Naruto 4 : Demo

[Rockman]

السلام عليكم :

شباب احد في منتديات جيم فاكس جرب الديمو مال ناروتو 4 (( يا حظه ))

الشخصيات القابلة للعب في الديمو :

Naruto, Sasuke, Sakura, Rock Lee, Neji, Tenten, Jiroubou, Kidoumaru, and Tayuya

اهم النقاط في تجربته للديمو

* صوت معلن القتال (( اللي يتكلم )) يتغير

* تحولات الشخصيات تغيرت صارت من تحت واكس إلى وراء واكس

* شالوا حركة ناروتو وراء وA (( الإغراء )) وحطوا بدالها كاجي بونشن جتسو !!! حيث لما ناروتو يسويها يطلع لك كلون يساعدك في القتال ! ومحترف كمان !! لكن لما يخلص عداد الشكرا يختفي كما ان وراء وA تكنسل الحركة
ولما تكون مشغله وانت تضرب الشكورا تزيد يعني يعطيك وقت اطول انه يقعد معاك

* سوبرات الفريق تتم عن طريق امام وX لازم عداد الشكورا كامل وطبعا اذا كانت الشخصيات لها علاقة ببعض تشوف سوبر حلو ^^

* لما ناروتو يتحول إلى كيوبي ما يحصل إعادة الحياة يبقى على حياته مثل ما اهي

* شالوا إرتباط السوبر الثاني بالدم
يعني ناروتو يقدر يسوي راسينجان بالبداية

حيث X : ناروتو ريندان
تحت وX : راسينجان

وهذا كل شيئ

وشكرا ^^

 

[m7tram]

والله الجزء الرابع شكله روعه مثل الثالث ويستاهل 🙂
يعطيك العافيه

 

[Nintendo]

ثانكس روكمان على المعلومات ...

المشكلة واللي يقهرني بالفريق المنتج انه المراحل القديمه يطلعونها بكل جزء كوبي بيست بدون حتى مايضيفون لها اي شئ جديد !!! بعض الاحيان تحس انك قاعد تلعب الجزء الاول وانت اصلا تلعب الثالث ..

عموما السلسله مسليه ولكن ذا الجزء ماراح اخذه لاني فقدت الاهتمام بالعاب الكيوب الين تصدر زيلدا العام القادم 🙂 منتظر العاب نارتو للدي اس ..

 

[king zell]

أخوي Rockman وين مصدر الديمو؟

يعني يوزع في اليابان أو تحصل عليه بطريقة معينة؟

 

[Rockman]

السلام عليكم :

اخوي محترم :

العفو وشكرا على مرورك الطيب ^^

Nintendo :

ما ادري وشنو اقول لك يعني مثل ما انت عارف بناروتو الأمكان ثابتة وما يقدرون يطلعون اي مكان حلبة قتال ولأن جزء الجيم كيوب يعتمد على الأنمي بشكل اكبر على عكس نارمت هيرو اللي نشوفه يقتبس من المانجا

أعتقد ان لما يكون الجزء القادم (( اذا دخل بpart 2 )) راح تشوف الفرق هني

زيل :
على كلام العضو هناك يقول انه جرب الديمو في محلات في منطقة Akihabara في توكيو حيث لعبها هناك على راحته


وشكرا للجميع

 

[king zell]

احم تراني سألت سؤال :razz:

 

[Nintendo]

ادري ميجامان بس على الاقل يقدرون يغيرون الخلفيات شوي او يضيفون لها اي شئ عشان يوم تلعب الشخصيات الجديده بالمراحل القديمه تحس باختلاف شوي 🙂

 

[Rockman]

احم تراني سألت سؤال :razz:

وشفته بعد ما رديت وحررت ردي :razz:

ننتندو :

امم والله على ما اعتقد ان الحكم هنا التجربة احنا نقول المراحل ما غيروهم (( ترا ضافوا 4 مراحل جدد )) لكن يمكن عدلوا في المراحل نفسها وحتى الأن ما شفنا فيديوز للمراحل بشكل دقيق ^^

 

[ICO]

المشكلة انه TOMY مغليه اللعبه إلى حد ما $$$ ليش :question:

 

[Pegaso]

يعطيك العافية اخ روكمان على المعلومات...^^

بدأت متابعة ناروتو منذ فترة وجيزة...ومثل ما هو متوقع اصابني ادمان غير طبيعي..

وان شاء الله ناوي اشتري لعبة لناروتو...وبما اني لا املك أي خبرة في هذا المجال...فياريت واحد من الشباب يدلني على افضل لعبة لناروتو على البي اس2.
وشكراً مسبقاً. 🙂

 

[DREAM]

كل شيء لحد الن في اللعبة رهيب بس بغيت أستفسر هل في موجود في اللعبة تاج تيم مثل تكن تاج
لأنوا لو بيكون موجود أصلاً ما بنعلب أبداً في الأربعة لاعبين بنصير دايم نلعب أربعة تاج تيم وأنشاء الله يكون
موجود لأنوا بيصير حماس وشيء خيالي

 

[الــخــــارق]

انا بصراحة ما جربت الا الثالث
وبصراحة رجعني لجو الانمي بعد انقطاع بسيط
والرابع حسب اللي قريته بيكون رائع
لذلك سأكون من الذين سيقتنونه ان شاء الله..

شاكر لك اخوي روكمان على الموضوع الجميل..

 

[fnh]

منتظر اللعبه خاصة انه فيها

أطوار جديده رهيبه منها طور تبديل الشخصيات وسط القتال

وكم شخصيه جديده وكومبوهات وحركات خاصه جديده 🙂