Moore:لا تخفيض في سعر الـX360

[ASWD]

In a behind-closed-doors meeting at X06, Microsoft's European game conference, Vice President of Interactive Services Peter Moore stated the price of the Xbox 360, contrary to rumor, will not be reduced this fall.

With Nintendo stating its $249.99 price, and Sony coming in high at $499.99 and $599.99, many online pundits speculated this fall would be the perfect time to drop the Xbox 360's prices to gain even more market share. Moore calmly stated prices would not drop, adding that Microsoft is happy about its current hardware prices.

http://xbox360.ign.com/articles/736/736496p1.html

-مايكرو ماتخطط في تخفيض سعر الجهاز بموسم الاعياد هذ العام*غباء*
-مور يقول ان مايكرو سوفت سعيدة بالأسعار الحالية لأجهزتها

اذا مو هذ العام اجل متى بالله؟

احد يفوت هذي الفرصة خاصة ان فيه جهاز جديد بينزل وسعره اقل؟

 

[Kratos]

مايكروسوفت ما عليها ضغط حتى تخفض السعر
سوني مع السعر المرتفع و الأعداد القليلة ما تمثل أي مشكلة خلال موسم الأعياد في أمريكا و في أوروبا الجهاز تأجل ..

الـ wii ما أتوقع بيكون له تأثير كبير على مبيعات الـ 360

التخفيض ممكن نشوفه 2007 بالصيف يمكن

 

[ASWD]

احنا هني ما نتكلم عن ضغط من منافس ولاهم يحزنون

احنا هني نتكلم عن توسيع رقعة انتشار الجهاز تزامننا مع صدور الاجهزة المنافسة..خصوصا وان عرفنا ان جهازها للحين مو قادر يتخطى حاجز المبيعات الشهرية للبلاي2 في امريكا واظن كمان اوروبا*طبعا اليابان مايحتاج لول*

شركة عندها افضلية عام كامل عن منافسيها مفروض ماتفوت فرصة مثل هذي خصوصا مع الطلبات المتوقعة للبلاي ستيشن3..هني الشركة بديهيا راح تكون خيار مناسب للناس اللي ماراح يقدرو يحصلو على لبلاي3 ما اختلفنا..لكن لو تم تخفيض السعر راح يكون الاقبال اكبر من الناس اللي ما حصلت الجهاز اللي كانت ناوية تشتريه اساسا..وهذ الكلام ينطبق في اوروبا كمان كون لبلاي3 تأجل وتخفيض السعر بيكون خيار ممتاز لأستقطاب الاشخاص اللي كانو مجهزين حالهم هذي السنة لشراء لبلاي3 هناك

بالمختصر تكتيك تجاري مفروض ماتفرط فيه شركة مثل مايكرو

 

[Kratos]

أنا أختلف معاك في النقطة هذي

مبدأ تخفيض السعر فقط لتوسيع نسبة تملك السوق غير مفيد من ناحية الأرباح
الشركة تبغى تستفيد إستفادة كاملة من السعر الموجود حاليا قبل أي تخفيض للسعر .. لنفرض مثلا إن التخفيض صار اليوم و صار سعر الجهاز 250 كور و 350 بريميوم ..
و الشركة تبيع110 جهاز في الشهر ..بعد زيادة 10% في المبيعات ( زيادة متفائلة لأن التخفيض بس 50 دولار )
الدخل بيكون 27500 و 38500 من المبيعات .. مجموع يساوي 66000

لو ظل السعر مثل ما هو الدخل بيكون من بيع 100 جهاز بالشهر بأسعار 300 و 400
30000 و 40000 .. المجموع 70000
بالحالة ذي التخفيض فقط لأجل زيادة الإنتشار غير مجدي و يخسرك فلوس كنت تقدر تكسبها ..
طبعا المثل الي أنا حطيته الفرق بس 4000 لكن لو كانت المبياعات 100000 الفرق بيطلع عندك 4 مليون

على العموم أنا النقطة الي أبغى أقولها إن ماكروسوفت أكيد سوت الحسابات ذي قبل لا يقررون عدم تخفيض السعر و من حسب المعطيات الي موجودة بالسوق من ناحية الجهازين ما أشوف إنه في أي داعي للتخفيض بالفترة الحالية

و بالنسبة للمقارنة مع مبيعات الـ PS2 معليش بس ما تقدر تقارن بينهم ..
الفرق بالسعر كبير جدا .. لو كانو نفس السعر كان صح نقدر نقول و الله في أساس للمقارنة ..

