PC Geeks الرجاء الدخول

[Khalid-S]

من فترة وانا نفسي في PC يشتغل كرايسس ... اخذت جوله ميدانيه .. حصلت HP Blackbird 002 .. رقمه كان خرافي .. لكن الحين مسوين اسعار ممتازه جداَ.

ايش رايكم بهذي المواصفات .. جيدة؟ تشغل اللعبه بسهوله بكل المزايا ؟؟ .. ابي العبها 100% لول بدون اي اشياء ضعيفه.

عارف ان اقدر اجيب هذي المواصفات باسعار اقل .. لكن Blackbird شي ثاني .. تحسه لعبة مو جهاز .. التعديل عليه مره جميل وسهل جداَ ما ياخذ وقت.

http://h20435.www2.hp.com/

 

[Colorization]

من 3 أيام كنت أتكلم مع واحد من الشباب عنها. قال لي في شباب جاف مركبين الكواد كور مع كرتين شاشة (SLI) وبصعوبة قدروا يشغلون اللعبة بكامل مواصفاتها، وما يدري بعد إذا كانت شغالة على الـAA والريزولوشن كم. انا مو متأكد ويفضل تسأل أصحاب الخبرة بهذي الأشياء بمنتدانا، لكن من بعد ما قال لي هالكلام انا غسلت يدي من كرايسيس. حشى يبيلي ميزانية دولة عشان اشغلها لول.

 

[Rockman]

اممم السعر غالي على المواصفات اللي حاطها

هذا عيب الكمبيوترات الجاهزة دائما تشوفها غالية

اشوف تشتريه تجميع ارخص واحسن

وبالنسبة حق تشغيل كرايسس

راح تشغلها زي العسل لكن طبعا مش فل باور

يعني اتوقع راح تشغلها تقريبا كل شيئ high وهذا شيئ روعة ....

عموما انصحك تبدل البروسسر وتاخذ الكواد احسن حق المستقبل

الكمبيوتر جيد لكن غالي
+ انصح انك تشتريه تجميع ارخص وتختار القطع اللي تبيها

انا كمبيوتري قوي وكل حاجة يشغل كرايسس على very high بدون AA
حطيت AA X2 ماكو مشاكل اكثر من جذي اللعبة تصير بطيئة بشكل خايس

عموما اللعبة بدون AA واو كافي وزيادة

بس تبي الصراحة لو ماخذ كمبيوتر بس حق كرايسس احسه حرام صج اللعبة حلوة وجذي

انت عندك ماك فجذي اتوقع انك راح تخلي الPC تجرب كراييس وراح تنساه

صدقني ما تسوى تقط هالفلوس عليها

 

[Agent47]

أولا البروسيسور: خذ الكواد كور, اغلى بس افضل بكثير.
ثانيا الباقي ممتاز, المذربورد مرة ممتازة, الرام يكفي , كروت الشاشة ممتازة جدا.
ثالثا اذا بتشغل كرايسس على Very High طبعا من غير AA , تعتمد على ريزلوشن الشاشة, يعني اذا بتشغلها على1024*1280 بتشغلها على ماكس من غير مشاكل, بالذات الباتش الجديد حسن اداء اللعبة وخلاه سموث اكثر. اذا بتشغل اللعبة على ريزلوشن مثلا 1050*1680 لازم تسوي داونجريد ل High حتى تلعبها من غير مايطيح معك الفريم ريت.

بعدين على البي سي تقدر تلعب العاب كثيرة غير كرايسس, بايوشوك بتلعبها وكل شي عالماكس وبتكون احلى جرافيكسيا من نسخة الكونسولز. عندك بعد كوماند اند كونكر اذا كنت من فانز الاستراتيجي وبعد world in conlict هذي اللعبة جيدة. ودائما نسخ البي سي افضل جرافيكسيا من نسخ الكونسولز.

 

[MR1]

جهازي
Intel Core 2 Duo 3.0Hz
2 GB RAM DDR3 1333
كرت الشاشة زيك

و مع ذلك ما أقدر أشغلها على أعلى شيء
كل الخيارات على الأخير ماعدا الـAA أحط بدون و تمشي عدل

 

[iCon]

ليش ما تجمع لك الجهاز احسن و ارخص من الشركات المعروفه .. يعني سعر غالي على الفاضي .. انا نفس الشي ابى العبها على اعلى المواصفات لكن ما افكر اخذ لي جهاز و في الاخير ما بستخدمة الا علشان لعبه .... 🙂

 

[Xeno]

لاتستعجل وأنتظر بورت الـ360...

 

[TenZen]

صعب تلعب كرايسيس بمواصفات عاليه على هذا الجهاز ..

على الاقل تحتاج الكواد كور و ثلاث كروت SLI ..... الخ ... يعني مواصفات عالية جدا

 

[hamad 11]

لاتستعجل وأنتظر بورت الـ360...

خخخخ تعجبني ردودك

صحيح كلام زينو, انطر وقبل شهر نوفمبر رح تلعبها على الـX360 بدون لا تشيل الـAA ولا الـCC :cooool:

 

[Humam]

لاتستعجل وأنتظر بورت الـPS3...

fixed.. ما يقدر على هذي الفيزكس الا عمو Cell :cooool:

خالد.. المواصفات مش مرة ترى اذا تبغى تلعب كرايسس على أكمل وجه, حرام تدفع 2500+ دولار على لعبة واحدة وفي النهاية ماراح تشتغل تمام...

 

[king zell]

رايح تشتري جهاز كامل جديد عشان كرايسيس..............

 

[The Sinner]

..

ما يقدر على هذي الفيزكس الا عمو Cell :cooool:

خالد.. المواصفات مش مرة ترى اذا تبغى تلعب كرايسس على أكمل وجه, حرام تدفع 2500+ دولار على لعبة واحدة وفي النهاية ماراح تشتغل تمام...

ههههههههههههه بالصميييييييييييييييم

 

[MALDINI]

خالد انت بالرياض الحين ؟
رح حراج الكمبيوتر بتلقى هناك محل اسمه ارض البرامح .. الظاهر هو اطلق محل يجمع بالحراج هناك . انا حقي ماشالله تمام التمام ومكمل تقريبا سنه ونص كأنه جديد .. بس يبيله ابقريد بالرام انا حقي 1 بخليه 4 او 3 يمكن .. جرب المحل .

***

 

[Mr.3B]

الـCell أوفرريتد

 

[hussien-11]

خالد ، اللعبة تستاهل تشتري جهاز عشانها فعلا من وجهة نظري ( خصوصا انو ما عندك PC، بكل الأحوال تقدر تستفيد منه بأشياء أخرى ) .. و بكل صراحة الكونسولز ما يقدروا يتحملوها و يقدمولك "متعة التجربة" الي رح تحس فيها ، و أصلا أغلب ألعاب الـ360 تقدر تلعبها بي سي بريزوليوشن اعلى بكثير ، انا عن نفسي قريبا بإذن الله باخذ بطاقة 8800GT + مونيتور جديدة + بزيد الرام لـ2جيجا ، عشان ألعب كرايسس و وورلد ان كونفلكت بمعدل اطارات ممتاز على ريزوليوشن عالي .

بس هذا الجهاز ، حرام .. سعره جدا جدا غالي بالنسبة لمواصفاته ( هي ممتازة بس بنفس السعر ممكن تجيب شي أفضل بشكل واضح ) ، على الأقل لو بطاقة الرسوميات 8800 GTX ، بس البطاقة GT، صحيح ما في فرق كبير بينهم بالمواصفات ، بس السعر يفرق الضعف ، فـ بطاقة GT ما رح تقدملك معدل الإطارات الي بدك اياه اذا كنت مخطط تلعبها بريزوليوشن خرافي ، اما اذا 720P بتكفي و زيادة

نصيحة جمع جهاز بنفسك احسن و أرخص ( بكثير ) ، خذ هارديسك 320 جيجا بس يكون SATA II ( أسرع ) خذ موذربورد تدعم سلوت PCI Express 2 ( البطاقة الوحيدة الي تدعم هالسلوت هي 8800 GT ) ولو اخذت سلوت PCI Express العادية ما في مشكلة ، مو فرق كبير بالسرعة ، الرام يفضل 3 جيجا من Corsair و الـبس سبيد يكون 800 ، ولو 2 جيجا ما رح تفرق كثير برضو ، بعد هيك نأتي للاختيار الأهم ، على أي ريزوليوشن ناوي تلعب ؟ اذا 720p ، بطاقة الـ8800 GT تكفي و زيادة على الفري هاي و ويندوز فيستا ، بس اذا ناوي تلعب بريزوليوشن أعلى ، 1600 في 1000 مثلا ، لازم تاخذ بطاقة الـ8800 GTX ، و بكل الأحوال لازم تلعب بدون anti-aliasing ، بالنسبة للسي بي يو نفس الموجود مع هذا الجهاز ممتاز و ما عليه كلام ، ما رح تحتاج اكثر .

في النهاية ، لا تنسى تاخذ World in Conflict مع كرايسس ، هي أيضا لعبة جباااااااااارة تقنيا و مؤثرات الانفجارات فيها شي مدمر ، و أيضا ما شفت مثلها أبدا على أجهزة الكونسولز + هيك بتحس بقيمة الجهاز اكثر :yuck:

و عالبركة خالد
​

 

[Lone Wolf]

خالد حرام تاخذ Pc يديد بس عشان اللعبة

اللعبة لو تبي تلعبها 100% صح ومافيها اي خطأ

يبيلك بيزات يبيلك مبلغ خرافي لدرجة عادي تشتري 3 Xbox Elite<<< مب جنه مصخها :yuck:

وليش مستعيل يا خالد في العاب بتصبرك على هاللعبة وانا متأكد انها بتنزل الـ360 اواخر 2008 😀

 

[hussien-11]

شباب حلاوة اللعبة يوم ما تكون خارقة بوقتها ، تشوف هالشي بنفس الوقت ، بعد سنة ما رح تحس بهالنكهة المميزة للعبة

الفيزكس الي فيها يضيع أي لعبة نكست جن صدرت إلى الان بسهولة ، لول كان بودي احكيلك أمثلة بس أفضل تشوفهم بنفسك

و لا زلت أكرر ، لااازم تاخذ وورلد ان كونفلكت معاها ، أيضا مرعبة تقنيا بشكل خيالي .
​

 

[Khalid-S]

هممم بدور بالانترنت نصائح في شأن تصنيع اجهزه لكرايسس .. القطع ووالخ. وبشوف السعر.

مشكورين شباب.