IGN Reviews Zelda TP

[Nintendo]

IGN موقع كجوالي ؟ اجل انت توافق جيم سبوت 100% على تقييمات ميتل جير الاولى والثالثه 🙂

 

[Solid Snake]

IGN Wii ومن قبله IGN Cube غير. مات يقول أن ميترويد برايم أفضل لعبة في التاريخ في رأيه لكنه عطاها 9.7 (إن ما كنت غلطان).

اوكي انا معاك .. ومات بالنسبة لي افضل محرر بعد كريج .. بس بكل امانة ما توقعت تقييم اعلى من كذا من ign ؟! .. انا توقعت على الاقل 9.6 الى 9.8 .. كل هذا بسبب اسلوبهم الفاشل في التقييم وتقييماتهم العبيطة لكثير من الالعاب .. لكن يظل قسم الننتندو في ign هو الافضل تقريباً ..

IGN موقع كجوالي ؟ اجل انت توافق جيم سبوت 100% على تقييمات ميتل جير الاولى والثالثه 🙂

كم اعطى الاول؟! .. مو فاكر بصراحة ..

بالثالث اوافقه بقوة .. سقطة قوية في السلسلة والكاميرا العبيطة والجيم بلاي اللي ما يتقارن بالاجزاء السابقة .. وغيرهم من العيوب الكبيرة اللي ما ادري كيف ما انتبه لها كوجيما!! واكبر دليل على هذا، ان تقييم تقييم سبستنس في سبوت افضل .. اعتقد جابت 9 او 9.1 او شي مثل كذا .. بينما الثالث 8.7!! .. ايش يدل هذا؟! .. على كثرة العيوب اللي تم تعديلها في سبستنس .. عيب الصراحة على لعبة مثل ميتل جير يصدرون جزء عارفين باخطائه ثم يعدلونه بعد فترة باصدار محسن ..

على فكرة، انا من اكبر الفانز للسلسلة، واظن النك يكفي .. بس هذي هي الحقيقة .. مش لما اكون فان للعبة اغمض عيوني واقول هذي اللعبة توب 🙂

 

[Nintendo]

الاول اخذ 8,6 🙂

للامانه قسم الوي او بالعموم قسم الاجهزة المنزليه لاجهزة ننتندو بIGN ممتاز ولا مره شفت منه تقييم غير منطقي ( ماعدا ماريو كارت دبل داش للمره المليون ) .

كونه اعطى اللعبه اقل من اوكرينا اوف تايم مش معناها اللعبه اسوء ولكن مثل ماذكروا الشباب من قبل المعايير الحين اختلفت شوي . اوكراينا اوف تايم كانت تجربة تاريخيه لانها اول زيلدا ثلاثية الابعاد والانبهار فيها كان شئ رهيب ولكن تولايت برنسس نقدر نقول another ZELDA . ادري التحكم تغير بالريموت وكل شئ ولكن ننتندو وكل الشركات مايقدرون يضيفون شئ يضاهي النقله من ال2d لل3d ..

كونه ذكر بالمراجعه انها افضل جزء بتاريخ زيلدا بالنسبة لي هي المراجعة الحقيقيه ومش الرقم اللي اخذته اللعبه بالنهاية 🙂

 

[NSider]

( ماعدا ماريو كارت دبل داش للمره المليون )

خخخ ومات حاط الأفاتار حقه صورة 7.9.

كونه ذكر بالمراجعه انها افضل جزء بتاريخ زيلدا بالنسبة لي هي المراجعة الحقيقيه ومش الرقم اللي اخذته اللعبه بالنهاية 🙂

درر يا عمر والله درر.

 

[DeaDMaN]

نوب.. مترويد برايم فيرست بيرسن " أدفنتشر " إن صح التعبير.. اللعبة مرة مو Shooter.. بس فعلا.. أحد أكثر الألعاب ثورية على الإطلاق وما أتوقع إنها تكرر.

أعرف انها مو Shooter ^_^ لعبت الجزئين ..

لكن مايحتاج نلف وندور بما أن المقصود من كلامي أكثر من واضح , اللعبتين من انواع مختلفة ..

صح , بس انا قاعد اقارن مستوى اللعبتين , اذا اللعبة مستواها اقل من برايم 1\2 , اللعبة بتكون اوفررايتد IMO ......

