-بعد ما خذت الـSpace Jump Boots قلت أزور المعبد بدامه قريب و للحين ما رحت , في المدخل قريت Pirate Data: artifact site , قبل قلتها و أعيد مرة ثانية , من الأشيا الروعة في Metroid كيف تصير عارف و "متصور" عن ايش يتكلمون بعد أول مرة لعب ... اذا واحد ما لعبها الا مرة وحدة , هذا الشخص ما عرف جمال Prime !
-دخلت المعبد و قريت Chozo Lore: Statuary أول , ما كنت أدري انه الـChozo يعتبرون تماثيلهم و نحتها من التقاليد المهمة عندهم , كنت عارف انه الـ12 تمثال في المعبد حراس من قبل بس المعلومات الباقية كنت ناسيها . صراحة الـChozo رهيبين ...
-بعدها قريت Chozo Lore: Binding , لما الـChozo يعلمونك عن الأعداء "Space Pirates" و انه حتى هم يسوون أبحاث و يبغون يكتشفون غموض هذا المعبد تعيش جوهم ... وصف Metroid Prime بأنه Unholy Worm رهيب لول
-أخيرا نزلت المعبد ... خذت أول artifact و قريت اللي طلع لي من معلومات , أحب طريقة كتابتهم , حتى و هم يدلونك على طريقك رهيبين لول ! لحظة الصمت و تغير الموسيقى أول ما تدخل المعبد رهيبة , و بعد ما خلصت و رحت في الزاوية عشان أخذ نظرة عامة حسيت بجمال المعبد من جد , أهني Retro على التصميم الرهيب اللي عرف يخلط بين الحضارة و التكنولوجيا !
-بعد المعبد صار لازم أروح لمعبد الثلج في Phendrana , معبد ثاني رهيب ... هزمت Sheegoth و أخذت الـWave Beam . أحلى مجموعة beams موجودة فيPrime , الـbeams في Echoes كانت مزعجة لأنها تخلص و غير متنوعة فصرت ما أعتمد الا على الـPower Beam و الباقي ما أستخدمهم الا للضرورة , أما في Corruption خربوها مرة وحدة و صرت ما تقدر تختار بحرية , صحيح حركة ترجع الواحد للكلاسيكية بس حذفت عناصر لعب كانت رهيبة في Prime
-صار لازم أروح لمختبر الـPirates ... ذكريات سيئة مع هذا المكان , أول مرة لعبت و وصلته أول ما نزل Prime كنت بموت من الخوف يوم شفت الـPirates يراكضون علي و يطلقون من كل جهة , و الـtheme حقهم ما يقصر في تخويفني . كل مرة ألعب Metroid تجيني عقدة هذا المكان و عقدة أول مرة أدخل الـMines لدرجة أنه اخر مرة لعبت وقفت هنا و لا كملت لول . المهم على بالي هذي المرة غير كبرت و صار شي طبيعي , بس لما دخلت و ركض علي أول Pirate بأسرع سرعة و أنا قاعد أحاول أسووي له scan قبل لا أقتله رجعت لي الذكريات و الشعور كله ><" ... أكره الـSpace Pirates و مختبراتهم
-يوم دخلت المختبر كان في عدد كبير من الـData ,
=عجبني Mining Status و كيف لعوزهم الـPhazon في عيشتهم لول , الاثار الجانبية للتعامل معه صج كريهة لو تخيلتها .
=Phazon Analysis مثير للاهتمام , طلعت المادة لها خواص حيوية و تقدر تحدث تغيرات في جيل واحد فقط من التكاثر , هذي الميزة ذكرتني بالطاقة النووية و تأثيراتها .
=صراحة ما عرفت هدفهم من كتابة Security Breaches , هل كل هذي الاحتياطات متخذينها عشان يمنعون أي دخيل مثل Samus انه يخرب عليهم ؟
=Parasite Larva خلاني أحس انه الـPirates عندهم رحمة شوي لول , أجل يقتلون المختلين بالقتل الرحيم هاه .
=Glacial Wastes خلتني أفهم سبب كتابتهم للـSecurity Breaches , طلعوا يعانون من المخلوقات المفترسة و اختراقاتهم لول , أحسن يستاهلون .
=Phazon Program خلاني أكتشف سبب اختيارهم لـPhendrana Drifts مكان معملهم , اختيار منطقي جدا , هم يحتاجون أبرد جو ممكن عشان يتعاملون مع الـMetroids و غيرهم من المخلوقات بسلام , تفكير ممتاز
=Contact كان عن كيف اكتشفوا Tallon IV و مصدر الطاقة الغريب , عجيب الترابط بين الـData , في هذا تكتشف انه سبب مشاكلهم في التعامل مع الـPhazon كان معلوماتهم المحدودة و جشعهم اللي خلاهم يستعجلون يستخدمونه
=خذت لي لفة على بروجيكتر المجموعة الشمسية و كانت معلومات جيدة , بس استغربت يوم دخلت غرفة التخزين و شفت انه خبراءهم مو عاجبهم وضعه , هذا السبب اللي خلاهم يطفونه أتوقع لول
=قريت Meta Ridley و بعد ما خلصت ذكرت شي صعقني و حسيت بشعور "أخيرا عرفت ليش!" , لول السالفة و ما فيها اني دايما كنت أستغربت ليش اذا جيت بطلع من Phendrana Drifts أول مرة أشوف Meta Ridley طالع من هناك بعد , ما دري يوم قريت الـData انتبهت انه السبب كان انه مختبر الـSpace Pirates هنا فشي طبيعي نشوف Meta Ridley في نفس المكان ,,, Retro عليها حركات رهيبة !
=Metroid Studies خلتني أتساءل عن بعض الأشيا , صرت أبغي أعرف معلومات أكثر عن الـMetroids نفسهم , وين هم عايشين أصلا و شلون الـPirates صايرين كأنهم يمتلكونهم على انهم أسلحتهم ؟ أحد عنده فكرة ؟
=قرأت Phazon Infusion , معلومات حلوة , ما دري شلون الـPirates يتحملون يضحون بنفسهم في سبيل التطور و العلم p=
=الكلام في Metroid Forces رهيب , من جد مخلوقات عجيبة . أبحاث الـPirates عليهم منطقية من جد و أتفق مع كلامهم
=لما بدأت أقرأ Metroid Morphology ضحكت على الـPirates لما قالوا انه التشريح عطاهم أسئلة أكثر من أجوبة , بس لما كملت حسيت بجدية الوضع . ما ينلامون على محاولاتهم في فهم كيفية عمل هذي المخلوقات , قوة خارقة !
-أخير ! طلعت من المختبر بعد رعب كبير جدا في طريق العودة , أكتشفت انه فيني Metroid Prime Space Pitrates Phobia ... يخوفوني بطريقة غريبة , أحاول أقاتل واحد يجيني الثاني من جنب عشان ما أشوفه و يرفع سيفه , ما أتحمل أشوف شنو بصير لو ألتفت ... أكره الـ Pirates !
