LOST Official thread -- الموسم الرابع يبدا من صفحة 14

[Khalid-S]

خاااااااااااااااالد ... اقرا ردك واظنك تتكلم عن الحلقة الثالثة ... قريت الكلمة الملونة بالابيض في النص -_-"

خخخ لا تخاف .. هذا نوع من انواع التحميس :: شوف الحلقه وبتعرف.

 

[m7tram]

شباب ما اعرف اذا وصلات التحميل الي تحملونها تعرض لكن بريفيو للاحداث القادمه ولا لا ؟؟ لان الاحداث القادمه هي الي تحمس.

لا , ما تعرض بريفيو البريفيو يجي وصله تورنت بروحها , بس انا ما أحب اشوف البريفيو أحس يخرب علي أهم لأحداث للحلقه الجايه .

 

[Khalid-S]

لا , ما تعرض بريفيو البريفيو يجي وصله تورنت بروحها , بس انا ما أحب اشوف البريفيو أحس يخرب علي أهم لأحداث للحلقه الجايه .

بس هذي المره لازم تشوفها ... لازم !!

 

[King Wario]

بس هذي المره لازم تشوفها ... لازم !!

دام انك اكدت يعني لازم ما اشوفه p:

شكله قوي البريفيو

 

[Naif]

كيف في جزيرة ثانية ؟!؟!!؟

احس مستحيل يكون محد لاحظها من قبل .. الطيارة تقسم قسمين و على طرفين من الجزيرة - هذا غير رحلات سعيد و سفينة مايكل اللي تقدمت عن الجزيرة و بعده ما لاحظوها؟ و كل تجوالهم في الجزيرة .. احس مستحيل يكونون ما لاحظوها ..

الا اذا السالفة فيها شي ؟. ..

 

[53]

لول ..

كل حلقه تطلع بالسيزن هاذا أحسن من الي قبلها ..

وهالحلقه أحلى بكل المستويات من فلاش باك لي الاحداث ..

نشوف أحداث الاسبوع الجاي .. :laugh:

 

[Wicked]

The two next episodes will change everything.

 

[NA!F]

احلى حلقة في الموسم الثالث للحين ..

و لكن يبقى الاستفهااااام الكبييير الجزيرة الثانية !!! كيف ما لاحظوها و هم جايين على رجوولهم !! و وسعيد و صن و جين بالسفينة حقت ديزموند .. اعتقد فيه شي كبير بيصير في الحلقة الجاية .

Lost و اشتعل فتيل الحماس مرة ثانية .. الله يعيننا بعد اسبوعين .. ( شهرين بيوقف المسلسل ؟ ) ياليت احد يصححلي اذا كنت غلطان .. 🙁.

 

[Nintendo]

حلوه حلقة الاسبوع ..

والله شباب يوم حسيت للحظات انه سوير ممكن يموت بصراحة فقدت الامل بالمسلسل .. فيه شخصيات اذا ماتت المسلسل بيتوكل خلال ..

صار صعب جدا انهم يوافقوا مابين قصة الشخصيات اللي بالجزيره الاولى !! وشخصيات الجزيره الثاني وانا مثل نايف بصراحة مش مقتنع بوجود جزيره ثانيه لانه لو تتذكروا اول حلقة بالموسم هنري وباقي شلته ( الاوذرز ) شافوا الطياره تطيح بجزيرتهم ولا انا يتهيألي ؟؟؟

 

[Khalid-S]

عمر اول شي غطي كلام السبويلر بالابيض خخخ ..

هي جزيره ولا جزيرتين ما تهم .. بالنهاية مافي مكان للهرب .. سوير مسوي بطل ويحاول يهرب .. مافي مكان يهرب له.

للي شافوا البريفيو حق الحلقة الجاية.

انا حاس ان مقر الOther بيتدمر .. ما اعرف ليش عندي هذا الاحساس .. والخسيس الياباني (اعتقد كان هو) الي طلع بالفيديو اعتقد هو بيكون العدو الجديد لهم .. في شخصية بتموت في الثلاث حلقات الجاية اكيد .. اعتقد انه بيكون مستر ايكو لان في احد اللقطات كان باين ان ايكو في شي طعنه .

