Mac OSX | الموضوع الرسمي

[itachi]

^^ جرب تويتي ولا بتندم :

 

[Bakloyd]

شباب صيغة الـMKV عندي ماتشتغل تمام، تقطع شويه في اي فيديو او اي برنامج، كانت تشتغل زي الفل اول ما اخذت الجهاز. ويمكن تكون المشكله في اي فيديو HD لاني شفت كم مقطع HD في اليوتيوب وماكانو يشتغلو تمام عندي.

احد عنده فكره؟

 

[Lunar Poet]

Tweetie 2 قادم أخيراً!

ما بغى لول.. الإصدار الأول عفن و إحنا نطر التحديثات من atebits. بهالمناسبة، MacHeist أضافوا تويتي إلى بندلهم: http://www.macheist.com/#tweetie

كل اللي يشترون البندل بيحصلون على بيتا حصري لتويتي 2! (بتنزل البيتا بعد شهر)

تعديل: ترى ما بقى غير يوم واحد على البندل! 11 تطبيق بقيمة 342$ بسعر 19.95$ !! (من التطبيقات لعبة Tales of Monkey Island كاملة و اللي سعرها الأصلي 35$ ! )

تعديل 2: لول يمكن يكون هالشي غريب، لكن حتى اللي يبي Tales of Monkey Island للـPC بهالسعر يشتري البندل. الكود اللي بتحصله للعبة يشتغل لنسخ الماك و البي سي من اللعبة.

 

[Ash Storm]

اوكي امس شريت الجهاز .. و لإستغرابي، بديت افهمه و اتعود عليه اسرع مما توقعت!!
اوكي، انا نزلت الادوب باكج (فوتوشوب و غيره) و الاوفس لانه مهم للجامعة و الاي لايف و الاي وورك ..
هل في برامج اخرى مفيدة؟ نصائح؟ إلخ ....


لول للان اتلخبط و انا اكتب، خاصتا فل ر وال د :laugh:: !!

 

[Golden_Sun]

أش
مبروك عليك الماك!! 😡
الحين خلاص بتكره شي اسمه PC هاها!
وعلشان تتعود على الكتابه بالعربي شوف هالرد حق لونار قبل كم صفحه في الحل.. نفس كيبورد البي سي
الوصله فيها لينك تحميل layout الاحرف العربي اللي موجود في الPC

لول علي الزر اللي صورته مب موجود عندي في الجهاز (الظاهر إنه مب موجود في الأجهزة الجديدة)

black.heart جرب هالطريقة: http://www.apple-wd.com/2009/09/snow-leopard-arabic-keyboard-layout-fix/

والبرنامج اهم شي

Stuffit expander حق ملفات الrar والzip يفتحهم
وMovist حق الفيديوات والافلام والمسلسلات
Tweetie حق تويتر
NetNewsWire حق الـRSS تقدر تنقل قائمة جووجل ريدر له
Transmission حق التورنت

هذول اللي استخدمهم : )

 

[BigSur]

^^ جرب تويتي ولا بتندم :

جربته قبل و جربت كذا برنامج
itsy ارهب برنامج من بينهم.. لأنه للتويتر و بالتالي الخفة و البساطة هي اساس كل شيء فيه
خفيف و انيق و مرتب.. ودك تآكله :inlove:

تكفيك هالآيقونة تصبح و تمسي عليها

و تغمز لك لاصار فيه تويت جديد :inlove:


تويتي استخدم الاصدار الثاني منه بالآيفون.. افضل برنامج تويتر للآيفون بلا منازع

 

[Ash Storm]

اوكي شكرا عبد الله :happy: ..

سؤال: ما في برنامج تشات واحد يضم الام اس ان ماسنجر و الياهو و سكايب مثلاً @@؟

 

[Lunar Poet]

فيه، جرب Adium:

http://adium.im/

و جرب هالبرامج بعد، بتعجبك أكيد:

Socialite
Postbox
Tweetie
Droplr
CleanMyMac

 

[itachi]

مبروك آش وياهلا بيك مع شباب الماك ...من اليوم ورايح حياتك بتتغير :
أنصحك تتعود على اللاي اوت الكيبورد العربي للماك لأنه أفضل ..ما عليه تحمل بتلاقي صعوبه وغلطات في البدايه بس بتتعود بعدين ...
برنامج البطه "الأوديوم" هو أفضل برنام ماسنجر أستخدمه للماك ..البخيارات الأضافيه تتيح لك شغلات كثيره من اضافات وثيمات وغيرها

 

[kInGsIzE]

شباب استفسار ..
انا عندي ماك بوك الالمنيوم ..
و اوصله للال سي دي طيب؟
ابي اعرف وشي الطريقه او الاعدادات اللي تخلي الصوره تطلع بس في التلفزيون و شاشه اللاب تطفي لاني حاولت اخبص فيه ولا ضبط .. واذا في اعدادات معينه كويسه يا ليت ما تبخلون علي فيها ..

