LOST Official thread -- الموسم الرابع يبدا من صفحة 14

[Naif]

Lost (Music from the ABC Television Series)

March 21, 2006
ما اقدر انتظر ^^ موسيقى المسلسل روعة 🙂

http://www.amazon.com/gp/product/B000EHSVDM/ref=pe_snp_VDM/103-7625337-9222249?n=5174

 

[Khalid-S]

ممتاز ,, اكيد بنشوف وصلات تحميل في اول يوم من صدوره.

 

[fnh]

بانتظار نزوله

خلاص ابغى حلقه جديده ابغى اكمل القصه

 

[Naif]

,واااااااااااااااااااااااااااااااااااااااااااااااااااااااااااااااااااااااو !@@@!!!!!!@@#$@#$%@#%

حلقة اليوم رهيييييييييييييييييبة !!!

حماااااس >< "!!!"!


ما اقدر اكتب شي الحين .. توني شايف الحلقة .. بعدني ارتجف من لقطة النهاية !!

 

[Nintendo]

حمستني بقوه ناااايف

الحين قاعد انزلها وباقي ساعتين وتخلص .. حلوه سالفة كل اسبوع حلقه صراحة راح نفسيه ...

 

[fnh]

متحمس بشكل بروح اقرا معلومات عن الحلقه

و جاري تنزيل الحلقه ساعه و بشوفه ^^

 

[Khalid-S]

نزلت الحلقه الجديده !!!

الفلاش باك حق جون لوك هذا الاسبوع صح ؟

 

[Golden_Sun]

الحين انا ضيعت شوي .. آخر حلقه شفتها كانت حلقه ذكريات كلير كم كان رقمها؟ والحلقه اللي وراها شنو رقمها؟

 

[Khalid-S]

الحين انا ضيعت شوي .. آخر حلقه شفتها كانت حلقه ذكريات كلير كم كان رقمها؟ والحلقه اللي وراها شنو رقمها؟

-ـ- سلامات .. هذيك قديمه .. نزلت بعدها حلقه عاديه لكن نهايتها جباره. والحين نزلت غيرها . يعني عندك حلقتين تحملهم.

 

[Golden_Sun]

-ـ- سلامات .. هذيك قديمه .. نزلت بعدها حلقه عاديه لكن نهايتها جباره. والحين نزلت غيرها . يعني عندك حلقتين تحملهم.

لول ،، شكراً خالد xD .. شنو ارقاهم 15 و16؟

 

[Nintendo]

حلقة الاسبوع فعلا راائعه 🙂

الفلاش باك رهيب والاحداث حلوه واخيرا القصه تحركت شوي . لول والله حماس للحلقة القادمه ..

 

[Wicked]

شنو ارقاهم 15 و16؟

16 و 17...

 

[m7tram]

قاعد احمل حلقه الأسبوع راح اتكلم عن حلقه 16 :

في شي قاعد الاحظه بالجزيره قاعد تصير معجزات أول شي لوك ما كان يمشي والحين صار يمشي وثاني شي جين ما يقدر يجيب عيال لانه فيه عقم بس الحين قدر وسن حامل . وكل هذا بسبب الجزيره .. نهايه الحلقه أسطوريه !

 

[m7tram]

حلقه 17 :

@@ !! الحين من بعد ما ساعد لوك وما خلاه بروحه وو وو وو .. الخ النهايه تكون صدمه جذي ويطلع مو اهو هنري !
أبي حلقه الأسبوع الجاي بسررررعه !!

 

[Golden_Sun]

شفتهم .. 16 و17 اليوم .................................. لا تعليق :jawDrop::

احس الحلقه اليايه بتكون بارده ..

 

[m7tram]

خخخخ موضوع للتحاليل وحالتكم حاله وما اشوف احد يتكلم عن الحلقات كل الي اتقولونه حلقه حلوه اسطوريه خخخ ماله داعي الموضوع جذي !!!

 

[Golden_Sun]

لول هدي محترم ،، شوي شوي P:

امس كنت دايخ شفت الحلقات ونمت!! (كان عندي امتحان اليوم ومع ذلك شفت حلقتين امس لول)

حلقه 16 .. بصراحة حلوووووه الحلقه مادري شفيكم عليها؟ يعني توقعتها مثل ممل حلقات 11 و12 .. واكتشفت العكس ،، يكفي ماضي Sun كان ممتع وفرحت لها لما عرفت انها حامل!!!!! ..
بالاول توقعت انها حامل من اللي درسها انجليزي .. لكن تفاجئت انه من Jin واضح فعلاً ان هالجزيرة مو بس بتكون فال سيء لهم بالعكس .. لو كنت انا معاهم راح اكون ممتن لهالجزيرة مدى الحياة :razz: ..

