Magical Vase 3D تصميم جديد ثلاثي الأبعاد من BioMario

[BioMario]

السلام عليكم ورحمة الله وبركاتة

قبل شوي أنتهيت من ثاني تجربة لي في الحقيقة انا وقفت مادري ليش اتكاسلت
لكن ردت لي الروح مرة ثانية و بإذن الله رح اتعمق أكثر و أكثر بعالم الـ 3D
طموحي أني اسوي تصاميم ثلاثية الألبعاد مثل إلي نشوفها في الألعاب طبعاً الشيء هذا صعب جداّ
لكن نقول إن شاء الله دام العزيمة موجودة : ..
مافي واحد بدء على طول محترف لول ..

عموماً هذا تصميم جديد من حماسي للـ 3D لول ..


إضغط على الصورة لمشاهدة التصميم كامل

البرامج : Cinema 4D , Photoshop CS3
مدة العمل : تقريباً 6 ساعات ( تصاميم الـ 3D تاخذ وقة طويل جداً خصوصاً إذا واحد بتدء )
أسم العمل : Magical Vase

نبذة :-
التصميم المزهرية هذا عبارة عن تطبيق من إحدى دروس الـ Cinema 4D لكن طبعاً برامج الـ 3D
حداً جداً صعبة أصعب بأضعاف من الـ 2D حتى اثناء تطبيق الدرس واجهتني مشاكل كثيرة لكن الحمد لله ..

المزهرية تصمم بالكاااامل ببرنامج الـ Cinema 4D سواء كان من الـ materials و الـ modeling و الإضائة إلى أخرة ... خامة الزجاج جداً معقدة وصعبة :xd: ..
والمؤثرات الأخرى تمت إضافتها لتعطي جمالاً أكثر بستعمال برنامج الـ Photoshop CS3

أتنمى انه عجبكم لول
طبعاً التصميم جداً بسيط مثل ما تعروفن تقريباً خبرتي بالبرنامج 3% :w00t:
​

 

[Colorization]

روعة يا علي، رووووعة. الإنعكاسات وكل شي طالعة بشكل خرافي، ما شا الله التصميم رهيب حيل. كل شي عجبني بالموديل. الله يوفقك.

حمستني أجرب البرنامج!

 

[q8 spy]

بو حسين لا تعب نفسك ترى مو حلو 😀



لا أضحك

والله حلو ما شاء الله عليك

أنت خبــير بهالسوالف

إلى الأمام 🙂

 

[pacino]

ما شاء الله تبارك الرحمن
عمل متقن وممتاز...الالوان جدا جميله ومتناسقه..احييك

 

[Lunar Poet]

ممتاز جداً علي! الزجاج طالع حقيقي

! + أعجبتني الألوان.
اقتراح صغير: حاول إنّك تقلل من الـpixie dust الموجود على النبتة، أو إنّك تخليه منتشر أكثر.

الله يوفقك

.

 

[Evolution]

تحية صادقة من القلب لك أخوي بايو ماريو ،

تصميم جميل وأكثر شي اعجبني فيه البساطة ، يعني مزهرية وبس ما جنبها خرابيط وحوسة وما ادري ايش ،


استمر وتقدم واتنبأ لك بمستقبل باهر !

 

[A7mad]

واو , المزهريه روعه والانعكاسات اللي عليها طالعه بشكل مذهل.

واصل , ان شاء الله نشوفك تصمم شخصيات للألعاب :.

