وبقولها بصراحة شديدة، أخبار وتمنيات الاستحواذ دي مضحكة جدا، من بعد خطوة مايكرو صار الناس تبغى سوني تشتري كابكوم وسكوير ومدري ايش....بس كلها بالواقع أحلام فانز.
بس ليش صار هالشيء؟ لأنه مايكروسوفت، ولأول مرة منذ زمن بعيد، قامت بخطوة قوية جبارة هزت مجتمع الجيمنج بأكمله، بأحد اضخم واقوى الاستحواذات اللي صارت، والشيء اللي عملته مش شيء سهل، أو شيء تقدر سوني تكرره حتى بنفس الشكل -مش كأنها تحتاج، هي مش شركة تسعى لاستحواذات وعندها طاقم استوديوهات ممتاز بالفعل-
لكن لأول مرة، الشيء الجبار اللي عملته مايكرو، هو شيء سوني ما تقدر تسويه، ولا ترده، فالسوني فانز، مهما كانوا مبسوطين بجهازهم -اللي لسه بيبيع بشكل ممتاز الشهر الجاي وبيكون متفوق بشكل عام وعندها العاب بمستوى ممتاز تعجبهم المفروض-، لأول مرة، يحسوا بعجز شديد، بنقص شديد، انه كيييييييييييف مايكرو تسوي شيء كبير ما تقدر سوني تسويه؟! الشيء مسبب حرقة، فبالتالي صار كثير كلام وأمنيات انه "اوف المفروض سوني تستحوذ على فلان وعلان!" ، فقط عشان سوني ترد على مايكروسوفت التعبانة وتأدبها، لكن للأسف الشيء ما بيحصل، الشيء مش لعبة، سوني مش بتشوف خبر بيثيزدا وتقول "اوف كيف عملوا كذا؟ يلا نروح نأدب مايكرو ونستحوذ على شركة فلانية بمبلغ اكبر" ويختاروا من كاتالوج شركات يشتروها ، بس الشيء مش بهالبساطة أبدا وعمليات الاستحواذ مش لعبة ولا هي شيء يصير بيوم وليلة، وحتى الشركات اللي الناس تتمناها زي سكوير وكابكوم وغيرهم، تتوقع يعرضوا نفسهم للبيع اصلا ويفقدوا استقلاليتهم؟ عشان يرضوا كم فانبوي في الانترنت؟ لا طبعا.
فكل اللي اقوله، انسوا موضوع اي استحواذ بوقت قريب أو حتى بعيد، تقبلوا الامر الواقع انه مايكرو قامت بعمل جبار ومفاجئ ما تقدر سوني تقلده، واستمتعوا بجهاز الPS5 الجبار اللي لسه بيقدم تجربة لعب ممتازة -المفروض- وبيبيع اكثر بموسم الاعياد هذا أكيد، تقبلوا انكم خسرتوا بهالناحية البسيطة ناحية الاستحواذات، بينما فزتوا بكثير نواحي أخرى.