و النقطة الثانية إن الـ PS2 لسا عنده العاب قوية جدا ما نزلت فشي طبيعي إن المبيعات تكون قوية .. سعر رخيص + العاب قوية

 

[NSider]

Kratos -

ذكرني، من متى مايكروسوفت تهتم بالأرباح في سوق الألعاب..؟

 

[ASWD]

هي وجهة نظرك فيها شوية منطق.. لكن الشركات اللي مثل مايكرو ألخ ينظرو للأرباح على المدى البعيد بمعنى ثاني انا خلني اول شي امسك اكبر حصة ممكنة من السوق قبل منافسيني والارباح اجنيها على مدى الخمس سنوات واللي هي العمر الافتراضي للجهاز*ان ماكان اكثر او اقل*🙂

اما مسألة لبلاي2 وجهاز ارخص او اغلى ما اظن تلعب دور كبير كون الجيلين مختلفين هذ جيل حديث وهذ جيل قديم يعني السعر ماهو فاصل اساسي بهذي المسألة

والالعاب القوية للاكس بوكس360 بالوقت الحالي يمتلك العاب قوية اكثر من لبلاي2 وتكفي لرفع معدل المبيعات ..ولو بتلاحظ ان مبيعات سوفت وير الجهاز*الالعاب* معدلها اعلى من معدل مبيعات الهارد وير*الجهاز* وهني علامة الاستفهام الكبيرة اذا كانت المبيعات عالية للألعاب وين المبيعات اللي تعادلها للجهاز؟

وزيادة معدل مبيعات الالعاب اللي تفوق مبيعات الجهاز ممكن يكون لها عدة اسباب واحتمال يكون من بين هذي الاسباب..قيام الزبون بشراء الالعاب اولا ومن ثم ينتظر تخفيض سعر الجهاز*موسم الاعياد* عشان يشتريه امر وارد

 

[Kratos]

Nsider
كل شركة تهتم بالأرباح ههههههههه
و لا يعني مايكروسوفت نيتها طيبة و صافيه و تبغى تسعد و تمتع الجيمرز حول العالم على حسابها الخاص 😛 ؟

بس المثال الي أنا ذكرته لا تحصره على فقط الربح ممكن يتطبق على الخسارة و هذا الي جالس يصير في حالة مايكروسوفت
هل مثلا تفضل إنك تخسر 4 مليون زيادة عن الي أنت جالس تخسرة الآن ؟

على المدى البعيد مايكروسوفت بتطلع أرباح طائلة من ورا جهازها ولا كان من الأساس ما دخلوا السوق
--------------------------------------
ASWD
أنا أتفق معاك في حصة السوق على المدى الطويل لكن زي ما ذكرت لك مع تخفيض سوني لعدد الأجهزة حتى نهاية السنة و إحتمال إن مبيعات الـ Wii ما راح تأثر على مبيعات الـ 360
مايكروسوفت في الوقت الحالي تعتقد إن عندها وقت إضافي حتى تحصل على أكبر سعر ممكن للجهاز قبل تخفيضه
أتوقع لو سوني التزمت بوعدها بتقديم 4 مليون جهاز حتى نهاية السنة كنا شفنا تخفيض للسعر

بالنسبة للـ PS2 و الـ 360 الفرق بين الجهازين يوصل لأكثر من الضعف في السعر هذا لوحده يخلي الجهاز متوفر لشريحة أكبر من الناس و هذا يفسر المبيعات القوية

لو كان الـ PS2 سعره 400 .. هل راح نشوف نفس المبيعات الي يتمتع فيها الآن .. أتوقع تنخفض للنص أو أقل لو كان السعر 400

بالنسبة للسوفت وير و الله ما عندي أي علم فيها فما راح أفتي
--------------------------------------
أتمنى إن محد يعتقد إني بس جالس أدافع عن مايكروسوفت لكن الي جالس أسويه إني أشرح بعض الأشياء الي تسويها الشركات عموما و إيش الأسباب الي تخليهم يسون التصرفات ذي

 

[ASWD]

سالفة الخسارة بأول كم سنة موجودة مع كل جيل للأجهزة*تقريبا* لهذ جني الارباح يكون على مدى بعيد الامد..عكس الالعاب اللي اذا خسرت فيها ما تقدر تعوض حتى مع تخفيض سعرها

كمثال لبلاي2 في ثاني سنة اله تم تخفيض سعره*على ما اظن*مع انه كان يباع بخسارة

 

[Ginko]

سؤال بسيط اسود، ليش تخفض مايكرو السعر؟ هل تخفيض السعر ضنك بيغير رأي الي ناويين على البلاي3؟ مستحيل، تدري ليش؟ لان الجهاز اساسا ارخص، ومع ذلك الي بيشترون البلاي3 مقتنعين بالجهاز مو مهتمين بالسعر، فأيش راح يفيد التخفيض؟ هذا من منظور المستهلك.

اما من منظور الشركه، هي بسيطه المعادله، الجهاز ارخص بمأتين دولار، ليش التخفيض زياده؟ يعني تأثيرها السلبي اكثر من الايجابي بكثير. وحتى لو نفترض ان خفضوا السعر 100 دولار، ومجموعه من الي بيشترون البلاي3 غيروا رأيهم الى ال360 بسبب تخفيض السعر، الدخل الي بيجي من المجموعه الزايدين هذول بسبب ارتفاع السعر ماراح يغطي خساير مايكرو بسبب تخفيض السعر، Economics 101.

