MGO... الملتقى الرسمي لما قبل الحرب ..

[Justice]

خلصت التريننج كله وفصفصت التحكم عدل مدل .

إنطباعاتي :

- الرسم جيد جدا ومتحسن عن آخر عرض طلع بوايد .
- الحركة روووعة والكنترول واجهت صعوبة فيه لأني متعود على الأجزاء القديمة ... بس بالنهاية عرفت له صح .
- الأسلحة تقدر تعدل عليها .
- الي سأل عن المحادثات فيه محادثات صوتية .
- بالبداية تقدر تصمم شخصيتك ولبسه والوانه واكسسواراته .. بعدين تختار صوته من عدة اصوات .. بعدين تختار حدة الصوت (WoW) ناعم وإلا خشن وله طبقات .
- تسويلك نك نيم غير كونامي والبقية .
-لما تضغط R2 مدة معروفة تطلع لك لستة الأسلحة وL2 لستة الآيتمز .. لما تضغط R2 لمسة وحدة يبدل السلاح إلى السلاح التالي .. وتقدر تختار ترتيب الأسلحة . وتقدر تخلي الستايل القديم (لمسة تشيل السلاح واللمسة الثانية ترده ) بس ما يسوي ريلود مثل قبل .
- R1 ضربات الـMelee .. و تدخلك على الـCQC إفرض عندك المسدس تقدر كالعادة تسوي الخصم رهينة وتطلق ... بس لما تختار رشاش M4 على ما اعتقد وتروح تسويله CQC راح يطقه بحركة يديدة ماشفتها بالعروض ويرجعه لي ورى ويخليه Off Gard لمدة محدودة .
-تقدر تمسكه وترقعه بالأرض مثل السابق (MGS3) .
- تقدر وانت خانقه تنزله بالأرض وتكتم نفسه ... أو تسدحه (R1 + يمين او يسار) وانت بالأرض (مثل الحركة إلي بالعرض) استمر بالضغط لما يفقد وعيه .
-إذا كنت جالس وضغطت L1 (سي كيو سي) راح يقوم يسحب الجندي وتقعده بالأرض معاك .
- لما تضغط X راح يجلس ولما تستمر ينسدح .. بعد ما ينسدح إضغط مثلث راح ينسدح على ظهره .. ولما تضغطها مدة طويلة راح يخلي نفسه ميت (ظهر أو بطن) .
- لما تكون منسدح طق مثلث وشكل عليها وروح يمين أو يسار .. راح يتدحرج بالأرض (بس بطيئ مو مثل العرض).
- لما تقوم من الأرض عدلوها حييييييييل ... لما تكون منسدح بالأرض وتقوم (MGS3 ) كنت تضغط X مرتين بعدين يقوم .. الحين لأ .. إضغط X وانت تركض .. راح يحط إيده على الأرض ويركض وهو منحني (بسرعة) مو مثل قبل .
-طبعا لما تكون قاعد وتمشي راح يكون ماشي وهو منحني .
- دققت على شغلة .. طلقات الشوت جن الموجودة بالأرض استمرت مدة طويلة وما اختفت !!! ما ادري متى تختفي هذا إذا كانت تختفي :tgman:
- ضربتين من الشوت قن تقتل الخصم (من قريب).. إذا صوبت على الجهة العليا من جسده راح يطير من قوة الضربة .. وأي سلاح لما يحوش الراس بطلقة وحدة (يموت طبعا (&)) .