عمر سعيد طلع في الحلقه الثانيه .. وش فيك نسيت ؟

 

[Nintendo]

لول ايه نسيت سالفته مع سن وعبدالكريم ...

 

[m7tram]

الحلقه حلوه , عيشوني برعب ان سوير راح يموت 🙁 بس الحمدالله عدت على خير , ورهابه الأوذرز أحسها راحت , الحين ما صرت أخاف منهم صرت أحسهم عادين .

 

[Naif]

عبدالكريم ...

؟؟؟

عشر حروف

 

[Koshiro]

بصراحة لوست صاير ترقييييييييييييييييييييييييييييييييع
اشياء تضحك ماتصدر عن مبتدئين
كل مرة حاطين لهم صاروخ في المسلسل اخاف اخر شيء بس يطلعون في ملاهي ويلعبون لعبة
هذي اسمها قلة حياء يعني الا غصب بنزيد من صعوبة التعامل مع الاوذرز عشان نطول المواسم
ينهونه بسرعة اصرف لهم لانهم ان استمروا على ذا الحالة بينقلب المسلسل مسخرة
اروح اطالع جولدن جرلز اصرف

 

[Koshiro]

للي مافهم قصدي بترقيع اول شيء اظهروا ان الاذرز يعيشون بين جبال في نفس الجزيرة:slant:
وبعدين حطوهم في قرى جنب البحر بعدين رموهم في جزيرة ثانية قسم بالله شيء يفشل
ادري ان المتعصبين للمسلسل بيجون يطبون علي
بس وش عذركم بذا الترقيع الي يصير
تبون تشوفون اشياء محبوكه؟ شوفوا بوستن ببلك

 

[Khalid-S]

لول .. هذي مو مشكلتهم لو انت ما فهمت وش السالفه اصلا.

 

[Wicked]

no arabic keyboard

it's your fault if you're not smart enough to understand, they made it clear
at first they pretended that they are not civilized
and after that Kate discovered the fake beard, and also Walter said ' they are pretending' and obviously they are on another island, hence, they don't want them to get a boat so they can't find it

 

[53]

لول .. هذي مو مشكلتهم لو انت ما فهمت وش السالفه اصلا.

لوووووووول .. إي والله صاج :laugh:

 

[NA!F]

انا حاس ان مقر الOther بيتدمر .. ما اعرف ليش عندي هذا الاحساس .. والخسيس الياباني (اعتقد كان هو) الي طلع بالفيديو اعتقد هو بيكون العدو الجديد لهم .. في شخصية بتموت في الثلاث حلقات الجاية اكيد .. اعتقد انه بيكون مستر ايكو لان في احد اللقطات كان باين ان ايكو في شي طعنه .

خالد ايكو ما مات ؟! في الحلقة الثالثة على ما اعتقد ..

 

[Xavi]

لا حي ......

 

[Koshiro]

لول .. هذي مو مشكلتهم لو انت ما فهمت وش السالفه اصلا.

خالد مخلي فهم السالفة لك حبيبي تعرف محد يفهم السالفة الا انت::

it's your fault if you're not smart enough to understand, they made it clear
at first they pretended that they are not civilized
and after that Kate discovered the fake beard, and also Walter said ' they are pretending' and obviously they are on another island, hence, they don't want them to get a boat so they can't find it

لوول خلاص انت الذكي
طيب هالحين وش دخل تظاهرهم بانهم مهوب متحضرين وواللحية الي اكتشفتها كيت بالمقطع الي جابوه للمكان الي ساكنين فيه بين جبال ما اقصد الي جنب البحر يوم يختطفون والت
انا اقصد المقطع الي بين انهم ساكنين بين حلقة جبال
هل هذا بعد مافهمت قصدهم فيه؟
بالنسبة للقارب متى حطوا السالفة هم اساسا حاول تتذكر قبل والا بعد ما صوروا المكان الي هم عايشين فيه
خلاص انت الذكي وانت الي تفهم بالفعل شيء غريب ان تشوف ناس يعميها التعصب لدرجة انها ترقع لمسلسل وتتهجم على الاراء الاخرى وتصف البعض بعدم الفهم

لوووووووول .. إي والله صاج

الاخ مع الخيل ياشقراء؟

 

[Nintendo]

انا اللي مادخل مزاجي سالفة الجزيره الثانيه ..

- سعيد يوم مشى حول الجزيره ببداية المسلسل ماشاف شئ ( طيب نقول مامشى حول الجزيره كامله )
- الشباب اللي طاحت فيهم الطياره طاحوا على جنبي الجزيره ولا احد منهم شاف الجزيره الثانيه
- يوم مايكل وسوير وجن طلعوا بالسفينه من جهة واتفجرت عليهم ورجعوا بالجهة الثانيه من الجزيره وماشافوا شئ
- يوم سعيد وجن وسن اخوذا البوت ولفوا الجزيره وايضا ماشافوا جزيره ثانيه
- بداية الموسم شفنا الاوذرز يعيشوا بنفس الجزيره وعلى بيوت وكل شئ يوم طاحت الطياره وشافوها تطيح ..

الله يعينك كوشيرو 🙂

 

[53]

الاخ مع الخيل ياشقراء؟

لوول أي خيل يا معود أي شقرا ..

لا بس الموضوع إن الكلام إلي قاله خالد إهو الي كنت أنا بقوله بس :laugh:

 

[Koshiro]

انا اللي مادخل مزاجي سالفة الجزيره الثانيه ..

- سعيد يوم مشى حول الجزيره ببداية المسلسل ماشاف شئ ( طيب نقول مامشى حول الجزيره كامله )
- الشباب اللي طاحت فيهم الطياره طاحوا على جنبي الجزيره ولا احد منهم شاف الجزيره الثانيه
- يوم مايكل وسوير وجن طلعوا بالسفينه من جهة واتفجرت عليهم ورجعوا بالجهة الثانيه من الجزيره وماشافوا شئ
- يوم سعيد وجن وسن اخوذا البوت ولفوا الجزيره وايضا ماشافوا جزيره ثانيه
- بداية الموسم شفنا الاوذرز يعيشوا بنفس الجزيره وعلى بيوت وكل شئ يوم طاحت الطياره وشافوها تطيح ..

الله يعينك كوشيرو 🙂

بعدي والله عمر هذا الي كنت حاب اوصله

والشيء الاوضح من هذا كله المكان الي يعيشون فيه قسم بالله وضحوه ياناس جابوووووه في السيزن 2 على ما اذكر كان بين جبال في نفس الجزيرة وكانت لهم بيوت وكلهم موجودين بذاك المكان فجأة اختفوا وجوا على جزيرة ثانية؟ عجيبة

 

[King Wario]

والشيء الاوضح من هذا كله المكان الي يعيشون فيه قسم بالله وضحوه ياناس جابوووووه في السيزن 2 على ما اذكر كان بين جبال في نفس الجزيرة وكانت لهم بيوت وكلهم موجودين بذاك المكان فجأة اختفوا وجوا على جزيرة ثانية؟ عجيبة

هي بس عبدالله ممكن نقول انهم كانوا يتنقلون بين الجزيرتين ، مافي نقدر نقول لا

اما النقاط اللي ذكرها عمر فأنا معاكم فيها

 

[Koshiro]

هي بس عبدالله ممكن نقول انهم كانوا يتنقلون بين الجزيرتين ، مافي نقدر نقول لا

اما النقاط اللي ذكرها عمر فأنا معاكم فيها

يتنقلون كلهم مرة وحدة بين الجزيرتين؟
ليش يبنون الي بين الجبال دام عندهم جزيرة ثانية اساسا؟
وشيء ثاني ماشاء الله نقل تلفزيونات وافران وكلش بين الجزيرتين؟ عندهم سفينة الظاهر؟ كل الي شفناه قارب صغير +لو انهم عندهم قوارب كافية ليش طلب بنجامين القارب الي مع سعيد والكوارية؟ ليش ماخلاهم يحرقونه او يكسرونه او مهما يكن
وفيه شي اتذكره من الموسم الاول وهو انهم ارتفعوا بالكاميرا فوق الجزيرة بكثير ومافيه الا بحر من كل جهة لاجزيرة ولاغيرها

 

[Nintendo]

عبدالله بالنهاية لوست مسلسل خيالي ..

