Nintendo تلغي اعلانات الDS Lite وصور الطوابير ( الجزء الثاني )

[Nintendo]

اسف شباب على التقصير خلال الايام الماضيه بسبب مشاكل مع الجهاز الحين بكتب موضوع باستخدام ( الدايل اب ) من جهاز اخوي .. اعوذ بالله من السرعه ...

المهم اليوم بتصدر شحنة ال DS Lite الجديده باللونين الازرق الفاتح و الكحلي :

المهم بالسالفه الطوابير هاذي المره كانت .. اكبر .. من المره الماضيه وبفارق كبير جدا . وننتندو اضطرت انها تقوم بالغاء الحملة الدعائيه التلفزيونيه للجهاز عشان الناس لاتتنتظره خلال هاذي الفتره بسبب قلة الشحنات !!

http://www.kotaku.com/gaming/ds/nintendo-pulls-ds-lite-ads-from-japanese-tv-159585.php

الوضع جدا صار ماساوي في اليابان فيما يخص الDS Lite والجهاز للاسف وصل سعره ال 300-400 دولار امريكي حاليا .. شوية صور من الطوابير الجديده صياح يوم صدور الجهاز ( قبل افتتاح المتاجر بساعات طويلة ) :

http://www.famitsu.com/game/news/2006/03/11/103,1142016092,49820,0,0.html

لول طيب والحل يا ننتندو !! المشكلة الشركة كانت مقرره انها تصدر 14,5 ميون جهاز الى نهاية سنتها المالية بشهر مارس الحالي ولكن الوضع الحين صار جدا صعب لانه الشركة تجاوزت هذا الرقم من شهر يناير الماضي !!! ومع صدور شحنات الجهاز اسبوعيا الظاهر الطوابير راح تستمر لفتره طويلة قبل لايصير الجهاز متوفر للجميع !!

باختصار الDS Lite تحول الى جنون وهوس ياباني 🙂

 

[ASWD]

لوووووووووووووووووووووووووووووووووووووووووول

هذي فرصة كبيرة للبرح احد يشتري كل الموجود بالسوق هني ويعرض الكمية للبيع على النت ويكتب لليابانيين فقط لوول😛

مجاعة حقيقية ..احلى شي صورة المنتظرين كأنهم سجناء بالصورة الاولى 😛

 

[hussien-11]

كأنهم سجناء

هههههههههه حلوة يوسف :bigSmile:

الله يعين ، فعلا مجاعة ، خلاص ببيعهم جهازي بـ399$ لوووول

 

[dragonwarrior]

أكبر غلطة من ننتندوا أذا ما طلعت أجهزة من تحت الأرض للناس
الجنون بيتحول الى حقد.

 

[hussien-11]

أعتقد الصور تتكلم عن نفسها ، ننتندو حققت نجاح خرافي يستحيل تجاهله مع الـDS في اليابان ، و أكيد اللي أعجبتهم الفكرة متحمسين يكرروا التجربة مع جهاز منزلي و قدرات أكبر .. ما أقول غير ننتظر الأيام القادمة و يبدو أنها ستحمل لنا الكثير .

 

[Nintendo]

شباب هاذي الرسمه توضح طول احد الطوابير امام احد المتاجر . اعتقد الصوره واضحه والخط الاحمر يوضح طول الطابور .. طيب ليش حاطها ياعمر ............... لول شوفوا الحين الصور الواقعيه من نفس المكان :

1300 شخص من اجل الحصول على الدي اس لايت الساعه 6:35 الفجر ومع العلم انه المتجر يمكن مايقدم اكثر من 100 جهاز !! لول مش مصدقين ...

شوفوا الفيديو :

http://www.geocities.jp/srqjx458/NDSL/0311/P1000822.rm

1400 شخص في طابور طووووووووووووووووووووويل الساعه 4 الفجر 😉

 

[Miyamoto]

مشكور ننتندو
الله اكبر لو انه دخول على استاذ كرة قدم ليس بهذا الشكل
بس انا مستغرب من طوابير الاسبوع الماضي الطويله و العريضه و بالنهايه تم بيع 150000 جهاز بالاسبوع الماضي تقريبا بين اللايت و العادي فيما باسبوع بموسم الاعياد انباع باسبوع واحد اكثر من 300000 جهاز و بدون طوابير !!! اتوقع هذا تعطش الجماهير و قلة الكميه و للاسف ماله علاقه كما يبدو بالمبيعات المتوقعه للاسبوع القادم لانه كما يبدوا انه ننتندو لم تشحن كميه كبيره لهذا الاسبوع ايضا ...

