Lions for Lambs - أول تريلر رسمي للفلم .

[Ash]

Lions for Lambs

بطولة : توم كروز , ميرل ستريب , روبرت ريدفورد .
اخراج : روبرت ريدفورد .
موعد العرض : نوفمبر 2007 .

القصة : تتحدث عن سيناتور ( توم كروز ) و صحفية ( ميرل ستريب ) و بروفيسور ( روبرت ريدفورد ) تربطهم الأحداث عند اصابة جنديان أمريكيان و غيرها من الأحداث في أفغانستان .

أول عرض ( بريفيو ) : http://www.tomcruisemedia.com/videos/et-june21-2007.zip .

 

[M 7 L]

الحمد لله . . . إن الكلام طلع مو صحيح !

أنا سمعت إن مشن امبوسيبل 3 هو آخر فلم لـ توم كروز !!

وإن شاء الله يكون الفلم رائعة من روائع توم كروز , , ,

 

[m7tram]

يعني نفس نوعيه بابل وكراش؟ امممممم اذا اي ماحبيت الكثره من هالنوعيات .

 

[Ash]

يعني نفس نوعيه بابل وكراش؟ امممممم اذا اي ماحبيت الكثره من هالنوعيات .

لا مو نفسهم , كلش .

 

[Captain Jack Sparrow]

لا مو نفسهم , كلش .

الحمد لله لانه لو طلع مثل بابل ما راح اشوفه و راح احقد على توم كرووووووووووز :evil: :evil: :evil:

 

[Leon]

أخيرا أولى الصور , ما تتصوروا قد إيش مستني الفيلم , كفاية ميريل وتوم مع بعض على الرغم من إني ماأحبذ فكرة المخرج يكون من ضمن كاست الممثلين زي حكاية صاحبنا روبرت ريدفورد هنا , لكن أتوقع مستوى كبير وكبيير للفيلم ..

 

[Ash]

أنا سمعت إن مشن امبوسيبل 3 هو آخر فلم لـ توم كروز !!

هو بعد ما تفوق over the hedge على mi3 في البوكس اوفيس أغلب النقاد اتفقوا على انه توم كروز المفروض ما يطلع عالشاشه مده طويله لأنه الناس "ملت" منه , فطلعت اشاعات انه فعلا توم بيوقف , بس على عكس هالشيئ توم فلمه هالسنه LFL و السنة الجاية فالكري .

امممممم اذا اي ماحبيت الكثره من هالنوعيات

هو النوعية من هالأفلام موجودة من زمان , منها ماجنوليا ( شفته و لا للحين ؟ ) و 21 جرامز و غيرهم , فهم بس نوع من الأفلام الي تتكلم عن القدر شلون يجمع بعض الأشخاص مع بعض و بيكون شيئ عادي اذا شفت أكثر من فيلم يتكلم عن هالشغله مثله مثل مثلا فيلم غنائي .

على الرغم من إني ماأحبذ فكرة المخرج يكون من ضمن كاست الممثلين زي حكاية صاحبنا روبرت ريدفورد هنا

بالعكس في تجارب صارت ناجحه بقوة , ميل جيبسون في بريف هارت أخذ أوسكار أفضل مخرج و أفضل ممثل , و كلينت ايستوود في مليون دولار بيبي أخذ أفضل مخرج و أفضل ممثل ثانوي و غيرهم من الأمثله , يعني مرات تلقاه بمان انه المخرج يعرف بالضبط شنو محتاج الفيلم من تمثيل فيتقنونه في حالات أكثر من ممثل ثاني , و لا تنسى ريدفورد ترشح لأفضل ممثل في الأوسكار سنة 1973 و حصل ثلاث جوائز فالبافتا عالتمثيل بعد .

 

[Naif]

ما يوضح وايد اشياء البرفيو.. بس شفنا اشكال شخصيات الممثلين في الفلم..

متحمس له على شان ميرل ستريب.. ما اذكر اعجبتني وايد افلام مخرجنها روبرت ريدفورد (مع اني حبيت شوي بعض الافلام اللي يمثل فيها..)

 

[Ash]

ما اذكر اعجبتني وايد افلام مخرجنها روبرت ريدفورد (مع اني حبيت شوي بعض الافلام اللي يمثل فيها..)

هو ما أخرج غير 6 أفلام ( جميعهم ترشحوا للأوسكار ما عدى الأخير ) , أذكر شفتله فلمين , الأول كان Ordinary People كان عجيب و طبعا مافي شيئ رجعني و خلاني أشوف فيلم صدر سنة 80 الا انه فاز بأربع أوسكارز , و حتى Quiz Show كان روعة .

هو المشكله هالفيلم يا مصيره النجااااح أو الفششل ( ياريت ما تتطبق نظرية اذا اجتمع النجوم = فيلم فاشل ) .

 

[Mesharey]

ما ادري من اللي شفته ماعجبني حيل .. إن شاءلله يكون حلو ..

 

[Saadawii]

توم كروز اكرهه من جد اكثر من اي ممثل ثاني. وتعجبني ميريل ستريب اكثر من أي ممثل أو ممثلة ثانين. تناقض. بس كل شيء يهون عشان خاطر ميريل.

 

[Leon]

بالعكس في تجارب صارت ناجحه بقوة , ميل جيبسون في بريف هارت أخذ أوسكار أفضل مخرج و أفضل ممثل , و كلينت ايستوود في مليون دولار بيبي أخذ أفضل مخرج و أفضل ممثل ثانوي و غيرهم من الأمثله , يعني مرات تلقاه بمان انه المخرج يعرف بالضبط شنو محتاج الفيلم من تمثيل فيتقنونه في حالات أكثر من ممثل ثاني , و لا تنسى ريدفورد ترشح لأفضل ممثل في الأوسكار سنة 1973 و حصل ثلاث جوائز فالبافتا عالتمثيل بعد .

يس أنا معاك في كل اللي قلته وانتا ذكرت أمثلة كبيرة وما أنكر النجاحات اللي عملوها ميل جيبسون وكلينت إيستوود كمخرج وكممثل في نفس الوقت , لكن أساسا فكرة إنه الممثل هو المخرج امممم بالنسبة ليا أحسها شوية فيها تحيز ومو أي واحد يضبطها , لكن نتفاءل ونستنى حاجة حلوة ..

 

[Ash]

أول تريلر رسمي للفلم :

[YOUTUBE]y6jNHRjKqtM[/YOUTUBE]

 

[MALDINI]

كل ماشفت توم كروز اتذكر هالصوره -______-
متى ينزل شباب ؟

***

 

[Ash]

هالصورة من فلمه الثاني فالكري , و موعد الصدور موجود بالتريلر 7 نوفمبر .

 

[BioMario]

التريلر رهيب ..
شكلة فلم حلو و عميق .. يستحق المشاهدة ..
خاصتاً توم كروز موجود ..

 

[MALDINI]

شكله فلم محترم
روبيرت ريد فورد من زمان عنه ماشفت له شي حلو يعني .. اخر شي شفت له ذا هورس ويسبرر
ميرل ستريب ايضا ممثله كبيره هذا اكيد .. توم كروز افلامه الجايه جامده .. فالكري شكله بيدخل اللسته حقتي كأفضل الافلام اللي شفتها ..

مشكور فيصل ,,

***

 

[Ginko]

شفت التريلر في السينما.

شخصيا ما دخل مزاجي، شكل كروز ما يصلح يمثل رئيس ابد، وحتى ستريب موقعها من الاعراب والسياسه الي حولها ما احس يصلح لها. مو متحمس له ابدا.

 

[Leon]

التريلر جيد جدا , والله زمان على نوعية الأدوار هذه من توم كروز ..

وتستمر رحلة الإنتظار إلى 9 نوفمبر .. تسلم فيصل ..