يعني تعرف يقدرون يرقعون اي شئ بالقصه لكونه مسلسل خيالي .. فالمفروض ماندقق كثير بالقصه ولو انها فعلا صارت سخيفه بعض الشئ ( يعني اتوقعت الاوذرز شئ افضل من انهم مجرد ناس يموتوا بطلقات الرصاص وهم بالجزيره الاولى يطيروا مثل الدخان الاسود والخ الخ ) ..

المسلسل اعتقد انهم يكتبون قصته بكل حلقه ومش سكربت جاهز من البداية ..

 

[King Wario]

يتنقلون كلهم مرة وحدة بين الجزيرتين؟

ليش لاء

ليش يبنون الي بين الجبال دام عندهم جزيرة ثانية اساسا؟

مثل هذا السؤال ما اقدر اجاوبك عليه لاني ما كملت المسلسل لنهايته ... او ممكن ما احتاج اني اكمله واقلك ، للاحتياط !!

وشيء ثاني ماشاء الله نقل تلفزيونات وافران وكلش بين الجزيرتين؟ عندهم سفينة الظاهر؟ كل الي شفناه قارب صغير

من قال نقل ... ما يصير يكون عندهم 2 ؟

+لو انهم عندهم قوارب كافية ليش طلب بنجامين القارب الي مع سعيد والكوارية؟ ليش ماخلاهم يحرقونه او يكسرونه او مهما يكن

هو ما يحتاج القارب لنفسه ، هو ما يبي الشباب ( حلوة الشباب ) يكون عندهم قارب اصلا

وفيه شي اتذكره من الموسم الاول وهو انهم ارتفعوا بالكاميرا فوق الجزيرة بكثير ومافيه الا بحر من كل جهة لاجزيرة ولاغيرها

لول في هذي ما اقدر ارد عليك p:

 

[Koshiro]

عبدالله بالنهاية لوست مسلسل خيالي

في هذي معك حق بس فيه اشياء لازم يراعونها حتى لو يكتبون بحلقة بحلقة عشان الناس على الاقل ماتوجه انتقادات كثيرة للمسلسل خصوصا في نقاط سهلة بامكانهم تحاشيها

من قال نقل ... ما يصير يكون عندهم 2

بس قصدي وشلون نقلوا كل هالاشياء للجزيرة الثانية والا الجزيرة من يوم ما انخلقت وعليها كل شيء؟

هو ما يحتاج القارب لنفسه ، هو ما يبي الشباب ( حلوة الشباب ) يكون عندهم قارب اصلا

طيب ليش مافقعه او حرقه ليش طالب بالقارب يجيبونه له دام عندهم قوارب كافية لنقل كل هالاشياء لجزيرة معزولة

على فكرة فيه شيء محيرني في المسلسل
ليش لوك وايكو ترسل لهم الجزيرة ناس يعلمونهم الطريق وهيرلي وشانون يرسل لهم ناس يحاولون قتلهم؟
فيه احد حاول يفكر فيها من قبل؟

 

[m7tram]

طيب ليش مافقعه او حرقه ليش طالب بالقارب يجيبونه له دام عندهم قوارب كافية لنقل كل هالاشياء لجزيرة معزولة

هو طالب انه يجيبونه له القارب علشان ما يكون عند السرفايفور اي شي يقدر يخليهم يطلعون من الجزيره او حتى يقربون من لأوذرز نفسهم وليش يحرقه او يطقه دام انه شي مفيد لهم .