Microsoft تفوز بأفضل جهاز لـ Black Friday من جديد!

[Veeto]

الموضوع ما يتكلم عن ارقام مبيعات يتكلم عن استطلاع رأي

Microsoft’s Xbox One was the most popular video game console on Black Friday, according to a survey of early shoppers by shopping market research firm

ننتظر تاكيدات من ارقام مبيعات .. اعتقد ان الاثنين - البلاي 4 والاكس ون - بيبيعوا كل شحناتهم المتوفرة .. واللي بيتفوق بيكون اللي يوفر شحنات اكثر

 

[CODE-X]

انا اتكلم عن دبي

تبغاني ارسلك الرقم على الخاص علشان تتصل وتتأكد كم جهاز انباع ماعندي مشكلة .... انا قبل كم يوم راجع من هناكي وشايف شباب يطالبون الاكس بوكس 1 وكان مخلص الاوربية

ويوم سألت راعي المحل كم جهاز بعت قالي 150 جهاز في خلال 3 ايام والمحل اللي جمبه 200 جهاز

انا اتكلم عن دبي مو رياض

ومحل شارع الالعاب معروف واشهر محل في الامارات :v:

اجل هالمحلين مش كل المحلات مثل ما انت ادعيت فوق غالباً من المحلات اللي تبيع بالجملة لباقي المحلات و مش فقط تبيع مجزأ بفرضية ان هالرقم صحيح و الله اعلم .
و في الاخير محلين مش اثبات نجاح جهاز من عدمه .

 

[HorizOn]

ابا اعرف ليش كل موضوع سار للاكس 1 ينقلب مصخرة

انيس مع احترامي لك ردك ما كان ولابد ترا اقدر انزل لمستوى النقاش ونشبه البلاي 4 بمكعبات lego بس شو الفايده اللي بيضيفها هالرد ?

ههههههههههههههههههههههههههههههههههههههههههههههههههه موتني ضحك قسم بالله اي بطني :joy:

 

[HorizOn]

اجل هالمحلين مش كل المحلات مثل ما انت ادعيت فوق غالباً من المحلات اللي تبيع بالجملة لباقي المحلات و مش فقط تبيع مجزأ بفرضية ان هالرقم صحيح و الله اعلم .
و في الاخير محلين مش اثبات نجاح جهاز من عدمه .

+
فنتاستك جيمز في سوق مينا توني كلمتهم ماعندهم غير جهاز واحد بندل فورزا

وبخصوص المحلين روح اسأل عنهم في ناس من البحرين والكويت والسعودية تيجي تضرب خط طويل علشان توصل عندهم

قال فقط محلين قال

 

[Nasser]

^

ممكن اعرف اللي تبغى توصل له بالنقاش هذا ؟

 

[Zesky]

خبر عادي جداً..

ناس تنظر لمحلين كم باعوا جهاز نكست جن في البلاك فرايدي. (فترة ما قبل عيد الشكر)

وناس تنظر لجهازين نكست جن كم باعوا في امريكا ككل. (حتى الآن)

جهاز بعد اطلاقه باسبوع باقي على ارفف المحلات.. وجهاز نفذ من كل متاجر الالعاب في اول يومين (وتم حفظ وحدات منه للبلاكفريدي)

شباب خلوه يواسي نفسه..

واو مبيعات ممتازة.. برافو مايكروسوفت :clap:

 

[CODE-X]

ابا اعرف ليش كل موضوع سار للاكس 1 ينقلب مصخرة

انيس مع احترامي لك ردك ما كان ولابد ترا اقدر انزل لمستوى النقاش ونشبه البلاي 4 بمكعبات lego بس شو الفايده اللي بيضيفها هالرد ?