ناهيك عن ان هذا هو احسن وقت للمبيعات، يعني في هالفتره والي هي فتره الاعياد الناس ما يهتمون بالسعر اكثر من اهتمامهم بأنهم يشترون الجهاز وبس، كون الجهاز ارخص هذا يكفي لجعل اي والده تبي تشتري لولدها هديه انها تختار ال360، لانه بكل بساطه ارخص، فهذا المهم في هالوقت بالذات، اما كونه ارخص بكم ومدري ايش ما يهم خصوصا في الاشهر الجايه بالنسبه للمستهلك.

 

[Mario2]

مادري بس اشوف انه ورقة مايكرو الرابحه في هذا الموسم هي الالعاب الحصريه .. من ار بي جي حتى منظور اول .. وسالفة الباندلات ايضا راح ترفع من مبيعات الجهاز .. والحين المنافسه بتكون تقريبا بين البلاي ستيشن 3 والاكس بوكس 360 بدون وجود البلاي 2 .. طبعا قلة عدد الشحنات راح تخلي الناس تحول للاكس 360 .. هو كل شي راجع بالنسبه لسياسة سوني في تسعير الجهاز وعدد الشحنات .. ( الوي طبعا حبيب بيتر مور ماراح نشوفه بمناطحات سوني ومايكرو) ..

 

[NSider]

شباب، مايكروسوفت ما تهتم كثير بالأرباح حالياً. همها الرئيسي أنها تصير رقم 1 في السوق بأي طريقة، بعدين راح تفكر في الأرباح.

تبون أكبر المخالفات لـEconomics 101؟ شوفوا خساير الاكسبوكس الأول وحملات ترويجه الخيالية، والفلوس اللي مايكروسوفت ترميها رمي على المطورين عشان الألعاب الحصرية.

بكل بساطة، سبب عدم التخفيض هو أن سعر الـPS3 أعلى من الـ360، ومايكروسوفت تنتظر ردة فعل السوق للـPS3 قبل ما تقرر أي شي. الـWii ما راح يؤثر بشكل كبير على سوقهم (خصوصاً مع حملة الـWii60 لول).

 

[Ginko]

تبون أكبر المخالفات لـEconomics 101؟ شوفوا خساير الاكسبوكس الأول وحملات ترويجه الخيالية، والفلوس اللي مايكروسوفت ترميها رمي على المطورين عشان الألعاب الحصرية.

طبيعي. لان بكل بساطه مايكرو ما عندها خبره بالسوق وقتها. اكيد هالكلام سمعته اكثر من مره، لكن فعلا هو الحقيقه. لو نروح عند نينتيندو الحين مثلا تلقى عندهم مخازن مليانه دراسات واستطلاعات على السوق واحواله، ونفس الشيء سوني، لكن مايكرو لا، مايكروسوفت عملت الي تقدر عليه وقتها واطلقت الجهاز، وصراحه انا اعتبرها ما قصرت لان على اخر سنوات الاكس بكس سوى الي عليه في امريكا، اما اليابان فهذا مختلف، وسببه هو لان معلوماتهم عن السوق هذاك معدومه ميه ميه، ما عندهم الا نصايح من خبراء، يعني هم عارفين للسوق الامريكي وكيف يشتغل اقتصاديا لانهم مايكروسوفت طبعا، لكن الياباني اقل بكثير، يعني كأنك تلعب بأرضك وبرى ارضك، وعليك الحساب.

والفلوس الي كبتها على المطورين هدفها واضح، في مرحله ميعنه في الاكس بكس صار فيها اداة تجارب، يصرفون فلوس ويطلقون العاب ويسجلون استطلعات وربرورتات عن ردة فعل السوق لبرودكت معين، ويدونون اخطائهم ويحاولون يعدلونها، وكل هذا كان لتكوين دراسه معينه يبنون عليها تسويق ال360، صحيح الحين مو فالح في اليابان، لكن محد يقدر ينكر ان مايكروسوفت حاليا مو مثل مايكروسوفت ايام الاكس بكس الاول.


عموما مثل ما قلت، ال360 اساسا ارخص، وبخصوص ردة فعل السوق فهي ماراح تبين من اول شيء، على الاقل يبيلها 2 كوارترز او اكثر عشان يحصلون على تقرير واضح عن وضع السوق ومقدار توجه للبلاي3ز

 

[Tomb raider]

مايكروسوفت ما تحتاج انها تخفض سعر الجهاز ...تبغي تستغل اللاعبين ...الا اذا البلاي 3 غطى على الاكس فاتوقع من مايكرو انها تخفض السعر

 

[NSider]

والفلوس الي كبتها على المطورين هدفها واضح، في مرحله ميعنه في الاكس بكس صار فيها اداة تجارب، يصرفون فلوس ويطلقون العاب ويسجلون استطلعات وربرورتات عن ردة فعل السوق لبرودكت معين، ويدونون اخطائهم ويحاولون يعدلونها، وكل هذا كان لتكوين دراسه معينه يبنون عليها تسويق ال360، صحيح الحين مو فالح في اليابان، لكن محد يقدر ينكر ان مايكروسوفت حاليا مو مثل مايكروسوفت ايام الاكس بكس الاول.