- لما تركض وتضغط X يتدحرج وإذا استمريت ينسدح (قديمة) .
-زر L1 هو زر اللوك .. لما تضغطه يسويله auto aim على القريب منك ..لما تضغط مربع راح يحول الكاميرا فوق كتفك ..ولما تضغط R3 يبدل من يمين إلى يسار .. ولما تضغط مثلث راح يحولك إلى FPS المنظور الأول ..(تقدر بالاوبشن تختار لما تضغط L1 يحول تلقائي FPS) .
-جميع الكاميرات تقدر تغير سرعتها بالخيارات ( الكاميرا العادية - الكاميرا فوق الكتف - سرعة المنظور الأول) .
- لما تضغط R3 راح ترجع الكاميرا وراك . . . لما تضغطها مرتين متتاليتين راح ترجع الكاميرا الأساسية .
-لما تلصق بالجدار إضغط مثلث .. وروح آخر الجدار راح يطلع .. صوب وراح تقدر ترمي وترجع .ولما تضغط R1 يطق الطوفة ويطلع صوت .
- في خيار ممتاز جدا بالاوبشن .. لما يكون اللاعب واقف وانت تحرك الكاميرا الجهة الثانية (المعاكسة مثلا) وتضغط L1 للتصويب .. راح يلف دورة كاملة أو مهما كان ويصوب إتجاه الكاميرا .. تقدر تخليها العكس الكاميرا بس للرؤية ولما يصوب يصوب مكان ما كان ( على وضعيته وليس وضعية الكاميرا) . خيار قوي حده .
- لما تضغط مثلث جنب ربعك راح تستخدم SOP وتعرف مكان ربعك وين ماكانو. وتقدر تشوف معلومات وحوسة عن إلي ضدك .
- لما تكون تتسلق سلم وتوصل فوق تقدر ما تصعد وتتمسك بالحافة إلي جنب السلم وتروح الصوب الثاني وتصعد (تفيد إذا واحد ينطرك عند السلم تروح له من وراه) .
- لما تكون متعلق بحافة ما تقدر تحول FPS وترفع نفسك وتطل مثل قبل .
- إضغط مثلث مدة يعطيك تحية xD .
- بالمنظار تقدر تمشي وانت ماسكه والزوم تسويه بالأسهم .
- بالـFPS الأسهم راح تفيدك أيضا بالتحرك .
- القنابل رووعة المؤشر مالها يعطيك 5 امتار قوة الرمية (ما ادري إذا اقدر ازيد) .
- الـC4 تقدر تلصقه بالخصم تسوي Lock بعدين R1 وإذا تبي تفجره إضعط دائرة .
- يوجد صناديق مبعثرة بالمرحلة علشان يشتتك ماتدري هالصندوق فيه أحد وإلا فاضي .
- البرميل لما تتدحرج فيه وايد طبعا عزكم الله **** .
- لما تضغط SELECT يحطون لك 4 خيارات (دفاع - هجوم - ...) وكل وحدة داخلها 4 اوامر تقولها شخصيتك بالصوت إلي اتخرته بالبداية .
- تقدر تسخدم الكيبورد .
- تقدر تسويلك إختصارات للكيبورد F2 مثلا يعني كلمة معينة .
- إضغط SELECT مدة طويلة وراح يتفعل المايك .
- لما تكون متعلق وتطيح شوف البطئ بالطيحة كأنه واقعي فعلا .
- قبل اللعب تقدر تختار موسيقى المرحلة وتقدر تخليها OFF .
الأونلاين :
ما لعبت إلا جيمين وطلعت .. ما اقدر احكم .

