الموضوع الرسمي infamous 2 - دراما القرعه

[Burdegation]

تقدر اتغيرها بالاوبشن لم تضغط ستارت, هذا بالاول فماعندي فكره عن الثاني اذا فيه

 

[MAX9009]

بالعكس اللعبة على نورمال مستواها جيد والهارد اتوقع بيكون فيه تحدي اكبر .. الصعوبه تتغير من الاوبشنز

 

[Jonas]

يعتمد على تعريفك للتطور الحاصل بـ Uncharted..

شخصياً ما اشوف انه فيه ذاك التطور "المهول" بين 1 و 2، و بالنسبة لي الجزء الأول كان رائع و الثاني كان رائع جداً.
عموماً، اعتقد إن اللي صنع الهايب للجزء الثاني إن فريق التطوير عرف يسوّقها "كهايب مب مبيعات 😛"
+ مرحلة الثلج اللي كانت فكرة جديدة تقريباً بذاك الوقت!
+ انتقاؤهم لمرحلة الهيلكوبتر لعرضها بـ E3 .. و كانت مرحلة روعة مرة تفوق مستوى اللعبة نفسها أساسا!

انفيمس 2، نفس الفكرة تقريباً لكن بنسبة أقل بقليل
يعني حسبت تعريفي لو قلنا مثلاً إن انتشارتد 2 تطورت بنسبة 50٪ عن الأولى
بقول لك ان انفيمس 2 تطورت بنسبة 40٪ عن الأولى، و للحين انا توني بالنصف الأول من اللعبة!

نفس الي قلته انتشارتد الاولى و الثانية بالمظهر مافيه ذاك الاختلاف الكبير لكن الجزء الثاني قفز قفزه عظيمه من الناحية السينمائية و صار لعبة الجهاز الاولى لين الحين

 

[Raziel]

- انطباع بعد أكثر من 3 ساعات لعب -

* الذكاء الإصطناعي نفسه ، الأعداء كأنهم حشرات يهاجمون مع بعض وتحركاتهم مضحكة وأحياناً ماتدري كيف يشوفونك ؟
صحيح للي لعب إنفموس1 ماعنده مشكلة كبيرة لأنه متكيف على الوضع بس كنت أنتظر تطور في هالجانب وماشفته 🙁

* أهم عيب في إنفموس1 وهي البداية البطيئة والباردة تلخصوا منها تماماً وقدموا لك بداية مشوقه وأكثر إثارة - رغم إني كنت منتظر أكثر من كذا -

* توزيع المهام الرئيسية أرتب وأفضل تسلسل من الجزء السابق ، في السابق أحيان تحس إن فيه فجوات زمنية كبيرة بين المهمات ..

* واحد من أكبر التطورات في اللعبة بعد الجرافيكس "القدرات" صار فيه إمكانية تبدل وتختار القدرة المناسبة في مواجهات معينة
والأحلى فيه تبديل سريع أثناء اللعب

* فيه حركة رهيبة مقتبسه من RDR صار فيه نوعين من المهام الجانبية .. النوع الأول: هامشية وغالباً تواجهك وأنت تتجول بالمدينة
إما تساعد الناس (Good) أو تهاجم الشرطة (Evil) النوع الثاني: المهام الجانبية الإعتيادية واللي يرمز لها بالدائرة الصفراء بعض المهام
تشبه الموجودة في إنفموس1 والبعض تحسها فريش ..

* القدرات ماتكتسبها إلا بعد ماتحقق ثلاث أشياء 1) ينفتح لك القفل بعد ماتخلص عدد معين من المهام الرئيسية والفرعية
2) تسوي عدد معين من المهارات لهزيمة أعداءك (Stunt Skill) ء3) تشتريها بما تملكه من نقاط خبرة (XP) ..

* نقطة جانبية ، إنفموس بالنسبة لي من أفضل الألعاب هالجيل اللي قدمت أوست خرافي وراكب على الأجواء هالجزء نفس الكومبوزر
للجزء السابق موجود ولكن مقهور من كون الصوت منخفض ومافي إعدادت للصوت علشان ترفعه -__-



الخلاصة: التطور في اللعبة راح يذكرك كثير بـ انشارتد2 ، أغلبه ينصب على الجانب التقني وتنقيحات وتحسينات هنا وهناك
على الجيمبلاي وتسلسل الأحداث فاللي حب الجزء الأول أضمن إن هذي بتعجبه 100 %

 

[Beeto]

^
كم أخذ منك وقت لين ماختمتها ؟ + اللعبة سهلة جدا 🙁 مافي أي متعة لو أستمر الوضع كذا

شوف انا الحين مخلص 90% من اللعبه سهله حيل بس مو مبين جم خذت مني انا خلصت كل السايد مشن و 28 من 29 الطيور والدروبز فل 305 يعني بحدود 14 الى 15 ساعه خذت مني

 

[H2O]

شباب في حركة إنك تغيير شكل السلاح " القبيح", ماادري لكن مكتوب في الصورة اللى عملوا بري أوردر ..شوفوا ممكن تزبط معاكم 🙁

الاشكال المتوفرة هي " سيف ساموراي , سلاح سلاي كوبر 😀 , ورجل الكهف" وفيه لبس الـ Reaper ( اعداء الجزء الاول).

