PC: مساعدة*عاجلة* لاهنتو

[ASWD]

سلام عليكم

بالمختصر..

رديت من الدوام وشغلت الكمبيوتر حقي دخلت على مواقع يوتيوب سي في جي وون اب..اذن اذان المغرب واغلقت الفاير فوكس وسكرت الشاشة بس بدون ما اطفي الجهاز ورحت اصلي..رجعت بعدها وحاولت افتح المتصفح مرة ثانية مافتح طلعت لي الساعة الرملية حقت الماوس مدة ثواني وبعدها رجع السهم المعتاد للماوس..والمتصفح مارضى يفتح سويت رفرش قلت على وعسى ونفس الشي مافاد والغريب ان وقت ماسويت رفرش طلعت لي الساعة الرملية على غير العادة بعد الرفريش مباشرة فجأة اختفت بعض الايقونات والفولدرات من سطح المكتب بدون سبب..

سويت رستارت لكن الجهاز مارضى يشتغل وقام يطلع لي هالمسج

A Disk Read Error occurred

Press Ctrl+Alt+Del to restart

ضغطت عليهم لكن ماكو فايدة يطلع لي بس شغار او اسم المذر بورد*ميركري* ومن ثم يطلع نفس المسج..طفيت الجهاز وفصلت الكهرب عنه لمدة ساعتين تقريبا ونفس الشي

اتصلت للمحل اللي اتعامل معه قالي المشكلة هذي من الويندوز الظاهر اتمسح كم ملف منه..مع اني مامسحت ولا فتحت اي شي يخص النظام لا درايف سي ولا غيره

فمدري اذا احد واجه او عنده حل لها قبل ما اضطر استخدم اكره خيار*فورمات*

اتمنى تفيدونا شباب باسرع وقت لاني بكرة اذا ماصار حل بوديه يفرمتونه

شكرا مقدما

 

[NSider]

الهارد ديسك شكله مات.. هارد لك. 🙁

 

[G7Ga7]

امممم .. اتوقع فورمات هو الحل الوحيد 🙁

لكن لو محلك وديته لأكثر من محل كل واحد يشوفه يحاول فيه ..
اذا يأست .. انسخ ملفاتك المهمة ., وفرمت الله يعينك ..

 

[Isaac]

^
جحجاح ...


نفس الرسالة اللعينة اللي طلعت لي 🙁


هاردلك أسود ...

كثير من تصاميمي وملفاتي المهمة راحت بهارديسكي اللي فقدته قبل كم شهر 🙁

 

[G7Ga7]

:O ..
من جد الله يعينك اسود .. لا يكون بس فيه اشياء مهمة !؟

 

[ASWD]

اللا مهمة -_-

يالطيف اكثر من 5جيجا من الملفات المهمة راح افقدها

مافي حل ابد يعني؟..حاولت ادخل عالـsafe Mode بس ماقدرت لما ادبل على الاف8 يدخلني على الـ boot device

ما اقدر بعد ما اغير الهارد ديسك انقل البيانات منه عن طريق توصيله بفتحات اليو اس بي؟..عندي قطعة التوصيل لهذ الشي🙁

 

[G7Ga7]

اذا كان نفس الهارديسك هو الخربان (مثل سالفة حازم) .. أتوقع استرجاع الداتا بيكون شبه مستحيل للأسف .
بس زي ما قلت روح لأكثر من محل واسأل ..

 

[general kane]

صارت لي هالمشكلة من قبل والحل الوحيد هو انك تغير الmotherboard .:confident:

 

[ASWD]

شباب انا الحين شلت الهارد ديسك من جهازي ووصلته لجهاز اختي اللي داخل انا منه..وصلته عن طريق اليو اس بي وخبرني انه فيه هارد وير جديد لكن موقادر اخلي الجهاز يتعرف عليه ويظهره..فيه أيكون جمب الساعة مكتوب عليه safely remove hardware كل ما اضغط عليها واسوي enable مايصير شي..حل؟

ودي بس انقل الملفات منه وبعدها طز فيه🙁

 

[Magical Dreamer]

السلام عليكم ورحمة الله وبركاته ..