بس الله يستر عليها الحين من الـOthers! .. اتوقع ان القصة راح تتركز حولها خصوصاً ان الـOthers بينهم وبين الاطفال علاقة ؟؟ .. وهينري (هذا اسمه؟؟ المسجون) .. همممم بنهاية الحلقه بط جبدي P:
وآنا لوسيا وسيد .. العلاقة بينهم تحسنت .. = ) .. هذا اللي لاحظته


اما حلقه 17!!!!! .. فهي الصراحة حط تحتها خطين احمر!! ..
اول شي سالفه الانذار اللي طلع بالهاتش ،، شنو كان سببه؟؟ .. وبعدين الرسمات اللي طلعت عالابواب؟؟ كأنها خريطه او شي من هذا القبيل؟؟

بالنسبة ماضي لووك مميز الصراحة .. زعلت لما حبيبته تركته ومشت وبنفس الوقت ما تنلام! يبط الجبد لوك .. خلاص افهم ابوك ما يبيك! لازم يلزق فيه = / ..

وهينري المسجون .. ما اتوقع انه من الـOthers .. لو انه من الـOthers كان قدر يهرب من لوك لما حرره (مو هم عايشين على هالجزيرة؟ المفروض يعرف كل خبايا الهاتش!!! ويقدر يهرب بسهوله ،، وله مجال انه يذبح لوك بعد!!) .. كون هينري مجرد انه اخذ اسم الشخص اللي قتله (او اللي مات الله اعلم) مو دليل انه شرير او انه من الـOthers واكبر مثال سوير!!


عموماً في انتظار الحلقه القادمة .. ولو اني ما اتوقع ان فيها شي حماسي ..

 

[m7tram]

حلقه 16 روعه حبيتها حيل وSun أبدعت الصراحه بالحلقه .. وفلاش باك مال لوك الصراحه اشوفه عادي جدا مادري ليش تقولون حلو يعني اشوفه عادي .. فلاش باك sun كان احلى ..

والغرفه الي تغيرت وطلع فيها اشكال ورسومات غريبه شنو يطلع هالشي!؟ خريطه للجزيره؟

وهذا البلوه الي يسمي نفسه هنري شنو سالفته؟! والله دخت منه الحين شنو هووو؟!؟!؟!
متى الحلقه القادمه علشان نعرف -_- بس أكبر خوفي ان الجواب يكون تافه وماله داعي وحماس هالحلقات يروح على الفاضي

 

[Nintendo]

بالنسبة للحلقة القادمه

مادري ليش عندي احساس انه هنري بيطلع واحد من الاوذرز ولكن هرب منهم وماوده يصير منهم وبينضم للشباب وبيعطيهم معلومات حول الاوذرز ومن هنا راح تبدا الاحداث تسخن بين الطرفين

مجرد تخمين وعاد اذا صاب المفروض اصير مخرج الحلقة القادمه 🙂

 

[Khalid-S]

اخيرا شفتها.


لوول احلى حلقه في السيزن الثاني .. في البدايه بارده لكن قصه لوك هي الي حركة الوضع .. مسكين هذا الرجال والله انه افضل شخصيه بالمسلسل .. يبي يرضي ابوه حبيبته . بيساعد ابوه على الفلوس وبياخذ فلوس عشان يخلي عرس حبيبته شي رهيب.. انا كنت متوقع ان الملاعين يطبون عليه ويضربون لين ما يخلونه ينشل .. لان جت اللقطه هذي لمن نزل الباب على رجل لوك ..

خخخخ في اشياء كثيره يبيلها تحاليل في الحلقه هذي .. اكثر شي غريب هي المعونات الي حصلوها في الجزيره في مكان يمرون فيه دايما هم .. وحاطين اشاره ضوء . يعني كانهم يقولون تعالوا شوفوها وكلوا .. خخخ كانهم حيوانات صغيره في عالم صغير .. احنا نرمي لهم الاكل من فوق.

بس الغريب من فين جا الاكل !! .. بعد ما وقف العداد اعتقد انه يا ( طاحت من السماء - احد رماها بالهيليكوبتر لان عليها شبك وسلك - او طلعت من مكان سري في الارض ) بس لو واحد رماها بالهيليكوبتر كان شافوا الهيليكبوتر كلهم. شي غريب فعلا.

الخريطه الي طلعت للوك يمكن هي خريطه المعونات الي ارسلولهم اياها !!! همم ما ادري .. لكن احس ان لوك بيسكت ما بيقول لاحد عن الخريطه وبيقعد يبحث ويقرا في الكتب الي بالهاتش ويطالع الفيلم الممل مره ثانيه الين ما يفك الحل وبيروح يستكشف ولا يقولهم... يعني بيغيب عنهم لفتره طويله. خخخ اذا قدر يرجع يمشي طبعا

اما بالنسبه لهينري ( لول الي ما ادري وش اسمه ) مثل ما قال عمر . لو هو من الاوذرز كان هرب .. بس في اشياء غريبه فعلا .. لمن لوك قاله الرقم الطويل حق العداد تحس ان هذاك كان حافظه من اول .. لمن ردده قالها بسرعه .. غير كذا احس انه هو راح للكومبيوتر وسوا شي غير وضع الرقم .. اما انه هو مو هينري.. ما ادري بصراحه ايش السالفه هنا .. معناته اكيد هو من الاوذرز بس مو عاجبه الوضع هناك وهرب منهم ومسكته شبكة الفرنسيه .. او الاوذرز كانوا بيموتوه وهرب ..

الحلقات الجايه بتكون حماس .. طلعت ثلاث الغاز جديده زياده على القديمه.

1- الخريطة الي طلعت بالهاتش
2- المعونات الي طلعت لهم فجأه
3- الشخص الي ماسكينه مو هنري


الحلقات الجايه بتكون مولعه حماس بعكس ما قال عبود .. يارب الاسبوع الجاي في حلقه 🙁

 

[Nintendo]

بالنسبة للمعونه فاعتقد

انه غالبا هي تنرسل للاوذرز لانهم تابعين للشركه ولكن هاذي المره الشباب حصلوها قبل لاياخذونها 🙂

دراهما = امبرلا 😉

 

[Golden_Sun]

اعجبتني ملاحظاتك خالد!! .. وحتى توقعاتك عمر منطقيه! .. يلا في انتظار الحلقه القادمة 😀

اعتقد نايف قال ان المسلسل الحين ماراح يتوقف لنهاية الseason؟

 

[Wicked]

Spoilers :

كلمه وحده AWESOME!
حلقه 17 كان فيها اشياء كثير :bigSmile:

و اهم شيء خريطه الجزيره !

و هذا سكيتش مرسوم من احد الفانز للخريطه فيه تفاصيل اكثر

تحليل من مخي ان الSwan هي الHatch
وباين ان في اكثر من hatch!
,و كل ما يصير Lockdown للhatch تطلع الخريطه و تبين للشخص الي في الداخل
وين يروح على شان يلاقي المعونات, لكن طبعا باين ان للخريطه سالفه اكبر من كذا.

و مثل ما في كل مره في الFlashbacks نشوف شخص له علاقه باحد الشخصيات, هذي المره..

edit: و في حلقه هذا الأسبوع:
Air Date: 4/5/06 (WEDNESDAY)
Time Slot: 9:00 PM-10:05 PM EST on ABC
Episode Title: (#218) "Dave"

65 دقيقه 😀!

 

[m7tram]

يا حلو الموضوع جذي 😉

 

[Golden_Sun]

نااااااااااااااديا O_O"

ترى القصة وايد "متشابكه!!!"<< تو الناس P: ..
وبصراحة الخريطة محليلنها مضبوط لول .. لكن في انتظار الكشف عنها في المسلسل احسن ..

مع ان للحين فيه اكثر من شي لم يتم الكشف عنه....

- الدب القطبي
- مايكل و ولده؟؟
- الحصان الاسود
- الدخان الاسود اللي شافه لووك وايكو
- الخريطه

بعد شنو فيه؟ تذكرون لما جاك وسيد راحوا بالهاتش وشافوا وجود مجال مغناطيسي تحت الجزيره؟ شنو كان سببه هذا؟؟ ..

في انتظار الحلقه القادمة!!

 

[Nintendo]

حلقة هذا الاسبوع جدا ماعجبتني ... للاسف فيلر جديد ...

بعض الاحيان الواحد يمل من سالفة انه الحلقة بايخه وبعدين اخر شئ يطلع حماسي والحلقة اللي بعدها مانشوف اي شئ عنه !!

 

[m7tram]

شفت حلقه 18 توني وبليل بشوف حلقه 19 :

الحلقه عجبتني وحسيت فيها رعب وهذا الجو يعجبني .. ليبي طلعت قبل فيها خلل بالمخ يعني مجنونه !! انصدمت الصراحه ما توقعتها ..

والي عايشين بالجزيره كلهم عندهم ماضي أليم ؟!

وهيرلي طلع ذابح شخصين قبل 😵 ,, الاحداث صايره عجيبه ابيها تكمل جذي

 

[Isaac]

ZOOOOOOOO

أهلين شباب ... صراحة توني بادي بالمسلسل حلقة 6 الموسم الأول ...