 

[G7Ga7]

أحسنت ما شاء الله ..
الي عجبني :

مدة العمل : تقريباً 6 ساعات ( تصاميم الـ 3D تاخذ وقة طويل جداً خصوصاً إذا واحد بتدء )

ما شاء الله تبارك الله ..
يبيلك ثيم , وتاخذ وقتك بالكامل , ونشوف وش يطلع معاك ؟

 

[SALAH]

والله تهنئة من القلب علي ..عمل ممتاز ومتقن جدا بالنسبة لمبتدئ من ثاني مرة
همم Cinema 4D ..أذكر حاولت اتآلف وياه وماقدرت اتحمله نص ساعة وعطيته شيفت+ديليت !! لول ..
الحين تصميم هذه المزهرية بأي طريقة سويته ؟ Nurbs ؟ Loft ؟
حمستني الصراحة لأرجع للثري دي ماكس !! :inlove:

شباب للي مهتمين..هذا موقع يشرح شرح مو طبيعي للتصميم بالثري دي ماكس ( قديم مرة لكن اكيد فيه ناس مايعرفوه ) :

http://abobadr.net/3dsmax/tutorials.htm

 

[sabre]

ممتاز
والله جت في خاطري أتعلم cinema 4D بس طلع مو هين
تصميم روعة Right click> save as
نستنى تصاميمك المقبلة

 

[BioMario]

يبيلك ثيم , وتاخذ وقتك بالكامل , ونشوف وش يطلع معاك ؟

لول مافهمت !

الحين تصميم هذه المزهرية بأي طريقة سويته ؟ Nurbs ؟ Loft ؟

أستخدمت الـ Nurbs .. صلاح ترى الـ Cinema 4D خفيف جداً على الجهاز و إمكانياته هائلة ..
الماكس حلو لكن ثقيل .. الأحلى شي فيه ان دروسة متوفرة في الأنترنت بكثرة .. لكن انا سأل مصممين عندهم خبرة
يقولون السينما أسهل + أخف من الماكس و المايا ..

وأشكركم شباب على ردودكم المشجعة

 

[Hardcore Gamer]

اعتقد انه يقصد تيم وليس ثيم ...

عموما ما شاالله مبدع ... keep it up من جد لانه لك مستقبل بهالمجال إن شاالله

 

[Still Alive]

ما شاء الله عليك

أكثر شي اعجبني في التصميم هو المزهرية, تصميمها والإنعكاس والأبعاد جداً رهيبة وواقعية.

ولكن الألوان قليلة, لو أضفت عدد أكبر من الألوان رح تظهر الصورة بشكل أجمل, إضافة اللون الأحمر في بعض المواضع في الخلفية تكفي.

 

[Isaac]

ما شاء الله تبارك الله بداية ممتازة أخوي ..




همممم ياخي الفكرة عششت براسي !! :inlove:

شكلي بأتعلم أصمم ثري دي بالصيف.

بس ان كنت تبي الصراحة إن كان فيه أسلوب أنا مهتم أتعلمه فهو الـ Cel-hading هل السينما فور دي يدعم هالتقنية؟

يعني مثلا ممكن أطلع بنتيجة مشابهة لهذه ؟! :inlove:

:inlove::inlove::inlove::inlove::inlove::inlove::inlove:

اعتقد انه يقصد تيم وليس ثيم ...

عموما ما شاالله مبدع ... keep it up من جد لانه لك مستقبل بهالمجال إن شاالله

لا قصده ثيم xD

 

[BioMario]

حازم طبعاً لول ..
كل برنامج الـ 3D تدعم هذا الشي تقريباً ..
يسمونهtoon shader ومشهور هذا النوع ..
مثل ما تشوف هذا النوع مستخدمينه في زيلدا ويند ويكر ورح يستخدمونه في برينش او بريشيا لكن بشكل مطور لكن التقنية نفسها تقريباً

فلم Monster House صمم بالـ Cinema 4D
على فكرة حازم انت مثلي لول .. ترى إلي خلاني أتعلم الـ 3D هو أفلام الأنميشن بصراحة ^^ ..
طبعاً الوقت طوييييل لول .. وعلشان تكون محترف اقل شي يبيلك 3 سنوات وانت على البرنامج يعني الأمر موب هين ابداً ..
لكن لو في عزيمة رح تتعلم مهما كانت المصاعب ..

 

[Isaac]

لول اعذرني تراني نووب جدا في هالمجال xD


بس ممكن خدمة ؟!