لأ ..اللعبة لما تاخذ هالتقييم مايعني أن مستواها أقل من مستوى MP1-2 , لأن في نفس الوقت لما تقرأ التقييم بتعرف بأنها أفضل من مستوى OOT .

The Legend of Zelda: Twilight Princess is, in my opinion, the greatest Zelda game ever

كونه اعطى اللعبه اقل من اوكرينا اوف تايم مش معناها اللعبه اسوء ولكن مثل ماذكروا الشباب من قبل المعايير الحين اختلفت شوي . اوكراينا اوف تايم كانت تجربة تاريخيه لانها اول زيلدا ثلاثية الابعاد والانبهار فيها كان شئ رهيب ولكن تولايت برنسس نقدر نقول another ZELDA . ادري التحكم تغير بالريموت وكل شئ ولكن ننتندو وكل الشركات مايقدرون يضيفون شئ يضاهي النقله من ال2d لل3d ..

كونه ذكر بالمراجعه انها افضل جزء بتاريخ زيلدا بالنسبة لي هي المراجعة الحقيقيه ومش الرقم اللي اخذته اللعبه بالنهاية

QFT

 

[Van]

كونه ذكر بالمراجعه انها افضل جزء بتاريخ زيلدا بالنسبة لي هي المراجعة الحقيقيه ومش الرقم اللي اخذته اللعبه بالنهاية 🙂

ََQFT .... قلت اللي في قلبي والله

 

[Solid Snake]

للامانه قسم الوي او بالعموم قسم الاجهزة المنزليه لاجهزة ننتندو بIGN ممتاز ولا مره شفت منه تقييم غير منطقي ( ماعدا ماريو كارت دبل داش للمره المليون ) .

اوكي انا معاك، قسم الننتندو في ign ممتاز جدا ومات افضل محرر بعد كريج .. هذي انا معاك فيها ..

كونه اعطى اللعبه اقل من اوكرينا اوف تايم مش معناها اللعبه اسوء ولكن مثل ماذكروا الشباب من قبل المعايير الحين اختلفت شوي . اوكراينا اوف تايم كانت تجربة تاريخيه لانها اول زيلدا ثلاثية الابعاد والانبهار فيها كان شئ رهيب ولكن تولايت برنسس نقدر نقول another ZELDA . ادري التحكم تغير بالريموت وكل شئ ولكن ننتندو وكل الشركات مايقدرون يضيفون شئ يضاهي النقله من ال2d لل3d ..

انتم ليه مو راضين تعترفون انه اوكارينا ما فيه تجربة ممكن تكون مثلها؟! .. اوكارينا تجربة ومضت ومستحيل تجي اي زيلدا ثانية توصل لمستواها او تعطينا تجربتها لانها قاعدة تستهلك افكار اوكارينا نفسها .. عشان كذا نعتبرها اسطورة ..

بالنسبة للويموت والتحكم الجديد، ترى برضو سبوت اشتكوا منه وقالوا مو مطبق صح .. يعني اللعبة تحتاج الى اكثر من تحكم جديد عشان توصل لاوكارينا

كونه ذكر بالمراجعه انها افضل جزء بتاريخ زيلدا بالنسبة لي هي المراجعة الحقيقيه ومش الرقم اللي اخذته اللعبه بالنهاية 🙂

طيب ليه لما جيف راجع اللعبة قلتوا رأيه الشخصي وقلتوا ان اللعبة اسطورية بس هو حمار ما يعرف يراجع ويكره الويي ومتحيز للالعاب الامريكية ووو .. إلخ ..

لكن في ign قلتوا لا هم قالوا افضل زيلدا في التاريخ يعني افضل زيلدا!! .. ممكن تفسير منطقي؟!

والا لاني فان للعبة الفلانية لما اشوف الموقع اللي اعترف فيه خسف بلعبتي اسبه واشتمه واروح للموقع اللي رفعها فوق؟!

خليكم واقعين شوي

 

[hussien-11]

انتم ليه مو راضين تعترفون انه اوكارينا ما فيه تجربة ممكن تكون مثلها؟! .. اوكارينا تجربة ومضت ومستحيل تيج اي زيلدا ثانية توصل لمستواها او تعطينا تجربتها لانها قاعدة تستهلك افكار اوكارينا نفسها .. عشان كذا نعتبرها اسطورة ..

من قال ؟؟ أساس الجيم بلاي في أوكارينا يعتمد على الأوكارينا ، بينما توايلايت برنسس يعتمد على التحول لذئب ، طبعا الأساس واحد لكن طريقة التنفيذ فيها اختلافات كثيرة

من ناحية القصة و الدنجيونز و القصة و ضخامة اللعبة ، توايلايت >>>> أوكارينا بشهادة جميع من قيّمها ، فشو اللي يمنع انها تكون أفضل منها ؟

بالنسبة لجيف مادري و لكن كل التقاييم بجهة و تقييمه بجهة ، شو معنى هالشي ؟ كلهم غلط وهو الوحيد الصح و اللي يفهم ؟​

 

[Solid Snake]

حسين انت آخر واحد يتكم p: .. اكبر واحد مؤيد لسبوت ودايما تقول افضل موقع ولما خسف بزيلدا تسبه .. ليه كذا ياخي؟! :yuck:

من قال ؟؟ أساس الجيم بلاي في أوكارينا يعتمد على الأوكارينا ، بينما توايلايت برنسس يعتمد على التحول لذئب ، طبعا الأساس واحد لكن طريقة التنفيذ فيها اختلافات كثيرة

الاسلوب واحد .. ما همنا الطريقة او الجيم بلاي، احان قاعدين نتكلم عن مستوى .. جميع العاب زيلدا الحالية قاعدة تستهلك اساسيات اوكارينا وتجدد فيها بشكل بسيط ما يوصل للي عملته اوكارينا ..

من ناحية القصة و الدنجيونز و القصة و ضخامة اللعبة ، توايلايت >>>> أوكارينا بشهادة جميع من قيّمها ، فشو اللي يمنع انها تكون أفضل منها ؟

تتكلم من جدك؟! .. لا اكيد تستهبل!! .. مقارنة ما يقبلها عاقل!، انت قاعد تتكلم عن لعبة امكانياتها ابسط من امكانيات الوقت الحالي بكثير!! .. يعني هل تتوقع ان توايلايت مع الامكانيات الحالية تكون اصغر او اضعف من اوكارينا تقنيا؟! .. لو صار هالشي بتكون ننتندو اسوء شركة في الوجود ..

اللي يمنع انها تكون افضل منها، ان اوكارينا كانت نجمة واسطورة وقتها .. وقدمت ما عجز الكل عن تقديمه ووصلت للتقييم الكامل 10 (مع اني مو مقتنع بهالتقييم ابداً لا لزيلدا ولا غيرها، ما فيه شي كامل في الوجود غير وجهه سبحانه وتعالى) .. اما الحين، صعب جداً توايلات تصل لمستواها في هذا الوقت مع اكثر من لعبة منافسة والعاب جبارة ممكن تغطي عليها ..

بالنسبة لجيف مادري و لكن كل التقاييم بجهة و تقييمه بجهة ، شو معنى هالشي ؟ كلهم غلط وهو الوحيد الصح و اللي يفهم ؟

تقييم سبوت لميتل جير3 وكل المواقع في جهة .. هل معنى هذا الشي انه سبوت هو الوحيد اللي يفهم ؟! .. (على فكرة اذكر مرة انك قلت لي تؤيد تقييم سبوت لميتل

)

وممكن يكون كلامه صح!! .. لا تستعجل الامور .. قدامنا تجربة طويلة عشان نحكم .. ممكن يكون وضعها مثل ما قالوا الشباب مثل وضع ماريو سن شاين .. كل العالم حقدت على سبوت اللي خالف الكل في تقييمها .. وفي النهاية طلع تقييمه هو المنصف والعادل للعبة!!

 

[hussien-11]

مشعل اقتبس لي بالضبط وين سبيته ؟ :slant:​

التقنية يتم استغلالها عشان تصير الألعاب أفضل ، لكن هالشي مو دائما يتحقق ، اذا أوكارينا كانت نجمة بوقتها ما في شي يمنع تيجي لعبة تكون أفضل منها لأنه الأجهزة تقدم إمكانيات أعلى و أفضل ، كلامك معناه الصحيح انها ما راح تقدم نفس الإحساس ( مو ثورة و أول مرة نشوف زيلدا ثلاثية الأبعاد ) لكنها فعلا أفضل منها بسبب تطور التقنية​

 

[JOE]

انا مالي في نقاشكم بس حبيت اعلق على شئ ...

