الموضوع الرسمي l LittleBigPlanet إلعب , صمم , شارك

[Tomb raider]

الله يخسكم يا سوني ويا Mm!!

مرحلة افرقيا فيها "قرآن مع اغاني" لاحظوا بداية المرحله اول ما يغني المغني يقول "كل نفس ذائقة الموت" + "كل من عليها فان"

 

[AMG]

ابدأو حملة ارسال الايميلات ل Mm ......

 

[F.JUBRAN]

طيب ليش الاذيه....

 

[Tomb raider]

اول ما لعبتها وانا شاك قلت يمكن سامع غلط ، بس بعد ما تكلم الاخ PS قلت اكيد انقطع الشك باليقين رحت سمعت للمره الثالثه ورجعت سمعت اخوي علشان اكون متأكد وللأسف طلع صحيح..

فرحه ما اكتملت ، ما صدقنا نحصل لعبه مثلها وآخرتها جذي ..

 

[Humam]

الله يخسهم.. الموضوع ماراح ينسكت عنه نهائيا.. عزوز ياريت تعطينا smaple نتأكد من خلاله ونحتج به عليهم.

 

[PS]

tome raiderهلا أخوي... أنا قلت مابتكلم في الموضوع ألى بعد ما أشوف راي الشباب وأتأكد من ألي سمعتت في الأغني قرآن في مرحلة أفريقيا

لكن قبل مانحدد من المسأول ...مصممين اللعبة يشترون حقوق الأغاني ويضعونها يعني يمكن هم مب المسأولين ( يمكن ويمكن متعمدين ) شباب أتأكدوا وسمعوا ونرجوا ردودكم

 

[M 7 L]

يالله . . . .

بسررررعة ياريت أي أحد يحط رابط للمرحلة نبي نسمع عشان نتأكد , وبعدها حملة الرسائل فووووراً . . .

استعجلوا الأمر يا شباب . . .

 

[Tomb raider]

أوكي بعد شوي بحط السامبل عطوني دقايق بس

 

[Tomb raider]

Sample للمقطع اسمعوا عدل في الثانيه 18 يقول "كل نفس ذائقة الموت"


الSample
http://mt14.quickshareit.com/share/preview/soundclip22503c0.wav

 

[NSider]

عبدالعزيز عطني رقم المرحلة واسمها الله لا يهينك.

 

[iCon]

سمعتها بنفسي قبل شوي ... مع اني عايد مراحل افريقيا اكثر من مره بس ولا مره لاحظت هالشي .. الله ياخذهم لو انهم قاصدينها 🙁

 

[AMG]

الي سمعته بعد تركيز

كل نفس ذائكة المولاليلياايل....

لما مسعته اول مرة فعلا زي ما قلتو

 

[M 7 L]

الي سمعته بعد تركيز

كل نفس ذائكة المولاليلياايل....

لما مسعته اول مرة فعلا زي ما قلتو

بالضبط وأنا نفس الشي ! هذا إلي سمعته !! أما (( كل من عليها فان )) ما سمعتها !! لو هذي في مقطع ثاني ؟؟

تعديل / " كل من عليها فانـ"ـي" سمعته يقولها بعد تركيز ( لأنه يقولها بسرعة ) . . .

شباب لازم تجهزون الرسائل عشان نراسلهم في أقرب وقت . . .

 

[Naif]

كل نفس ذائكة المولاليلياايل....

لوول هذا الشي اللي سمعته بعدها الكلام ما فهمته..

 

[Adi]

حسبي الله عليهم!

بالضبط وأنا نفس الشي ! هذا إلي سمعته !! أما (( كل من عليها فان )) ما سمعتها !! لو هذي في مقطع ثاني ؟؟

بعدها مباشرة

 

[NSider]

شباب يا ليت اللي عنده اللعبة يعلمني اسم المرحلة ورقمها.. ولو ممكن تعلموني متى يقول الآيات هذي بالدقيقة والثانية.

 

[M 7 L]

لوول هذا الشي اللي سمعته بعدها الكلام ما فهمته..

في الثانية (( 18 - 19 )) يبدأ يقول ( كل نفس ذائقة المـ..... ) . . .

في الثانية (( 27 - 28 )) يبدأ يقول ( كل من عليها فانـ"ـي" ) . . .

 

[Tomb raider]

عبدالعزيز عطني رقم المرحلة واسمها الله لا يهينك.