اسمي Snake87 ضيفوني (&).

عدلو اسم الموضوع
GO GO GO
أتمنى إني ما نسيت شي .. بروح أكمل لعب .

انطباعات جداً ممتازة قلت كل الي في اللعبة مشكور وماتقصر لكن ماعانيت من ثقل الحركة موكأنك
تحرك سام فيشر؟ :yuck:

 

[Super Mario]

بعد لعب ساعة وشوي....
بإختصار حاشني احباط من اللعب :embarrassed:
الحركة ثقيييييييييلة في اللعب
اللعبة ما بلعتها اطلاقا

 

[Snake-87]

انطباعات جداً ممتازة قلت كل الي في اللعبة مشكور وماتقصر لكن ماعانيت من ثقل الحركة موكأنك

ما عانيت
أزيد على كلامي :
- تقدر وانت تسوي ريلود وواحد جايك تكنسل الريلود وتروح تطقه.
- تقدر تغير اسلحتك مرة واحدة فقط بأنك تروح القاعدة وتضغط ستارت .

بعد لعب ساعة وشوي....
بإختصار حاشني احباط من اللعب :embarrassed:
الحركة ثقيييييييييلة في اللعب
اللعبة ما بلعتها اطلاقا

انت قبل لا تنزل مو بالعها .. شي طبيعي :yuck:

 

[Broken_Dust]

لعبت متواصل تقريبا من 3 الى 9 ... استغفر الله >.>"

اللعبة خورافية.. ممكن تلعبها بأي طريقة تبي, teamwork, solo melee, stealth, and random =D
الاستراتيجي و الافكار ما تخلص, المراحل تصميمها رهيب و واسعة, و عندك تنوع كبير من الاسلحة كل واحد له استخام مميز. و ما ننسى الـCQC !!

بالنسبة لثقل الحركة, و سرعة استخدام السلاح.. هذي الاشياء كلها تتعود عليها مع التحكم + الشخصية تتطور و تتقوى مع اللعب, حط "speed movement" بالاشياء الي تبي تتطورها و فالك طيب ^^

للاسف ما عندي مايك, بس الله يخلي اخوي كان شابك كيبورد, لاحظت بنص اللعب و قمت ادق سوالف و كونت لي اصدقاء من حول العالم لول.

عدلو اسم الموضوع
GO GO GO

You got it!
>>> متأثر XD

 

[SALAH]

بعد لعب ساعة وشوي....
بإختصار حاشني احباط من اللعب :embarrassed:
الحركة ثقيييييييييلة في اللعب
اللعبة ما بلعتها اطلاقا

لول عاد مو لهالدرجة لكن بالفعل اللعبة فيها شي مايخليك تلعبها باستمرار :slant:
اعتقد المشكلة من الماب الغبية اللي حاطينها , لو كانت منطقة مفتوحة شوي كان احسن
كمان سالفة انه جميييع اللاعبين نوبز فيها مزعجة ..تحس مافي تحدي , أي واحد بتشوفه رح تمتلكه :yuck:

 

[Kaze]

ادمان
I need to eat something T_T
كيف صار اللعب بعد ما خرجت P:
يقولون الهوست تبعي كويس مافيه لاق !

 

[Heart Knight]

اللعبة..:cryy:
كازي يوم دخلت أنا إنت خرجت خايف؟! (&)
و في إنتظاركم

 

[النسر الأسود]

ما في حد بلعب الحين ؟

 

[iCon]

الحمدلله ما واجهت اي لاق فيها لين الحين
اللعبه اشوفها رهيبه بالـ team work

علشان اضيف حد عندي .. شو استخدم .. KONAMI or GAMER ID ?
my gamer id : ahmed.uae

 

[Isaac]

تسلم سنيك على انطباعات التحكم.

 

[Justice]

اللعب كان ممتع جداً جداً ادمان هيع هيع الحين بلاك ويند مين؟ كازا؟
طبعاً سنيك 87 نفسه الي معانا لعب ممتع جداً نراكم بعد يومين لوول (علي اختبار) لووول

 

[BioMario]

حماااااااااااااااااااااااااااس ..
شباب مافي أمل اني احمل البيتا مرة ثانية -__- ؟

 

[Kaze]

اللعب كان ممتع جداً جداً ادمان هيع هيع الحين بلاك ويند مين؟ كازا؟

يس كازي P:

 

[النسر الأسود]

اللعب كان رهيب جدا خاصة إننا انتصرنا
نشوفكم قريباً...

 

[Zulfiqar]

ماتوقعت السيرفرات بتكون قوية زي كذا بعد مشاكل التسجيل.
لعبة قرابة الثلاث ساعات مالاحظت أي لاج, وماصار لي دي سي إلا مرة وحدة.
وبالنسبة للبحث عن الألعاب مافي أسهل منه, مايخذ منك أكثر من دقيقة.


بالنسبة للجيمبلاي .. رهيب !!
لك حرية كبيرة في إختيار طريقة اللعب, مع هذا مازال الجيمبلاي متماسك ومتوازن. الكل يقدر يدخل ويستمتع من المحترف إلى النووب.
التيم وورك فيها ممتاز جدا ً. نظام الSOP يسمح لك بمعرفة وين فريقك والتوالصل معهم. في تكست شات و فويس شات (ماعرفت أستخدمه) وأوامر سريعة. كلها في صالح التواصل.

التحكم والتصويب سيئين .. عندك ثلاث أنظمة تصويب المرونة فيها منعدمة.
في ال1st Person View التحرك بطيئ جدا ً مايساعدك على ملاحقة العدو, وإذا بدي إطلاق تنعدم الرؤية تقريبا ً.
أما الAuto-Aim المفروض يشيلونه خير شر .. ويخلون التصويب من فوق الكتف أكثر دقة.

أما نظام الكوفر .. ماأدري ليه غيروه عن الأجزاء السابقة.
أشوف نظام الأول أفضل بكثير ويناسب سرعة الأونلاين أكثر.

في بعض مشاكل في الفريم ريت .. والجرافيكس متواضع جدا ً.

الخرائط .. Blood Bath سيئة بشكل رهيب.
أم الخريطة الثانية (نسيت أسمها) استمتعت فيها أكثر.


اللعبة جميلة وممتعة .. بس بصراحة ماأعتقد بتفرض نفسها قدام ألعاب مثل Resistance2 أو GoW2 في آخر السنة.

 

[M 7 L]

بشكل عام انطباعاتكم " متفائلة " وأهم شي موضوع " اللاج " والحمد لله إنه غير موجود . . .

شباب مافي أمل اني احمل البيتا مرة ثانية -__- ؟

قلتها مثلك لكن ما قدرت ( جاري التحميل ) . . .

حماااااس كلامكم شباب بقوّة سوالف team work تعجبني بقوّة ‘-_‘-

 

[Khalid-S]

هممم .. انا "معجب" بهذي اللعبة .. ما توقعت ابداَ.

 

[SALAH]

واااااو هاللعبة ادماااااااان مو طبيعي
احلى شي لما تتظاهر انك ميت , ياخي بتخدع الكل فيها ماحد بيتوقعها ابدا
مع اني من عشاق الديث ماتش لكن في MGO التيم - ديث ماتش أروع بمراحل !
من الاضافات الخارقة بالنسبة لي هو الجهاز اللي يقذف الجندي , بالفعل حركة مبتكرة

برب اكمل لعب !!!! <tgman><tgman>

 

[Kaze]

يالله الي يبي حياه الله الروم مفتوح
black wind
pass aca
serv vamp

 

[BioMario]

بشكل عام انطباعاتكم " متفائلة " وأهم شي موضوع " اللاج " والحمد لله إنه غير موجود . . .



قلتها مثلك لكن ما قدرت ( جاري التحميل ) . . .

حماااااس كلامكم شباب بقوّة سوالف team work تعجبني بقوّة ‘-_‘-

قاعد تحملها يعني :gasp:؟

 

[M 7 L]

قاعد تحملها يعني :gasp:؟

إية :cryy::cryy::cryy::cryy: . . .

والله ما خلّيت كلمة في الدنيا إلا حطّيتها في كوجيما وكونامي كلّها !!