تقصد تسمية الجهاز ؟ اذا كانت مزعجة آسف عدلت الرد ::::

+
فنتاستك جيمز في سوق مينا توني كلمتهم ماعندهم غير جهاز واحد بندل فورزا

وبخصوص المحلين روح اسأل عنهم في ناس من البحرين والكويت والسعودية تيجي تضرب خط طويل علشان توصل عندهم

قال فقط محلين قال

حتى مجمع الراجحي كثير يمسكون خط طويل من الشرقية و جدة علشان يتسوقون عندهم .
و فنتاستيك جيمز في سوق مينا ما عنده الا جهاز واحد باقي من اصل 3 او خمسة صح ؟

 

[gears of war]

ابا اعرف ليش كل موضوع سار للاكس 1 ينقلب مصخرة

انيس مع احترامي لك ردك ما كان ولابد ترا اقدر انزل لمستوى النقاش ونشبه البلاي 4 بمكعبات lego بس شو الفايده اللي بيضيفها هالرد ?

شغل فانبويز بالمنتدى شي يلوع الكبد
لو تصرف عليهم سوني ما سوو كذا

 

[M_Joestar94]

خلاص الكسبون هو الافضل , هو اللي باع اكثر , هو اللي راح يبيع اكثر ... كفاية خلاص يا رجل .. اي موضوع خدم الاكسبون لو بحرف جيت و حطيته :joy:

عموما يعطيك العافية على مجهودك و اقرا المكتوب بالمصدر عدل

 

[HorizOn]

خلاص الكسبون هو الافضل , هو اللي باع اكثر , هو اللي راح يبيع اكثر ... كفاية خلاص يا رجل .. اي موضوع خدم الاكسبون لو بحرف جيت و حطيته :joy:

عموما يعطيك العافية على مجهودك و اقرا المكتوب بالمصدر عدل

قول شي جديد next time

 

[ryo hazuki]

صعبة على الواحد يقول ، اوه شي حلو و بداية حلوة للجيل الجديد

انما اكثر الردود هيه ( ال ps4 سولد اوت ، هذا هوه السبب )
التفكير فقط منو الي يبيع اكثر و نحاول نطلع الطرف الي مانحبة على اساسا انه مايبيع او جهازنا احسن من جهازكم و نجيب مبررات و ارقام

يعطيكم العافية واصلو على هذا المنوال اتمنى يكون عاجبكم

 

["a7mad"]

هولي شيت الموضوع هذا صاير مزبلة

 

[Wild Fox]

صعبة على الواحد يقول ، اوه شي حلو و بداية حلوة للجيل الجديد

انما اكثر الردود هيه ( ال ps4 سولد اوت ، هذا هوه السبب )
التفكير فقط منو الي يبيع اكثر و نحاول نطلع الطرف الي مانحبة على اساسا انه مايبيع او جهازنا احسن من جهازكم و نجيب مبررات و ارقام

بس الخبر كله عن مين باع اكثر ؟!

 

[Nasser]

صعبة على الواحد يقول ، اوه شي حلو و بداية حلوة للجيل الجديد

انما اكثر الردود هيه ( ال ps4 سولد اوت ، هذا هوه السبب )
التفكير فقط منو الي يبيع اكثر و نحاول نطلع الطرف الي مانحبة على اساسا انه مايبيع او جهازنا احسن من جهازكم و نجيب مبررات و ارقام

يعطيكم العافية واصلو على هذا المنوال اتمنى يكون عاجبكم

طيب فعلاً البسـ4 سولد اوت وهذا هو السبب ، ان كان الكلام هذا من المصدر اللي اساساً مبني الموضوع عليه ، او من الأخبار المتتالية عن نفاد البسـ4 من بعد يوم اللنش.

فـ ليش الحساسية ؟ مافي احد قال جهازنا احسن من جهازكم الا صاحب الموضوع نفسه وقاعد يجيب معلومات مغلوطه ويقرأ اخبار بالمقلوب إلى جانب مصادره الخاصه.

وياليت تبطل دخلتك في كل موضوع والرد ابو " اوووه بسكم عااد انتوا كل يوم هواش حرام عليكم ".

روح لاول رد في الموضوع وشوف سير الموضوع وكيف انتهى قبل لا ترد رد بهالأسلوب. الشغله مو عباطه ترى.

 

[HorizOn]

صعبة على الواحد يقول ، اوه شي حلو و بداية حلوة للجيل الجديد

انما اكثر الردود هيه ( ال ps4 سولد اوت ، هذا هوه السبب )
التفكير فقط منو الي يبيع اكثر و نحاول نطلع الطرف الي مانحبة على اساسا انه مايبيع او جهازنا احسن من جهازكم و نجيب مبررات و ارقام

يعطيكم العافية واصلو على هذا المنوال اتمنى يكون عاجبكم

صدقت والله مافي حتى تواضع في كلامهم ومايتفائلون بالخير , كل واحد يبغي يثبت كلامه غصب

والمشكلة هم نفس الأشخاص اللي يخربون المواضيع مثل كل مره -___-

 

[HorizOn]

طيب فعلاً البسـ4 سولد اوت وهذا هو السبب ، ان كان الكلام هذا من المصدر اللي اساساً مبني الموضوع عليه ، او من الأخبار المتتالية عن نفاد البسـ4 من بعد يوم اللنش.

فـ ليش الحساسية ؟ مافي احد قال جهازنا احسن من جهازكم الا صاحب الموضوع نفسه وقاعد يجيب معلومات مغلوطه ويقرأ اخبار بالمقلوب إلى جانب مصادره الخاصه.

وياليت تبطل دخلتك في كل موضوع والرد ابو " اوووه بسكم عااد انتوا كل يوم هواش حرام عليكم ".

روح لاول رد في الموضوع وشوف سير الموضوع وكيف انتهى قبل لا ترد رد بهالأسلوب. الشغله مو عباطه ترى.

محد جاب طاري بلاي سيتشن 4 في الردود غيرك

طيب بلاي سيتشن 4 سولت اوت شو المطلوب منا ؟

اكبر أشوي ... من عرفتك وانت نفس ما انت ونفس الاطباع ماتغيرت من 2007 .....

وبعدين عدل اسلويك مع الشباب :/

 

[Nasser]

^

ياخي انت ايش من بني آدم ؟ الموضوع بكبره يطري الـ PS4.

+ احترم نفسك وخل عنك شغل الطفولية الزايدة ، انا ما أعرفك ولا قد شفت وجهك ذا قبل ما تسجل في تروجيمنج.

فبطل شغل الكذب في كل شيء يرحم ابوك.

 

[HorizOn]

^

ياخي انت ايش من بني آدم ؟ الموضوع بكبره يطري الـ PS4.

+ احترم نفسك وخل عنك شغل الطفولية الزايدة ، انا ما أعرفك ولا قد شفت وجهك ذا قبل ما تسجل في تروجيمنج.

فبطل شغل الكذب في كل شيء يرحم ابوك.

ماتعرفني اجل هاه ماسرعك نسيتني يا دارك ايامنا حلوه كانت في NG4A ::::

 

[Nasser]

هههههههههه ، ياخي والله شغل اطفال. مين دارك ذا ؟

ياخي رح الله يستر عليك ..

 

[The Last Lombax]

*يشوف المركز ال19*

*يقرأ الاسم*

وأنا اللي كنت فاكر الإسم Shadow Fall طول الوقت.....حياتي كذبة!!!!1!!!


أيضا مستغرب أساسن كريد ريفيليشنز بالذات ليش باع الآن بالتحديد من بين كل أجزاء أساسن كريد الأخرى؟ @.@

وأزيدك من الشعر بيت، ماريو 3D لاند دخلت القائمة وورلد لا @@

 

[SULTAN 3]

^
بخصوص قائمة الالعاب اللي بالصوره .. اذكر فيه لعبه اسمها The Last Of Us مو بس Last Of Us مثل ما هو مكتوب فوق بالقائمة ههههههه :joy: قائمة مضروبة

 

[ryo hazuki]

طيب فعلاً البسـ4 سولد اوت وهذا هو السبب ، ان كان الكلام هذا من المصدر اللي اساساً مبني الموضوع عليه ، او من الأخبار المتتالية عن نفاد البسـ4 من بعد يوم اللنش.
.