 

[itachi]

شباب استفسار ..
انا عندي ماك بوك الالمنيوم ..
و اوصله للال سي دي طيب؟
ابي اعرف وشي الطريقه او الاعدادات اللي تخلي الصوره تطلع بس في التلفزيون و شاشه اللاب تطفي لاني حاولت اخبص فيه ولا ضبط .. واذا في اعدادات معينه كويسه يا ليت ما تبخلون علي فيها ..

عندك طريقتين :
1- طفي الماك أو أعمل ريستارت وأهوه موصل بالأل سي دي
2- سكر شاشة الماك وأهوه موصل بالأل سي دي(بيعمل سليب) وبعدين قعد الجهاز بطرفيه خارجيه ماوس او كيبورد

 

[Dark Man]

itachi هذا عبدالرحمن الي كلمتة في السكرين شوت, شكلة انسان رهيب :sarcastic:

 

[kInGsIzE]

عندك طريقتين :
1- طفي الماك أو أعمل ريستارت وأهوه موصل بالأل سي دي
2- سكر شاشة الماك وأهوه موصل بالأل سي دي(بيعمل سليب) وبعدين قعد الجهاز بطرفيه خارجيه ماوس او كيبورد

شكرن ايتاشي 🙂 بجربها ..

 

[Ash Storm]

CLENMYMAC رهيب بس بفلوس -ــ- ما في برنامج مشابه بس مجاني @@؟

 

[itachi]

itachi هذا عبدالرحمن الي كلمتة في السكرين شوت, شكلة انسان رهيب :sarcastic:

لا عليك هذا خوش رجال :happy:

 

[itachi]

CLENMYMAC رهيب بس بفلوس -ــ- ما في برنامج مشابه بس مجاني @@؟

عندي هذا و Appzapper حق حذف البرامج والاضافات وغيرها
البرنامج الأول ممتاز لأنه يحذف شغلات ما تستخدمها في اغلب البرامج
لكن كلهم بفلوس :whistle:

 

[Ash Storm]

سؤال !!
ايش هي احسن طريقة استخدم فيها البطارية؟
يعني هل اشحنها بالكامل و بعدين افصل الشاحن لحد لما تفضى و اشحنها مرة ثانية؟
ولا اخليها في الشحن طول الوقت مادمت ما اتحرك؟

 

[Photon]

^
هذا يجاوب على سؤالك ؟ :happy:

http://blog.milyani.com/2008/11/17/2334/

http://blog.milyani.com/2008/11/25/2375/

 

[Ash Storm]

^
هذا يجاوب على سؤالك ؟ :happy:

http://blog.milyani.com/2008/11/17/2334/

http://blog.milyani.com/2008/11/25/2375/

يس يس تسلم :happy:

 

[itachi]

ببساطه لا تفصل البطاريه وأنشاء الله تخليه موصل بالكهرباء على طول لا مانع من ذلك ..وكما ذكر من رابط ملياني يفضل أول مره وكل شهر أنك تفضي بطارية الجهاز بالطريقه المذكوره في الرابط فوق

 

[Golden_Sun]

شباب عندي كم سؤال عن سفاري. والاسئله شوي غبيه لأن اول مرة استخدمة بعد فاير فوكس

1) شلون اغير الخط العربي من توهاما الى اي شي اخر؟ (ما احب توهاما!)
2) في فاير فوكس اقدر اروح لـTop page او Bottom page في اني احرك ايدي بالتوش باد بثلاث اصابيع لفوق او تحت. اهني بسفاري ماكو؟ (مسببه لي قلق لول)
3) شلون احط icon ريفريش فوق؟ مو موجودة في Customize Toolbar*

 

[Photon]

نزل التحديث الثالث الكبير لمستخدمي سنوليوبرد ..

شباب عندي كم سؤال عن سفاري. والاسئله شوي غبيه لأن اول مرة استخدمة بعد فاير فوكس

1) شلون اغير الخط العربي من توهاما الى اي شي اخر؟ (ما احب توهاما!)
2) في فاير فوكس اقدر اروح لـTop page او Bottom page في اني احرك ايدي بالتوش باد بثلاث اصابيع لفوق او تحت. اهني بسفاري ماكو؟ (مسببه لي قلق لول)
3) شلون احط icon ريفريش فوق؟ مو موجودة في Customize Toolbar*

1) ماعندي فكرة 🙁

2) للأسف الحركة هذه رهيبة في فايرفوكس و المفروض يكون سفاري يدعم جيستشرز أكثر بما إنه أبل صدعوا رؤوسنا بالملتي تتش لكن تقدر تستخدم زري cmd و تضغط فوق أو تحت و بتسوي نفس المهمة .

3) أيقونة الريفريش تحصلها بآخر بار العنوان على اليمين و شكله زي سهم متراجع .. إختصار الريفريش من الكيبورد cmd + R

إن شاء الله أكون ساعدتك 🙂

 

[Justice]

ماكنت ادري عن معلومة فصل البطارية عن الجهاز :sadwalk::crying:
على شان كذا اشوف اداء البطارية صار من 5ساعات الى 3 ساعات. تباً تباً تباً، يبغالي اشتري بطارية جديدة -ــ-!
على العموم سئلت عن سعر البطارية وطلعت مو غالية بس ب750 ريال والله بلاش.

 

[itachi]

شباب عندي كم سؤال عن سفاري. والاسئله شوي غبيه لأن اول مرة استخدمة بعد فاير فوكس

1) شلون اغير الخط العربي من توهاما الى اي شي اخر؟ (ما احب توهاما!)
2) في فاير فوكس اقدر اروح لـTop page او Bottom page في اني احرك ايدي بالتوش باد بثلاث اصابيع لفوق او تحت. اهني بسفاري ماكو؟ (مسببه لي قلق لول)
3) شلون احط icon ريفريش فوق؟ مو موجودة في Customize Toolbar*

2- تقدر بالكيبورد ...الأسهم + أوامر (اتوقع تمشي مع كل المتصفحات)

 

[T i d u s]

برنامج TinkerTool برنامج مجّاني وبسيط وظيفته يدلّك على الأشياء المهمة
المخفية أو الصعب توصل لها بسرعة في الـ System Preferences

http://www.bresink.com/osx/0TinkerTool/download.html

أنصح فيه

 

[Photon]

إشاعة شبه مؤكدة إنه آبل بتحدث خط أجهزة الماك بوك الحالية بأجهزة بمواصفات جديدة و عمر بطارية أطول ..

A fresh report coming out of the Chinese Language Taiwan Apple Daily reports that Apple will soon be refreshing the MacBook, MacBook Pro, and the MacBook Air sometime later this month. Refreshes of Apple’s notebook line have reportedly taken longer than expected due to unforeseen shortages of Intel’s newest processors.

http://www.edibleapple.com/taiwanese-apple-paper-claims-apple-to-refresh-entire-macbook-line-in-april/

الزبدة اللي حاب يشتري ماك بوك أي فئة ينتظر لين نهاية هذا الشهر و خلالها يبان إذا آبل بتحدثها أو لا .

 

[itachi]

شي أكيد توجه آبل لمعالجات هذا السنه من أنتل
معالجات i3 , i5 , i7

 

[Eario]

شباب عندي سؤال، ليش في الماك ما اقدر احصل على كامل سرعه الداونلود ؟

انا 4 ميجا بطبيعه الحال راح يكون الداونلود في احسن الحالات 450-590 كيلو و هذا الي احصله من الويندوز من المواقع الي مشترك فيها و تعطيني كام السرعه.

لكن في الماك لو استخدم نفس الموقع احصل على 160 - 290 .. !! فهل المشكله من النظام او نوع البرنامج الي استخدمه
؟ (فلوكس - سبيد داونلود).*

 

[itachi]

أتوقع من البرنامج ...أنا أستخدم Speed Download وأسحب السرعه كلها

 

[Ash Storm]

عندي سؤال .. اواجه في حالة غريبة!

عندي اكسترنال هارد دسك، و خلاص اتملى على الاخر، فقررت امسح ملفات قديمة و مالها داعي ..
بس المشكلة هي اني مش قادر امسح الملفات الموجوده على الهارد ..
و حتى لما اسحبها لسلة المهملات ما يرضى و تطلع لي رسالة تقول اني ما اقدر امسح هذا الملف ..

الحل @@؟