ما شفت الحلقة للآن حتى أكون صريح, لكن بالحديث عن مخرج الحلقة, لا بد ننتبه إن مسؤولية الآرت و الأنميشن ما تتحمل كلياً على المخرج (اللي له يد بعملية الرسم و التحريك و لكن مو بصورة كاملة), أكثر الكلام لا بد يتوجه للـ key animator ماتسوموتو. ممكن تعرفون هالمحرّك بالذات من حلقات مثل قتال جارا و روك لي و قتال الهوكاجي الثالث مع الأول و الثاني و قتال ساسكي و ناروتو. أسلوب هالـ animator ما يحتاج عيون متمرنة حتى تلاحظ إنه يضحي بثبات الآرت و جودة الـ models تبع الشخصيات في سبيل عدد أكبر من الفريمز و بالتالي أنميشن سلس و سريع (طبعاً الشي هذا معتمد أيضاً على التكلفة الإنتاجية للحلقة, لو الأستوديو ناوي يدفع و الوقت يسمح, ممكن نشوف آرت consistent). غير ذلك, بالغالب هالمحرّك عنده ميل قوي للأكشن الفلكي المجنون اللي يكسر حاجز التصديق عند بعض المشاهدين. طبعاً, حلقات ماتسوموتو معرضّة لاختلاف الأذواق بين ناس تشوف إن الآرت مقرف لدرجة تخدش جودة الحلقة ككل, و ناس تشوف إن الأنميشن الرهيب يعوض و يزيد عن ضعف الآرت.
عن نفسي -بصفتي متابع للمانجا- ما أمانع أشوف أكشن مجنون كنوع من التغيير بما إني عارف الأحداث و ما أشوف إن الآرت لما يكون ثابت راح يضيف قيمة كبيرة للحلقة لما أشاهدها. طبيعياً, اللي يتابع الأنمي بدون المانجا معه حق يختلف معاي هنا.
:laugh:
