Help me out! cyberspace and gaming

[persona]

السلام عليكم

صباح الخير ، ومساء الخير

موضوعي وبكل بساطة ، حاب أني تساعدوني بواجبي + أشوف أرائكم حول الـCyberspace and gaming

السايبر سبيس كمفهوم ، انه ترابط كومبيوترات مع بعضها يجمعها "شي" معين ..

الشيء ممكن يكون ألعاب ، محادثة ، VR ، ألخ

كلمة أخرى أقدر أوصف فيها الرابط مابين القيمز والسايبر سبيس هي الـ Online gaming

كأي ريبورت ، يحتاج الى مقدمة ، ماين بودي ، كونكولشن ​

بالمقدمة أحتاج الى ارائكم حول:

1- أول لعبة أستخدمت الانترنت للعب الاونلاين
2- تطور ألعاب الاونلاين من كومبيوترات الى ..اجهزة محمولة تستخدم تقنية الويفي

أساس الموضوع.. احتاج الكثير :

1- رايك الخاص بالعاب الاونلاين بشكل عام المميزات بدون ذكر العيوب
2- شلة الـMORPG-ـ FPS - RTS ..أحتاج لعمل دراسة ، واسمحولي أنه باللغة الانجليزية..راح اتكلم فيه عن عدد الساعات التي تقضيها باللعبة ، هل أثرت عليك دراسياً؟
كم ساعة تلعب العاب الاونلاين؟
http://www.my3q.com/home2/99/khaled_hebada/20587.phtmlhttp://www.my3q.com/go.php?url=khaled_hebada/20587
هل أثرت عليك الالعاب الاونلاين؟
http://www.my3q.com/home2/99/khaled_hebada/85851.phtmlhttp://www.my3q.com/home2/99/khaled_hebada/85851

3- الجرايم اللي صارت في الـOnline playing ، مثل مسألة بيع العملات الافتراضية ، مسألة الانفعال اذا فلان خذا من فلان شغلة بأكاونته ، ياريت لو اي شخص عنده وصلة لمواضيع ذات الصلة هذي يعطيني اياها بهالموضوع +رايه بالافعال هذي

الخاتمة:

1- رأيك حول مستقبل الالعاب ، هل ستكون الـ online gaming ، ضرورية لالعاب مابعد النكست جنريشن هذا؟
هل بتختفي العاب الافلاين مع تطور تقنيات الاتصال كالـ wifi?
2- الصعوبات اللي تواجهها هذا النوع من الالعاب 🙂



اللي حاب يشارك عربي او انجليزي بمصادر أجنبية او بدونه ، حياه الله ..اعتبره موضوع مناقشة واذا ماعليها أمر الادارة تثبته لغاية 15- ابريل ..يوم تسليمي للواجب
وسأضع وصلة الموضوع هذا بالواجب عشان يشوفه الاستاذ كأحد المصادر التي اعتمدت عليها بالموضوع

ناوي على الـ 100% شباب وراح ادعيلكم أن شاء الله ، الفزعة ياشباب :bigSmile:

 

[persona]

Eh...:suspiciou

 

[Conqueror]

بالمقدمة أحتاج الى ارائكم حول:

1- أول لعبة أستخدمت الانترنت للعب الاونلاين
2- تطور ألعاب الاونلاين من كومبيوترات الى ..اجهزة محمولة تستخدم تقنية الويفي

أساس الموضوع.. احتاج الكثير :

1- رايك الخاص بالعاب الاونلاين بشكل عام المميزات بدون ذكر العيوب
2- شلة الـMORPG-ـ FPS - RTS ..أحتاج لعمل دراسة ، واسمحولي أنه باللغة الانجليزية..راح اتكلم فيه عن عدد الساعات التي تقضيها باللعبة ، هل أثرت عليك دراسياً؟
كم ساعة تلعب العاب الاونلاين؟
http://www.my3q.com/home2/99/khaled_hebada/20587.phtml
هل أثرت عليك الالعاب الاونلاين؟
http://www.my3q.com/home2/99/khaled_hebada/85851.phtml

3- الجرايم اللي صارت في الـOnline playing ، مثل مسألة بيع العملات الافتراضية ، مسألة الانفعال اذا فلان خذا من فلان شغلة بأكاونته ، ياريت لو اي شخص عنده وصلة لمواضيع ذات الصلة هذي يعطيني اياها بهالموضوع +رايه بالافعال هذي

الخاتمة:

1- رأيك حول مستقبل الالعاب ، هل ستكون الـ online gaming ، ضرورية لالعاب مابعد النكست جنريشن هذا؟
هل بتختفي العاب الافلاين مع تطور تقنيات الاتصال كالـ wifi?
2- الصعوبات اللي تواجهها هذا النوع من الالعاب

intro

1- no idea
2-no comment, u can find whole books on that

أساس الموضوع

1- So great. A lot of People to play with and provide a Virtual world to live in and forget ur daily problems. It also raise the Competition between gamers

2-more than six hours (if i start playing). Some how it affects my studies but not really since i only play on the weekends during the academic year.

هل أثرت عليك الالعاب الاونلاين؟
sometimes

3- this is a site to sell gold in WOW
http://offwow.com/index.php?ref=11&affiliate_banner_id=5&theme=16&cPath=16

power leveling
http://powerlevelers.com/index.php

IMO people who buy or attempt power leveling are stupid...

1- رأيك حول مستقبل الالعاب ، هل ستكون الـ online gaming ، ضرورية لالعاب مابعد النكست جنريشن هذا؟
I don't care about the PS3 as much as I care about WOW

هل بتختفي العاب الافلاين مع تطور تقنيات الاتصال كالـ wifi?
nope

 

[persona]

تسلم كونكر ..

بالنسبة للبيع العملات الافتراضية ، هل تراها جريمة يعاقب عليها القانون ـ هل من المفروض تسن تشريعات للحد من هذة الظاهرة ؟..لانها تخرب من جهتين ..اللعبة والشركة المصنعه لها ، واستفاذ أموال اللاعب المدمن ..

 

[Conqueror]

بسم الله الرحمن الرحيم

تسلم كونكر ..

بالنسبة للبيع العملات الافتراضية ، هل تراها جريمة يعاقب عليها القانون ـ هل من المفروض تسن تشريعات للحد من هذة الظاهرة ؟..لانها تخرب من جهتين ..اللعبة والشركة المصنعه لها ، واستفاذ أموال اللاعب المدمن ..

نعم أرى ذلك

 

[Naif]

1- أول لعبة أستخدمت الانترنت للعب الاونلاين
اعتقد التيما اونلاين ؟!! ما متاكد والله .. جرب الغوغل او ويكيبيديا ..

2- تطور ألعاب الاونلاين من كومبيوترات الى ..اجهزة محمولة تستخدم تقنية الويفي
شي رائع .. لكن في رايي .. لين الحين ما صدرت اللعبة اللي تخلي اللعب اونلاين على الاجهزة المحمولة a must .. اعتقد العاب بوكيمون القادمة للدي اس عندها قدرات انها تكون هذي اللعبة اذا نفذت صح ..

1- رايك الخاص بالعاب الاونلاين بشكل عام المميزات بدون ذكر العيوب
تنقل الالعاب الى بعد اخر .. و تدخل متعة غير على الالعاب .. انا شخصيا ما عندي حد العب معاه في البيت (في بعض الاحيان الصغيرة بس اقدر العب بعض العاب الاركيد و اتحدى اصدقائي .. ) العاب الاونلاين ساعدتني اني استمتع باللعب التعاوني او التحدي (مع اني ما احب افضل التعاوني) ..

2- شلة الـMORPG-ـ FPS - RTS ..أحتاج لعمل دراسة ، واسمحولي أنه باللغة الانجليزية..راح اتكلم فيه عن عدد الساعات التي تقضيها باللعبة ، هل أثرت عليك دراسياً؟
(تقصد نجاوب بالانجليزي؟) .. ما اثرت علي دراسيا .. اغلب العاب الاونلاين اللي العبها .. العبها فقط في الاجازات (الصيف او منتصف العام) او في اجازات نهاية الاسبوع فقط .. في بعض الايام اللي اكون متفرغ فيها من الامتحانات او الدراسة العب شوي .. بس ما اعتقد بتعدى 3 ساعات ..

كم ساعة تلعب العاب الاونلاين؟
(ما جاوبت على التصويت لانك ما محدد الفترة .. ) تقريبا ايام الدراسة : 5 - 9 ساعات في الاسبوع و في الاجازات اكثر من 35 ساعة في الاسبوع (على الاقل الاجازة الصيفية اللي فاتت) ..

هل أثرت عليك الالعاب الاونلاين؟
نعم (بعض الشي .. في الاجازات و اوقات الفراغ الطويلة) .. اعتقد انها اثرت على مدة جلوسي مع عائلتي .. او ممارسة نشاطاتي الاخرى ..


3- الجرايم اللي صارت في الـOnline playing ، مثل مسألة بيع العملات الافتراضية ، مسألة الانفعال اذا فلان خذا من فلان شغلة بأكاونته ، ياريت لو اي شخص عنده وصلة لمواضيع ذات الصلة هذي يعطيني اياها بهالموضوع +رايه بالافعال هذي
عندي مجلة اوروبية مكتوب فيها تحقيق كامل عن هذي القضية ( 4 صفحات اعتقد ) .. بسويلك سكان بااجر او بعده ان شاء الله ( ما اقدر الحين عندي امتحان باجر .. بس داخل اسوي ريفرشمنت شوي ^^" )


1- رأيك حول مستقبل الالعاب ، هل ستكون الـ online gaming ، ضرورية لالعاب مابعد النكست جنريشن هذا؟
ما اعتقد بتكون ضرورية .. لكن بنشوف ازدياد في اتسخدامها ( على الاقل من الشركات الكبيرة) .. اعتقد انه معظم الشركات بتحاول تخلي العابها تدعم خصائص ما على الشبكة .. مثلا تحميل اضافات جديدة او عمل منافسات على الشبكة ..

2- الصعوبات اللي تواجهها هذا النوع من الالعاب
- الغشاشين .. اللي يقدرون بسهولة يملكون افضل الاسلحة او اعلى التقديرات بينما الناس الباقيين يقعدون ايام يحققون هذي النتايج .. و يخربون الحماس و التحدي في اللعبة مثل ما حصل في فانتسي ستار اونلاين على الدريمكاست .. كانت تقريبا خالية من برامج الحماية ضد الغش
- حاجة بعض الالعاب لسيرفرات مما يترتب برسوم شهرية للاعبين و رسوم تدفعها الشركات للسيرفرات ايضا ..
-توقف متعة اللعب اونلاين اذا ما حصلت احد تلعب معاه بعد فترة من صدور الالعاب


هذا اللي فكرت فيه حتى الحين .. اذا حصلت شي ثاني بقولك عليه .. حظ سعيد مع موضوعك 🙂
(ما اعتقد تثبيت الموضوع فكرة جيدة .. معظم المواضيع المثبتة محد يشوفها P: )

 

[persona]

نعم أرى ذلك

تسلم ياكونكر :razz:

 

[persona]

1- أول لعبة أستخدمت الانترنت للعب الاونلاين
اعتقد التيما اونلاين ؟!! ما متاكد والله .. جرب الغوغل او ويكيبيديا ..

جربت وطلعت..Never winter Nights على الـ AOL سنه 1991

2- تطور ألعاب الاونلاين من كومبيوترات الى ..اجهزة محمولة تستخدم تقنية الويفي
شي رائع .. لكن في رايي .. لين الحين ما صدرت اللعبة اللي تخلي اللعب اونلاين على الاجهزة المحمولة a must .. اعتقد العاب بوكيمون القادمة للدي اس عندها قدرات انها تكون هذي اللعبة اذا نفذت صح ..

لعبة مثل الدوري الياباني تخلي الناس تشتري دي اس ^^ ، يمكن بداية ظهور الويفي عندنا وغلاءه سبب في عدم إشتهار الاجهزة المحمولة عندنا بالمنطقة ، صديق جامعي يرى انه الDS مجرد جهاز العاب للاطفال ..(حيلكم فيه يالنانتديويه)

1- رايك الخاص بالعاب الاونلاين بشكل عام المميزات بدون ذكر العيوب
تنقل الالعاب الى بعد اخر .. و تدخل متعة غير على الالعاب .. انا شخصيا ما عندي حد العب معاه في البيت (في بعض الاحيان الصغيرة بس اقدر العب بعض العاب الاركيد و اتحدى اصدقائي .. ) العاب الاونلاين ساعدتني اني استمتع باللعب التعاوني او التحدي (مع اني ما احب افضل التعاوني) ..

umm nice..مرات احن للاركيد نفس الحالة...

2- شلة الـMORPG-ـ FPS - RTS ..أحتاج لعمل دراسة ، واسمحولي أنه باللغة الانجليزية..راح اتكلم فيه عن عدد الساعات التي تقضيها باللعبة ، هل أثرت عليك دراسياً؟
(تقصد نجاوب بالانجليزي؟) .. ما اثرت علي دراسيا .. اغلب العاب الاونلاين اللي العبها .. العبها فقط في الاجازات (الصيف او منتصف العام) او في اجازات نهاية الاسبوع فقط .. في بعض الايام اللي اكون متفرغ فيها من الامتحانات او الدراسة العب شوي .. بس ما اعتقد بتعدى 3 ساعات ..

أها والحين عرفت ليش الشباب فاهمين الموضوع غلط...ومايبون يردون
لا تجاوبون بالانجليزي شباب ، اخذوا راحتكم بالنقاش ..انا بعرف افكاركم بخصوص العالم الافتراضي هذا
وأخذ افكاركم (سوني) ..واحطها بالتقرير ^^..

كم ساعة تلعب العاب الاونلاين؟
(ما جاوبت على التصويت لانك ما محدد الفترة .. ) تقريبا ايام الدراسة : 5 - 9 ساعات في الاسبوع و في الاجازات اكثر من 35 ساعة في الاسبوع (على الاقل الاجازة الصيفية اللي فاتت) ..

شنو تلعب؟..

3- الجرايم اللي صارت في الـOnline playing ، مثل مسألة بيع العملات الافتراضية ، مسألة الانفعال اذا فلان خذا من فلان شغلة بأكاونته ، ياريت لو اي شخص عنده وصلة لمواضيع ذات الصلة هذي يعطيني اياها بهالموضوع +رايه بالافعال هذي
عندي مجلة اوروبية مكتوب فيها تحقيق كامل عن هذي القضية ( 4 صفحات اعتقد ) .. بسويلك سكان بااجر او بعده ان شاء الله ( ما اقدر الحين عندي امتحان باجر .. بس داخل اسوي ريفرشمنت شوي ^^" )

حلو..اعتقد باجر الدكتور شكله بيأخذ البلي ستشين مالت عياله ويكسرها لانه فيها جراند ثيف اوتو ^^
bring it prz ..

1- رأيك حول مستقبل الالعاب ، هل ستكون الـ online gaming ، ضرورية لالعاب مابعد النكست جنريشن هذا؟
ما اعتقد بتكون ضرورية .. لكن بنشوف ازدياد في اتسخدامها ( على الاقل من الشركات الكبيرة) .. اعتقد انه معظم الشركات بتحاول تخلي العابها تدعم خصائص ما على الشبكة .. مثلا تحميل اضافات جديدة او عمل منافسات على الشبكة ..

اها ، خاصية الاونلاين تعتقد تكميلية..

2- الصعوبات اللي تواجهها هذا النوع من الالعاب
- الغشاشين .. اللي يقدرون بسهولة يملكون افضل الاسلحة او اعلى التقديرات بينما الناس الباقيين يقعدون ايام يحققون هذي النتايج .. و يخربون الحماس و التحدي في اللعبة مثل ما حصل في فانتسي ستار اونلاين على الدريمكاست .. كانت تقريبا خالية من برامج الحماية ضد الغش
- حاجة بعض الالعاب لسيرفرات مما يترتب برسوم شهرية للاعبين و رسوم تدفعها الشركات للسيرفرات ايضا ..
-توقف متعة اللعب اونلاين اذا ما حصلت احد تلعب معاه بعد فترة من صدور الالعاب

الشليه تلعب دور..ماعندك ربع ..اللعبه بتصير عندك بايخه ..

هذا اللي فكرت فيه حتى الحين .. اذا حصلت شي ثاني بقولك عليه .. حظ سعيد مع موضوعك 🙂

أشكرك على تعقيبك الاكثر من رائع

 

[Naif]

شنو تلعب؟..

الصيف اللي فات لعبت اونلاين : ديد اور الايف 2 التيميت - WoW - FF11 - Guild Wars - ROSE Online

اسف على التاخير في السكانات و الله كنت مشغول مع الامتحانات >< :
http://www.des4uae.com/naif/pics/tgstuff/mmorpgforpersona/1.jpg
http://www.des4uae.com/naif/pics/tgstuff/mmorpgforpersona/2.jpg
http://www.des4uae.com/naif/pics/tgstuff/mmorpgforpersona/3.jpg
http://www.des4uae.com/naif/pics/tgstuff/mmorpgforpersona/4.jpg
http://www.des4uae.com/naif/pics/tgstuff/mmorpgforpersona/5.jpg

السكانز من مجلة Games TM .. اتمنى تفيدك 🙂

 

[Golden_Sun]

شفت موضوعك اول ما حطيته ،، لكن مادري ليش ما رديت! توني شفته واسف عالتأخير ..
بجاوب على الاسئلك ماعدا المقدمة اعتقد تم الاجابه عنهم ،، بالنسبة لي انا ما لعبت إلا لعبة وحدة اونلاين MMORPG .. وهي فينال فانتسي 11 .. المهم

1- رايك الخاص بالعاب الاونلاين بشكل عام المميزات بدون ذكر العيوب

ممتعه ، وتقدر تتحاور مع اشخاص من مختلف بقاع الارض .. واللعب الجماعي (الاونلاين) له طعم مختلف عن تعدد اللاعبين او اللعب الفردي .. لأنك لما تقارن بين 4 او 8 لاعبين معاك بنفس الغرفه بمئات الاشخاص تلعب معاهم ،، هممم فرق! .. ودايماً تكون اللعبة طويله وفيها اشياء متجدده.


2- شلة الـMORPG-ـ FPS - RTS ..أحتاج لعمل دراسة ، واسمحولي أنه باللغة الانجليزية..راح اتكلم فيه عن عدد الساعات التي تقضيها باللعبة ، هل أثرت عليك دراسياً؟
كم ساعة تلعب العاب الاونلاين؟
http://www.my3q.com/home2/99/khaled_hebada/20587.phtml
هل أثرت عليك الالعاب الاونلاين؟
http://www.my3q.com/home2/99/khaled_hebada/85851.phtml

بالنسبة لي ما اثرت دراسياً ،، لأن اقدر اضبط نفسي اني ما اكثر اللعب فيها او ما اخلها تأثر على حياتي .. عموماً انا ألعب (هذا كان سابقاً ،، حالياً ما العب اطلاقاً) حوالي 1 - 3 ساعات .. وتزيد ساعه او ساعتين في العطلات ..
وجاوبت في تصويتك ،، ولو انه الاجابات مافيها تفاصيل اكثر (مو الكل يلعب فوق او اقل من 6 ساعات) .. عالاقل لو حاط less than 1h, 1-3h, 4-6h, or more than 6h كان افضل. 🙂

3- الجرايم اللي صارت في الـOnline playing ، مثل مسألة بيع العملات الافتراضية ، مسألة الانفعال اذا فلان خذا من فلان شغلة بأكاونته ، ياريت لو اي شخص عنده وصلة لمواضيع ذات الصلة هذي يعطيني اياها بهالموضوع +رايه بالافعال هذي

للأسف ما عندي مواضيع ذات صله .. لكن بدور لك = )
بالنسبة لرأيي .. همممم اشوف ان الجرايم او مسأله البيع والشراء بشكل غير قانوني .. شي طبيعي لأن كل شي يظهر في الحياة لازم له مميزاته ومساوئه وايضاً استخداماته الخاطئه اللي البيع والشراء وغيره يعد منه .. ولازم يكون فيه حد لهالمسئله بحيث انها ما تتعدى النسب الضيئله وإلا يجب على الشركة المنتجه للعبة اخذ موقف مثل توقيفهم.

1- رأيك حول مستقبل الالعاب ، هل ستكون الـ online gaming ، ضرورية لالعاب مابعد النكست جنريشن هذا؟

اتوقع اي ،، الحين مو ما يملك عالاقل ابسط الطرق للإتصال بالانترنت وهي الdial up؟ واللي هو في طريقه للانقراض بعد خصوصاً مع رخص الdsl وغيره ،، وخلال 10 سنين امام .. الانترنت راح يشكل ضروره.. بالتالي الجيمز راح تتأثر بهالشي.

هل بتختفي العاب الافلاين مع تطور تقنيات الاتصال كالـ wifi?

اتوقع لأ ،، مهما تطورت تقنيات الاتصال ، راح تظل هناك العاب اوفلاين او العاب فردية .. ممكن تحتوي على اونلاين كجزء منها ،، لكن انها تعتمد كلياً عالاونلاين ما اعتقد.

2- الصعوبات اللي تواجهها هذا النوع من الالعاب

- تستنزف من وقت الشخص الكثيييييير.
- معقده لأول مرة.
- طلباتها او متطلباتها قد تكون كثيره.
- اشتراك شهري (لو مثلاً الشركة تسوي عرض "اشترك لمدة سنه واحصل على خصم شهرين" اتوقع افضل؟).
- اللغه ،، كون الجيمز لا عمر له .. والاونلاين جيمز عبارة عن شبكة بين الكمبيوترات لازم تكون فيه لغة للتحاور .. مو الكل يجيدها وليس الكل في عمر قابل انه يجيدها.
(مثلاً في المستقبل وخلال تطور الonline gaming قد نشاهد لعبة باربي اونلاين للأطفال ،، اطفالنا في الوطن العربي لا يجيدون اللغة مثل الغرب وطبعاً اللعبة لن تكون قابله لدعم اللغة العربية)

 

[persona]

شكراً نايف واركيدو

السكان ممتاز ، خصوصاً المقابلة مع صاحب موقع ige صاحب اكبر موقع يبيع عملات العاب افتراضية

اركيدوو

اشتراك شهري

قبل كانت الاشتراكات الشهرية في بداية هذا النوع من الالعاب تحسب بالساعه في بداية التسعينات وبعضها كان تكست بيس
يعنى 14 دولار لساعه لعب واحدة
يعنى لو تلعب 24 ساعه راح يطلع عليك 336 دولار ..