المشكلة أن الخساير والحملات الخيالية ورمي الفلوس على المطورين مستمر. والـ360 ما زال فاشل في اليابان مع أنهم سووا له إطلاقين رسميين والثالث في الطريق (لول) وحملات إعلانية كبيرة.

في أمريكا بعد الإطلاق الضعيف من حيث الكميات، واللي المليان أجهزة خربانة، وبعد ما اضطروا يمددون الضمان للي شراه وقت اللنش ويصلحون أجهزتهم، ما زال الـ360 يبيع أقل من الـPS2 للشهر الثالث على التوالي ..

بعد كل هذا نقول أنهم تعلموا كثير من الاكسبوكس؟

 

[ASWD]

سؤال بسيط اسود، ليش تخفض مايكرو السعر؟ هل تخفيض السعر ضنك بيغير رأي الي ناويين على البلاي3؟ مستحيل، تدري ليش؟ لان الجهاز اساسا ارخص، ومع ذلك الي بيشترون البلاي3 مقتنعين بالجهاز مو مهتمين بالسعر، فأيش راح يفيد التخفيض؟ هذا من منظور المستهلك.

اساسا ارخص ماقلنا شي عبد الله لكن راح يكون فيه جهاز ارخص منه وهني راح تفرق انا ماعلي من الكلام ان الوي ماله دخل بمنافسة سوني ومايكرو وهو يسلك طريق مختلف ألخ هذ انا مايمشي عندي بما انه جهاز داخل بالحرب مع البقية فالكلام ينطبق عليه..خاصة انه مختلف عن الباقي من ناحية الفكرة*التحكم*+سعر زهيد=خيار مغري

عبدالله انت خصيت فأة معينة لا اكثر انت تكلمت عن اللي واكبو اجهزة سوني من البداية هني ماراح تفرق معهم زين الباقي؟..*اللي مايهتمون بجهاز معين*

اما من منظور الشركه، هي بسيطه المعادله، الجهاز ارخص بمأتين دولار، ليش التخفيض زياده؟ يعني تأثيرها السلبي اكثر من الايجابي بكثير. وحتى لو نفترض ان خفضوا السعر 100 دولار، ومجموعه من الي بيشترون البلاي3 غيروا رأيهم الى ال360 بسبب تخفيض السعر، الدخل الي بيجي من المجموعه الزايدين هذول بسبب ارتفاع السعر ماراح يغطي خساير مايكرو بسبب تخفيض السعر، Economics 101.

انت جالس تحسبها على ان الكلام موجه للبلاي3 فقط زين فيه منافس ثالث!..وكمان الشركة واضعة هدف لها وهو المركز1 بالمنافسة وكل شخص يعدل عن شراء جهاز منافس لها يعتبر انتصار لها..بغض النظر عن مسألة خسارة من البداية او تخفيض..وكلامنا بالموضوع اساسا يتمحور حول فرصة الشركة انها تستحوذ على حصة اكبر من السوق وعشان تجذب شريحة اكبر من اللي راح تجذبهم بسعر الجهاز الحالي هو تخفيض السعر بوقت حساس اولا لانه في فترة ازدهار للمبيعات ثانيا تزامننا مع صدور اجهزة منافسيها بالسوق

ناهيك عن ان هذا هو احسن وقت للمبيعات، يعني في هالفتره والي هي فتره الاعياد الناس ما يهتمون بالسعر اكثر من اهتمامهم بأنهم يشترون الجهاز وبس، كون الجهاز ارخص هذا يكفي لجعل اي والده تبي تشتري لولدها هديه انها تختار ال360، لانه بكل بساطه ارخص، فهذا المهم في هالوقت بالذات، اما كونه ارخص بكم ومدري ايش ما يهم خصوصا في الاشهر الجايه بالنسبه للمستهلك.

وبما انها احسن فترة للمبيعات تقدر تضاعف هذ الشي من خلال التخفيض وتستثمر عنصر النقص عند المنافس..اما كونهم ما يهتمون بالسعر وان الجهاز ارخص وانه حافز لشرائه تعليقي بيكون مثل اللي فوق..فيه جهاز ارخص منه

وكمان هذي فرصة لها لتوسيع الفارق قبل ما يتمكن المنافس من توفير الكميات اللي تغطي طلب السوق..وما اظن فيه شركة ماتفكر بهذ الشي خصوصا ان اسم لبلاي صار عملة صعبة وفي اي وقت توفرت كميات كافية اله بغض النظر عن سعره المرتفع راح يكون من الصعب على مايكرو انها تجاريه بما انه المنافس الرئيسي لجهازها..يعني هالفرصة ماتتفوت

 

[Ginko]

انسايدر

اكبر غلط ممكن شركه تسويها انها تنتج كميات كثيره ويبقى منها في السوق. تنتج ويخلص ويضل فيه طلب احسن من انك تنتج وتعبي السوق نسخ ويبقى منها. لكن الغلط الي فعلا غلط انهم تاخروا بالدفعات الثانيه، غير كذا مافيه مشاكل. وكون الجهاز فيه مشاكل في نسخة الاولى فشيء متعودين عليه من سوني وما أثر على اداء البلاي2. مايكروسوفت الشغل الي قاعده تسويه الحين حلو، افضل بكثير من الاكسبكس الاول ومع ان فيه ارقام تثبت العكس، لكن في الاخير التسويق للجهازين مختلف والكفه تميل لل360. الحين قاعدين نشوف العاب في اليابان ما كنا نحلم فيها على الاكس بكس الاول، الحين صرنا نشوف تنوع في الالعاب فقدها الاكس بكس، يعني الاخطاء الي عملتها مايكروسوفت قاعده تتصلح، لكن هل نفعت هالتصليحات ولا لا فهذا موضوع ثاني. وفوق كذا السوق الحين اخلف في اشياء كثيره، واولها الاسعار، واخرها هو الانقسام، سوق نينتيندو وسوق مايكرو وسوني.

 

[Ginko]

اساسا ارخص ماقلنا شي عبد الله لكن راح يكون فيه جهاز ارخص منه وهني راح تفرق انا ماعلي من الكلام ان الوي ماله دخل بمنافسة سوني ومايكرو وهو يسلك طريق مختلف ألخ هذ انا مايمشي عندي بما انه جهاز داخل بالحرب مع البقية فالكلام ينطبق عليه..خاصة انه مختلف عن الباقي من ناحية الفكرة*التحكم*+سعر زهيد=خيار مغري

معليش اسود اذا انت ما تتقبل هالشيء فالعيب فيك مو فينا، هذا واقع ولازم تتقبله، البلاي3 وال360 لحال والوي لحال. يعني اساسا كيف تتوقع جهاز بقوة وامكانيات ال360 يصير بسعر الوي؟ ما تدخل العقل. وبعدين التسويق بالنسبه للجهازين راح يفصل بينهم، راح تشوف توجه تسويق سوني ومايكرو غير توجه تسويق نينتيندو، وهنا بتفرق عند المستهلك، واحد يبي يشتري جهاز للعائله عشان الجمعات يروح يشتري له 360 ولا وي؟ اذا قلت الوي فانت مقتنع ان الجهازين لهم سوقين مختلفين، اذا قلت ما تفرق فاسمح لي اقولك لك ان اطلاعك على السوق ظعيف (مع اني اشك انك بتقول هالشيء).

عبدالله انت خصيت فأة معينة لا اكثر انت تكلمت عن اللي واكبو اجهزة سوني من البداية هني ماراح تفرق معهم زين الباقي؟..*اللي مايهتمون بجهاز معين*

الي ما يهتمون بجهاز معين راح ياخذون ال360 اذا هم شباب مثلا، او خلنا نقول كاجوالز مع اني ما احب هالكلمه لكن عشان اسهل نوضح فيها. الوي ماراح ياخذه الا الي عارفه او الي ما يقدر يشتري الا هو او عائله ككل. غير كذا ما اقدر اشوف واحد يميل للوي ويخلي ال360 والبلاي3. وبعدين هي بكل بساطه الفرق 50 دولار، لكن الفرق فيه القوه اكثر بكثير من 50 دولار، فوضع مايكرو في التمااااام، خصوصا في السوق الامريكي.

انت جالس تحسبها على ان الكلام موجه للبلاي3 فقط زين فيه منافس ثالث!..وكمان الشركة واضعة هدف لها وهو المركز1 بالمنافسة وكل شخص يعدل عن شراء جهاز منافس لها يعتبر انتصار لها..بغض النظر عن مسألة خسارة من البداية او تخفيض..وكلامنا بالموضوع اساسا يتمحور حول فرصة الشركة انها تستحوذ على حصة اكبر من السوق وعشان تجذب شريحة اكبر من اللي راح تجذبهم بسعر الجهاز الحالي هو تخفيض السعر بوقت حساس اولا لانه في فترة ازدهار للمبيعات ثانيا تزامننا مع صدور اجهزة منافسيها بالسوق

خلاص اذا ما تهم الخساره على قولتك خله ب10 دولار عشان كل العالم تشتريه، وتاكلها مايكرو. هم اساسا خسرارين في السعر الحالي، وفوق كذا اساسا وضعهم بالسوق ممتاز. اما عن الوي فمعليش توقعت اننا كلنا مقتنعين انه سوق مختلف لانه فعلا مختلف، واذا محتار ليش مختلف، اسأل نفسك هالسؤال، "هل الي موجه لهم الوي نفس الي موجه لهم البلاي3 وال360؟" اتوقع مافيه اوضح من كذا 🙂

وبما انها احسن فترة للمبيعات تقدر تضاعف هذ الشي من خلال التخفيض وتستثمر عنصر النقص عند المنافس..اما كونهم ما يهتمون بالسعر وان الجهاز ارخص وانه حافز لشرائه تعليقي بيكون مثل اللي فوق..فيه جهاز ارخص منه

انت مصر تحط الوي في المعادله وهو اساسا ماله مكان. وبعدين مثل ما قلت الفرق 50دولار لكن الفرق في القدرات اكبر بكثير من 50 دولار. اما البلاي 3 فالفرق 200 دولار والفرق بالقدرات قابل للنقاش جدا جدا، وحتى لو وجد فهو مو 200 دولار.

اذا انت مو مقتنع ان الوي داخل معهم، اجل ليش العالم تقول انه غالي على 250 دولار؟ المفروض يقولون رخيص لانه بنفس سوق ال360 والبلاي3، صح ولا لا؟

وكمان هذي فرصة لها لتوسيع الفارق قبل ما يتمكن المنافس من توفير الكميات اللي تغطي طلب السوق..وما اظن فيه شركة ماتفكر بهذ الشي خصوصا ان اسم لبلاي صار عملة صعبة وفي اي وقت توفرت كميات كافية اله بغض النظر عن سعره المرتفع راح يكون من الصعب على مايكرو انها تجاريه بما انه المنافس الرئيسي لجهازها..يعني هالفرصة ماتتفوت

ليش تغض النظر عن السعر وكأنه مو فارق؟ تراها 200 دولااااار مو 50 دولار. مثل ما قلت لك، مايكرو مو محتاجه تخفض للاسباب الي ذكرتها فوق.

 

[Metal Gear X]

Damn it!!

الموضوع كله كلام <<<اجل ايش راح يكون

خخخخخخخخخخ

احسن شي في المووضوع انك تحس ان الويي ماله داعي

هع

بس الصراحه تحس بخيبة امل لمن تعرف ان العاب الويي هذا جرافكسها في بداية الجهاز ونهايته

 

[Tomb raider]

احسن شي في المووضوع انك تحس ان الويي ماله داعي

لا والله ؟

بس الصراحه تحس بخيبة امل لمن تعرف ان العاب الويي هذا جرافكسها في بداية الجهاز ونهايته

قول من البدايه انك داخل الموضوع علشان تتطنز ...
+ ماكفتك ردود بعض الاعضاء في احد المواضيع ؟؟؟

 

[Metal Gear X]

خخخخخخخخخ لاوالله مو قصدي اتطنز ولا شي:laugh:

جت بالغلط I am Sorry

بس الموضوع ضحكني::

 

[Nintendo]

احسن شي في المووضوع انك تحس ان الويي ماله داعي

ألحمدلله على نعمة العقل

انا مع عبدالله .. مايكروسوفت ماتحتاج تخفض سعر الجهاز حاليا .. الناس منتظره البلايستيشن3 والكاجولز اعتقد يوم يشوفوا سعر البلايستيشن3 وسعر ال360 وفرق ال200 دولار مع تقريبا نفس الالعاب وجراند ثيفت اوتو بتصدر للجهازيين بيكون وضع مايكروسوفت ممتاز .. منطقيا مايحتاج حاليا الجهاز لاي تخفيض والوي سعره رخيص مقارنة بالاثنين واعتقد سوقه بيكون مختلف شوي ..

 

[squall leonhart]

و ليش مايكروسوفت تخفض السعر و هو ارخص من البلاي ستيشن 3 ب 200$ و اغلى من الوي ب 50$ بس .. انا شايف ان تصرف مايكروسوفت منطقي جدا نظرا لمحدودية شحنات ال PS3 و بالعكس رح يكون غباء منها لو خفضت السعر حتى لو بالسنه القادمه ..

اما عن الارياح فمايكروسوفت تبغى تربح بالجيل هذا .. المقارنه مع الجيل الماضي خائطه لان مايكرسوفت كانت متوقعه الخسيار و تعتبر الجيل الماضي تمهيد للسيطره على النكست جين


Metal Gear X

خخخخ انت المفروض يحطوك بطاش ما طاش ( الاصلي)

 

[Metal Gear X]

خخخخخخخخخخخ

لا تذكرني بباالله :sealed:

والله لمن اتفرج المسلسل يجيني صداع غير طبيعي

ياشيخ قمة السخف><

ولا الاغنيه اللي جابوها في حلقت امس

والله ودي استفرغ :cryy:

ابو شلااااااخ 4 Ever :cooool:

 

[ASWD]

سوقين مختلفين من ناحية التوجه . المفهوم العام

اما في مايخص المنافسة فالوي هو احد اركانها يعني لما يتفوق الوي بالمبيعات على منافسيه تجي مايكرو او سوني وتقول والله هذ الجهاز اله سوقه الخاصة فما لنا دخل بتفوقه علينا لان احنا نمتلك المركز الاول بسوقنا الخاص؟

مثل الدي اس حاليا الوتجه مختلف عن بقية الاجهزة المحمولة لكنه احد المنافسين..اذا خل تجي سوني وتقول جهازنا متربع على عرش الاجهزة المحمولة لان الدي اس ماهو من ضمن سوق المنافسة اللي احنا فيه!

