hits counter

الموضوع الرسمي Lightning Returns : Final Fantasy XIII إنها النهاية !

:joy:

كلامي ماكان يشمل المنتدى, أتكلم عن الموضوع بشكل عام و خاصتاً في تويتر, معظم الناس الي شفتهم كانو متحمسين, بالنسبة للمنتدى فلا لأن اصلاً معظم الأعضاء معجبين بالألعاب القديمة مو بالـXIII.
 
خلصت المهمات كلها وأخذت البلاتنيوم، مهمات البلاتنيوم مستواها أقل من XIII-2 لكنها ممتعة ..

القتال ضد أصعب زعيمين باللعبة ماكان بذيك الصعوبة اللي توقعتها، الزعيم الأخير كان أقوى منهم لول ..

الساوندتراك مخيب جدا، الأسوأ بين الثلاثة ومافي مقارنة حتى >_>

اللعبة فيها عيوب كثيرة لكنها ممتعة والقتال حلو ولو أني أفضل قتال XIII عليه بأي يوم، الاستراتيجية وحتى توزيع الضربات على الدقم button جدا مهم ..
بالدنجن السري الوحش الأخير قعدت قتال ربع ساعة وماقدرت عليه، رجعت مرة ثانية بنفس الاستراتيجية والضربات بالضبط لكن غيرت أماكن الضربات باليدة (خليتهم أغلبهم X) وفزت عليه بسهولة بخمس دقايق وبإستعمال علاجين، الحين اقدر افوز عليه من غير اي علاج وبتعديل بسيط للاستراتيجية ..
صج ان الاستراتيجية بالقتال مهمة لكن دورها أقل بكثير من XIII و XIII-2، هنا خلصت اغلب اللعبة بنفس الأسلوب إلا بكم وحش ينعد على الأصبع الوحدة غيرت شوي ..

8/10
 
التعديل الأخير:
Mesharey قال:
خلصت المهمات كلها وأخذت البلاتنيوم، مهمات البلاتنيوم مستواها أقل من XIII-2 لكنها ممتعة ..

القتال ضد أصعب زعيمين باللعبة ماكان بذيك الصعوبة اللي توقعتها، الزعيم الأخير كان أقوى منهم لول ..

الساوندتراك مخيب جدا، الأسوأ بين الثلاثة ومافي مقارنة حتى >_>

اللعبة فيها عيوب كثيرة لكنها ممتعة والقتال حلو ولو أني أفضل قتال XIII عليه بأي يوم، الاستراتيجية وحتى توزيع الضربات على الدقم button جدا مهم ..
بالدنجن السري الوحش الأخير قعدت قتال ربع ساعة وماقدرت عليه، رجعت مرة ثانية بنفس الاستراتيجية والضربات بالضبط لكن غيرت أماكن الضربات باليدة (خليتهم أغلبهم X) وفزت عليه بسهولة بخمس دقايق وبإستعمال علاجين، الحين اقدر افوز عليه من غير اي علاج وبتعديل بسيط للاستراتيجية ..
صج ان الاستراتيجية بالقتال مهمة لكن دورها أقل بكثير من XIII و XIII-2، هنا خلصت اغلب اللعبة بنفس الأسلوب إلا بكم وحش ينعد على الأصبع الوحدة غيرت شوي ..

8/10
أنقر للتوسيع...

مبروك عليك بلاتنيوم مشاري:thumbsup:
كلامك انهيتها على نورمال ولا الهارد ؟؟

اني لسى في اليوم ال7 وقاعد اعاني ضد قتال
كايوس
:sob:
 
التعديل الأخير:
^

سبويلر >_>

القتال اللي ذكرته والقتال الأخير أصعب قتالين باللعبة P:

الله يبارك فيك، لعبتها على نورمال المرة الأولى و NG+.
 
قبل أمس بديت فيها ومثل ما توقعت خاب ظني و تحسفت اني ضيعت فلوسي عليها.. انطباعاتي الاولية:
-سالفة الوقت غبية و مخربة الاستكشاف.
- الجرافيكس سيء بالنسبة للعبة بالجيل الثامن ( فضلا عن كونها لعبة فاينل فانتسي!!)
- الحس الفني معدوووم تماماً. لا تصميم شخصيات ولبس حلو ولا مناظر حلوة.. اخخ يالقهر!
-القصة باين انها كومة تفاهات وخرابيط. مو متوقع اي شيء منها. قاعد احاول اغصب نفسي اهتم بس مو قادر! وهذا كلام جاي من شخص اعجب بقصة فف13. (بالنسبة لي, مثل فف10-2, فف13-2 و لايتنينج ريترن مو موجودين والقصة انتهت بالجزء الرئيسي)
+ الموسيقى ممتازة (شيء مضمون اتوقع)
+الباتل سيستم ادماني!

بالرغم من الايجابيات القليلة, اللعب بشكل عام سيئة وما اتوقع بتتغير نظرتي لها حتى لو تقدمت. اللعبة تعريف الويستد بوتنشل. الفريق مو عارف وش يسوي وقاعد يخبص ببساطة.
و للأمانة صرت احس ان هالجزء كسر السلسلة بكاملها.
 
قربت انتهي منها, لكن للأمانه بديت احس بالملل... ._.
 
اخواني ارجو مساعدتي العاجله

انا انهيت المهمات الرئيسيه واخر وحش تقاتلت معاه الي في الصحراء وقت ما اخذو الصندوق

بعدها لم يبقي اي شي وذهبت كل المدن ما حصلت مهمات رئيسيه

رايت في اليوتيوب انو يغلقو الايام

سويت زيهم لكن اذا انهيتها ما ياتيني مقطع انو هوب يختفي

واذا انهيت اليوم 00 ينحرق العالم ويباني اعيد اللعبه

ياليت تدلوني وش بعد ما اذبح الوحش على هيئه ثعبان تكون معي شخصيه باج
 
اضغط مثلث وادخل على Quest وشوف شنو المهمات الرئيسية اللي ماخلصتها ..

بكل منطقة من المناطق الأربع فيها وحش، إذا ماقتلت وحش بمنطقة معينة معناتها ماخلصت المهمة هنا ..
 
بديتها اليوم..
اول مرة احس اني ما ابا اكمل جزء لفف..:::sweat:::

افكر ارجع اعيدها بالايزي خاصة اني خلاص..مش مهتم لها..و انهائي لها بيكون اداء واجب..هذا و انا بالبداية..
نظام الوقت جدا يخبص..و عقولة الريال..مهمة الارقام..4 ارقام باماكن مختلفة بمدينة ضخمة و وقت محدود..شهالعبقرية؟؟

احس لازم اعطيها فرصة...بس بنفس الوقت مابي..ماعرف شو اسوي..

اوكي..عشان افهم بس..هل المفروض اني اخسر..و بالتالي ارجع اعيد اللعبة و بالتالي اخلص الي ما قدرت اخلصه قبل؟
و لا اصلا المفروض اني اخلص كل شي من مهمات رئيسية و فرعية من اول Playthrough؟

مشاري..

شو تنصح تركيزي يكون..عالمهمات الرئيسية؟و من اخلص ارجع العب NG+ و اخلص الفرعية؟ و لا كيف؟
كيف تروفياتها؟ انا 13-2 استمتعت فيها من هالناحية و خذت فيها البلات..
هني تستاهل الواحد يتعب عشانها؟ و لا اخلص القصة و بس؟

بعدين اقدر اخذ البلات لو لعبتها عالايزي؟ و لا لازم مستويات صعوبة اعلى؟
 
تقدر تاخذ البلات على الايزي، أساساً مابتقدر تاخذ البلاتنيوم من أول مرة، لازم على الأقل مرتين لعب ..

الوقت مو مشكلة باللعبة، بعد ماتعرف طريقة اللعبة بيكون سهل تنظيم الوقت، بالنسبة لي بثاني مرة من "ثاني" يوم خلصت المهمات الرئيسية كلها وأغلب المهمات الفرعية ..

أهم شي بأول مرة تخلص المهمات الرئيسية كلها وتجمع accessories عشان تطورها بثاني مرة، هذا أهم شي الاكسسوارات ..

