Moixa USBCell بطاريات AA قابلة للشحن..!!

[Leon]

فكرة ثورية جديدة تجمع بين القدرة على شحن البطاريات وخصائص وصلات الـ
USB العديدة المتوافرة في جميع الكمبيوترات. الـ Moixa USBCell

بطاريات «NiMH» متوافرة بحجم «AA» القياسي ينزلق رأسها لتظهر وصلة
«USB» مخفية يمكن استعمالها للشحن المباشر عبر الكمبيوتر من دون اللجوء
إلي أي وسيلة أخرى. وعند الانتهاء من هذه العملية ما عليك إلا إعادة الرأس إلى
مكانه واستعمالها كأي بطارية عادية.

عجبتني فكرتها كثير , لكن أتوقع إنه البطارية بيكون عمرها محدود مع تكرار الشحن .. لكن مع ذلك تظل الفكرة جيدة وجديدة .

http://www.usbcell.com​

 

[q8 spy]

والله شغل عدل

يبيلها حق الــ 360 وللوي .....

تنفع حيييل

 

[gaara 660]

أبي لي وحده شلووون


خوش بطاريات تصدق ....

يعطيك العافية اخوي على الموضوع ^^

 

[Zero]

لووول قاعد أتخيل البطارية تشحن ويجي واحد من الأطفال ويقطع السلك ويتلفها >___<"
بس بصراحة فكرة حلوة .. بس أنا هالفترة ما استخدم شي يحتوي على بطاريات AA : \

 

[hamad 11]

شفتها من زمان

لكن البطاريات هذي جودتها سيئة وتسبب مشاكل حسب ما سمعت, يعني تعيد شحنها مرتين وفي المرة الثالثة ما تشتغل عدل وبعض الاحيان تسبب مشاكل في الجهاز الى محطوطة فيه

 

[Ash Storm]

من جد مفيدة !!

 

[Leon]

لووول قاعد أتخيل البطارية تشحن ويجي واحد من الأطفال ويقطع السلك ويتلفها >___<"
بس بصراحة فكرة حلوة .. بس أنا هالفترة ما استخدم شي يحتوي على بطاريات AA : \

هيا تصدق إني إلى الأن أستخدم البطاريات في كنترولر ال360 .!!! , مع إنه موجود التشارجر لكن متكاسل أشتريه , فكرة شيل ركب أعزها كثير ..

 

[Leon]

شفتها من زمان

لكن البطاريات هذي جودتها سيئة وتسبب مشاكل حسب ما سمعت, يعني تعيد شحنها مرتين وفي المرة الثالثة ما تشتغل عدل وبعض الاحيان تسبب مشاكل في الجهاز الى محطوطة فيه

للأسف هذا اللي خايف منه , لكن تظل حلوة كفكرة , على أمل إنهم يوصلوا لحل ..

 

[Da S.O.S]

هذا اسميه ابداع فكري!!
شئ ممتااااااااااااااااااااز.. حتى لو جودة رديئه.. الفكره لحالها تكفي..

 

[pacino]

هذا اسميه ابداع فكري!!
شئ ممتااااااااااااااااااااز.. حتى لو جودة رديئه.. الفكره لحالها تكفي..

لول..بالعكس..الفكره شبه مسروقه من هواتف سوني اريكسون (بمجرد توصيلها باالكمبيوتر يتم شحنها عن طريق USB) يعني الفكره وحده..وين الابداع؟

 

[*legend*]

لول..بالعكس..الفكره شبه مسروقه من هواتف سوني اريكسون (بمجرد توصيلها باالكمبيوتر يتم شحنها عن طريق USB) يعني الفكره وحده..وين الابداع؟

لووووول عالمنطق و المقارنة ....
يعني أفهم ان جوالات سوني أريكسون كانت اول جهاز على الإطلاق تستخدم فكرة الشحن عن طريق الـ USB , و باقي الأجهزة اللي تشحن بنفس الطريقة مقتبسة الفكرة من اجهزة سوني اريكسون ؟ how great r u SE !!