حمّلت البيتا وجى وقت ( الأبديت ) وطبعاً فيه ( 2 أبديت ) 1.1 + 1.2 والأبديت الأول يجيب المرض بطيييييئ , , ,

لازم أحمّل الأول وبعدين الثاني !!! وبدأ في الأول وتركتة فترة ولا رجعت إلا موصّل 5% وكاتب إيرور ( تباً لك يا كوجيما على الفلم الهندي إلي سوّيتة فيني ) :evil::evil:

عموماً غسلت إيدي من السالفة خلاص ! :moneymouth::cryy::moneymouth::cryy:

 

[Kaze]

وين ممكن ننزل البيتا من جديد ؟

 

[Double T]

لعبت البيتا امس بس ما مداني احط انطبعاتي ( كنت لازم امشي من الرياض )

الزبدة و بما ان الشباب ما قصروا .. اللعبة رهيبة و ما توقعتها زي كذا ابدا ابدا .. التيم ديث ماتش رهيب بس واحد من المابات مو بذاك الزود .. حتى اذا لعبت Free for all كما رهيبة و فكرة البوينتس عجبتني كثير و تخلي الجيم حماس مرة

 

[The Doctor]

إية :cryy::cryy::cryy::cryy: . . .

والله ما خلّيت كلمة في الدنيا إلا حطّيتها في كوجيما وكونامي كلّها !!

حمّلت البيتا وجى وقت ( الأبديت ) وطبعاً فيه ( 2 أبديت ) 1.1 + 1.2 والأبديت الأول يجيب المرض بطيييييئ , , ,

لازم أحمّل الأول وبعدين الثاني !!! وبدأ في الأول وتركتة فترة ولا رجعت إلا موصّل 5% وكاتب إيرور ( تباً لك يا كوجيما على الفلم الهندي إلي سوّيتة فيني ) :evil::evil:

عموماً غسلت إيدي من السالفة خلاص ! :moneymouth::cryy::moneymouth::cryy:

إذا كنت تنزل بالhttp فاستخدم الP2P و اتركه لين ما يخلص (ممكن ياخد يوم أو اكثر إذا محد ينزل معاك)

وين ممكن ننزل البيتا من جديد ؟

ادخل الستور الاوربي... فوق تحت الid و الافاتر تبعك بتلقى View Downloads ادخل و بتلقاها هناك

 

[BioMario]

شباب انا ما حملتها نهائياً يوم ادخل الستور الأوروبي ما احصلها ..
هل اقدر اني احملها من اي مكان ولا خلاص مافي امل ؟

 

[The Doctor]

شباب انا ما حملتها نهائياً يوم ادخل الستور الأوروبي ما احصلها ..
هل اقدر اني احملها من اي مكان ولا خلاص مافي امل ؟

اعتقد الحل الوحيد هو انك تاخد id و باسوورد واحد نزل البيتا و تعمل يوزر جديد في جهازك و تدخل المعلومات... بتقدر تنزل البيتا لجهازك من الستور لما تختار View Downloads

كان اعطيك idـي لو ما اني ناسي الباسوورد... حاولت استرجع الباسوورد لكن كل المحاولات باءت بالفشل 🙁

.................

 

[Snake-87]

في ال1st Person View التحرك بطيئ جدا ً مايساعدك على ملاحقة العدو, وإذا بدي إطلاق تنعدم الرؤية تقريبا ً.

تقدر تغير السرعة من الاوبشن .

تسلم سنيك على انطباعات التحكم.

الله يسلمك

 

[Zulfiqar]

تقدر تغير السرعة من الاوبشن .

جربته ومازال بطيء .. أنا أتكلم عن سرعة الإلتفاف.
تحتاج تقريبا ً ثانيتين عاشن تلف 180 درجة.
الواضح إنهم ماصمموا الكاميرا عشان تلعب فيها على طول بس لتصويب سريع.

 

[Justice]

^

الfps افضل لوكان الخصم من بعيد تقدر تصوب عدل اما لو كان قريب مافي امل تلحق عليه just run or shot

 

[Kaze]

انت مو قاعد تلعب COD4 ... هذي متل جير U_U

Justice
سألت عني وجاوبتك XD ... في شيء ؟