اما في مايخص الخسارة فما قلت انها مو مهمة انا قلت ان الربح تعوضه على المدى البعيد ..

بغض النظر عن مسألة خسارة من البداية او تخفي

ما في اي شي يدل على اني قلت الخسارة ماتهم

مسألة اختلاف السوقين بين لبلاي و360 وبين الوي مايجعله خارج الحسابات في مايخص المنافسة والسيطرة على السوق..هذ ملخص قصدي وسبب تواجد الوي بالنقاش..اظن الكل مقتنع ان سوق الوي مختلف بالتوجه فقط وليس المنافسة..وهو ايضا يستهدف شريحة اللاعبين نفسها اللي يستهدفها باقي الاجهزة+النون جيمرز

مسألة القدرات نقدر نقول حربها محصورة بين الجهازين لكنها ماتعتبر الفاصل الرئيسي بالمنافسة..وهذ الجيل خير مثال

وانا عبدالله ما غضيت النظر عن السعر*اضحك على نفسي يعني!!*..انا قصدي هو ان اسم لبلاي ستيشن صار عملة صعبة ومسألة السعر ماتلعب دور كبير في اقتنائه مثل ما حصل مع لبلاي2 اول مانزل وكان الدريم كاست موجود وكمان مثل ماحصل مع لكيوب ..يمكن ما وضحت فكرتي بالصورة الصحيحة الى هالسبب انفهم قصدي غلط

وبالنهاية شهر نوفمبر قرب ونشوف سياستها بعدم تخفيض السعر تنجح اولا

ولووووووووووووووووول على ردود ميتل جيراكس 😛

 

[Nintendo]

يوسف الكيوب نزل بسعر اقل من البوكس الاول ب100 دولار والاثنين sold out

بموسم الاعياد الامريكي يوسف كل شئ بغض النظر عن سعره راح ينباع .. سوني راح تبيع كل الشحنه اللي تقدر توفرها .. ننتندو نفس الشئ .. ومايكروسوفت اعتقد بتكون الرابح الاكبر لانه جهازهم ماعتقد بيتاثر بنقص الشحنات او شئ لانه متوفر بالسوق من فتره ..

بعد موسم الاعياد ويوم الناس تتعرف على البلايستيشن3 وتعرف انه فرق الامكانيات بينه وبين ال360 شئ لايذكر ( تشغيل البلو ري فقط ) يمكن الناس تتجه لل360 وقتها وعندها مايكروسوفت تقدر تخفض السعر .. يعني بموسم الاعياد مافي اي حاجه لتخفيض الاسعار لانه الاجهزة كلها راح تبيع ولكن على المدى الطويل السعر بيكون ورقه مهمه تلعب فيها مايكروسوفت وقت ماتحتاجها 🙂

 

[ASWD]

قصدي عمر ان لكيوب نزل بسعر اقل من لبلاي ستيشن2 ومع هذ ما قدر يتخطاه..وهذ قصدي من ان اسم لبلاي صار عملة صعبة حتى مع سعره الغالي🙂

وشي اكيد انه بيكون مرتاح بموسم الاعياد وراح يبيع ما اختلفنا..لكنه يقدر يبيع اكثر واكثر لو يتم تخفيض سعره هذ قصدي خصوصا مع وجود تفوق عدد الشحنات لمصلحة مايكرو وبكذا تضمن شريحة من الناس اللي ماراح تحصل على الجهاز اللي كانت ناوية تشتريه اساسا*وي او بلاي3*

مشكلتي ما اعرف الخص النقاط اللي ابغا اقولها عشان اختصر الطريق علي وعلى غيري -ــ-

 

[Ginko]

سوقين مختلفين من ناحية التوجه ..نوعية الالعاب المفهوم العام

اما في مايخص المنافسة فالوي هو احد اركانها يعني لما يتفوق الوي بالمبيعات على منافسيه تجي مايكرو او سوني وتقول والله هذ الجهاز اله سوقه الخاصة فما لنا دخل بتفوقه علينا لان احنا نمتلك المركز الاول بسوقنا الخاص؟

مثل الدي اس حاليا الوتجه مختلف عن بقية الاجهزة المحمولة لكنه احد المنافسين..اذا خل تجي سوني وتقول جهازنا متربع على عرش الاجهزة المحمولة لان الدي اس ماهو من ضمن سوق المنافسة اللي احنا فيه!

لا طبعا ماراح يقولون كذا، لكن شيء من هذا القبيل. انت تقول التوجه غير،صح؟ يعني الناس الي تتوجه لها نينتيندو غير عن مايكرو وسوني،صح؟ يعني باختصار، خارج نطاق سوني ومايكرو. صحيح في النهايه المهم المبيعات والوي يدخل في الحسبه النهائيه على انه باع ونجح، لكن اذا بتنظر لها نظره تحليل ودقه فلازم تعرف انا الوي غير ال360 والبلاي3. يكفيك الي منتشر بالنت الحين، وي 60 والبي اس ثووي، هذا المفروض يشرح لك كيف ان الوي مو داخل بشكل ملحوظ في منافسة ال360 والبلاي3.