بذمة يعني ، خبر مثل هذا يبين ان فية اقبال على ال Xbox one شو السلبي فية ؟

و شو دخل ال ps4 في الموضوع اساسا عشان تطرونه

 

[Nasser]

^

مافي احد قال شي سلبي ، وعشان كذا رديتوعليك وقلت ليش الحساسية الزايدة ؟ مافي اي شي سلبي بالموضوع.

المصدر المبني عليه الموضوع بنفسه قال ان سبب انتشار الون في البلاك فرايدي هو محدودية اجهزة الـ PS4 يومها.

فما أدري اي سلبية انت تتكلم عنها؟

 

[Century Wizard]

ماتعرفني اجل هاه ماسرعك نسيتني يا دارك ايامنا حلوه كانت في NG4A

هذا ثاني مرة تتبلّى على الشباب!


ايش قلة الأدب هذي، يا أخي عيب عليك والله عيب


انت في مكان محترم و الناس اللي فيه يناقشوك بعقلانية، لا تسيء ادبك اذا اختلفوا معاك


رد بمنطق و اسلوب محترم لا تعاند و تكذب و تتجاوز حدودك


مدري ايش اللي مخلي الادارة تعطيك مجال تسرح وتمرح، اقسم بالله المنتدى صار مسخرة

 

[M_Joestar94]

قول شي جديد next time

اولا كلامي كان مزاح ف لا تغتر بجهازك .. ثانيا .. كم يدفعولك عشان تطبل كل هالتطبيل ؟

 

[M_Joestar94]

ماتعرفني اجل هاه ماسرعك نسيتني يا دارك ايامنا حلوه كانت في NG4A ::::

انزين و انا ما تذكرني ؟ :stuck_out_tongue_wi

 

[Dark Side]

المواضيع الشخصية
لا يسمح بتسوية الأمور الشخصية في المنتدى نهائيا. عند كتابة المواضيع أو الردود يجب أن يتم مراعاة عدم الكتابة لتسوية أمور شخصية. يجب استخدام الرسائل الخاصة لجميع الأمور الشخصية.

مو اول مرة تصير المشكلة من مشاري الى ناصر . الوضع مخزي جداً جداً

 

[Nasser]

^

تبند ، ارتاح لول.

خل دارك NG4A ينفعه الآن.

 

[BigSur]

الاكس بوكس 1 هو اختيار الافضل اذا تبغي تنوع بالالعاب والحصريات وقت الاطلاق ومن غير الخدمات LIVE ​

ما تستحي؟

 

[hussien-11]

تم إغلاق عضوية مروان Horizon

ما عندنا شيء شخصي ضد مروان أو حتى ضد آراؤه، و له كل الحق هو و غيره في التمسك بالقناعة الي تعجبهم ( و إن كنا ما نرحب بالتعصب الأعمى في المنتدى )، المنتدى بيت لمحبي ألعاب الفيديو مهما كان اختلافهم

لكن ما نقدر نسمح بالكذب و التبلي على الأعضاء هذا غير تعدد العضويات، تجاوزنا مرة و اثنتين لكننا صاحيين و متابعين كل شي و مش نايمين، و إن كنا نعطي فرصة فهذا لأننا نتأمل الأفضل من العضو بحيث يرد و يكتب بشكل محترم مثل باقي الأعضاء و يتعلم منهم كيف يصير إنسان واعي و ممتاز و صاحب رأي و قناعة، مش علشان يستمر بنفس الأخطاء

الأساليب الملتوية مالها مكان هنا و لا نرحب بأصحابها 🙂