الموضوع الرسمي l LittleBigPlanet إلعب , صمم , شارك

[A.M.T]

لما اظغط على تفعيل الاكاونت يكتبلي not found

اي يعني خلصوا اكواد

 

[MALDINI]

هارد لي زحمة اليوم الوطني ولا قدرت اسجل ولا شي ننتظر انطباعاتكم .

تعديل :
شباب عطونا صور ان قدرتوا من اللعب وصمموا اشياء لترو جيمنج :
اكتبوا TG مثلا على جدار او اي شي لول .
بالانتظار .

:crying:

 

[Snake-87]

حطيت الكود يطلعلي :

The code you entered may not be correct or may no longer be valid.

Please check your entries.

 

[Colorization]

سؤال سريع مو متأكد من إجابته: لما أسوي مرحلة أقدر أحط موسيقى من عندي وإلا لأ؟ بزعل لو ما يصير لأنه راح تتدمر الفكرة اللي ببالي (ولو إنه حاس ما يصير عشان الشركة ما تتورط مع الحقوق وجذي).

 

[MALDINI]

موسيقى من عندك لاااااع للأسف .. حطوا تقريبا 22 موسيقة مختلفه (اعتقد) عشان يرقعونها . طبعا بيضيفون غيرها بالمستقبل بالدي ال سي
ياخي لو تصير من عندنا مثل ماقلت بتصير فيه افكار رهيبه ومجنونه .

 

[Snake-87]

إزعل (&)
---
اوكي جربت الآكاونت الياباني والامريكي والكندي والصيني والكويتي وكلهم ما نفع غير الاماراتي :laugh::
الحين بنزله

 

[A.M.T]

اخوي snake-87 لازم تحطه في اكاونت الاوروبي

 

[Snake-87]

^
تسلم ... حليت المشكلة ^^"

 

[XG-1999]

هذا خبر كتبته قبل شوي

طرح موقع Eurogamer قبل عدة ساعات 5.800 كود خاصة لتحميل لعبة LittleBigPlanet , وبالطبع قد انتهت جميعها في لحظات الأمر الذي أصاب الموقع بضغط شديد جدا أدى إلى فتح كل صفحة لحوالي عشرة دقائق ! العجيب في الأمر أن أحد الأشخاص ( المحظوظين ) قد قام بالحصول على كود ويقول أنه وبعد دقيقتين فقط من آخر زيارة لي للموقع والحصول على الكود قد تفاجأ بأن الكمية قد انتهت فعلا ! لعلك تكون محبط قليلا , ولا تعلم عن إمكانية حصولك على اللعبة بسعر مقبول ( داخل السعودية ) ولكن يمكنك أن تشاهد فيديو المقدمة الرئيسية للعبة لعلها تشجعك قليلا على الانتظار حتى 20 أكتوبر المقبل .

المصدر | لمشاهدة فيديو المقدمة

 

[MALDINI]

بداية اللعبه ابداع ماكملتها كلها وصلت الى يوم قال جمب جمب يبيه ينط لول .. اول نص دقيقه من اللعبه خلتني اضحك كيف اللعبه كلها ؟
بصبر الين تجيني اللعبه -_-

ومشكور على الابديت .

 

[Snake-87]

أكره سوني على هالحركة
إيرور .. لازم انزل الفايل من جديد

الحين قاعد انزله مرة ثانية وبنام .
دورت حل حق هالإيرور واحد يقول لما تضغط داونلود خله .. لا تطق (خله يحمل ودش الـXmb) بعد ما تطق داونلود خله لما يحمل لا تلمس شي .. الحين بجرب وامري إلى الله .

 

[MALDINI]

خذ زياره سريعه بجاف حاطين موضوع جديد تقريبا عن نفس مشكلتك
بالتوفيق .

تعديل :
لول @ الحل شي غريب ياعمي انتظر اللعبه لما تنزل مره وحده وفجرها .

 

[Khalid-S]

لعبتها ساعة ونص تقريباَ لساعتين. لعبت مع اشخاص مراحل مصممة وكذا.

اللعبة ممتعة كثير. اجوائها جميلة جداَ وفعلا ترسم البهجه على الوجه (مثل ما قال همام). واسعة جداَ من ناحية التصاميم، تأخذ منك اكثر من ثلاث ساعات بكل تأكيد اذا تبي تصمم مرحلة متواضعة. لكن في ال Beta ال Themes تقريباَ محدودة. يعني لاحظت اكثر من مرحلة بنفس الثيم. كمان لاحظت مشكلة في الاتصال (Lag). يعني مو مشكلة انترنت مني او من شخص ثاني .. واضح انها مشكلة تقنية، مع ان اللعبة المفروض تكون Gold حالياَ.

لكن الي حسيته من اللعب... انها مع الوقت بتمل منها، يعني ما بتكون لعبة "تجمع شباب" بشكل دائم، كنت متوقع منها تكون كذا .. لكن من المراحل المصممه من قبل مطورين اللعبة وكم مرحلة من الاعبين.. حسيت اني ما اقدر العب اللعبه هذي لفترات طويلة... يعني بشكل مختصر "بمل".

بكرة بلعبها من جديد وبعد بكرة بقعد ساعات اصمم مرحلة .. بحطها لكم ان شاء الله

الي عنده البيتا، لازم يوم نتواعد ونلعب مع بعض.

 

[fall out boy]

اي يعني خلصوا اكواد

انا كنت اجرب لما كانوا الاكواد تقريبا 2234

 

[XG-1999]

تحدث استديو ” Media Molecule ” اليوم وبعد عدة ساعات من طرح الأكواد المحددة للعبة LittleBigPlanet بقوله أن النسخة التي يستمتع بها اللاعبون الآن ماهي إلى نسخة قديمة وغير محدثة , وبما أنها نسخة تجريبية فأنه من ليس من العدل أن يتم الحكم عليها . والحقيقة أن لدينا الكثير من الأمور الجديدة الرائعة للأيام القليلة المقبلة خلال مرحلة اختبار اللعبة , ولن أذكرها كلها عدا أن أقول سيكون هناك الكثير من التحسينات لها . وقال أيضا أنه سيكون هناك فرصة أخرى للحصول على أكواد اللعبة سيتم طرحها قريبا جدا , والحقيقة أن جميع الأكواد تحت تحكم Sony بالكامل وليس لنا أي علاقة بها حاليا , وحتى ذلك الحين راقب منتديات PlayStation الرسمية وأماكن الأخبار لمعرفة آخر المستجدات .

المصدر

كمان لاحظت مشكلة في الاتصال (Lag).

“We have some cool new stuff that’s been in our private test for a few days, I won’t give it all away but there are things cooking such as 5-star ratings, (much) better performance and less lagginess, better online stability, better UI for publishing, faster downloads

إن شاء الله مع طرح الأكواد القادمة يتم حل المشكلة .. وعزيزي صح النسخة gold الحين بس النسخة المطروحة الحين قديمة واكيد فيها مشاكل ..​

 

[Revolver]

لووول على اقتباس بلاي بوي

موضوع رائع بصراحه

 

[KOTSHY]

كودات الأكونتات الأوروبية توزعت واترسلت على الإيميلات

http://www.n4g.com/ps3/News-203900.aspx

للأسف كسلت اسويلي اكاونت اوروبي وهذه النتيجة :whistle:

ننتظر الامريكي

 

[MALDINI]

كودات الأكونتات الأوروبية توزعت واترسلت على الإيميلات

http://www.n4g.com/ps3/News-203900.aspx

للأسف كسلت اسويلي اكاونت اوروبي وهذه النتيجة :whistle:

ننتظر الامريكي

ماجاني شي :w00t:

 

[KOTSHY]

ماجاني شي :w00t:

التوزيع اظن عشوائي اليوم الأمريكية بتترسل ان شاء الله

النصابين ب ebay امس يبيعوها ب 50 باوند

المهم ان شاء الله نحصل عليه اليوم

 

[Snake-87]

التصوير حده زفت بس لأني مستعيل .. لوول شوفو ريوله آخر شي وهو مطلع لسانه حده عقيدي xD
[youtube]dEdd1Y3Ygbk[/youtube]
فيديوات كثيرة ووضوح احسن قريبا

الإنطباعات بالليل

اللعبة صخر ما كنت متوقع هالشي .. تونس حدها

ماكو صوت لأني حاط سماعات^^"

 

[MALDINI]

شخصيتك رهيبه لول الشنب والسكسوكه تعطييييك .
الحركات اللي سويتها رهيبه لول خاصة لما حركو تعابير وجهه طلع شكله من جد غبي .

بانتظار انطباعاتك وانطباعات الشباب انشالله .

تعديل :

ترتيب السكور حق ايش ؟؟

 

[Snake-87]

ترى كل الحركات انت تسويها (حركات يده كل يد تتحكم فيها) وحركات جسمه وراسه كله انت تتحكم فيها مو عشوائي والتعابير

راح افصّل اللعبة لما ارجع انا بطلع الحين .. خلصت بس اول مرحلتين
الترتيب مال المرحلة الأولى ^^"

 

[Lone Wolf]

بو 87 شخصيتك امتلاك، و للأسف ماوصلني كود البيتا.

 

[MALDINI]

ابو 87 انا غلطت بردي بدال ما اكتب حركة كتبت حركوا ^^
جاسم شارح هالنقطه بشكل مفصل بالموضوع .. حركات الساكبوي رهيبه .

 

[Solay]

فيديو من البيتا:

http://www.gamersyde.com/news_7123_en.html

 

[Snake-87]

الي عنده البيتا، لازم يوم نتواعد ونلعب مع بعض.

XSnake
..............

 

[Snake-87]

سجلت لكم فيديوات من البيتا (مو تصوير كاميرا ^^")
اول مرحلتين من اللعبة نفسها
البقية ناس مسوينهم


[youtube]h1WkE8Iw_34[/youtube]
[youtube]n1Bb2a0MKEY[/youtube]

-----
من الاونلاين :

[youtube]VuYR4xlrmZU[/youtube]
[youtube]Ez5aeX5KYt8[/youtube]
[youtube]BzsBCyOrIbs[/youtube]

[youtube]lLFfXolB1-o[/youtube]
[youtube]qh8BzhVXe6s[/youtube]

 

[fall out boy]

والله حماااااس

 

[m7tram]

الحين وصل لي الكود بالأيميل .. بس السؤال وين احطه لول ؟ لازم اكاونت اوربي ؟ + وين القى المكان الي احط فيه .

تعديل : خلاص قاعد احمل البيتا الحين .

 

[Snake-87]

^
nice
ضيفني
XSnake