الاجهزه المحموله غير، ولا تقولي ما يمشي عندي هذا الكلام بعد لول، اولا لان الكونسبت حق المحمول غير، فهو يكون مصمم في غالب الحال على انك تلعبه على السريع،بالكثير ساعتين، والي يوصل هذا المبتغى هو الي بينجح، وعشان توصل له لازم العاب مناسبه، المعادله هنا بسيطه.



انت غضيت النظر عن الخساره، يعني قللت من اهميتها:

بغض النظر عن مسألة خسارة من البداية او تخفي

وعلى هذي رديت.

مسألة اختلاف السوقين بين لبلاي و360 وبين الوي مايجعله خارج الحسابات في مايخص المنافسة والسيطرة على السوق..هذ ملخص قصدي وسبب تواجد الوي بالنقاش..اظن الكل مقتنع ان سوق الوي مختلف بالتوجه فقط وليس المنافسة..وهو ايضا يستهدف شريحة اللاعبين نفسها اللي يستهدفها باقي الاجهزة+النون جيمرز

ايه بس لو جاك واحد عمره 25 معه 500دولار، ومن جنبها في اخبار الفيديو جيمز، هل تتوقع يدخل الوي في الحسبه بشكل جدي؟ غالبا لا.

انا صراحه مو داخله راسي ان واحد قاعد يقول ابي ال360 نفس سعر الوي، معليش بس ويننا فيه؟ اقسم بالله صار اكسبكس مطور مو 360. والله اسود كلامك غير منطقي ابدا.

مسألة القدرات نقدر نقول حربها محصورة بين الجهازين لكنها ماتعتبر الفاصل الرئيسي بالمنافسة..وهذ الجيل خير مثال

انت قلتها، بين الجهازين الي هم البلاي3 وال360 ما تعتبر الفاصل، لكن اذا دخلت الوي فشيء ثاني، قدراته ما تصف جنب هذول الاثنين، اتوق اذا ماني غلطان ان حتى الاكسبكس الاول اقوى (اذكر موضوع قديم، لكن ما يهم) فعشان كذا هو موجه لناس ثانين، عشانه ما يقدر يعتمد على نفس سوق ال360 والبلاي3 بقدراته، لان مافيه امل ينجح بقدراته، فعشان كذا التسويق حق الجهاز موجه لتوسيع قاعدة الجيمرز....الخ ما ودي اشرح لك تسويق الوي لان اتوقع عندك خلفيه كافيه.

وانا عبدالله ما غضيت النظر عن السعر*اضحك على نفسي يعني!!*..انا قصدي هو ان اسم لبلاي ستيشن صار عملة صعبة ومسألة السعر ماتلعب دور كبير في اقتنائه مثل ما حصل مع لبلاي2 اول مانزل وكان الدريم كاست موجود وكمان مثل ماحصل مع لكيوب ..يمكن ما وضحت فكرتي بالصورة الصحيحة الى هالسبب انفهم قصدي غلط

قاعد تناقض نفسك اسود. الحين تقول ان مسألة السعر ما تهم امام البلاي3، اجل ليش تبيهم يخفضون السعر مدامه ما يهم؟

 

[ASWD]

المشكلة عبدالله انا مو عارف كيف اوضح وجهة نظري لاني موفالح صراحا بتلخيص المقصد الى هالسبب مو قادر اوضح معنى كلامي بالصورة الصحيحة🙂

 

[Metal Gear X]

تتعرف على البلايستيشن3 وتعرف انه فرق الامكانيات بينه وبين ال360 شئ لايذكر ( تشغيل البلو ري فقط ) يمكن الناس تتجه لل360 وقتها وعندها مايكروسوفت تقدر تخفض السعر ..

خممممممممممممممممم

لاتعليق !

ولا لا فيه تعليق

اذا كان الفرق بين البلاي2 والاكس1 مرااحل الاكس 1 متفوق عالبلاي2 بمراحل ويعتبر نكست جنريشن بالنسبه للبلاي2 !

ومع كذا البلاي2 اتفوق بأضعاف مضاعفه

والفرق بين البلاي3 والاكس 360 فرق لايذكر مع احتساب ميزتين للبلاي3 اللي هي البلوراي والمعالج

يعني اكيد بيفوز البلاي3 بدبل الاضعاف المضاعفه !

خخخخخخخخ

هذا على حسب وجهة نظرك ><

 

[Nintendo]

اخ ميتل جير اكس .. ترى المنتدى مش محتاجيم مكجولين يردون فيه .. اخوي روح تعلم شوي الالعاب وبعدين تعال شارك عندنا ..

ودك تتعلم شوي عن سوني خذلك دوره عند همام يمكن بعدها تعرف ترد او على الاقل تحط كلام الواحد يقدر يفكر يرد عليك فيه ..