 

[ASWD]

لوووووووووول مزيد من المجاعة ههههههههههههههه😛
http://www.gamespot.com/news/6145786.html

http://img.gamespot.com/gamespot/images/2006/news/03/10/ds_screen003.jpg
http://img.gamespot.com/gamespot/images/2006/news/03/10/ds_screen004.jpg
http://img.gamespot.com/gamespot/images/2006/news/03/10/ds_screen005.jpg

 

[Mada Mada Dane]

بعد مافقدت ثقتي بننتندو بالنصف الثاني من فتره الجيم كيوب, والاحباط من الالعاب والتقديم والتوعدات بدت ترجع ثقتي بالشركه صراحه -______-

متأمل كثير للـ Revo وهو أكثر جهاز متحمس لله للـ Next-gen حالياً

بالفعل الـ DS اصبح هوس ياباني

 

[Mr.3B]

...

الموضوع لسا ما خرب فأحب أرد فيه ..
ما أقول الا حرام من جد .. لو ننتندو استنت بعد اسبوع ولا اثنين ونزلت شحنة محترمة عشان نشوف المبيعات من جد ..
أتمنى الشحنة الجاية تركز على الجهاز أكثر ولو كان على حساب الأجهزة الباقية 🙂
حسين .. وش انطباعاتك على الجهاز الي عندك .. أبي نظرة شخصية ما ودي كلام مواقع من ناحية الوزن والحجم الخ ..

 

[dragonwarrior]

الجهاز وصل سعرة 800 دولار بالأي بي ... شهالمصخره
والله حرام عليج يا ننتندو.

 

[Tomb raider]

ليش يا ننتندو ترفعين الاسعار هنا القهر !!
ما ابغي احد يحتقر الشركه -___-
بس اداء مسكت للدي اس في اليابان !

 

[Naif]

احلى شي انه معظم اللي واقفين كبار و بنات !! ..

 

[hussien-11]

حسين .. وش انطباعاتك على الجهاز الي عندك .. أبي نظرة شخصية ما ودي كلام مواقع من ناحية الوزن والحجم الخ ..

أنا كنت أقصد الـDS العادي صراحة ، ما عندي اللايت ..

 

[mario0o]

:exclamati :exclamati :exclamati :exclamati

صورة تخوف الصراحة :jawDrop:: :jawDrop:: :jawDrop::


ننتندو لازم تحاول تصدر كميات كبيره من الاجهزة وتاجل بعض العابها عشان الناس يشترون الجهاز مع الالعاب القديمة شوي..
وننتندو اجلت تقريبا 4 او 5 العاب فاليابان من شهر 3 الى شهر 4 او 5 اعتقد وهن العاب تعليمية وترجمة.

ننتندو وحش

ليش يا ننتندو ترفعين الاسعار هنا القهر !!

عبدالعزيز الناس يشترون كميات من اليابان بسعره الاصلي تقريبا 150 دولار ويبيعونه فالانترنت بمبلغ 300 و400 دولار !!

يا حظهم

 

[fnh]

لول انا عندي الدي اس القديم ما ادري ماني مفكر اشتري اللايت

ابغى اشتري شيء جديد على العموم نينتندو سوت شيء غير طبيعي

بالدي اس لايت اكيد المبيعات بتكون خياليه

 

[الــخــــارق]

جنووووووووووووووووووون
من جد الجهاز هذا سبب الهوايل
يا ننتندو أجلي كل خططك وتفرغي للجهاز هذا حاليا
الناس هذي ما راح تصبر على عدم توفر الجهاز كثير..

ننتندو أداءها أكثر من رائع في اليابان مسيطرة على السوق 🙂

P.S: ما فيه أمل أوقف في الطوابير اللي عند المحلات 1300 شخص -__- لو يوزعونه ببلاش ما وقفت..

 

[ahmed_cube]

هوس الدي اس في اليابان غير معقول و غير متصور .

ان شاء الله تقدر ننتندو توفر شحنات اكبر و توفير ال3 الوان بسرعة على شان نشوف ارقام مخيفة .

 

[Ginko]

لووول ولتل اقول زحمة ال360 مجنونه...

بس شباب ترى ما تقدر نينتيندو تزيد الانتاج اكثر من كذا ولا بينزل السعر..]عني عشان يحافظون على هالسعر لازم يلتزمون بالانتاج المحدود..