(مع اني مو مقتنع بهالتقييم ابداً لا لزيلدا ولا غيرها، ما فيه شي كامل في الوجود غير وجهه سبحانه وتعالى)

و مين قال انه اللعبة لما تاخذ بيرفكت معناتها انها خالية من العيوب ؟؟!!! البيرفكت تاخذ اللعبة ذات العيوب البسيطة و إلي ما تاثر على مستوى اللعبة العام ...

و لا اكيد مافي شئ كامل إلا وجهه سبحانه و تعالى .

حبيت اوضح لا اكثر يالله كملوا نقاشكم ...Round 5 FIGHT

 

[Ash Storm]

استغرب من الناس الي يحكموا على مستوى اللعبة قبل ما يجربوها (سواء المقللين من شأن اللعبة او الي رافعينها فوق اكثر من اللازم) !!
انا مقتنع ان تولايت برنسس مش راح تكون افضل من اي زيلدا مضت , ليش؟ لأن اوكارينا لما صدرت في وقتها كانت نقلة غير طبيعية من عالم الـ2d الي عالم الـ 3d بشكل مذهل و قدمت تحكم اكثر من رائع ,, لكن السؤال الأن ايش الجديد الي قدمته تولايت برنسس؟ نقلت اللعبة من الـ 3d الي الـ 4d مثلآ :yuck: ؟ حتى الجيم بلاي الي قدمته تولايت صحيح جديد بس ما يعتبر نقلة كبيرة مثل الي عملته اوكارينا (و كمان يشتكوا شوي من صعوبته) ,, شي اخر ,, اوكارينا قدمت اسلوب جديد لزيلدا , لكن تولايت قدمت اشياء جديدة لكن مش بكبر و ضخامة اوكارينا .. على الاقل في ويند ويكر كان في فكرة جديدة ( السيل شيدد + البحر و التنقل بالمركب اللي يعتبر افضل من الحصان بنظري) , لكن تولايت نفس افكار اوكارينا تقريبآ ..

 

[hussien-11]

استغرب من الناس الي يحكموا على مستوى اللعبة قبل ما يجربوها (سواء المقللين من شأن اللعبة او الي رافعينها فوق اكثر من اللازم) !!
انا مقتنع ان تولايت برنسس مش راح تكون افضل من اي زيلدا مضت , ليش؟ لأن اوكارينا لما صدرت في وقتها كانت نقلة غير طبيعية من عالم الـ2d الي عالم الـ 3d بشكل مذهل و قدمت تحكم اكثر من رائع ,, لكن السؤال الأن ايش الجديد الي قدمته تولايت برنسس؟ نقلت اللعبة من الـ 3d الي الـ 4d مثلآ :yuck: ؟ حتى الجيم بلاي الي قدمته تولايت صحيح جديد بس ما يعتبر نقلة كبيرة مثل الي عملته اوكارينا (و كمان يشتكوا شوي من صعوبته) ,, شي اخر ,, اوكارينا قدمت اسلوب جديد لزيلدا , لكن تولايت قدمت اشياء جديدة لكن مش بكبر و ضخامة اوكارينا .. على الاقل في ويند ويكر كان في فكرة جديدة ( السيل شيدد + البحر و التنقل بالمركب اللي يعتبر افضل من الحصان بنظري) , لكن تولايت نفس افكار اوكارينا تقريبآ ..

لوول

محمد انت كنت متوقع تكون أفضل زيلدا و قلت لي هالشي ..

الرقم رح يلعب بعقول الكثيرين :roll:

 

[Ash Storm]

لوول

محمد انت كنت متوقع تكون أفضل زيلدا و قلت لي هالشي ..

الرقم رح يلعب بعقول الكثيرين :roll:

انا قايل لك من زمان اني افضل السيل شيدد (ويند ويكر) على الواقعي , و افضل زيلدا الـ 2D (منش كاب و لنك تو ذا باست) على الكل :roll:

تحرير :
بالمناسبة , انا مش قاعد اقول ان تولايت برنسس راح تكون فاشلة او انها لعبة مش من الألعاب القليلة الي راح تحس بكلمة اسطورة و انت تلعبها , لكن الي قاعد اقوله ان تفضيل جزء اخر من السلسلة على اوكارينا او تولايت ماهو امر غريب او مستحيل حتى الكل يستغرب منه و يتفاجئ ,, بس :roll: