Mac OSX | الموضوع الرسمي

[Double T]

3) لما انزل برنامج وابي امسحه كلياً من الجهاز وين اللي نفس ال"add/remove programs" في الماك؟
ما تحتاج الا انك تروح محل ما نزلت البرنامج ( في ملف الابليكيشن ) و تحذف البرنامج لTrash .. بهذي السهولة

٤) شلون اسوي undo في الجهار؟ مثلا نقلت ملف بالغلط وابي ارجعه بكليك وحده تلغي العمليه الاخيره اللي سويتها، شلون؟
Command + Z

٥) شلون اسوي right click في الtouch pad بدال لا اسوي control+click، مافيه شورت كت اسهل؟
سوي كلك بس بصباعين مو اصباع واحد

٨) ملفات الavi شلون افتحها؟
نزل برنامج الVLC و راح تشغل كل الصيغ الي تبغاها

هذي الي اعرفه من الاسئلة ان شاء الله الشباب يساعدوك في الباقي 😀

 

[Golden_Sun]

شكرا دبل تي.. ما قصرت جاوبت النص باقي النص hehe

١) نقلت ملفات doc من الويندوز ل الماك ولما افتحهم في NeoOffice تطلعلي الكلمات كآنها احرف مو متصله ببعض٫ فيه حل لهالمشكله؟
٢) لما اكتب عربي في NeoOffice وانهي الجمله بنقطه، تطلع اول السطر بدال نهايته، شلون اخليها اخر الجمله؟
٦) ابي برنامج RSS جيد يطلعلي اخر الابديت في المواقع، احد يعرف؟
٧) ماهي البرامج المهمه اللي لازم انزلها على الماك؟ plug ins واشياء جذيه؟

 

[Lunar Poet]

(و أخيراًً!) الإصدار الأخير من نسخة المطورين لجوجل كروم يحل مشكلة اللغة العربية و يعرضها بنفس الخط المستخدم في سفاري، و يدعم الإضافات بعد! حملوه من هنا: http://dev.chromium.org/getting-involved/dev-channel

 

[itachi]

شكرا دبل تي.. ما قصرت جاوبت النص باقي النص hehe

1) نقلت ملفات doc من الويندوز ل الماك ولما افتحهم في NeoOffice تطلعلي الكلمات كآنها احرف مو متصله ببعض, فيه حل لهالمشكله؟
2) لما اكتب عربي في NeoOffice وانهي الجمله بنقطه، تطلع اول السطر بدال نهايته، شلون اخليها اخر الجمله؟
6) ابي برنامج RSS جيد يطلعلي اخر الابديت في المواقع، احد يعرف؟
7) ماهي البرامج المهمه اللي لازم انزلها على الماك؟ plug ins واشياء جذيه؟

1- حاول تشغلها ببرنامج ثاني مثل Bean ...وعندك حل ثاني ممكن يفيد غير خط الملف بكبره وشوف النتيجه
2- اتوقع هذي من البرنامج ودعمه للعربي ..
3- NetNewsWire
4- مشغلات الفيديو ..برامج تشييك عالنطام وتنظيف...انت قول ويش تحتاج وأحنا حاظرين

 

[Black]

استفسار بسيط .. عن الجهاز مو البرامج .
عندي ولسبب غريب جداً .. البطارية ماتعيش ابداً .. مدري ليش الصراحة يعني مثلاً قبل ساعتين كانت ٩٩٪ والحين وصلت للـ ٣١٪ .. وشيء ثاني .. الجهاز قام يحتر (يسخن) بسرعة .. هل في مشكلة بالمروحة ولا شيء؟ .. او المكان الي استخدمه فيه ؟

 

[Justice]

شباب فيه احد جرب حط الUbuntu عن طريق الboot camp بدل الويندوز اذا اييه بليز احد يساعدني؟
لاني ماحصلت الا عن طريق برنامج ال virtulbox :annoyed:

 

[itachi]

Black ...بعض البرامج تسبب اوفر هيت ما ادري ليش ..لكن اعمل
Resetting the System Management Controller (SMC)
طفي الجهاز ...وأفصل البطاريه ...واضغط على زر التشغيل لمده خمس ثواني ..بعدين رجع كل شي وشغل الجهاز

جستس ...ما أتوقع بالبوت كامب الظاهر مخصص للويندوز أنا ما جربت ..مالك الا بال vmware

 

[Sir Doyle]

1) نقلت ملفات doc من الويندوز ل الماك ولما افتحهم في NeoOffice تطلعلي الكلمات كآنها احرف مو متصله ببعض, فيه حل لهالمشكله؟
2) لما اكتب عربي في NeoOffice وانهي الجمله بنقطه، تطلع اول السطر بدال نهايته، شلون اخليها اخر الجمله؟

ما أستخدم هالبرنامج و لا أعتبره جيد (ما أقدر أفيدك بشيء فيه) ... فيه عندك سبب معين بأنك تستخدم الـ NeoOffice ؟
عندك برامج أفضل منه بكثييير ... أفضل حزمة للأوفيس في الماك الـ iWork و إذا كنت تبغي محرر نصوص عندك برنامج Nisus Writer Pro محترم جداً (يدعم العربي بشكل كامل).

ملاحظة: بالنسبة لمشكلة الخطوط المنفصلة، هذه المشكلة عادة من الخط نفسه ... و المشكلة الأعظم إذا كنت مركب الـ Microsoft Office (مشاكل مايكرسوفت منتشرة في كل محل، و وصلت إلى الماك :laugh:: )، أحذف مجلد Microsoft للخطوط ... بتشوفه في واحد من هذه المجلدات

/Users/[YOUR USER]/Library/Fonts
Root/Library/Fonts​

3) لما انزل برنامج وابي امسحه كلياً من الجهاز وين اللي نفس ال"add/remove programs" في الماك؟

أكثر البرامج يكون لها مجلدات بريفرنس و ملفات للكاش .. فإذا حذفت البرنامج (App) بيضل مجلداتها موجودة (عادة تكون مساحتها صغيرة و لا تضر أبداً في السيستم) و ما بيأثر وجودها بس لوحبيت تمسحها، في طريقتين:
الأولى: يدوياً
الثانية: الإستعانة ببعض البرامج مثل AppZapper

بعض البرامج في الماك تكون أنستول و لها طرق ثانية لحذفها

6) ابي برنامج RSS جيد يطلعلي اخر الابديت في المواقع، احد يعرف؟

NetNewsWire هو الأفضل
و في ناس يعجبها NewsFire أكثر

7) ماهي البرامج المهمه اللي لازم انزلها على الماك؟ plug ins واشياء جذيه؟

أممم ... و الله يعتمد على أستخدامك ... المهم أنا باذكر لك كم برنامج مهم:

Chrome: غني عن التعريف
Adium: للتشات
NetNewsWire
uTorrent: (نزل نسخة الألفا) أو Transmission
Speed Download: للتنزيل
FileZilla: للـ FTP
QuickShareIt: مهم لرفع الملفات و الصور
Movist: مشغل للفيديو
iWorks: الأوفيس من أبل
Art Text 2
Audacity: محرر صوتيات
BumpTop: سطح مكتب ثلاثي الأبعاد
Butler: أهم برنامج عندي .. أممم ما أقدر أوصفه
Toast Titanium: لنسخ الدي في دي و سي دي و البو راي
1Password: لحفظ الباسوردات و أشياء أخرى (برنامج مهم جداً و كل مستخدم ماك المفروض ما يفوته)
RarMachine: لملفات الرار (أنصحك بعد أنك تنزل برنامج الـ BetterZip و StuffIt)

و إذا كنت من محبي سفاري أنصحك أنك تنزل plug-in أسمه Glims

و طبعاً أختيار نوعية البرامج تعتمد على استخدامك ... فإذا كان في بالك شيء معين، أذكره 🙂

8) ملفات الavi شلون افتحها؟

أول شيء ركب حزمة الكودكس
و استمتع مع أفضل برنامج للفيديو Movist على الماك

و أنصحك أن تنزل بعد الـ VLC و MPlayer OSX Extended
طبعاً تطور الـ VLC توقف من فترة و اللحين المطورين جالسين يصممون برنامج جديد للماك 🙂

و إذا كنت من محبين الميديا سنتر، فعليك ببرنامج Plex الأفضل على الأطلاق في هذا المجال

 

[Golden_Sun]

itachi وsir اشكركم على المساعده ;- )
ان شاء الله اذا عندي اسآله ثانيه ماراح اتردد في السؤال. اللي للحين مو متعود عليه هو اماكن الحروف العربيه

 

[fall out boy]

شباب عندي مشكله .....

