hits counter

Humble THQ Bundle متوفر الآن.. هل حان الوقت لتوديع الشركة؟

sadness

sadness

Hardcore Gamer
GCsK9.png


أول مرة تصير إن شركة كبيرة تنزل ألعابها في الهامبل باندل، في العادة الهامبل باندل يركز على ألعاب الأندي للبي سي وألعاب السمارت فونز.
على العموم قائمة الألعاب مثل ما تشوفونها بالصورة، إدفع إلي تبغي وأحصل عليها كلها ما عدا ساينت راو 3 لازم تدفع أكثر من المتوسط " أتوقع وصل الحين 5.43 دولار "
من هنا تقدر تطلب الألعاب، راح تحصل أكواد ستيم لكل الألعاب الموجودة.

أتوقع إذا نجح الباندل هذا ممكن نشوف باندل ثاني لألعاب THQ بما إن مسألة إفلاسهم مجرد وقت وما راح تفرق معاهم لو باعوا أغلب ألعابهم بسعر التراب :laugh::
 
وضع الشركة مثير للشفقة 🙁 فيه شركات اتسكرت وافلست ومحد عرف عنها.. اما هذه جالسة تنذل لآخر لحظة مع ان لها العاب محترمة جدا..سكوير انكس ما ودها تتعاطف معهم وتشتريهم @@
 
عاد سمعت قبل فترة إن فيه فرصة لتحسين أوضاعهم 🙁
.
بس والله قرار بطل! عندهم إصرار ما شفت مثله أبد.
راح اشتريه إن شاء الله.
 
واو، حرفيًا لم أرى ذلك قادمًا.. أشفقت عليهم 🙁

عاد كلها العاب جيدة-ممتازة وتستاهل.. مالعبت اضافات رفقة الأبطال والانطباعات عنها ماتحمس، وSR3 عطيتها تجربة سريعة وماجذبتني. أما البقية مخلصهم. ومع ذلك أفكر اخذ البندل..
ضميري راح يؤنبني يومًا ما اذا مافعلت ذلك 🙁 خاصة وان بعض هالالعاب لعبتها بطريقة.........
 
ان شاء الله الباندل يبيع فوق المليونين علشان يعدل من وضعهم.
 
بصراحة رغم إن أغلب الألعاب الموجودة في الباندل شريتها من زمان لكن أخذت الباندل هذا كتعبير عن إمتناني للشركة، إستمتعت بدارك سايدرز بجزئيها، ألعاب المصارعة حتى ساينت راو كانت ممتعة
بس بصراحة كان المفروض يخفضون سعر ألعابهم في الستيم بدل ما يوضعوها في الهامبل باندل، المشكلة أحيانا يجيك شخص ويشتري الألعاب الموجودة بدولارين " ما أنكر إني ما فعلتها مرة 😛 "، لو توزعها على الألعاب الموجودة يطلع المطور كسبان شيء بسيط جدا جدا من لعبته.
 
اهم شيئ شباب في خيار "Choose how you would like to divide up your contribution:" اختاروا كله لـ THQ 🙁
 
ألعابهم جيدة جداً و بعضها ممتاز بل بعضها يبيع بشكل جيد .. ماني عارف وش سبب خسارتهم بهالشكل ؟!
 
احس هالشركة كان راعينها يقولون "يالله نصير مثل اي ايه" وطاحوا على وجيههم..
 
ليش ماتسوي مشاريع متوسطه بميزانيه قليله جدا ؟ , اعتقد في الجيل ذا مايضلي الا اللي يحلب العابه 🙁
 
الجيل هذا يقول للشركات : احلب اذا تبي تعيش

حسافة على THQ مع اني ما اهتم لها الا ان لها العاب رائعة يا ليت لو تندمج مع اي شركة تشتريها

متحسف على عنوان دارك سايدرز و سانت رو :sadwalk:

سانت رو 3 عشت معاه تجربة سعيدة لعبة استهبالية في عالم مفتوح
واجلس اصمم الشخصية على اشكال ناس اعرفهم :laugh::
 
مدري ليش خايفن على عناوين الشركة ؟ العاب مثل سينت رو wwe وغيره من سلالسل الشركة المعروفة ما راح تختفي مع الشركة . اكيد راح يتم شراء العناوين من شركاة اخرى مثل EA او اكتفجن او حتى كابكوم(اذا كابكوم فالله يعين فانز العاب THQ):sarcastic:.