أول مرحله في العالم الثالث واسمها : Swinging Safari

 

[Tomb raider]

يوسف اول ما تبدأ الغنيه ما يقول شي بس تبدأ موسيقى وبعدين ناس يرددون كلام وبعدها اول ما يغني المغني الرئيسي يقول "كل نفس ذائقة الموت"

 

[obie trice]

الله يلعنهم .. يستهزءون بالقرآن الكريم ...

 

[Grand]

سمعتها بس مو اكيد الشيء لكن يجب علينا فعل الصواب انه ننبهم علطول اي احد يعرف شلون يقول!!

 

[PS]

لكن قبل مانحدد من المسأول ...مصممين اللعبة يشترون حقوق الأغاني ويضعونها يعني يمكن هم مب المسأولين ( ويمكن متعمدين )
يجب عدم التسرع ويجب مراسلة المسئول بشكل حضاري عشان نفهمة الخطأ وين

 

[SALAH]

حسافة والله ..حتى لعبة بقمة البراءة مثل ليتل بيج بلانيت نشوف فيها اهانات للقرآن الكريم ؟!

شباب فيه أمور لازم نفكر فيها قبل لا نبدأ الاتهامات , سوني معتمدة على اللعبة بشكل كبير وأنفقت الكثير على اعلاناتها وتسويقها , مو معقول بالنهاية تتعمد وضع شي مهين للاسلام حتى تخسر جمهور المسلمين - ونفس الشي لـMM ..

لازم نرسل لهم تنبيه حتى يسحبوها بسرعة..أعتقد خوفهم على المبيعات رح يجبرهم على سرعة تلبية نداءات المسلمين بحجب الاغنية ..

 

[HAL-9000]

يافرحة ماتمت 🙁
لازم مانتسرع, ونرتب رسالة ونرسلها لـMm و Sony

 

[PS]

حسافة والله ..حتى لعبة بقمة البراءة مثل ليتل بيج بلانيت نشوف فيها اهانات للقرآن الكريم ؟!

شباب فيه أمور لازم نفكر فيها قبل لا نبدأ الاتهامات , سوني معتمدة على اللعبة بشكل كبير وأنفقت الكثير على اعلاناتها وتسويقها , مو معقول بالنهاية تتعمد وضع شي مهين للاسلام حتى تخسر جمهور المسلمين - ونفس الشي لـMM ..

لازم نرسل لهم تنبيه حتى يسحبوها بسرعة..أعتقد خوفهم على المبيعات رح يجبرهم على سرعة تلبية نداءات المسلمين بحجب الاغنية ..

صح كلامك بس كيف سيتم المراسلة ... وبأسرع وقة

 

[Tomb raider]

ترا السالفه ما يبغيلها شي ، Patch وانتهى الموضوع

 

[AMG]

لا احد يكون متخيل انهم حطو آيات من القرآن وهم عارفين او متقدين انهم يهينو الاسلام

على اي حال سواأ بقصد او من دون قصد لازم نبلغهم

ياريت الشباب الي سمعو الفايل يقولو ايش سمعوا لاني الى الان ماني قادر اسمع " كل نفس ذائقة الموت " بشكل واضح....

 

[Humam]

غالبا هو شيء غير مقصود.. يعني الي يبغى يهين الإسلام عنده طرق أكثر و من دون تصغير عقل لهذي الدرجة..

يعني السوالف الي صارت قبل كدة مثل زيلدا وكاكوتو شنجن وزاك أند ويكي جميعها صار فيها تعاون من قبل مايكروسوفت وننتندو وكابكوم وبالتالي أكيد ماكانت مقصودة, فأتوقع نفس الشيء هنا.

شباب ما عليكم يوسف الآن جالس يكتب الايميل وبيصيغه بطريقة ممتازة..

 

[Naif]

حسافة والله ..حتى لعبة بقمة البراءة مثل ليتل بيج بلانيت نشوف فيها اهانات للقرآن الكريم ؟!

لوول توقع تشوف اهانات اكثر مع خاصية انه كل واحد يصمم مرحلته و ينشرها.. الله يستر بس من اللي ياي..

ياريت الشباب الي سمعو الفايل يقولو ايش سمعوا لاني الى الان ماني قادر اسمع " كل نفس ذائقة الموت " بشكل واضح....

في احد يعرف الآية الكاملة على الأقل؟ لاني ما قادر اميز الكلام اللي يقوله صراحة.. (بعد "كل نفس ذائكة المولاليلياايل...." )

 

[Strife]

شباب تقريبا اخر شيئ يقول مهدي جاي

ماقدرت اسمع هذا المقطع :xd: