HTC’s Touch Diamond

[Humam]

Overview:

[youtube]H5fetcaQIaA[/youtube]


Product Tour:

[youtube]gq3q7MQ4acI[/youtube]

Pics & Videos:

[youtube]J5wK13171OE[/youtube]


People:

[youtube]eZps65DhRfQ[/youtube]

Music:

[youtube]tFNJgk3xtN8[/youtube]

Weather:

[youtube]5hJB3Iwr2iU[/youtube]


المواصفات :

- المعالج: Qualcomm® MSM7201A™ 528 MHz

- نظام التشغيل: Windows Mobile 6.1

- شاشة 2.8 بوصة والرزلوشن VGA ( ـ 640 في 480 بيكسل ! )

- الشبكات: Quadband HSDPA, الداونلود حتى 7.2 ميجا بت

- الذاكرة:

ROM: 256 MB
RAM: 192 MB DDR SDRAM
Internal storage: 4 GB

- كاميرا 3.2 ميجا بيكسل مع اتو فوكس, محادثات فيديو.

- انتفريس بتقنية Touch FLO 3D للتحكم والانتقال بين القوائم ( بإمكانك تستخدم ال Navigation Pad الدائري أو التتش سكرين.. خيارين للتحكم ).

- 3D GPU للألعاب

- Accelerometer يشقلب الصور- الفيديو حسب وضع الجهاز ( عمودي أفقي )

- FM Radio GPS, Bluetooth - Wi-Fi

- تشغيل MP3 - ACC - الخ الخ

- متصفح Opera و قريبا IE6 من مايكروسوفت

- أبلكيشن ل Youtube + الWeather

- موعد الاصدار الشهر القادم في أوروبا عن طريق Orange و بقية المناطق في وقت ما هذا العام.

- السعر ما اتحدد حتى الآن.. بس ما اتوقع أقل من 500 دولار.

الجهاز عاجبني بقوة..بس عيبه انه بدون كيبورد.. أنا متحمس للXPERIA ( الي تصنعه HTC لسوني اريكسون ).. مواصفات جبارة وشكل رهيب وفيه QWERTY كيبورد..بس الظاهر انه بيتأخر لين سبتمبر مع الأسسسف 🙁

الي متأكد منه إن جوالي القادم راح يكون Windows - based..

 

[Tomb raider]

حلو شكله والله !!

بس نظام ويندوز؟ انسى بعد سالفة الاي ميت الغبي :/

 

[Majeed]

حطوا استعراض لكل شي إلا الـGPS 🙁 ،،
عالعموم أنا كنت ناوي على Touch Cruise ،، بس غيرت رأيي بعد نزول دايموند ،،
خصوصاً إن قدرات دايموند أفضل من ناحية المعالج والميموري وغيره ،،

الجهاز كما وصفه موقع Gadgetarabia.com ،، أعاد خلق الآيفون بنظام ويندوز موبايل ،، رغم تحفظي على الجملة قليلاً ،،

 

[Colorization]

سبحان الله من يومين يوسف كان يكلمني عنه. كل ميزاته عجبتني وتصميمه رهيب بقوة، ولا مرة اهتميت في أي تلفون جديد (مهما كان الشكل والمواصفات) لكن هذا الوحيد اللي جذبني.

أتمنى السعر ما يكون غالي وايد (كم تتوقعون يكون سعره مقارنة مع السعر الأصلي؟ الإلكترونيات ما اجازف أطلبها من الخارج وودي لو يكون سعره جيد. ما عندي خبرة مع أسعار الموبايلات في منطقة الخليج للأسف). حان وقت الأبجريد، تلفوني يحتضر.

 

[Majeed]

^ ^ ^ ^ ^
أسعار الـhtc's عندنا تفرق تقريباً مئتين ريال ،، في كل من جرير وإكسترا ،، سعر مناسب جداً ،،

حان وقت الأبجريد، تلفوني يحتضر.

سيم هير 🙁 ،، البطارية تودع 🙁 ،،

 

[Khalid-S]

جميل جداَ. هم مصصمين الـOS ولا هذا بيكون في كل نظام WM ؟ شي حلو تشوف في تحدي من ناحية GUI (تحدي = افضلية للمستخدم).

ما يجي اندرويد بدل WM بنفس الشكل هذا؟

 

[Nintendo]

والله شكله رهيب ومواصفاته ممتازه ..

امممممم الواحد صار يحتار قبل لاياخذ جوال مثل الكمبيوترات ..

 

[HAB]

خلاص ان شاء الله هذا بيكون جهازي المستقبلي

وانا اتصفح حصلت بعض مميزات الجهاز اعتقد اغلبكم مايعرفها

شاشة الجهاز الخارجية من الزجاج يعني مثل الايفون

واذا احد اتصل عليك تقدر تقلب الجهاز بس يعني الشاشة تكون مواجهة للأرض والجهاز راح يسكت الرنين

طبعا الالعاب في الجهاز راح تستعمل الهزاز وراح تستعمل تقنية الاستشعار

غير كذا الجهاز في داخله قلم والجهاز يقدر يتحسس خروج القلم منه وهنا نشوف ميزة عجيبة فإذا كنت تتكلم بالجهاز وتبي تكتب ملاحظات من الشخص الي تكلمه بس اسحب القلم والجهاز بيفتح لك برنامج المفكرة واكتب فيها الي تباه

واخيرا كل الي خايف منه هو نظام الجهاز لأني جربت نظام ويندوز موبايل ٥ وكان فاشل بكل المقاييس لكن بعد ماشفت كم فيديو للجهاز اشوف الواجهة غريبة وماتشبه انظمة ويندوز موبايل

 

[pacino]

كنت ناوي اشتري الآيفون هالاسبوع بس شكلي بنطر هالجهاز :]

 

[Khalid-S]

كنت ناوي اشتري الآيفون هالاسبوع بس شكلي بنطر هالجهاز :]

انتظر يوم June 9.

 

[Aoks]

احتاج جهاز بوكيت بي سي

والجهاز هذا جا في وقته

كنت ناوي اخذ SE P1

بس شكلي راح انتظر هذا ,, يستاهل الانتظار​

 

[CyberMaster]

:
الي متأكد منه إن جوالي القادم راح يكون Windows - based..

نفس الشي هنا
كنت عازم على الـXPERIA بس بعد ماسمعت عن Diamond احترت بينهم !

 

[SALAH]

أنا الـIDo حقي ودع من أسبوعين ومن وقتها استخدم نوكيا عبيط ما ادري حتى ايش رقم موديله -_-
كنت ناوي آخذ الايفون او الاي ميت ألتيميت ..بس هذا الاتش تي سي شكله توووحفة !
بنتظر حتى تاريخ اصداره و اذا عجبني بشيله طبعا

السعر ما اتحدد حتى الآن.. بس ما اتوقع أقل من 500 دولار.

لو 500 دولار بشتريه فورا ..بس المحلات عنا عيال كلب لازم يطلعوه فوق الـ2700 درهم :yuck::

 

[squall leonhart]

بعد تجربة للبوكت بي سي لمدة 3 سنوات فاحب اقلكم نصيحه .. الي ماله حاجه عمليه في مميزات البوكت بي سي احسن له ما يشتريه .. يعني الواحد يفكر مزبوط قبل ما يشتريه و يقرر و لا تغره الموصفات القويه .. لان مشاكل البوكت لا تعد و لا تحصى

تعديل : دوبي انتبه ان همام هو كاتب الموضوع .. الله يرحم ايام لما كنت تحشني على الاميت الكبير الي زي الطوبه :sarcastic:

 

[MR1]

الجهاز عاجبني بقوة..بس عيبه انه بدون كيبورد..

الصور الي في engadgetmobile الجهاز فيه كيبورد
http://www.engadgetmobile.com/2008/04/23/htcs-raphael-and-diamond-coming-to-sprint-and-looking-good/

تعديل : اوه هذا الظاهر Raphael ... <.<;;

 

[Khalid-S]

كلام فيصل صحيح. الجهاز (النظام) فيه امور معقده كثير .. يمكن مو معقده بقدر ما هي "ممله" بالنسبه لمستخدم انظمه جوال عاديه.

انا يوسف زمان اقنعني بواحد .. شريته .. بعد عشر ايام رميته بالدرج (حتى الآن ما شغلته من جديد). لول ابدا مو لي...

 

[Dark Man]

عجبتني اناقتة و مواصفاتة ,

بس كما يبدو لي احس ان هسوالف كلها محصورة في الديسك توب و ليست كأبلكيشن داخل الجهاز .

مادري شنو الغرض من هذا كلة اذا كنت في كل الاحوال بتستخدم مميزات نضام وندوز موبايل العادي .

 

[BioMario]

تصميمة جداً راقي ..
الشركة هذي طلعت بسرعة ..

 

[MR1]

انا أصلاً ادور على جوال windows - based من بعد P990i الي كرهني بالسمبيان ... قلت انتظر اشوف الـX1 بس هذا شكله يبي يصير احسن
مسألة الكيبورد تضيق الصدر لكني كنت ماشي تمام مع الJam فما اظنها تضرني كثير....

على العموم من بعد التجارب مع 3 جوالات بأنتظر سنتين من بعد ما تنزل الدفعه الاولى قبل ما اشتريه

 

[Zero]

همام توقف شوي ، بالنسبة للسعر فوق 500 دولار ؟ يا حبيبي بل فوق 800 دولار بالراحة ، وما ودي أتكلم عن أسعار الأجهزة باليورو لأنهم صدمة .

بصراحة الجهاز جبار وHTC في الفترة الأخيرة صارت تصمم أشكال إبداعية ، لكن لو بنقارن هذا بالـX1i فأكيد X1i يتفوق بالراحة .

-شاشة الـX1i أكبر والرزلوشن أعلى ( WVGA800*600 ) .
-X1i متانة وجودة المواد المصنة والبطارية بلا شك أفضل .
-الكاميرا من دون نقاش X1i أفضل فيديو VGA 30FPSوحتى الصور ربما ( بغض النظر عن عدم أهميتها في الأجهزة الكفية ) .
-يحتوي على مخرج سماعة 3.5مم .

طبعا الإثنين متقاربين في الأداء ، لكن بشكل عام وكثرة المواصفات بالراحة للـX1i .

بس يا همام لو تغض النظر عن الويندوز فاحتمال كبير يعلن عن P5i اليوم ، ونظامه سيمبيان UIQ3.3 وهو يحتوي على كيبورد كامل وكاميرا 5 ميجا بيكسل وGPS وإلخ ، لو كنت بتتجه للملتيمديا فهذا طبعا خيار أفضل .

هذه بعض الصور المتسربة للجهاز :

إذا أحد الجهازين مو مطول ، فاحتمال أبيع الـN82 واشتري واحد منهم لما ينزلوا .
عموما اتمنى ما يطولوا ، لأن P5i كثيرين منتظرينه على أمل أنه يحطم أجهزة نوكيا من ناحية كثرة المواصفات في جهاز واحد ، All-in-one بتعبير آخر .

 

[pacino]

انتظر يوم June 9.

شنو في يوم 9 :what:

 

[Majeed]

بالنسبة للنظام ،، أحد جرب ويندوز موبايل 6.1 ؟
لأن يقولون النظام مستقر بأميال قدام 5 ،، وعلى الشكل يبدو أنه فيستا مصغر ،،

 

[عاشق 360]

^^^

انا استخدم ويندوز موبايل 6

بس ما ادري اذا 6.1 يفرق عن الـ 6 بروفيشنال ولا ثنيناهم مثل الشي !

wm6 فيه مميزات اكثر من الخامس ... شكليا اهم متشابهين لدرجه كبيره

 

[JOKER MASK]

شنو في يوم 9

اذا ماني غلطان انه اليوم الي بيقمون فيه ابل اجتماع مطورينها السنوي واحتمال يكشف عن شكل اي فون نسخة الداعمة لجيل الثالث و سعره ومتى بينزل في اسواق

شخصيا انتظر اي فون واذا بيطول ان يصدر رسمي عندنا رحت لي اي جوال بكوت بي سي لاني مليت من السمبين وطبعا كل الشكر والفضل يعود لي نوكيا وجولاتها الغبية

 

[NSider]

مواصفات خرافية. إن شاء الله راح يكون جوالي القادم (مستخدم جوالات ويندوز موبايل منذ 7 سنوات). لول همام كلام زيرو صحيح بالنسبة للسعر.

أتفق مع فيصل سكوال بالنسبة لجوالات ويندوز موبايل.. اعرف اللي تقدر تسويه الجوالات هذي قبل ما تشتريها، واسأل نفسك إذا راح تستخدم الميزات هذي أو لا.

خالد أنا متى قلت لك تشتري O2 أتوم الفاشل؟ أنا قلت لك اشتر شي رحت شريت جوال ثاني لول.

الشركة هذي طلعت بسرعة ..

في الحقيقة HTC تصمم جوالات ويندوز موبايل من سنوات طويلة، وهي الشركة الرائدة بلا منازع في هذا المجال.

 

[Zero]

بالنسبة للاستخدام أوافقك يا يوسف مثلا صاحبي اشترى P1i لأنه يستخدم ملفات PDF بشكل مكثف بالإضافة إلى اهتمامه بالصوت والتصوير وإلخ ، إذا المسألة مسألة ملتيميديفقط ا فانتظار P5‎‏ أفضل ولا داعي لدفع سعر كبير جدا في ويندوز موبيل .

 

[i7asan]

الجهاز رائع من ناحية المواصفات والتصميم الأنيق
وكنت متحمس للX1 ولكن هذا غير رايي:xd:

وبعد ماشفت الP5 شكلي بنتظر لنهاية السنة عشان اغير جواليXD
لأن مشكلة سوني اريكسون التأخير في نزول الجوالات لمدة طويلة من اعلانها...

 

[Khalid-S]

بالنسبة ليوم June 9 فهو بيكون WWDC (الاعلان عن الايفون الجديد)


http://developer.apple.com/wwdc/

لول يوسف ما اقصد الاتوم. اقصد النظام نفسه (حمستني انت وقتها).

 

[squall leonhart]

في الحقيقة HTC تصمم جوالات ويندوز موبايل من سنوات طويلة، وهي الشركة الرائدة بلا منازع في هذا المجال.

كل جولات الايميت و ال O2 و الكيو-تك الي قبل 2006 كانت من تصميم HTC ,, من اواخر 2006 الشركات انفصلوا عن بعض و صارت HTC تسوق الاجهزه باسمها و تحسن شكل تصميماتها كثيييييير