هذا اذا ما تم شراء الشركة بكبرها والعناوين معها:laugh::
 
شريت البندل. هذا أقل شي أقدر أقدمه للشركة الي عطتني سلسلة داركسايدرز 🙁
 
تم الشراء وجاري تحميل ... مع اني ما أدري متى العب فيها

ZyD04.jpg


أنا متأكد ان عروض الشراء واصلة لـTHQ ولكن استمرارها لهذا الوقت يعني انها ودها تكمل المسيرة فإما الإفلاس أو النجاح 🙂
 
دقيقة خلال أربع ساعات تقريبًا اللعبة باعت 206000+ باك .. وان استمر الوضع على ماهو عليه فممكن نشوف أرباح مرضية لـTHQ ... أتمنى .
 
نايس موف ..... يستاهلوا الدعم

فكرة السايت أصلا وحركة تحكمك بتوزيع المال رهيبة!
 
تم الشراء .. ماتوقعت شركة كبيرة زيها راح تدخل في هالموقع ابدا !
 
فيه طريقه أشتري من الفيزا على طول ..؟ مغير خرابيط البايبال أو أمزون بايمنت .؟

أوك حليت المشكله .. دعهمتهم بـ1.01 🙂
 
التعديل الأخير:
تخيلو في المستقبل نشوف Bungie Bundle
أو نشوف...Call of Duty Bundle ؟
 
انا ابي سكوير انكس بندل او orc must dir Bundle .. بيكون شئ خرافي
 
ان شاء الله تسكر وتفلس
ملينا العاب المصارعة خايسة حيل
 
SAUD~F-16 قال:
هذا اذا ما تم شراء الشركة بكبرها والعناوين معها:laugh::
أنقر للتوسيع...
من اللي فهمته هذا الشيء مستحيل، لأن اللي رح يشتري الشركة رح يشتري ديونها معاها.
وبعدين إذا عزلت الشركة رح يقدرون يشترون العناوين بالسعر اللي يبونه.
 
رحت اقلب كل ركن من الغرف هادور بطاقه البنك عراف انها خاليه لانش فلستها بستيم لكن حاولت وان كان فيها دولار واحد اشتري فيه البندل دعم للشركه الي عطتني ميترو !

المبيثعات واصله 2,000,000 دولار! باقي 12 يوم اتمنى مبيعات تفيد THq عشان تمشي شغلها وتوقف مره ثانيه , مابكون سعيد ابدا لو شفت الشركه تطيح بيد شركه ثانيه مهما كانت
 
البندل حقق مبلغ 2 مليون دولار! وما مرّ من الـ13 يوم إلا 16 ساعة فقط، بصراحة THQ لعبتها صح لول..
 
صراحة يستاهلون الدعم حتى لو ماشريت العابهم.
 
اشتريت البندل وانا مغمض العينين ، و خليت الدعم كله ل THQ ، و انا ما عندي بي سي بس كنت خايف اتحسف على هالبندل الرهيب .
 
ياشبابا ماشاء الله طلعتوا بنوك متحركة كل هذاالدعم لهالشركة من زين ألعابها ا إنتاجاتها

أنا عن نفسي أنتظر إفلاسها بأحر من الجمر
 
يارب تفلس عشان نشوف العاب مصارعة ممتازة مش دزبليو دزبليو ايه تبعتهم الي صار لها من ال 2004 نفس المحرك ونفس دخول رجل المصارع في كرش اندرتيكر عععهههههههه :laugh::
 
يجب تسجيل الدخول أو التسجيل كي تتمكن من الرد هنا.
عودة
أعلى