كنت مسوي ملف حاط فيه برامج و صور ......كان موجود على الديسك توب

بعدين نقلته على الدوك ..... بعد فتره لما اظغط على الملف ما يدخلني عليه .... و يكون على الملف علامة استفهام

ظغطت على الملف و سويتله دراج على الديسك توب و اختفى

لول كيف ممكن ارجع الملف

 

[Photon]

^
إذا طلعت لك علامة الاستفهام هذا معناته إنه الملف انحذف من الجهاز أو تغير مكانه .. تأكد من السبوت لايت .

 

[black.heart]

شباب انا توني ماخذ ماك من ساعتين و جالس احاول اضبط الكيبورد لكن عجزت اللهم عرفت كيف اخلي فيها عربي
لكن ممكن تعلومني كيف اغير اماكن الحروف العربيه بالكيبورد مثلا الـ د و الـ ذ .. الخ ابي اخلي اماكنهم زي الوندوز
كيف ؟ و كيف اقدر اسوي الشورت كت اللي ابغاها مثلا الكوبي ابي اخليه ctrl+c ..الخ
كيف :s

 

[Noah`s Ark]

^
بالنسبة للكتابة الـ د راح يرجع لمكانه بعد ما تسوي التطبيق الي راح اشرحه
لكن الـ ذ راح يتغير مكانه و راح اقول لك وينه بالظبط
روح لأيقونة اللغة واضغط عليها , راح تطلع اللغات الي انت حاطها
حط الخيار هذا

بتطلع لك الصفحة هذي

انزل لتحت بتشوف خيار العربية و العربية - بي سي .

ألغي خيار العربية و خلي العربية بي سي

خلاص الحين اكتب زي ما انت متعود على البي سي 🙂
بالنسبة للكوبي والبيست زي ما اهم بس بدل ما تضغط ctrl اضغط cmd
cmd+c = copy
cmd + v = paste

 

[Lunar Poet]

علي شلون تصور النوافذ بهالطريقة؟ (مع التأثير اللي يكون حولها)

 

[Noah`s Ark]

يوسف اضغط كومند وشفت و أربعة و سبيس
نفس طريقة تصوير التحديد بس زد عليهم سبيس

 

[black.heart]

يعطيك الف عافيه لكن الحين الـ ذ وين راحت لووووووول مهي في نفس مكانها و حاولت ادورها ما حصلتها لا مع شفت و لا كماند ؟
الحين باقي الاختصارات ياليت احد يسعفنا فيها

 

[Noah`s Ark]

^نسيت اعلمك سوري
حرف الذال اهو زر ال (~`) جنب حرف Z على جهة اليسار .
اختصارات ممكن تفيدك لو حاب تاخذ برنت سكرين
cmd + shift + 3 = برنت سكرين كامل
cmd+ shift+4 = برنت سكرين للمكان الي بتحدده يدويا
cmd + shift + 4 + space = برنت للنافذة الي راح تحددها
اختصارات ثانية .. همم .. انا ستعمل cmd + t لفتح نوافذ المتصفحات .
استخدم برضو cmd + Q للخروج الفوري من البرامج .
غير كذا ضغط على زر f3 وشوف الفايدة الي راح تجنيها منه , أحس الزر ذا صار اساسي بالنسبة لما اقعد على جهاز .
طيب اذا حاب تعرف الإختصارات لما تضغط file او هالأشياء راح تطلع لك الإختصارات الي تقدر تستخدمها في كل برنامج .
مثال للسفاري :

*
شوف كيف معطيك الإختصارت الي ممكن تستخدمها
اشياء كثيرة نفس الويندوز بس تقريبا يتغير معاك بدال ctrl يصير cmd

 

[black.heart]

الزر اللي قلت لي عليه هو المفروض انه ذ بالبي سي لكنه هنا مجرد ~ و الا انا غلطان لاني ما حصلت شي جنب Z غير شفت ؟
و يعطيك العافيه عالاختصارات لكن بالنسبه للكوبي و البيست ؟ البي سي كانت كنترول +c و كنترول +v في الماك كيف
اعذرني راح اتعبك معاي لكن سالفتي مع الماك سالفه :S

 

[Noah`s Ark]

لا تشيل هم بالخدمة

^
cmd+c = copy
cmd + v = paste

هذ الكوبي والبيست ..
بالنسبة للذال ذا الي مدوخ الشعب صورت لك صورة من جهازي .

 

[Lunar Poet]

لول علي الزر اللي صورته مب موجود عندي في الجهاز (الظاهر إنه مب موجود في الأجهزة الجديدة)

black.heart جرب هالطريقة: http://www.apple-wd.com/2009/09/snow-leopard-arabic-keyboard-layout-fix/

 

[black.heart]

لووووووووول يا ان جهازي مغشوش يا جهازك لووووووول من جد حتى انا ما عندي هالزر
يعطيكم العافيه
اذا عندكم نصيحه منا مناك على الطاير ممكن تفيد واحد جديد على الماك و ما يفهم الا الاشياء العامه جدا جدا جدا فيه لا تبخلوا علي

 

[Noah`s Ark]

انا جهازي قديم -ـ-"
تصدق لو اني في البلد اقدر اغيرة ببلاش وآخذ الـ pro ..
ما ادري العرض لين متى ماشي .
تعديل : هذا البوستر حق العرض

 

[black.heart]

اوكي ضبطت الكيبورد الحين يعطيكم العافيه من جد لو مو حلك لونار بتحسف على كنسلت اوردير ديل اكس بي اس و شراء الماك باقل مواصفات و اغلى بـ250 دولار لووول
لكن كتجربه اوليه اشوف ان المكان كان خيرا ممتاز جدا صراحه انبهرت فيه مع اني عارضت الشباب كلهم اللي نصحوني بالماك

 

[Noah`s Ark]

^
توك شاريه .
انتظر مع الوقت لما تتأقلم معاه , يصير انك راح تحبه أكثر من الويندوز .
بعض الشباب ما تغيرت وجهات نظرهم للويندوز بعد ما اخذوا ماك , لكنهم اعجبوا بنظام ماك على الأقل
فإن شاء الله راح ما راح تندم 🙂
انت بس اسئل على البرامج الي تحتاجها و انا اشوف ان له برامج رهيبة وسهلة التعامل .

 

[Lunar Poet]

black.heart جرب هالبرامج:
Socialite
Tweetie
Adium
Droplr
DaisyDisk
CandyBar
Postbox
BumpTop

للأسف مشعول شوي حالياًً و ما أقدر أتكلم عن البرامج بالتفصيل، لكن دور عنهم في جوجل و دور في الردود و الصفحات السابقة بتحصل برامج مفيدة جداًً.

تعديل: أكثر ميزة عاجبتني و أكثر شي بتستفيد منه هو التراك باد. اضغط على زر أبل (فوق في الزاوية على اليسار) و اضغط على System prefrences بعدين اضغط على Trackpad و شف الحركات اللي تقدر تسويها. لول صرت أستصعب إستخدام أي لاب توب ثاني بسبب تراك باد الماك بوك.

 

[black.heart]

اوكي لونار راح اخذ طله عليهم هاليومين لمن اخلص ميد تيرماتي
لكن حبيت اسالكم حملت المسن ماسنجر حق الماك لكن شكله غبي مره
هل مسن بلاس متوفر و الا لا لاني حاولت ادوره ما حلصته ؟ هل في برنامج ثاني يؤدي نفس الغرض؟

 

[Golden_Sun]

توني ادري ان ممكن تنحل مشكله الكيبورد العربي!!
المشكله كنت قاعد احاول اعود نفسي على اماكن الاحرف الجديدة.. شكراً!!
(الحين قاعد اتعود على اماكن الاحرف القديمة -ـ-")

 

[Sir Doyle]

استفسار بسيط .. عن الجهاز مو البرامج .
عندي ولسبب غريب جداً .. البطارية ماتعيش ابداً .. مدري ليش الصراحة يعني مثلاً قبل ساعتين كانت 99٪ والحين وصلت للـ 31٪ .. وشيء ثاني .. الجهاز قام يحتر (يسخن) بسرعة .. هل في مشكلة بالمروحة ولا شيء؟ .. او المكان الي استخدمه فيه ؟

أممم ... غريبة

لاتستخدم الفايرفكوس لأنه يسبب رفع في درجة الحرارة. و أيضاً:

...بعض البرامج تسبب اوفر هيت ما ادري ليش ..لكن اعمل
Resetting the System Management Controller (SMC)

بس لازم تشيك على هذه الوصلة لأن هذه العملية تختلف من موديل إلى موديل

شباب فيه احد جرب حط الUbuntu عن طريق الboot camp بدل الويندوز اذا اييه بليز احد يساعدني؟
لاني ماحصلت الا عن طريق برنامج ال virtulbox :annoyed:

البوت كامب عبارة عن محاكاة للـ BIOS لأن الماك يستخدم الـ EFI ... يعني لما تركب البوت كامب يصير لابتوبك مثل الابتوبات الثانية، فتقدر تركب إللي تبغاه... يعني مو مخصص للويندوز فقط، بس محاكاته تدعم بس نظامين (مثلاً الماك و الويندوز أو الماك و Ubuntu) ... و تقدر تركب ثلاث أنظمة بس لازم تستعين ببرامج ثانية

شباب عندي مشكله .....

كنت مسوي ملف حاط فيه برامج و صور ......كان موجود على الديسك توب

بعدين نقلته على الدوك ..... بعد فتره لما اظغط على الملف ما يدخلني عليه .... و يكون على الملف علامة استفهام

ظغطت على الملف و سويتله دراج على الديسك توب و اختفى

لول كيف ممكن ارجع الملف

إذا نقلت شيء للدوك فهو يعمل أختصار له فقط ... شكلك بعد مانقلته مسحته من الديسكتوب أو إنك نقلت الملف الأصلي إلى مكان ثاني، فتغير مكان الإختصار إللي في الدوك

توني ادري ان ممكن تنحل مشكله الكيبورد العربي!!
المشكله كنت قاعد احاول اعود نفسي على اماكن الاحرف الجديدة.. شكراً!!
(الحين قاعد اتعود على اماكن الاحرف القديمة -ـ-")

لول .. ناس وايد غيرك لما صار عندهم الماك كانوا ما يتوقعون أنه في هذا البرنامج أو أنه يسوي مثل هالشيء أو ... إلخ، وبعدين يقولون أوه توني أدري أنه يسوي كدا ... فإذا فيه أي مشكله عندك أو أي شيء تتمناه موجود إسأل لأنه يمكن يكون موجود 🙂

 

[Golden_Sun]

شالفرق بين فاير فوكس وسافاري؟
انا للحين ما جربت سافاري، الا اول ما شريت الجهاز وحملت من خلاله فاير فوكس وبس.
فيه مميزات في احدهم تميزه عن الآخر؟

 

[Photon]

^
سفاري أفضل من فايرفوكس في كل شي تقنياً .. أسرع متصفح موجود حالياً بالعالم و أدائه ثابت و مرتب ببساطة .. عيبه الوحيد هو عدم دعمه للإضافات .

فايرفوكس أقل منه من كل النواحي اللهم إنه يتفوق في مسألة الإضافات فقط ..

إذا ماتهمك الإضافات و تبغى مجرد تصفح فقط أو أي أعمال بسيطة تقدر تسويها بدون إضافات فايرفوكس روح حول على سفاري أحسن لك و لا تحرم نفسك من مزاياه العملية : )