقاف صنعه هذ بنظري ماهي اللا نقطت ضغط منهم عشان اشتري نسخة من جهازهم القادم اكانت الديجيتال او اللوكهارت او السيريس اكس..هذ جانب يصب في مصلحة نقطة بيع الاجهزة عكس اقوالك انك مو مركز على هالنقطة اذا بتجبرني اني انتقل لجهازك الجاي بطريفة غير مباشرة
القول:مبيعات الاجهزة ليست تركيزنا الرئيسي بل السوفت وير والخدمات
الفعل:اقوى جهاز منزلي اقوى كذا وكذا..ضرب تحت الحزام لمنافسك من خلال قوة العتاد عدم تصريحك بسعرك وانتظار منافسك بفعل ذلك اولا..كل هذ ومبيعات الاجهزة مو تركيزنا الرئيسي اجل لو كانت تركيزهم الرئيسي وش بيكون الوضع؟..اذا كل هالتضارب مو قادر تشوفه اعتقد اذا مافيه شي نقدر نشرحه اكثر لتوضيح الواضحات
ونقطة اخرى، أين الوضوح الكامل من سوني؟ ما موقفهم من الاصدار على البي سي؟ ما وضع خدمة PS Now؟ هل ترى فيه وضوح في هذه الأمور منهم؟
وش دخل هذ بتوجهها الرئيسي مع جهازها القادم واللي جالسة تحط ثقلها فيه..ليش اللف والدوران..هل هذ التوسع هو احد ركائز حملتها الدعائية للجيل الجاي؟.لا.هذ توسع بدت فيه وجالسة تعمله هذ الجيل وراح توسعه الجيل الجاي ماخلته كا نقاط ترويجية ولا اعلنت انها بتوفر عناوينها عليهم من اليوم الاول ولا قالت لك تركيزنا على الخدمات ولا قالت لك والله مو حلوة حصر الالعاب على جيل واحد واحنا مندعم هذ الجيل لعدة سنوات وماراح نجبر الزبون لشراء جهازنا القادم.بل كانت صريحة وقالتها بالفم المليان نحن نؤمن بتعاقب الاجيال وان كل جيل يكون اله عناوينه الحصرية الخ وهذ بالظبط اللي قاعدة تفعله..وين التعارض مع توجهها الرئيسي؟
عندنا حملتين ترويجيتين مختلفتين
١-مايكرو الخدمات هي الركيزة الاساسية ومبيعات الاجهزة ليست الاهم
٢-سوني مبيعات الاجهزة مازالت الركيزة الاساسية وماراح يكون هناك كروس جنريشن منذ لحظة بدئ الجيل الجديد بيتم التخلي عن دعم هذ الجيل
قارن بين اقوال وافعال كل توجه وقول لي اي جانب هو اللي متوافق بين القول والفعل واي جانب هو اللي تحس بتضارب لما تجي تقارن ما يقول بما يفعل..المشكلة ان الاكس بوكس فانز هم اول المستغربين من اللي جالس يحصل من شركتهم المفضلة وردود الاعضاء هني تشرح الموقف فما بالك باللي مو فان ويشوف اللي قاعد يصير من تناقض