أبيك تسوي لي الكنبة حقتك اللي حطيتها زمان بالـToon shader ... وسوي الفازة كمان إن أمكن (مع إني ما أحس إنه بيصير فرق كبير)


ودي أشوف أشكالهم كيف بتطلع ! ^^"

 

[BioMario]

سوري حازم ما أعرف اسوي هذا الشي حالياً لول توني مبتدئ :crying: ..
طبعاً انا الحين ماشي علشان اتعلمة إن شاء الله ..
ورح احاول اسويه بدور كيت الطريقة لانها إعدادات في الرندير شوي صدعة راس لول لكن لازم ادور لها ..

الحين التصميم عندي عادي لكن المشكلة في الرندرنج لازم اضبطعة على أساس أطلع التصميم
وكأنه كرتوني رح أبحث عنها حازم ولا يهمك :happy:

 

[Ash Storm]

ماشاء الله علي, احسنت!
التصميم ممتاز جداً و اتقنته, لازم ان شاء الله تستمر في هذا المجال و لا توقف!

 

[Mista Koo]

والله ممتازة ما شا الله
بس لو بدون النبتة والتأثيرات كان طلعت أحلى + professional أكثر

سؤال بسيط: الـrendering كم أخذ وقت؟

همممم ياخي الفكرة عششت براسي !! :inlove:

شكلي بأتعلم أصمم ثري دي بالصيف.

بس ان كنت تبي الصراحة إن كان فيه أسلوب أنا مهتم أتعلمه فهو الـ Cel-hading هل السينما فور دي يدعم هالتقنية؟

يعني مثلا ممكن أطلع بنتيجة مشابهة لهذه ؟! :inlove:

:inlove::inlove::inlove::inlove::inlove::inlove::inlove:

أنا صار لي قرن ودي أتعلم -__- شجعني معاك بالصيف

وبالنسبة للثانية فتفضل:
http://forums.cgsociety.org/showthread.php?f=132&t=180925
معظم اللي حصلتهم مسوينهم بالماكس بس أرهب وحدة بـC4D :nerd:

 

[Revolver]

ما شا الله عليك.

والله خليتني اتحمس , انا من زمان ودي اصمم اشكال C4D , بس كنت كسلان ومالي نفس

 

[Dark Man]

ماشاء الله عليك اخوي BioMario لك مستقبل ان شاء الله

من زمان و انت متابع جيد للـثري دي , دائماً اشوفك مهتم بهذا المجال

واضح ان ذوقك ممتاز , يعني الألوان و الفكرة مثلاً حتى لو كان التصميم بسيط ,
استمر و لاتوقف , انا مثلاً ياتني فترة كنت مدمن ثري دي ماكس , لكن للأسف تركتة من فترة طويلة و نزل مستواي , و الحين لازم ابتدي من الصفر إذا كانت لي رغبة للعودة ,

بس مازال الحماس موجود و في اي لحضة ممكن افرغ روحي شوي لهذا العالم الكبير ,
على فكرة ملاحض شباب الإمارات ماشاء الله مصممين بالفطرة , عندك مسلسل ( الفريج ) أكبر مثال.

 

[BioMario]

مشكورين شباب ..

سؤال بسيط: الـrendering كم أخذ وقت؟

عيسى اخذ مني تقريباً 3 دقائق .. مافيه شيء لأنه جداً بسيط مافيه حواف قوية و تفاصيل ..

------------------------

أتوقع شباب الـ C4D أسهل في الإحتراف من ناحية الأنميشن + التون شيدر ..
البرامج الأخرى أكثر صعوبة طبعاً

 

[Thirsty Fire]

ما شاء الله صورة روعة عجبتني مرررررة ان شاء الله نشوف اشياء افضل منك

 

[Saadawii]

تقنياً ما أقدر أتكلم.

لكن من ناحية الحس، الألوان أعجبتني جداً.

 

[Solay]

ماشاءالله عليك شغل نظيييييييف

ان شاءالله نشوف المزيد من التقدم..