Random
True Gamer
جيت ابغى اكتب رد عن حلقة 148 بس شفت النقاش و المقارنة و انسدت نفسي .... مضحك للي يتخيل اننا نحب نسخة نيبون عشان فقط نستولوجيا ... لو عشان النستولوجيا ما تلاقيني با اعمال اخرى افضل الشي الي شفته جديد على الي شفته زمان ... زي بيرسيرك الأنمي شايفه 2006 مدري 2007 و اعتبره اسطوري و شفته مليون مره و المانجا قراتها كاملة قبل اسبوعين و فضلتها على الانمي !
انا تكلمت عن نفسي بردي بخصوص النوستالجيا.
و من فين جت جملة اقتباس طبق الأصل للمانجا = عمل افضل ؟؟ .. الأنمي يتحول لمانجا متحركة مثلا او أيش ؟ .. ثم حتى ماد هاوس يا كثر اللقطات الي اضافوها مو موجودة في المانجا او اماكن عملوها من عندهم لأن توجاشي رسمه كله شخابيط و معدوم التفاصيل و متفاوت ... و لو تتذكر ماد هاوس غيرو حتى با اماكن و توقيتها زي مثلا القاء الاول إيلومي و هيسوكا في ارك الانتخابات .. من عند التصويت في المانجا إلى فوق المبنى عند مهبط الطائرات في الانمي ! ... و اشوف الأنمي هنا عمله افضل من المانجا ... و ياما شفنا انميات يظهرون المانجا بشكل افضل و حلقة 24 من انمي كينشين تتكلم و حلقة من ناروتو شيبودين 375 تتكلم
شكلك من الي يتابعوا مانجا هنتر من النت ، ولا اصلاً لو تشتري المجلدات ماراح تشوف الرسم شخابيط وخرابيط 🙂
اما جنس كواربيكا و التشكيك فيه يعني تبغى تقولي ماد هاوس طالع منها ؟ .. نسينا الفيلم الاول و اخت العضو السابق للعناكب ؟؟ .. ما كان في البداية ولد ثم فجأة طلعت بنت ؟ .. ثم في 1999 هل توجاشي اظهر صدر كورابيكا ؟ .. لا ! ... هل خلاه يتنكر بزي موظفة استقبال جميلة و مكياج؟ .. يس ! ... مين المسؤول عن التشكيك بجنس الشخصية نيبون او توجاشي ؟ ... توجاشي خلاك تشك با الوكا .. بيتو ... و الآن انت حضرتك كملتها و قلت اخت كيلوا كالوتو كمان ! .. معقولة في احد يعتبر كالوتو ولد !! ... أيش الولد هذا الي يلبس لباس اليابانيات القداماء المحتشم ... و أيش الولد هذا الي ظاهر في علاقة عائلة الزولديك انه ((((((( يغار )))))) زي البنات من الوكا عشان كيلوا يهتم لها اكثر منه ... و أيش الولد هذا الي العجوز تسوبوني تقول عنه انه يشبه امه .... سواء مانجا / نيبون / ماد هاوس كالوتو ظاهرة لي انها بنت و يكفي تشكيك با الشخصيات لأنها مصخت !
افلام هنتر فيلر اصلاً ، وكالوتو ولد (فاكت)
اما فيلرات نيبون واحتقارك / حقدك الغريب عليهم ... فيلر اختبار التسونامي ما يقل عن اي اختبار اخر - هذا إذا ما كان افضل ! - و شخصيا افضله على ارك البرج السماء و جريد ايلاند للنسختين ! ( يس انا مبالغ و راح ابالغ اكثر لأنه فيلر اسطوري و إذا ما حسيت ان نيبون قدمت في هذا الفيلر مستوى كأنه عبارة عن فيلم و اوصلت الرسم اليدوي لأقصى حدوده فهذه مشكلتك ! )
فيلر ممل ومايقدم شيء لقصة هنتر
و احلى شي جايب لي اقتباسات لصور الشخصيات من ارك جريد ايلاند لنيبون و الي معروف انه مستواهم كان فيه سيئ و المخرج تغير و الرسم كان في بدايات الانتقال للكومبيوتر ... و كمان انك ماد هاوس اتبعو مانجا بحذافيرها ولا ابتكرو (( اسلوبهم الخاص )) زي نيبون ... اها اوكي ... امممم ... اسامي الحركات الي تطلع و الألوان مو يعتبر اسلوب ماد هاوس ؟ ... ارك العناكب لما كل شخصية تقرأ وصيتها و طريقة القراءة مو اسلوب ماد هاوس ؟ ... الكيس الكيوت الي انوضع فيه القلب مو اسلوب ماد هاوس ؟ ... و الباقي اخليك انت تتذكره افضل
كان فيه صورة لتصميم غون وكيلوا القبيح من ارك اختبار الصيادين ، شكلك مالاحظتها.