بس فلللللللللة عالآخر ... صاير أنزل الحلقات كنها ملفات mp3 الحلقة تنزل 3 إلى 4 دقايق لووووول 😀

فلة الأنترانت عندنا بالجامعة (على الرغم من انتشار الفايروسات فيها بسهولة - بس مسيطر عالوضع :razz: )


بشكل عام المسلسل إلى الآن جيد ... بس ماش أحسه بارد زيادة عنل اللزوم في بداياته ... وكل ما أتفائل وأقول اللحين الأكشن بيبدا ... يطلعلي مشهد ممل يخرب السالفة كلها ... 😛eeved:

بالمناسبة شباب .. فيه خطأ فادح بالـ Editing في الحلقة 5 الموسم 1 الدقيقة 10 الثانية 20 ... والله كبيرة !! 😛

 

[m7tram]

شفت حلقه 19 :

والمعجزه رقم ثلاثه وصلت (روز ومرضها) جزيره المعجزات 😛
وهنري (الي من الأوذرز) قدر يلعب بمخ جون لوك ويخليه انه ما يدخل الرقم .. ونهايه الحلقه كالعاده نهايه حماسيه اخيرا شفنا مايكل !! شنو صار له كل هالوقت؟!؟!
ماكو الا ننطر الحلقه القادمه

 

[Khalid-S]

اخيرا نزلت حلقه 20 وشفتها ... لا لا لا مستحييييييييييييل !!!!!!

ايش الي قاعد يصير !! الحلقه ماشيه مشي سليم وانا لوسيا كانت بتذبح هينري !! ايش الي قلب السالفه !! مايكل !! لااااااااااااا لييييييييييش !!! حرااااااااااام 🙁🙁🙁 ذبحت انا لوسيا والبنت المسكينه ...... وبالاخير ذبحت نفسك وفتحت للكلب هنري الباب !! ليييييش خربت كل شي كان مخطط له جاك !! 🙁 صدقوني في شي غريب حاصل .. مايكل حصل ابنه هناك وصار تفاهم بينهم .. في احتمالين .. الاول انه والت قال لمايكل خلي هينري يطلع .. سواها مايكل لكن بالاخير ماصدق انه ذبح وحده والثانيه بالغلط ومابيكون عنده مبرر على هرب هنري ذبح نفسه وهذا الاحتمال الاضعف ... الاحتمال الثاني الي هو والت فعلا شرير .. خلونا شوي نرجع للماضي مثل ما دايما نسوي .. والت في بدايه المسلسل زوج امه بعد ما ماتت امه قال لمايكل خذ والت ما ابيه .. الولد عنده قوى خارقه وووالخ من هذا الكلام .. غير كذا .. والت حرق السفينه ما يبي جن وسوير ومايكل يروحون !!؟ ليش ؟؟ هينري قال ان مستحيل يعطونكم والت .. طيب ايش الي خلى مايكل يذبح نفسه !!؟؟ هو اكيد يبي يخلي هنري يهرب لانه ذبح آنا لوسيا .. ماعنده اي مشكله ضد آنا لوسيا عشان يقتلها .. قتلها عشان يبي هنري يهرب .. اكيد لمن كان عند الاوذرز قالوا له سوي كذا كذا .. طيب دقيقه .. الحين لمن مايكل شرح لجاك وجون لوك كيف شاف الاوذرز .. خخخ يقول ان شافهم قليلين ورجع يقولهم .. هههههه يا حبيبي بطل نصب .. ايش الي فقع وابو وجهك كذا !! من التعب ؟؟ طيب غير كذا .. واضح ان كلامه نصب .. الاوذر مو هم الناس الوصخين مثل ما احنا عرفنا .. شفنا بيرد " لحيه " مزيفه في الهاتش الغريب .. شعار دهارما وهينري وغيرهم كثير اشكالهم مو وصخه ابدا ... المشكله الآن لمن يرجع جاك ولوك للهاتش بيحصلون الباب مفتوح وثلاث ميتين وهينري مو موجود .. معناتها هينري قدر يطلع واخذ المسدس من انا لوسيا وذبهم وطلع ..

هذا تخليلي من اخر لقطه في الحلقه ... اما سالفه هينري و جون لوك هذي مسئله ثانيه ما عندي وقت اكتب عنها -ـ- ....... ياخي LOST مشكله من جد .. مسلسل يتعب .. يشد الاعصاب مره وتجي اشياء ابدا ما كنت تتوقعها .. ننتظر الحلقه الجايه مع ان المعرض وقتها بيكون شغال ومليون تريلر قاعد احمله .. الله يعين.

ايش رايكم شباب ؟؟ ايش تحليلكم ؟؟