الفكرة عظيمة لحالها بغض النظر عن الكواليتي , لكن اعتقد انها راح تكون اهدار للـ $$ اللي نقدر نشتري بقيمتها شي بفكرة اكثر اعتيادية و أيضاً جودة اعلى

 

[hyuga neji]

طقت جبدي وانا كل دقيقه مغير البطاريه فحليتها وخذيت لي كرتون بطاريات موءقت ليمه اشتري

شحن حق يده360 مالي خلق اروح الرحاب:laugh:

اما الفكره حلوه ويبيله نجربها

الصوره هذي مو طبيعيه::

 

[The Shark]

و الله فكرة ثورية :gasp:

 

[pacino]

الفكرة عظيمة لحالها بغض النظر عن الكواليتي , لكن اعتقد انها راح تكون اهدار للـ $$ اللي نقدر نشتري بقيمتها شي بفكرة اكثر اعتيادية و أيضاً جودة اعلى

اي فكره تقول عنها؟
الشحن عن طريق الUSB هي الفكره إلي اقصدها سواء بتلفون -بطاريه -كاميرا..يعني وين صارت الفكره عظيمه ألحين!؟..هي صحيح شغله ممتازه واقتصاديه لكن مو فكره ثوريه

 

[Torpedo]

وين العجب في الموضوع ؟
بطاريات و شاحن سوني .. في خمس دقائق او اقل تشحن لك البطارية .. و تظل شغالة لأيام .. أفضل بالتأكيد ..

 

[Mista Koo]

فكرة حلوة.. لكنها غير عملية إلى حد كبير

لووووول عالمنطق و المقارنة ....

خخخخخ من جد..
ترى الإبتكار مو في إنها تنشحن USB

 

[Da S.O.S]

اي فكره تقول عنها؟
الشحن عن طريق الUSB هي الفكره إلي اقصدها سواء بتلفون -بطاريه -كاميرا..يعني وين صارت الفكره عظيمه ألحين!؟..هي صحيح شغله ممتازه واقتصاديه لكن مو فكره ثوريه

باللهي؟
والآيبود اول جنريشن بالتاريخ قبل سوني واريكسون بقرون :yuck: .. كيف كان يشحن؟.. ما يحتاج اعدد الأجهزه الي تنشحن بالـ USB منذ قديم الأزل..
اتكلم عن الفكرة نفسها .. لا تقارن شئ بشئ ثاني ماله دخل.. الفكرة لحالها ممتازه .. عارفين انه فيه شواحن عمليه وقوية للبطاريات ومختصه بهالشئ.. انا اتكلم عن فكرة انها بطارية عاديه وتنشحن USB.. بس

 

[BioMario]

واااااااااااااااااااااااااااااااااااااااو ..
قمة التطور والله ..

انا اشوفة قمة الأبداع حتى لو عمر البطارية 5 دقايق لأن ممكن هذي التقنية تتطور اكثر بكثير ..
الصراحة اختراع موب طبيعي ..

 

[Ginko]

فكره تافهه، الشحن من اليو اس بي ما فيه عبقريه ولا ابتكار.

 

[Leon]

هههههههههههه والله غريب أمر البعض , شباب إنتو لا تشوفوها من جانب طريقة شحنها , لول أكيد كلنا عارفين ال USB , لكن فكرة دمج البطاريات العادية مع وصلة USB لشحنها وبدون أي إكسسوارات إضافية ( شاحن أو أسلاك ) هذي بحد ذاتها فكرة جديدة وقابلة للتطوير ..

لول..بالعكس..الفكره شبه مسروقه من هواتف سوني اريكسون (بمجرد توصيلها باالكمبيوتر يتم شحنها عن طريق USB) يعني الفكره وحده..وين الابداع؟

خخخ يا رجل من جدك إنتا ؟!؟!!

 

[Ginko]

هههههههههههه والله غريب أمر البعض , شباب إنتو لا تشوفوها من جانب طريقة شحنها , لول أكيد كلنا عارفين ال USB , لكن فكرة دمج البطاريات العادية مع وصلة USB لشحنها وبدون أي إكسسوارات إضافية ( شاحن أو أسلاك ) هذي بحد ذاتها فكرة جديدة وقابلة للتطوير ..



خخخ يا رجل من جدك إنتا ؟!؟!!

ومن الاي بود بعد. وبعدين وجود السلك في الجوالات والاي بود عند الشحن من اليو اس بي ما يعني انهم ما يقدرون يسوونها الا بالسلك، لكن عشان الراحه والسهوله، مالها علاقه بالامكانيات، لان تخيل تعلق جوال في فتحة يو اس بي ولا اي بود، راح ينكسر. عدم وجود السلك ابدا مو تطور، لانه ماكان اجباري في الماضي اساسا.

 

[Leon]

ومن الاي بود بعد. وبعدين وجود السلك في الجوالات والاي بود عند الشحن من اليو اس بي ما يعني انهم ما يقدرون يسوونها الا بالسلك، لكن عشان الراحه والسهوله، مالها علاقه بالامكانيات، لان تخيل تعلق جوال في فتحة يو اس بي ولا اي بود، راح ينكسر. عدم وجود السلك ابدا مو تطور، لانه ماكان اجباري في الماضي اساسا.

شي طبيعي إنه كلامك صحيح , لكن الفكرة هنا في نفس البطاريات اللي الجميع يستخدمها في أغلب أجهزتهم .. أتكلم عن الدمج بين الشاحن وبين البطارية وكيف إنها ممكن تتطور , يعني لو بكرة حصلنا جميع البطاريات الموجودة في الأسواق مزودة بUSB ذاتي وقابلة للشحن ما نعتبرها حاجة جديدة في المجال ؟!

 

[Ginko]

لا طبعا، لان البطاريات الي تنشحن من اليو اس بي موجوده، لكن الحين على حجم AA فقط. مدري وش الشيء الجديد هنا، خصوصا ان في السوق موجود بطاريات AA ليثيوم تنشحن وتقعد معك فتره مره طويله، لكن بدل ما تشبكها باليو اس بي فتشكبها بالجدار مع شاحنها. اعتقد الشيء الوحيد ان مالها شاحن، لكن مافي هالشيء ابتكاريه، كون الشحن من اليو اس بي قديم.

كل الي صار هنا ان هالشركه سبقت غيرها وسوت احجار AA تنشحن من اليو اس بي، ما ابتكرت شيء.

 

[Leon]

لا طبعا، لان البطاريات الي تنشحن من اليو اس بي موجوده، لكن الحين على حجم AA فقط. مدري وش الشيء الجديد هنا، خصوصا ان في السوق موجود بطاريات AA ليثيوم تنشحن وتقعد معك فتره مره طويله، لكن بدل ما تشبكها باليو اس بي فتشكبها بالجدار مع شاحنها. اعتقد الشيء الوحيد ان مالها شاحن، لكن مافي هالشيء ابتكاريه، كون الشحن من اليو اس بي قديم.

كل الي صار هنا ان هالشركه سبقت غيرها وسوت احجار AA تنشحن من اليو اس بي، ما ابتكرت شيء.

وجهة نظرك , لكن بالنسبة ليا تظل فكرة جديدة , والفكرة الجديدة = إبتكار .

 

[pacino]

انا اتكلم عن فكرة انها بطارية عاديه وتنشحن USB.. بس

لا طبعا، لان البطاريات الي تنشحن من اليو اس بي موجوده، لكن الحين على حجم AA فقط. مدري وش الشيء الجديد هنا، خصوصا ان في السوق موجود بطاريات AA ليثيوم تنشحن وتقعد معك فتره مره طويله، لكن بدل ما تشبكها باليو اس بي فتشكبها بالجدار مع شاحنها. اعتقد الشيء الوحيد ان مالها شاحن، لكن مافي هالشيء ابتكاريه، كون الشحن من اليو اس بي قديم.

كل الي صار هنا ان هالشركه سبقت غيرها وسوت احجار AA تنشحن من اليو اس بي، ما ابتكرت شيء.

......................