الموضوع الرسمي infamous 2 - دراما القرعه

[m7tram]

لول زمن التقاييم قديم!
كل الي لعبوها وخلصوها يقولون انها افضل من الاول وعلى أقل تقدير نفس متعه الاول وهذا يكفيني ^^.

 

[MAX9009]

قيم سبوت ممكن يصيب و احياناً يخيب .. زي ما صار مع تقييم انفيمس 2 من تجربتي للديمو مع اني حبيت الاول بجنون المفروض الاول ياخذ 7.5 والثاني هو اللي ياخذ 9 صراحه ابجريد بكل شي الميلي كومبات صار رهيب وممتع الجزء الاول كان مريض .. طريقة استخدام الكهرباء ممتعه بشكل جنوني عن الجزء الاول .. الرسومات لوهلات تحسها كأنها كوميكس صراحه ابداع من سكر بنش .. لكل اللي ما عجبهم الاول الثاني بيعجهم بالتأكيد .

مراجعة جيم سبوت :
The Good

• Varied artistic design brings New Marais to life
• Lots of different enemy types
• Powerful creation tool
• Combat and platforming can still be lots of fun

The Bad

• Combat is frequently unbalanced
• Uneven pacing.
• Laughable morality system

يعني حتى بمقياس مراجعتهم ما تستاهل التقييم اللي اعطوها اياه مفروض 8 او 8.5

 

[I-NERO-I]

لول زمن التقاييم قديم!
كل الي لعبوها وخلصوها يقولون انها افضل من الاول وعلى أقل تقدير نفس متعه الاول وهذا يكفيني ^^.

من جد بالاضافة الي ان جيم سبوت طاح مستواه من زمان من ناحية التقايم .

 

[Sea.roOock]

جيم سبوت لو يدفعون لي ما بصير محرر عندهم , الله يرحم ايامهم اللي راحت بس

انفيمس 2 بإنتظارها بفارغ الصبر

 

[Raziel]

أمس جرّبت الديمو وأقول متى بس تنزل 🙁

- انيميشن أفضل
- حيوية وعالم متفاعل أكثر
- أبجريد خرافي للمؤثرااااات بصرية وجرافيكس
- فروق واضحة بين Good و Evil في القدرات وتعاطي الناس معك
- مع التحسن البصري اللعبة أسرع بوضوح من الأولى O-o
- المدينة الجديدة أفضل تصميم وتنوع بيئي من الأولى بكثييير
- ميلي سيستم ماهو اللي انتظرته لكن مسلي وأفضل من الأول


بعض العيوب اللي أتصور راح أشوفها باللعبة الكاملة :
- تشابه المهام
- مستحيل تجذب جمهور جديد ، هاللعبة مخصصة للي حب الأول فقط وفقط
- ماراح تقدم نقلة نوعية كبيرة مقارنة بالأول : مثلاً المواجهات على السطوح هو الوضع الاعتيادي بالأول وحتى الثاني :confident: ، طريقة التجول والتنقل نفسها في الأول .. إلخ

عموماً اللعبة من الآن حقها مابين 8 و 9 = يليق بأحسن آيبي تقدمه سوني هالجيل (بعد انتشارتد طبعاً !)

 

[Burdegation]

بلا تقاييم بلا بطيخ اهم شي عندي اخلص امتحاناتي و اروح طيران اشتريها

ابي اصير ايفل اول ختمه :evil::

 

[T u R k I]

جيم سبوت انتهى عصره 🙂

 

[Old Snake]

عموماً اللعبة من الآن حقها مابين 8 و 9 = يليق بأحسن آيبي تقدمه سوني هالجيل (بعد انتشارتد طبعاً !)

حسب ظني LBP هي أفضل نيو آي بي لسوني هذا الجيل بعد أنشارتد وتتفوق على هذي بكثييييير...!!
عموماً الجزء الأول كان رهيب ولو إني مش فان كبير للعبة والنهاية مع إنها واضحة وضوح الشمس لكن طريقة تقديمها كانت رائعة...
متحمس لهذا الجزء وترى شباب لا تحكمو عليها من الديمو...أتذكر الجزء الأول لمى لعبت الديمو حطيت عليه X بينما لمى لعبت اللعبة الكاملة غيرت نظرتي تماماً...

 

[صامد]

احد ناوي على موضوع رسمي؟

متحمس للعبه وان شاء الله اشتريها من اول يوم.

 

[MAX9009]

لعبت بالنسخه الكامله اليوم ساعه ونص تقريباً .. وااااو !! البدايه ابيك ابيك ابيك .. ابجريد خرافي من كل النواحي الجرافكس والالوان بالمدينه الجديده جداً ممتاز دامجين الجرافكس وكأنه كوميكس مبدعين سكر بنش صراحه بذا الشي .. الجيم بلاي ممتع ويصفق الاول بالراحه التطويرات باين عليها شي كبير مقارنه بالاول اللي تحسها قليله + كلها تشبه بعض الميلي اتاك بالجزء الاول كان الابجريد يزيد من قوة الضربه هنا لا حركات جديده بكل ابجريد .. لكل اللي ما عجبته انفيمس 1 بتعجبه 2 بالراحه .. واللي عجبتهم 1 زي حالتي بينصدموا من انفيمس 2 والبدايه الابكنيسيه . شكراً سكر بنش :inlove:

 

[Burdegation]

^
انطباعاتك اتحمس

بس للأسف ماقدر العبها الا بعد اسبوع على الاقل 🙁

===

بالنسبه للموضوع الرسمي مادام محد له خلق يسويه و هالموضوع فيه انطباعات تبوني اعدل الموضوع و احط شوية معلومات و اخليه الموضوع الرسمي ؟

 

[chris]

^
يكون افضل والله ...