بالنسبة لي خلصت المهمات الفرعية كلها "تقريبا" من أول مرة إلا مهمتين، الأولى نسيت أروح بالوقت المحدد للمهمة والثانية مابتقدر تخلصها من أول مرة، من الأساس ماتحتاج تخلص المهمات كلها للبلاتنيوم، من تقريبا 80؟ مهمة فرعية تحتاج تقريبا 40 عشان تفتح الدنجن السري بآخر يوم وبس
 
التعديل الأخير:
التعديل الأخير:
^^ أحسّه يتكلم من قلب :satisfied:
 
أعرف هالآدمي ، ودائماً أتابع مراجعاته
بس والله طلع إلي في قلبه من جد في هاذي المراجعة :stuck_out_tongue_cl
 
واصل اليوم الـ12 حاليا, مخلص المهمات الرئيسيه كلها في اليوم التاسع.
الوقت مش مشكله باللعبه ابدا, أنا ماشي باللعبه زي السلحفاه وعندي وقت طويل لليوم الـ13 ...
حاليا قاعد على المهمات الجانبيه وأحاول أقتل last ones قد ما أقدر ...

حبيب نظام اللعبه بشكل عام, أحسه شئ فريد وبنفس الوقت works. دمج الـopen world مع الـJRPG كثروا منه ...
فكرة الأيام حلوه وكيف الوحوش تتأثر أو تزيد قوتها مع الأيام هذا غير نظام الـdrops الممتاز.

شخصيا أشوف اللعبه ممتازه جدا شئ مؤسف أنهم ما بذلوا مجهود أكبر بالقصه والجرافيك ...
 
اي ممتعة لكن الناس حاطين حرتهم من فاينل 13 بلايتننج >_>
 
هذا بالضبط اللي كان ببالي، أشوف الناس كارهه أي شئFF بسبب FF13 ...
 
أنا وصلت لقتال نويل ووقفت... جداً أتنرفز اما يكون الزعماء مجرد تانكس HP أكثر من أي شيء ثاني >_>
 
ألعب اللعبه كأنها WRPG ... روح لمنطقه ثانيه وارجع لنويل بعدين.
 
انا حبيت فف13 وماقدرت اكمل هاللعبة.. ببساطة كومة خرابيط وتفاهات من تورياما.
خربوا كل شيء حرفياً، الشخصيات + القصة + العالم + القتال + الجرافيكس (لول).. حتى الساوندتراك ما كان بذاك المستوى.
لما شفت النهاية باليوتيوب بغيت استفرغ، و قفلت على عقلي واقنعت نفسي ان نهاية فف13 هي الأساسية.
راح تبقى بصمة عار بوجه سلسلة فف.. صحيح فف13 و 13-2 فيهم اشياء عبيطة، لكن ابدا ما توصل اللي وصلته هاللعبة.
 
سكوير كانت عارفة انها ما راح تبيع فقالت خلنا نخلصها ونفتك
انا اشوف اللعبة مجملا حلوة .
نظام لعب رائع
عالم مفتوح تصميمه جميل
ودي اذبح مؤلف القصة على الخياس اللي سواه (عجبتني النهاية)
 
بدأتها من أمس لكن عندي استفسار الحين باليوم الثاني

أنا الحين لقيت 3 أرقام من أصل أربعة اللي أحتاجها عشان أدخل المنطقة اللي بعدها، والمنطقة اللي فيها الرقم الرابع ما تفتح إلا متأخر فقلت أستغل الوقت وأكتشف Yuusnan. رحت للمدينة ومع الوقت لقيت نفسي بدأت في الـ Main Quest الثاني والحين قاعد أنتظر عشان أقتحم القلعة لكن الوقت الحين بيوصل لنص الليل ولا جبت الرقم الرابع للمهمة اللي قبلها. أقدر أأخر المهمات على حساب بعضها ولا تصير مشكلة وقتها؟
 
ﻷ موب مشكله ...
تقدر تنهي المهمات الرئيسيه بالترتيب اللي تريد.
 