رايت كليك على My computer

اختار Manage بعدين اختار Disk Management

بيطلع لك على اليمين الهارد درايفز الشابكين على الكمبيوتر

لو طلع الهارد درايف مالك هناك اضغط عليه رايت كليك و اختار open المفروض يفتح لك

تقدر انك تغير حرف الهارديسك من خلال change drive letter and path لو ما رضى يشتغل بعد

في حالة إنك قدرت تنقل ملفاتك احتمال إنه الخلل مب من الهارديسك يمكن من توصيلة الهارديسك او البيوز او اي قطعة ثانية بالكمبيوتر

 

[SALAH]

همم أول شي جرب انك توصل الهاردسك لجهاز ثاني - لكن مو عن طريق وصلة USB - بل خلي الهاردسك slave في الجهاز الجديد وبعدها حاول تفتحه ...هذه الطريقة المباشرة للتأكد من صلاحية الهاردسك. ( طبعا لاتنسى تضبط الـjumper على الهاردسك حتى يكون slave و اظنك تعرف الطريقة ) ..

لكن قبل ما تنقله خلنا نتأكد من صلاحية الاعدادات في جهازك , اتأكد انه الهاردسك في جهازك مضبط على وضعية Master , و اذا كان بفتحة IDE فتأكد انه موصول عبر رأس الـMaster , وحتى لما توصله slave اتأكد انه داخل في رأس الـslave , مثل بالصورة :

ثانيا تأكد من قائمة الـBios انه الهاردسك ماخذ المرتبة الأولى في الـBoot order , أحيانا تحصل انه البايوس لسبب ما تتلخبط اعداداته وبصير ياخذ البووت مباشرة من الفلوبي او السي دي روم ..ولهذا السبب يعطيك هذه الرسالة , تأكد من البووت اوردر ..


جرب هالامور وخبرنا شو بصير معاك ..

 

[ASWD]

ما افهم للامور ذي وبنفس الوقت ما اقدر اعبث بكمبيوتر مش ملكي*كمبيوتر اختي*

ماحصلت فرصة اوديه اليوم وزين ماوديته لاني ماكنت حاط في بالي ان التوصيلة ممكن تكون السبب بكرا ان شاء الله بوديه بما انه الخميس اخر يوم دوام

شكرا صلاح عالتنبيه

مو مهتم حاليا اذا كان خربان اولا كل اللي ابغاه الملفات اللي داخله..عروض مجلات منها تي جي ماجازين بود كاست موسيقى ولمصيبة بيانات دخول حق امازون وإباي وباي بال ناهيك عن برامج مالقيتها اللا بالغصب واغلبها ناسي اسمها تقريبا..وحتى لو مافادت الطريقة وثبت ان الهارد خلاص ودع مافيه امل ابدا استرجع الملفات اللي فيه؟..برامج مساعدة اي شي -_-

 

[ABUALI]

بغيت اضيف كم اقتراح زيادة على اللي حطهم صلاح..
1- يمكن وانت مسوي رستارت كان في فلوبي ديسك او سي دي يتعارض مع تشغيل الوندوز.. اذا في شيلهم وجرب، شغله من جديد.

2- اتأكد ان الهاردسك شغال والكمبيوتر متعرف عليه، طبعا من شاشة الBios

3- في بداية التشغيل اضغط F1 أو F2 أو F11 أو ESC (يختلف بحسب المذبورد) علشان تطلع لك قائمة الـBoot device واختار منها الهاردسك اللي فيه الوندوز.

4- تقدر تثبت نسخة من الوندوز في نفس الهاردسك ونفس القسم اللي موجود عليه الوندوز حالياً بس من دون ما تمسح الموجود فيه، طبعا لازم تتبع تعليمات الانستال للوندوز بعد ما تختار البارتشن (القسم) اللي تبي تثبت فيه نسخة الوندوز...تختار Leave current (no change).. قبل ما تسوي هالحركة أول جرب تركب الهاردسك مالك على كمبيوتر اختك يمكن يشتغل.

5- اذا خلاص مافي فايدة والهاردسك خربان، تشتري هاردسك جديد وتثبت عليه الوندوز وتوصل الهاردسك الخربان يمكن يشتغل عندك وتقدر تنقل ملفاتك.. لأن في بعض الهاردسكات اذا اختربت ما تقدر تحط عليها الوندوز لكن تقدر تخزن فيها ملفات.

6- الهاردسك متكون من شريحتين، شريحة الكترونية شغلتها توزع الكهربا وتشغل الهاردسك والشريحة الثانية هي اللي تخزن فيها ملفاتك، والشريحتين قابلتين للتغيير.. اذا اختربت عندك الشريحة الالكترونية تقدر تغيرها وتستخدم الهاردسك.

7- الحل الاخير ترمي الهاردسك في الدرام وتاخذ حقنة مورفين وتنسى انك تعبت في تجميع ملفاتك

 

[ASWD]

خلا سلمت بالامر الواقع

جربت كل شي يمكن ينفع لكن النتيجة وحدة

ركبت هارد ديسك جديد وامري لله🙁

يعطيكم العافية شباب