Panasonic تستعد لجعل قيادة السيارة متعة حقيقية

[Humam]

​

كشفت شركة باناسونيك عن نظام الملاحة F-Class المخصص للسيارات, النظام يأتي بشاشة لمس VGA و يحتوي على موالف خاص لمشاهدة قنوات التلفزيون, بالإضافة إلى كرت الجرافيكس المبني داخل النظام, فهو يأتي أيضا بقرص صلب ومنفذ لبطاقات الذاكرة SD, كما يتميز بقدرته على تشغيل اسطوانات الDVD والCD, ويمكن إضافة خاصية الإرسال بتقنية البلوتووث عن طريقة وصلة إضافية.
حتى الآن فنظام الملاحة المدعو ب Strada مخصص للسوق اليابانية فقط, و سيتوفر بسعر 344 ألف ين ( 2861 دولار أمريكي ).​

---------------
فريق أخبار TG Tech
موقع TG الرسمي -- ادخل لقراءة آخر أخبار التقنية و المزيد
http://www.true-gaming.net/home

 

[Xeno]

الحين كيف تسوق وتقعد تزبط فكل هالأشياء! يمكن قصدهم لرحلات السفر بالسيارة :roll:

الراديو للفوز 😀

 

[Genius-M]

ما اعتقد واحد سيارته من موديل 2002 وانت طالع بيفكر يحط نظام الملاحه هذا , لأنه سيارته بتكون طالعه من المصنع وهالشي بيكون فيها (( اقصد السيارات الفخمه , وليس السكاريب مثل التويوتا P: ))

الراديو للفوز

مسجله خارجيه تحتوي على راديو , للفوز

ومبروك على المنصب الجديد

 

[Captain Jack Sparrow]

الله يعز الراديو

 

[Pichi]

ممتاز جداً .. لكن الحجم احسه انه كبير شوي

اقصد السيارات الفخمه , وليس السكاريب مثل التويوتا P:

ماعندك سالفة ولا عرفت السيارات :roll:

 

[.M.C]

السلام عليكم ورحمة الله وبركاته

مابقى في السيارة ال انهم يقولونلك مزوده بطاولة طعام وغرفة نوم رئيسية بالإضافة الى حمامين وجاكوزي وتلفزيون LCD كذلك المطبخ وفرن كهرب ...

كل شي بيحطونه بالسياره مع وين بيسوق السواق

الراديو للفوز:laugh:

 

[Genius-M]

ماعندك سالفة ولا عرفت السيارات

لول , أدري بأنه سيارات تويوتا حق كرف وأستخدامهم جيد , وكل فلس تقط على سيارتهم تستاهل , بس ألي أقصده هو ناحيه الترف الموجود بسيارات تويوتا ( اعتقد الترف الموجود بسيارات تويوتا مشي حالك ) لأني مرة ركبت لاند كروزر , وحسيت بأني راكب كرسيدا بسبب الديكور الداخلي , وعلى فكره ترا سيارتي من منتجات تويوتا

 

[Pichi]

فيه عندك الافالون .. حلوة و فخمتها جيدة..كمان لا تنسى اللكزس من تويوتا 😉.

لاند كروزر

شفت الـ VX-R?

 

[Mista Koo]

Panasonic تستعد لجعل قيادة السيارة خطر حقيقي

Fixed.. الجوال لحاله مو مقصر.. هالمرة DVDs >.>؟!

 

[Dark Man]

مالك الا :

يسوي السيارة احسن من بيتكم

 

[Final Fantasy]

أول شي خطر على بالي .. منو الي راح يسوق و يشوف هالشغلات !!


فعلا الراديو و الـ iPod أو الـ PSP أو الكاسيتات أو الـ Cds للفوز :yuck:

 

[ryo hazuki]

والله تجيني فترات احتاج فيها نظام ملاحه
انشالله تلفون نوكيا n95 يدعمها و بشتريه انشالله +ال psp وايد استخدمها اوصلها مع سماعات السياره و اسمع و اشوف مسلسلات اذا كنت رايح مسافه طويله ولو يخلونها تدعم الملاحه بيسوون خير

 

[.M.C]

فعلا الراديو و الـ iPod أو الـ PSP أو الكاسيتات أو الـ Cds للفوز :yuck:

ماخليت شي الله يسلمك ماقصرت (الراديو للفوز فقط لاغير)::