hits counter

New Assassin Creed scans

  • بادئ الموضوع بادئ الموضوع Mesharey
  • تاريخ البدء تاريخ البدء
Mesharey

Mesharey

True Gamer
XBW52.feat_creed.box2_1--screenshot_large.jpg


XBW52.feat_creed.box3--screenshot_large.jpg


freerunner--screenshot_large.jpg


XBW52.feat_creed.anno1--screenshot_large.jpg



الباقي هنا (كثيرة)
ابي لها عرض XD
 
التعديل الأخير:
بالراحة في قائمتي للـTop 3 most wanted من بداية هالجيل :laughing:

الصور روعة ... ولو إنهم إلا الآن ما كشفو لنا مناطق أخرى من اللعبة ... تقريبا فقط هالجزء من سوق المدينة وأزقتها ... أتمنى تحتوي اللعبة على مناطق متنوعة ... لم أرى أي مشاهد Indoors أيضا.


التكتم أحيانا يرفع الحماس فوووق :yuck:
 
كلها سكرين كابس من التريلر الوحيد ..
 
مثل ماقالوا الشباب ..

ولكن تظل واو على ذي اللعبه .. من افضل ماشاهدت من شركات الطرف الثالث الى الان . زمان عن صور وفيديوهات جديده لها ..
 
اكثر الصور موجودة من زمان ..
نبي عرض كله جيمبلاي ..
 
محد يعرف متى موعد صدور اللعبه ؟؟؟
اتمنى ان طابع الاكشن ما يغلب اللعبه !
 
حازم مره وراني عرض جيم بلاي للعبة مدته 5 دقائق اعتقد ,,, بس كان خيااااالي​
 
من أكثر الألعاب إلي حمّستني للنكست جن بشكل عام من أول ظهور لها .

أتمنّى يركزون على شغلة مهمّة " القتال " وأتمنّى من كل قلبي ما يكون مثل برنس أوف بيرشيا أبي يكون أدق وأصعب وفيه أهميّة أكثر من برنس , , ,

الشخصيّة غموضها رهيييييب عجبتني كثير , , ,
 
لا تقولي رح يعتبرون الحشاشين مسلمين؟؟
لوول غير كذا اللعبة روعة.. التريلر كان خطييير
 
والله ذلونا على ذي اللعبة لا عروض جديدة ولا ديمو قريب ولا موعد محدد للصدور
 
...

Mista Koo قال:
لا تقولي رح يعتبرون الحشاشين مسلمين؟؟
لوول غير كذا اللعبة روعة.. التريلر كان خطييير
أنقر للتوسيع...

وش دخل الحشاشين .. هذي أساسنز .. يعني قاتل مأجور
 
كلمة أساسين أصلها حشاشين بس مع النطق الأعجمي و الزمن صارت أساسين

و كانوا يقومون بإغتيالات سياسية كثيرة حتى يوم صلاح الدين حاول يقضي عليهم أرسلو واحد يترك خنجر و رسالة على فراش صلاح الدين . الرسالة كان معناها نقدر نوصل لك بأي مكان اتركنا لحالنا و ما بنقتلك ، فتركهم صلاح الدين لحالهم

شخصية اللعبة واحد منهم
 
Mr.3B قال:
وش دخل الحشاشين .. هذي أساسنز .. يعني قاتل مأجور
أنقر للتوسيع...
اللعبة قصتها عن "الحشاشين" فزمن الحروب الصليبية, وإذا ماني غلطان اللي بتلعب فيه واحد منهم, لاتتفلسف فشي ماتعرفه :yuck:

Assassin أصلا من الكلمة العربية حشاشين, وهي سابقا ماكان معناها مثل ماهو الآن (مخدرات وحشيش).
الحشاشين كانوا في البداية يغتالون كل الشخصيات السياسية الكبرى سواءا المسلمة أو المسيحية لاعتراضهم على الحرب, لكن لاحقا صاروا يتوجهون للمسيحيين فقط.

القصة فروعها كثيرة نسيت أغلبها للأسف, دور عن كتاب لها. (القصة مشوقة جدا)
 
...

نادوا يوسف حل يتفاهم معكم .. أتذكر باونتي كان يقول نفس الشي بعدين جاه يوسف (انسايدر) فهمه الصح :slant:
 
Xeno قال:
Assassin أصلا من الكلمة العربية حشاشين, وهي سابقا ماكان معناها مثل ماهو الآن (مخدرات وحشيش).
أنقر للتوسيع...

معناها ما إختلف، سموهم بالحشاشين لأنه رئيسهم كان يمسك الشباب الي يتبعونه و يعطيهم جرعة حشيش معتبره تخليهم يهلوسون و يروح يدخلهم لحديقة هو مسوها و يقول لهم هذي الجنة ، و يطلعهم منها. و يقول لهم لو تبغون ترجعون لازم تسون الي أقول لكم عليه. عشان كذا إغتيالاتهم أغلبها ناجحة و ما فرقت لو مات بوسط الإغتيال .. لأنه بيروح للجنة الي شافها
 
بخصوص قصة الحشاشين بالتفصيل انتظروا علي يومين وأجيب لكم سكانز (4 أو 5 صفحات) من كتاب عند واحد من أخوياي فيه شرح ممتاز عنهم ...



