hits counter

i phone

Tomb raider

Tomb raider

True Gamer
السلام عليكم ورحمة الله وبركاته
picture9dd779.png

واخيرا كشفت شركةApple عن آخر تحديث لها ، لهاتفها المنتظر الi phone
التحديث هو عباره عن ٣ دعايات للi phone يعّرف المستخدم بقدرات ومميزات الهاتف
من اهم هذي المميزات هي الايميل/ i pod/SaFari/الخريطه/والاستخدامات المختلفه للجهاز
موعد الاصدار ٢٩/٦/٢٠٠٧
لمشاهدة الاعلانات هنا:
Apple i phone Ads
​
 
التعديل الأخير:
الجهاز طول 🙁

انا الحين جوالي خرب ورجعت للنوكيا6600 الين ينزل الايفون .. المشكلة مافي موعد اصدار عالمي الى الان ..
 
لو فيه موعد صدور عالمي كان خذته لأن جوالي خلاص ! اول جوال يطول معاي جذي !

برب بروح اكمل البرزنتيشن P:
 
في خبر غير مؤكد ان الجهاز بينزل 29 يونيو .. وفي اشاعة تقول ان ابل راح تنزل 4 مليون جهاز فقط هذي السنة..

والله 2007 سنة الصرفيات الأسطورية.. أنا حاط عيني على الiPhone وتقريبا هو جوالي القادم الا في حالة إعلان سوني إيريكسون عن موديلات جديدة صخر.. أبغى شي فعلا أقدر أسميه نقلة جديدة.. مليت من الابقريد في الكاميرا..
 
التلفون هذا شعبيته كبيرة.. و أول ما ينزل و الناس تصير تشوفه في يد بعض.. راح يعجبون فيه بشكل أكبر بكثير
 
GSenius قال:
في خبر غير مؤكد ان الجهاز بينزل 29 يونيو .. وفي اشاعة تقول ان ابل راح تنزل 4 مليون جهاز فقط هذي السنة..

والله 2007 سنة الصرفيات الأسطورية.. أنا حاط عيني على الiPhone وتقريبا هو جوالي القادم الا في حالة إعلان سوني إيريكسون عن موديلات جديدة صخر.. أبغى شي فعلا أقدر أسميه نقلة جديدة.. مليت من الابقريد في الكاميرا..
أنقر للتوسيع...
29/6 أكيد، شوف الاعلان !
ممم تنتظر سوني اريكسون ؟ صدقني بتتعب ، سوني صارت مثل نوكيا !
 
سوني اريسكون قريبا بتنزل P1 يكسر أبو الـIphone واللي أحسه أوفرريتد لأنه من آبل فقط
بالنسبة لسوني الشركة تسعى لأنها تكون رقم واحد في الجوالات لذلك قامت تنزل جوالات كثيرة في الفترة الأخيرة .. وبعد ما تبني نفسها أكثر وأكثر أكيد راح يصير إمتلاك .. وبعدها إن شاء الله نشوف شي مواصفاته نصف مواصفات الأجهزة اليابانية من سوني اريسكون ( عيب عليها .. جهازي ياباني من 4 سنين يسحب على أحسن جهاز عندنا الآن )
 
...

وين الاعلانات ؟؟ مني شايفها ؟!
 
سمعت أن الـiPhone اللي بينزل في أمريكا راح يدعم أغلب الشبكات العالمية!

طبعاً عدم دعمه للـHSDPA/3.5G ولا حتى الـUMTS/3G يخليني أحط عليه X كبير إلين ينزل اللي بعده. ما صرت أقدر أتخيل أدخل نت بالجوال سرعته 80 كيلوبت بس.
 
مادري ليش غسلت يدي منه ..
انتظر تلفون سوني أركسون الجديد ( 5 ميجا بكسل )
يقولون اخر هذا الشهر رح يتم الكشف عنه و اسمة K850 اعتقد ..

لكن طبعاً الـ iPhone فيه ميزات خياليا يتمناها كل عاشق للألكترونيات و التطور ^^ ..
الأصدار في الميدل إيست شكلت مطول -__-
 
يكفي المولتي توتش .. تعتبر نقله في عالم الاجهزه المحموله يا زيرو ... P1 مو شايف اي شي فيه جديد عن الموديلات الاقدم .. مجرد اعاده تصميم ورفع الكاميرا ..

على فكره .. في مقابلة مع ستيف جوبز .. سالوه عن امكانيه المستخدمين انهم ينزلون برامج طرف ثالث في الجهاز .. قال قاعدين يحاولون بشتى الطرف انهم يخلون البرامج تنزل لكن قاعدين يشوفون طريقه الفايروسات ووالخ ما تدخل معها ..

بشوف الدعايات الحين ... الجوال بينزل في العالم في 2008 .. والامريكي احتمال كبيره تنفك شفرته.
 
التعديل الأخير:
الاعلانات في الوصله عمر ..

مو فاهم بالضبط ايش الي مو قاعد تشوفه ..
 
أهم شي متى الإصدار الأوروبي وهل راح يدعم شبكاتنا في المنطقه واللغه العربيه في الرسائل النصيه ،، متأمل في هالموبايل إن يكون موبايلي القادم خصوصا إن موبايلي صارله أكثر من 5 سنين عندي 🙂
 
مشا الله كلكم راح تشترون الجوال ولا واحد فيكم سال عن السعر؟

كم السعر يالطيب ؟؟؟
 
...

قسم بالله .. لا شايف صورة .. ولا لنك ولا أي شي !!
 
انترنت اليابان مسكون ....

ادخل موقع Apple .. وبتلاقي الدعايات في وجهك اكيد ... لا تقولي كلمه Apple الي كتبتها ما ظهرت لك ؟؟
 
Khalid-S قال:
انترنت اليابان مسكون ....

ادخل موقع Apple .. وبتلاقي الدعايات في وجهك اكيد ... لا تقولي كلمه Apple الي كتبتها ما ظهرت لك ؟؟
أنقر للتوسيع...

على خفيف


بجرب الحين
 
...

ما فيه دعايات !!
 
عمر جرب ادخل الموضوع من براوزر مختلف.
 
عمر ادخل موقع ابل ... في الصفحه الاولى ناظر تحت بتلاقي الصوره هذي

iphoneads20070603.jpg


اما اذا ما تشوف الصوره كمان .. الويندوز حقك عنصري يحجب كلمه apple
 
يجب تسجيل الدخول أو التسجيل كي تتمكن من الرد هنا.
عودة
أعلى