اي عادي العبها بالطريقة اللي تعجبك ..
 
السلام عليكم..
للتو انتهيت من FFXIII-2 وللاسف مستواه اقل من سابقه :neutral_face:
(تبا للزعيم الاخير في اللعبه جلست عليه 4 ساعات تقريبا على ما اعرف كيف اقتله صح :flushed: )
المهم
ناوي ابدا 3 .. لكن على مايبدوا ان هناك DLC ل2 وهو النهايه الحقيقه ل2 <.<
هل يستحق شراءه ؟ سعره 2.5 دولار فقط
ايضا هل يجب لعبه ل فهم قصه 3 ام لا ؟
 
^

نصابين لا نهاية حقيقية و لا شي و أصلا وجوده من عدمه... لا تضيع فلوسك عليها و نط للثالث على طول.
 
Lucky~Fantom قال:
السلام عليكم..
للتو انتهيت من FFXIII-2 وللاسف مستواه اقل من سابقه :neutral_face:
(تبا للزعيم الاخير في اللعبه جلست عليه 4 ساعات تقريبا على ما اعرف كيف اقتله صح :flushed: )
المهم
ناوي ابدا 3 .. لكن على مايبدوا ان هناك DLC ل2 وهو النهايه الحقيقه ل2 <.<
هل يستحق شراءه ؟ سعره 2.5 دولار فقط
ايضا هل يجب لعبه ل فهم قصه 3 ام لا ؟
أنقر للتوسيع...

هو يشرح لك النهاية و وش صار لي لايتنق ويحتوي على قتال كايس بمستويات صعوبة مختلفة
يمديك تشوفه على الويتيوب
 
Lucky~Fantom قال:
السلام عليكم..
للتو انتهيت من FFXIII-2 وللاسف مستواه اقل من سابقه :neutral_face:
(تبا للزعيم الاخير في اللعبه جلست عليه 4 ساعات تقريبا على ما اعرف كيف اقتله صح :flushed: )
المهم
ناوي ابدا 3 .. لكن على مايبدوا ان هناك DLC ل2 وهو النهايه الحقيقه ل2 <.<
هل يستحق شراءه ؟ سعره 2.5 دولار فقط
ايضا هل يجب لعبه ل فهم قصه 3 ام لا ؟
أنقر للتوسيع...

أفضل شيء بالجزء هذا المعارك والسايد كويست أما القصة :no_mouth:< ولو اني استمتعت في لحظات كثيرة فيها :yum:

هي ليست نهاية حقيقية هي بس تشرح كيف لايتننج انتهى بها الأمر بحالتها اللي بنهاية اللعبة
بس معركة الـDLC هذه هي أفضل معركة باللعبة كاملة
إذا كان الباتل سستم أعجبك لن تندم على شراءه أبدا


+

الجزء هذا عجزت أكمله :disappointed:
كل ما فتحته أتمشى شوي بالعالم وتنسد نفسي وأقفل اللعبة
مع اني أحببت أول جزئين جدا بس هذا :neutral_face:
 
انهيت اللعبه قبل يومين (أحس أني ابطأ شخص يلعب LR بالعالم)
كنت متخوف من الزعيم الأخير لأني صرفت بعض الأدوات النادره على
زعيم الـUltimate dungen
لكني هزمته من أول محاولة.
شخصيتي كانت قوية جدا على ما يبدو ...

LR:FF13 فقط للجيم بلاي ومش لأي شئ ثاني, حبيت نظام القتال والكاستمايزيشن باللعبه.
تقريبا استخدمت 90% من الملابس الموجوده بس على أساس أجربها واخبص فيها وأشوف شو القدرات اللي ممكن استفيد منها, كان شئ ممتع جدا.

بشكل عام الثلاثية حبيت منها XIII-2 و LR:FF13 لكن FFXIII هي اللي كرهتها جدا ...
 
الزعيم الاخير طلع روحي كان جدا جدا قوي، بالغصب فزت من عشرتعش محاولة ..
 
يجب تسجيل الدخول أو التسجيل كي تتمكن من الرد هنا.
عودة
أعلى