وترا الاشياء الي ذكرتها مثل اسامي الحركات والالوان كلها تعتبر ايجابيات لمادهاوس! انت قاعد تجيب اسباب اكثر علشان الواحد يفضل نسخة مادهاوس على نسخة نيبون كإقتباس لهنتر!
كل المتابعين الجدد نادرا ما تلاقي احد يحب اختبار الصيادين و يعتبره ارك كريه ... الأرك هذا الي انا اعتبره انه مغامرة واحدة في العمر و ما تكرر با اجوائه المميزة و تنوع افكاره الخ ... صار شي مخيس لمتابعين ماد هاوس ! ... خطأ مين هنا يا ترى ؟ ... مين الي خلانا نشوف ارك اختبار الصيادين انه شي عظيم و يسبب توتر و لحظات ما تنسى ؟ ... و مين الي جعل غيرنا يشوفه انه ملاهي و العاب اطفال و الوان ؟ ... اترك الجواب لك
غلطان ، متابعي هنتر الجدد ماشافوا مشكلة بالارك ، الي شافوا الارك سيء هم متابعي نسخة نيبون ، حتى انا اوافق بإن مادهاوس ظلموا ارك اختبار الصيادين بطريقة الرسم وانعدام الجدية فيه
في الاخير .. ما اعتقد انك عضو جديد ولا زائر جديد حتى .. انت عارف ان مقارنة ماد هاوس x نيبون انذكرت مليووووون مره في ها الموضوع لدرجة الغثيان و فقط جاي تفرض رأيك انه فاكت .. و ترا والله عارف انه رأيك الشخصي .... لكن اسلوبك يخليه كأنه فاكت ... انا اشوف كل النسختين فيه مزايا و عيوب .. و الجانب الفني و الموسيقى يميل كثيييير لنيبون و كفى
اعتقادات ، اعتقادات.... لا تحط شيء بذمتك ، حتى انا اشوف كل نسخة فيها مزايا وعيوب ، والنسخة ذات العيوب الاقل والمزايا الاكثر هي مادهاوس بالنسبة لي
با النسبة لحلقة 148 ... توجاشي يستمر با الترولة ... المفترض هذه الحلقة الاخيرة صح ؟ .. لكن ليه حسيت انه بداية لمغامرة اكبر من كل الي شفناه من بداية هانتر xD ؟ .. الحلقة توقعت انها مجرد اظهار للقطات قديمة لكن تفاجأت انها ممتعة ... اغنية الـ Opening فقط هي الي خربت الحلقة .. لكن هذا " اسلوب " ماد هاوس أيش نقول !
الانالوجي كان رائع ، Departure الي كنا نسمعها في البداية دائماً ظهرت في النهاية في الحلقة الاخيرة.
صورة ملتقطة في يوم عرض الحلقة الاخيرة لفريق ماد هاوس :
كل الي اتمناه بعد 6-10 سنوات مانشوف تكملة لهنتر إلا من هالمبدعين.
و فعلا يوم الثلاثاء راح يكون ناقص جدا 🙁 . .
...
:: لا تناقشني هنا لأني راح أحذف ردك ولا أسال (أنتهى الموضوع هنا).