زينو هم سموا بالحشاشين لأنهم كانوا يتعاطون الحشيش قبل ما يقومون بعملية الاغتيال ...



صراحة عندهم خزعبلات عظيمة ... والكلام المذكور في الكتاب جدا شيق ... بغض النظر عن صحة مصادره


قريبا بأحطه ان شاء الله ...
 
Kratos قال:
معناها ما إختلف، سموهم بالحشاشين لأنه رئيسهم كان يمسك الشباب الي يتبعونه و يعطيهم جرعة حشيش معتبره تخليهم يهلوسون و يروح يدخلهم لحديقة هو مسوها و يقول لهم هذي الجنة ، و يطلعهم منها. و يقول لهم لو تبغون ترجعون لازم تسون الي أقول لكم عليه. عشان كذا إغتيالاتهم أغلبها ناجحة و ما فرقت لو مات بوسط الإغتيال .. لأنه بيروح للجنة الي شافها
أنقر للتوسيع...

QFT

بس اللي كان مكتوب في الكتاب أظن انهم أيضا يتعاطون الحشيش قبل الاغتيالات بعد .


عموما كلامك 100% صحيح بخصوص طريقة اغواء قائدهم لضحاياه من الشباب.
 
Kratos قال:
معناها ما إختلف، سموهم بالحشاشين لأنه رئيسهم كان يمسك الشباب الي يتبعونه و يعطيهم جرعة حشيش معتبره تخليهم يهلوسون و يروح يدخلهم لحديقة هو مسوها و يقول لهم هذي الجنة ، و يطلعهم منها. و يقول لهم لو تبغون ترجعون لازم تسون الي أقول لكم عليه. عشان كذا إغتيالاتهم أغلبها ناجحة و ما فرقت لو مات بوسط الإغتيال .. لأنه بيروح للجنة الي شافها
أنقر للتوسيع...
صح صح صح الحين تذكرت...
 
لكن اهم شي انها راح تصدر هذي السنه
في ign كاتبين اول شهر 9 في اوروبا
السنه هذي قويه:laugh:
 
سموهم بالحشاشين لأنه رئيسهم كان يمسك الشباب الي يتبعونه و يعطيهم جرعة حشيش معتبره تخليهم يهلوسون و يروح يدخلهم لحديقة هو مسوها و يقول لهم هذي الجنة ، و يطلعهم منها. و يقول لهم لو تبغون ترجعون لازم تسون الي أقول لكم عليه. عشان كذا إغتيالاتهم أغلبها ناجحة و ما فرقت لو مات بوسط الإغتيال .. لأنه بيروح للجنة الي شافها
أنقر للتوسيع...
وااااااااو
 
والله من جد شكل اللعبة راح تكون جبارة بقوة
 
هذا الفيديو؟
صراحة رووووعة تحمست لها كثير.. بس القتال شكله غبي بقوة :\ الظاهر ما عندك إلا ضربة وحدة!
 
القتال فيها واقعي جدا ..
يعني ضربة واحدة تجيك تموتك ..

حتى في الديمو اللي عرضوها أيام X06 اللي يلعب مات من ضربة واحدة في القتال قالوا اوه أصلا ما بقى الا شيء بسيط ما وريناكم اياه وخلصوا عرض الديمو 😛
 
الصور ولو كانت جديدة لكنها ما تقدم شيء جديد..يعني نفس الي قبل..
عموماً اللعبة كانت من الـTop 10 بالنسبة لي بس كنت شاك بالإسم ويوم أتأكدت صرفت النظر عنها..:cryy:
لا تقولي رح يعتبرون الحشاشين مسلمين؟؟
أنقر للتوسيع...
حسب المقابلات المنتجة تعبر عن المسلمين بشكل منفصل عن الحشاشين..بس المشكلة إنه الشركة هي يوبي سوفت يعني فرنسية...
والفرنسيين خاصة والأوربيين عامة يعتبرون الحركات الي قامت في العصور الوسطى مثل الحركة الباطنية وغيرها من الحركات المناوئة للإسلام حركات بطولية ويشبهوها بالثورة الفرنسية خاصة والأوربية عامة ضد الكنيسة...
وإذا إعتمدوا على كتبهم التاريخية فسمعة المسلمين في اللعبة راحت في خرايطها...
الحشاشين كانوا في البداية يغتالون كل الشخصيات السياسية الكبرى سواءا المسلمة أو المسيحية لاعتراضهم على الحرب, لكن لاحقا صاروا يتوجهون للمسيحيين فقط.
أنقر للتوسيع...
خطأ كبير .. الحشاشون من البداية كان دفهم إسقاط الدولة الإسلامية..وكانوا يحصلوا على مساعدة كبيرة من الصليبيين..وهم أحد العوامل الي كانت تساعد على نجاح الحملات الصليبية..
 
يجب تسجيل الدخول أو التسجيل كي تتمكن من الرد هنا.
عودة
أعلى