 

[Burdegation]

تم التحويل لموضوع رسمي

 

[Unknown]

احد جرب اللعبه على الـ 3D ?
لأن ممكن اجلها شوي على ما اشتري تلفزيون :/

 

[Burdegation]

اهوه فيها 3d اصلا ؟
مو حاطين بالغلاف رمزه لا بالاوروبي ولا الامريكي

و اذا تبي تعرف الثري دي شلون يكون بأي لعبه اسئل امارتس لان الوحيد اللي عنده تلفزيون ثري دي بالمنتدى اصلا P:

 

[Unknown]

الي اتذكره قاري خبر ان اللعبه بتكون ثري دي :/

 

[Sea.roOock]

انا حملت الديمو وماكنت متوقع الكثير , انصدمت من الابجريد اللي فيها الحركات وبعض القوى شي خرافي , منتظر اللعبة أكيييد

 

[I-NERO-I]

تم التحويل لموضوع رسمي

يديك العافية علي الموضوع ( اسم الموضوع :laugh:: )

اللعبة وصلتني امس 😡 وموجودة قدامي باكياسها بحاول اني ما العبها الي بعد ما اخلص الفاينل السبوع الجاي مع اني اشك صراحة بموت من الحماس ودي العبها .

 

[I-NERO-I]

للمعلومية جميييييييع النسخ الأوروبية فيها كود لبيتا انشارتد 3

 

[m7tram]

شباب الكويت ترى اللعبه وصلت بالرحاب دقو علي وقالوا انها وصلت بأذن الله العصر بمرهم لكن ماضنتي راح اقدر العبها هاليومين بسبب E3 + مشاغل, لكن بحاول اني احدد لها وقت.

 

[Ayane]

شباب الكويت ترى اللعبه وصلت بالرحاب دقو علي وقالوا انها وصلت بأذن الله العصر بمرهم لكن ماضنتي راح اقدر العبها هاليومين بسبب E3 + مشاغل, لكن بحاول اني احدد لها وقت.

زييين قلت لنا صار لي يومين اتشيك على المنتدى بس ناطره احد من الكويت يقول انها نزلت, ان شاء الله اليوم بروح اشتريها, الجزء الاول كان من اكثر الالعاب متعه لعبتها على البلاي ستيشن 3 و بعد تجربة الديمو مال انفيموس 2 ما اعتقد هالجزء يقل متعه عن الاول او يمكن اكثر متعه.

 

[BigSur]

وصلتني اليوم و البداية اكشنية بقوة،

جاء معها:
- شنطة.. خفيفة و حليوة.. بس تحس خامتها مشي حالك شوي، لكن، عموماً، جت احسن مما توقعت.
- الفيجر، ثقيل و الديتيلز فيه حلوة مرة، لكن تفاصيل الوجه جداً سيئة.
- أشياء للتحميل: الأداة باللون الذهبي، كسلر، قوتين إضافيتين، و الساوندتراك.

قبل كنت ألعب الألعاب على شاشة 32 بوصة و ماكنت اعي الفرق بين 720p و 1080p.. كنت اشوف الأثنين سواء!
لكن من شريت الشاشة الـ 47" بديت اشوف الفرق فعلاً.. الـ 720p تظهر حواف البكسلات بقوة!
اللعبة من الديمو و انا ملاحظ البكسليشن، يوم لعبت الكاملة و برضو واضحة، فـ رحت ناظرت خلف الغلاف لقيتها 480/720p 🙁

 

[Jonas]

إن شاء الله هذا الشهر ثلاث العاب رح اشتريهم 100% InFamous 2 Duke Nukem Forever و Shadow of The Damned
الجزء الاول ما عجبني كثير مع اني كنت ناوي اختمه لكن تركته لأن وقتها ما كان عندي ps3 خاص لي

قهر اوروبا ما لهم Hero Edition 🙁

 

[MAX9009]

^
انس الثاني يغطي ع الاول بالراحه من كل النواحي بيعجبك ان شاء الله

 

[Q8_Gamer]

شباب مو قالو فيه اضافات للي حاصلين على البلاتينيوم من الجزء الاول ؟ :

 

[Q8_Gamer]

شباب مو قالو فيه اضافات للي حاصلين على البلاتينيوم من الجزء الاول ؟ :

:confuse:

 

[I-NERO-I]

شباب مو قالو فيه اضافات للي حاصلين على البلاتينيوم من الجزء الاول ؟ :

الاضافات عبارة عن EXP زيادة يدوك اياه في بداية اللعبة + يعطوك 5 بور كور من بداية اللعبة ( البور كور السلوت حقت الطاقة الي تجمعها من ال blast shards )

امس بديت في اللعبة شي ايبك صراحة احبك يا سكر بنش :inlove:

 

[Q8_Gamer]

^^

ماشفت شي .. لايكون الريجن يفرق ؟ يعني لو لاعب الاول نسخه امريكية والثاني اوربيه ؟ لانه عندي البلاتينيوم وما شفت شي

 

[MAX9009]

^
الظاهر لازم من نفس الريجن .. لانه طلعلتي قدرات اضافيه

 

[I-NERO-I]

^^

ماشفت شي .. لايكون الريجن يفرق ؟ يعني لو لاعب الاول نسخه امريكية والثاني اوربيه ؟ لانه عندي البلاتينيوم وما شفت شي

تصدق امس بديت في اللعبة وفعلا ما جاني شي قلت يمكن لازم امشي في اللعبة شوي بعدين تذكرت انو نسختي حقت الجزء الاول كانت امريكية وانا شريت النسخة الاوربية من الجزء الثاني :tongue: ( ماكس هل الإضافات شي كبير فيها شي زيادة عن الي انا ذكرته ولا حاجة بسيطة )