تروح لـ Options بعدين Skin وتختار الشكل و اضغط أكس.

[video=youtube;ihCN5Kn7W8U]http://www.youtube.com/watch?v=ihCN5Kn7W8U[/video]

 

[Raziel]

^
للأسف مب موجودة عندي 🙁 ، بالمناسبة عندي إضافة مجانية بس للستور الأمريكي (لازم نسخة أمريكية واللي عندي أوروبية فمالها فايدة عندي 🙁)
اللي يبغاها يراسلني علشان أعطيه الكود .

 

[النسر الأسود]

سمعت في ديجيتال كوبي بتتوفر على الستور غداً صحيح هل الكلام ؟

إذا صحيح فممتاز جداً

 

[Raziel]

^
متوفرة على الستور الأوروبي بـ 50 يورو

 

[Raziel]

شباب اللي قاعدين يلعبون اللعبة وين واصلين ؟
أنا واصل لـ

محتوى مخفي: حرق

بعد حصولي على قدرات Kuo مباشرة (هذا الأول walkthrough ومخليه Good في كل شيء)

ودي أكمل ، بس عندي اختبار بكره إن شاء الله الثلاثاء أرجع أكملها ..
فيه أشياء أعجبتني وفيه أشياء ودي تكون نهاية أنفموس وبداية آيبي جديد بس مب مستعجل بخلصها علشان أحكم على اللعبة مضبوط .

 

[Saudi pro]

:laugh::

 

[DEMON]

^^
لول :laugh::
Hay ,low reach

 

[m7tram]

خلصتها بالـGood Karma ومافيني حيل أكتب انطباعاتي صراحه لول بس بختصار .. أفضل من الأول في كل شيء والنهايه جداً حلوه.
بقعد اخلص المهمات الجانبيه واجمع الشاردز واطلع كل القوى بعدين أعيدها والعب بالـEvil Karma للنهايه الثانيه وخيارات ومهمات الشر.

 

[H2O]

@Saudi pro

فيه كمان لوحة مكتوب عليها Call of booty (&) لووول

تعديل :

 

[Five]

^
CALL OF BOOTY = كال اوف جوتي , لووول ظابطة صراحة :laugh::

 

[Unknown]

كود انتشارتد 3 البيتا .. مايشتغل معي ؟
لازم انتظر على ما يتفعل او وش السالفه ؟

صح! .. شريت اللعبه

 

[MAX9009]

^
اكيد لازم تنتظر اصلاً مكتوب بورقة الكود

 

[Unknown]

^
^
اها .. لأن خليت اخوي الصغير ينقلني الاحرف :/

محتوى مخفي: سؤال

انا بديت باللعبه على اساس بكون good karma
وصلت لما افجر محرك لما انفجر ونزل الجسر الكبير
وشخصيتي قلبت evil karma وحمرا .. قفلت اللعبه لول

لأن ناوي على البلاتينيوم .. عادي ارجع good karma او اعيد اللعبه

 

[Unknown]

شباب المهمات الخضرا الي الـusers يصنعونها
كل ما اجرب وحده يصير bug وما تنتهي المهمه
مع اني مخلصها !

 

[Q8_Gamer]

انا خلصت اللعبه good ending وسالفة الصعوبة ماانتبهتلها حسافه ولا كنت حطيته هارد وافتكيت

لاني عدتها على الهارد وبديت ازهق منها ومن راعين الـRPG a شنو هذا ؟ ينقشقك الواحد من الف متر وعلى طول تموت :confuse:

محتوى مخفي: للي يدور الديددروب الاخير

شباب ترا فيه ديد دروب موجود مكان ما بديت اول مره لازم ترجعله وفيه تروفي عليه بعد :smug:

 

[D1rk-Knight]

شباب المهمات الخضرا الي الـusers يصنعونها
كل ما اجرب وحده يصير bug وما تنتهي المهمه
مع اني مخلصها !

غريبة، أنا أمس خلصت 5 مهام متتالية من دون أي مشكلة.
يمكن ما نفذت المطلوب لإنهاء المهمة أو مصم المهمة نفسه ما حطه.

خلصت اللعبة يوم السبت أو الأحد على الهارد بكارما الشرير.

محتوى مخفي: للي خلصها على الكارما الشرير

النهاية ذكرتني وبشكل كبير جدًا بفيلم X-Men الثالث، صحيح إنها كانت رهيبة لكن اللي أفسد عليّ حلاوتها قتلي لزيك ونيكس. 🙁
من جد ذاك الوقت انغثيت، لكن التويست كان غير متوقع، إن كوو تصير شريرة ونيكس تصير طيبة.

مجملًا اللعبة جميلًا جدًا، بغض النظر عن بعض الـ bugs في اللعبة مثل تمر من خلال بعض الجدران وتمنيت لو إنهم خلوا مؤدي الصوت القديم. الجديد صوته أوكي لكن القديم تحس له هيبة، وصحيح ليه ما حطو لنا skin حق أول شكل حطوه لكول في الجزء الثاني؟!
المفروض يكون مكافأة لنا. XD

 

[Genocide Diego]

خلصت اللعبة بـ Good Karma - Hero وهذا رأيي:

+ مهمات القصة ممتعة ومتنوعة
+ قوى كول الجديدة والكثيرة جدا
+ أعداء ممتازين واللعبة فيها تحدي أكبر من الجزء الأول
+ الأنميشن رائع وتطور بشكل كبير عن الجزء الأول
+ الـ Karma لها تأثير أكبر من الجزء الأول حتى على مهمات القصة
+ الميلي كومبو ممتع جدا
+ إمكانية صنع مهمتك الخاصة ونشرها كـ أي مهمة أخرى في اللعبة

- تكرار ممل للمهمات الجانبية
- بعض حركات الأنميشن لا زالت كما هي من الجزء الأول مثل أنميشن موت كول
- افتقدنا لمهمات الصرف الصحي أو المجاري - أكرمكم الله - من الجزء الأول
- لا يوجد زعماء حقيقيين في اللعبة باستثناء الزعيم الأخير

اللعبة أفضل بكل شيء من الجزء الأول وفعلا أستمتعت فيها

جيم بلاي ممتع جدا ورسوم ممتازة وتمثيل صوتي مميز وأنميشن رائع وعمر لعبة لا بأس فيه

اللي خلص اللعبة: بعد ما أنهيت اللعبة ورجعت للمدينة مافي أي مهمة جانبية على الخريطة أو حتى مهمات اللاعبين ؟ كيف أرجعهم من جديد ؟

للمعلومية خلصت أكثر من 60 مهمة جانبية , كذا خلصت جميع المهمات ولا ؟

 

[MAX9009]

^
ايوه خلاص هم المهام الفرعيه حقت اللعبة عددها 60

 

[Raziel]

مخلص اللعبة على Good Karma أمس بمستوى نورمال وندمت إني لعبت اللعبة على النورمال
ليتني لاعبها على طول على الهارد ، فرق تافه جداً يتعلق بالدمج سكيل وجنون وسبام الـ RPGs يكثر فقط 🙁 !

عموماً بادي على الهارد Evil Karma وموصل للمهمة ماقبل الأخيرة ويجيني فريز 🙁 المشكلة إن آخر تخزين لي كان
قبل 3-5 مهام رئيسية ومنها مواجهة بوس مزعج شوي ..

 

[Raziel]

يس ! تمت عملية بلتمة إنفموس2 اللعبة مجملاً أسهل وأقصر من الأولى ..

 

[Q8_Gamer]

يس ! تمت عملية بلتمة إنفموس2 اللعبة مجملاً أسهل وأقصر من الأولى ..

قبل 5 دقايق

 

[Burdegation]

مبروك على البلتمه شباب

انزين بسألكم شرايكم ايهو افضل كارما كبدايه’ اتكون ايفل ولا طيب ؟

 

[Raziel]

^
الله يبارك فيك ..

إذا تبي تلعب الدورين + ناوي على البلاتينوم .. أنصحك تلعب الجود كارما للهارد لأنه أقل ازعاج في المدينة + أكثر المهارات اللي تكتسبها مفيدة بمواقف كثيرة
أما الإيفل أنا غلطت ولعبته على الهارد وصعبتها على نفسي (النورمال كان للجود كارما) ، الإيفل بتلاحظ أفضليته في الصواريخ والبلاست (L1+X) فقط 🙁

مجملاً الإيفل لازال أصعب بشويات من الجود تحت أي مستوى تلعب فيه .

على فكرة إذا أنهيت اللعبة مرتين بيخلونك تستخدم جميع المهارات Good&Evil بغض النظر عن نوع الكارما بس وش الفايدة بعد ماخلصت اللعبة وانتهيت من كل شبر فيها :laugh::

 

[CODE-X]

بإيش تنصحوني انفيمس 2 ولا كيل زون 3 للي لعب اللعبة النصيحة العاجلة محتار ! :confuse:

 

[النسر الأسود]

بدأت في اللعبة اليوم ولعبت فيها بشكل خفيف

واضح التطور الملحوظ عن الجزء الأول واللعبة شكلها جيدة جداً . مستغرب من تقييمات بعض المواقع