MGS3 واااااو !

[Naif]

اجلت لعبي في ميتل غير سوليد 3 عدة مرات .. اول مرة كنت اريد اشتري النسخة الاوروبية اللي في غلاف حديد و معاها الساوندتراك و بعدين انتظرت سابستنس .. من فترة خلصت كنجدوم هارتس 2 (اللي كانت روعة على فكرة .. بس ما توصل او تعدي مستوى الجزء الاول في رايي ) .. و اشتريت سابستنس ..

بديت العب اللعبة في الويكند السابق و كان عندي بعده امتحانات وايد فما اتعمقت فيها وايد .. لكن الويكند هذا الاسبوع تقريبا ادمنتها .. من 3 ساعات لعب الى 18 تقريبا و انهيتها ..

واااو على القصة !! القصة افضل قصة في السلسلة على الاطلاق .. تندمج فيها بشكل غريب و الشخصيات فيها عمق كبير .. شخصيات رهيبة .. من ذا بوس و الكوبراز الى اوسولت و ايفا 3> .. نهاية اللعبة كانت ابداع بشكل .. نهاية The Boss تخليك جدا متاثر بالشي اللي سوته .. اختلاف البيئات روعة و اعتقد هذي افضل لعبة ميتل غير من هذي الناحية (مع جزء الجيم بوي كلر) مرة في كهوف و في الغابات و في مراكز عسكرية .. عجبتني بعد فكرة التنكر و الكاموفلاج بشكل كبير .. حبيت اسلوبها الجديد وايد .. رغم اني واجهت مشاكل بسيطة في اسلوب اللعبة مثل ما قدرت اقاتل معظم الرؤوساء و التصويب عليهم بدون استخدام الفيرست بيرسون فيو اللي اعتقد انه اربكني في بعض الاحيان .. و الموسيقى كانت ممتازة جدا بعد .. حبيت في بعض المقاطع يوم تشتغل اغنية البداية ..

الرؤوساء كلهم كان ممتع القتال معهم .. اكثر واحد استمتعت فيه The End .. كان يخليك على اعصابك ( يوم كنت اقاتله كنت قاعد ادور عليه و فجاءة اشوفه عدالي .. لوول) السنايبينج في الغابة > في المناطق الداخلية .. و اللعبة فيها اغرب رئيس على الاطلاق The Sorrow .. لووول ما كنت عارف كيف اغلبه في البداية و عدت اللعبة اكثر من مرة عنده .. من المقاطع اللي علقت عندها فترة بعد هي يوم لازم امسك سوكولوف و اسرق ثيابه (اعتقد هذا اسمه ) لووول ليش مخلينه يشبه رايدن P: ..



اللعبة كانت رائعة جدا و واحدة من افضل الالعاب اللي لعبتها على البلاي ستيشن 2 .. و النهاية واحدة من افضل النهايات على الاطلاق و اخراج يخليك تتاثر بشكل كبير 🙁 + واااو على منطقة القتال الاخير مع The Boss ..


في بعض الاشياء اللي ما فهمتها:
سبويلرز:


- ليش The Boss رضت تخلي سنيك يقتلها في النهاية .. ما كنت منتبه على كلامها وايد في المشهد (كنت قاعد اشوف الزهور P: ) لاني اللي اعرفه هي في البداية كانوا مرسلينها على شان تاخذ البروفسرز بروفسي بس اختربت المهمة و كان لازم سنيك يقتلها بعد ما استخدم فولجان اسلحة امريكية.. كان في اكثر من حل ممكن يتفادون فيه قتل The Boss ..

- في النهاية طلع اسولوت هو ادام (هذا اللي فهمته من الكلام اللي صار في النهاية لانه اسولوت هو الوحيد اللي سنيك قاله انه اسمه جون .. صح؟) ما فهمت شو سالفة ادام هذا؟ اعرف انه اللي كان سنيك لازم يقابله بدل ايفا في المعسكر بس شو صار و ليش اسولت ما قال حق سنيك انه ادم من البداية؟

 

[Futrus]

لول تو الناس q:
لعبة ميتل جير3 أروع لعبه على البلاي2 بالنسبه لي وكفايه تصويت تروجيمنج لجوتي 2004 🙂
أنا منتظر سابستنس على نار 🙁 إن شاء الله توصلني في العطله (في كم عضو يدخلون أونلاين أتمنى يكونون موجودين-_- )

 

[King Wario]

عجبتني بعد فكرة التنكر و الكاموفلاج بشكل كبير .. حبيت اسلوبها الجديد وايد ..

تقريبا هذي من عيوب اللعبة ... لازم تضغط ستارت كل شوي وتبدل ، واصلا الستارت يذلك يوم يدخلك على القائمة ... لو مخلينها مثل تبديل الاسلحة "عالسريع" كان بيكون افضل

- ليش The Boss رضت تخلي سنيك يقتلها في النهاية .. ما كنت منتبه على كلامها وايد في المشهد (كنت قاعد اشوف الزهور P: ) لاني اللي اعرفه هي في البداية كانوا مرسلينها على شان تاخذ البروفسرز بروفسي بس اختربت المهمة و كان لازم سنيك يقتلها بعد ما استخدم فولجان اسلحة امريكية.. كان في اكثر من حل ممكن يتفادون فيه قتل The Boss ..

همممممممم ... مب متأكد ... لكن اظن هي بغت سنيك يكمل مهمته كاملة ، والجزء الاخير منها هو قتل ذا بوس

 

[Aoks]

مبروك + بدري 😛
بالنسبة للي تسرق ملابسة اسمه إيفان مو سوكولوف >.>

بالنسبة للسؤال الاول مب متأكد مرة بس أعتقد علشان تخلي سنيك ينهي مهمته ..

بالنسبة للسؤال الثاني مااعتقد ان في احد يعرف السبب والمفروض اننا نعرف السبب في جزء ال psp بورتبال اوبس.

اقل جزء لعبته هو الثالث علشان كذا ما ركزت على القصة مرة .. كنت ابي استنى سبستنسس .. بس نزلت وقت امتحانات .. ان شاء الله اشتريها في الصيف

 

[hussien-11]

- ليش The Boss رضت تخلي سنيك يقتلها في النهاية .. ما كنت منتبه على كلامها وايد في المشهد (كنت قاعد اشوف الزهور P: ) لاني اللي اعرفه هي في البداية كانوا مرسلينها على شان تاخذ البروفسرز بروفسي بس اختربت المهمة و كان لازم سنيك يقتلها بعد ما استخدم فولجان اسلحة امريكية.. كان في اكثر من حل ممكن يتفادون فيه قتل The Boss ..

- في النهاية طلع اسولوت هو ادام (هذا اللي فهمته من الكلام اللي صار في النهاية لانه اسولوت هو الوحيد اللي سنيك قاله انه اسمه جون .. صح؟) ما فهمت شو سالفة ادام هذا؟ اعرف انه اللي كان سنيك لازم يقابله بدل ايفا في المعسكر بس شو صار و ليش اسولت ما قال حق سنيك انه ادم من البداية؟

- لأنها تعتبر خائنة ( أمريكا استغنت عنها للخلاص من الورطة اللي وقعت فيها ) و بالتالي واجبها نحو بلدها انها تلعب الدور حتى النهاية حتى لو ماتت بدون ما حد يعرف انها كانت بطلة .

- ادم أوسلوت ؟ انا متذكر انه ايفا ~__~ ، إما انا مخربط او انت مخربط @_@

 

[King Wario]

- ادم أوسلوت ؟ انا متذكر انه ايفا ~__~ ، إما انا مخربط او انت مخربط @_@

خخخ انت ملخبط .... اول مهمة حق سنيك انه يلتقي مع ادم اللي هو المفروض يكون اوسلوت ، لكن طلعتله ايفا بدال ادم ...

 

[hussien-11]

خخخ انت ملخبط .... اول مهمة حق سنيك انه يلتقي مع ادم اللي هو المفروض يكون اوسلوت ، لكن طلعتله ايفا بدال ادم ...

أيوة أيوة صح ، و حتى ما قالت له كلمة السر ..... المهم أوسلوت بالأخير طلع عميل مزدوج ، نصاب كبير و مش وفي لروسيا ..

 

[Naif]

بالنسبة للي تسرق ملابسة اسمه إيفان مو سوكولوف >.>

هيه تخربطت بين الاسماء (لانه ايفا كانت تقول انه اسمه رايكوف )

- ادم أوسلوت ؟ انا متذكر انه ايفا ~__~ ، إما انا مخربط او انت مخربط @_@

هيه بس في النهاية مثل ما قلت اوسولت سال سنيك في الطيارة عن اسمه الحقيقي و قاله سنيك انه اسمه جون .. و بعدين في مشهد في النهاية اسولت قاعد يكلم واحد ثاني (عرفت انه اسولت لانه استخدم اسم جون على شان يدل على سنيك .. و هو الوحيد اللي يحسب اسم سنيك هو جون .. ) و لو تذكر في المشهد اللي كان سنيك بيقابل آدم فيه قابل ايفا اللي قالت انها مش هي آدم .. و بعدها بفترة وصل لهم اوسولت ..

تحرير: سبقني واريو ^^

 

[Mukuro]

*منبرش بالغلط ولقطله كم سبويلر وهو لسه ما لعب اللعبة*

 

[Aoks]

ايه صح اسمه ريكوف ايفان

 

[Humam]

ههههههههه نايف صباح الخير 😉 ميتل جير سوليد 3 = لعبة جيل !

بالنسبة ل The Boss, زي ماقالوا الشباب هي خلت سنيك يكمل مهمته وفضلت إنها تموت على يد أكثر انسان مقرب منها, الي قامت به يعتبر تضحية لبلدها الي تحبه رغم إن صورتها أمام الجميع إنها خائنة..

و آدم = أوسيلوت .. أوسيلوت كان دوبل ايجنت, كان متخفي باسم آدم حتى يجمع المعلومات للاستخبارات الأمريكية الي كان يرأسها في ذاك الوقت جون ماكون.. جون ماكون هذا الي رتب وخطط لقتل The Boss, علشان كذة البيج بوس رفض يصافحه في نهاية اللعبة في مراسم الاحتفال بعد انتهاء المهمة.. الجبان

 

[king zell]

أنا شريت سبستنس مع إني أنهيت اللعبة الأصلية لكن عشان التغييرات الجديدة.. الظروف مانعتني ألعبها للآن

فعلا اللعبة من أفضل ألعاب الجيل top 10 بسهولة

بالنسبة لأسئلتك فالشباب ردوا عليها

يمكن في جزء الPSP نتعرف على أمور كثيرة من جوانب القصة الغامضة

 

[Final Fantasy]

توه الناس ^^"

المهم مبروك ... و اللعبة تعتبر من أفضل ما قدم في هذا الجيل ... من قصة و موسيقى و اخراج و جيرافيك ... الخ

10/10

و النهاية ... لحتى الآن كل ما أشوفها أو أسمع موسيقتها أتأثر :_:

 

[m7tram]

مبروك نايف 🙂

اللعبه من أروع العاب الجيل, من ناحيه القصه الجباره وأفكار الرؤساء وتنوع الأماكن والعروض السينمائيه الخياليه . يعني لعبه تستاهل انها تكون من أفضل الالعاب وأروعها .

ههههههههه نايف صباح الخير 😉 ميتل جير سوليد 3 = لعبة جيل !

لول , همام لازم تحدد شنو لعبه الجيل يا جاك2 يا ميتل جير سوليد 3 😛

 

[Naif]

لووول ذليتوني .. و الله اعرف اني متاخر .. محد يكتب موضوع LTTP هنا -_-

ثانكس همام على الاجابات .. اقتنعت فيها ..

نسيت اذكر شي بعد عجبني في اللعبة .. سوالف الباراميدك بعد ما تخزن عن الافلام ^^ حبيت وايد هذا الشي لوول و ضحكت على بعض الاشياء يوم تقوله مثلا عن فلم فيه مخلوق من الفضاء و قالتله you probably will eat it .. لوول ..

 

[Final Fantasy]

نسيت اذكر شي بعد عجبني في اللعبة .. سوالف الباراميدك بعد ما تخزن عن الافلام ^^ حبيت وايد هذا الشي لوول و ضحكت على بعض الاشياء يوم تقوله مثلا عن فلم فيه مخلوق من الفضاء و قالتله you probably will eat it .. لوول ..

لوووول ذكرتني لما مرة تكلمت عن فيلم مو شايفته و سنيك قام رفع ضغطها و خلاها بالأخير تعترف أنها ما شافته !!

 

[Humam]

لول لعبة جيل = لعبة من أهم ألعاب الجيل 😉

 

[Reggie]

علشان كذة البيج بوس رفض يصافحه في نهاية اللعبة في مراسم الاحتفال بعد انتهاء المهمة

هو ما رفض يصافحه, هو بس تأخر لأنه كان شايف شي غريب من الشباك و فهى شوي

لو تضغط r1 في اللحضة هذيك وتطالع من الشباك بتشوفه

 

[Jizasu]

على البركه نايف عقبال ما تختم الكم لعبه الي بقولك و تدخل على النكست جنريشن ^.^​

 

[ASWD]

مبروك نايف ^^

The Boss والله هالشخصية غطت على كل شخصيات اللعبة حتى البيج بوس كانت لها هيبة وحضور قوي باللعبة حسافة 🙁

 

[الــخــــارق]

يمكن يخربها كوجيما ويرجعها
كسايبورج نينجا مثل جري فوكس 😛

ألف ألف مبروك انهائك للعبة نايف ..
فعلا اللعبة رااائعة وواحدة من تحف كوجيما الاسطورية ..

ما لعبت فيها كثير أنهيتها مره واحده على السريع ..
ان شاء الله في الصيف بأعيد لعبها بسبستنس ..

مبروك مره أخرى 🙂

 

[sehro]

lol انا بديت العب فيها من كم يوم ووصلت عند the end *لسه ماهزمته*

روعة اللعبة

 

[ABUALI]

lol انا بديت العب فيها من كم يوم ووصلت عند the end *لسه ماهزمته*

روعة اللعبة

ألحق عليه بسرعة قبل اسبوع 😛