Heavenly Sword | الموضوع الرسمي

[Nintendo]

اهم شئ شباب المحرك .. خلاص الفريق صار عنده محرك للجيم بلي والجرافيكس وتصاميم الشخصيات موجوده يعني ماراح يطولون اذا بيسوون جزء ثاني للعبه ( سنتين اذا كثرت ) ..

اهم شئ مبيعات اللعبه تقنع سوني بجزء ثاني ..

 

[AMG]

واضح جدا ان الفريق اهتم جدا بالعوامل الفنية و ما ركز في عمق اللعبة نفسها وهذا خطأ كبير

ممكن مبيعاتها تكون جيدة لكن اللعبة نفسها مو قوية = ايش استفدت

 

[gray fox]

التقييم من ign UK ما يمثل اي شي بالنسبة لي .... وحتو ل وطلع من IGN وجيم سبوت تقاييم مشابهه بكون مبسوط أيضا !!

قصة ورسم وأصوات 9 ممتاز جدا ... جيم بلاي سته لووول ... لووول ... اذا بلعب بحركات الديمو من أول اللعبة لآخرها بكون أكثر من راضي ..غير اللعب بنوريكو والجماعات وباقي السايد بلاي وغيره ...الطول ؟! يكفيني 8 ساعات بس !! ...كثروا من الألعاب القصيرة !!

بانتظارها بعنف !!

 

[Tomb raider]

من البدايه كنت خايف من الجيم بلاي (يمكن لأن هالنوعيه ما تعجبني )

 

[ryo hazuki]

قالي صديقي ماريو : ان القتال فيها بس ضغط ازرار ..ماصدقته
لكن اللحين عرفت شو قصده ....اللعبه اللهم جرافك و موسيقى و ماحبو يعطونكم ديمو طويل و خافو تملون من الجيم بلي المتكرر lol just kiding

حلو لو خلو شخصيه مثلها في N3 الجزء الجديد

في النهايه انا جدا متحطم متحطم لانها كانت من الالعاب الرئيسيه عندي

 

[Suzuki Yu]

قلتلكم ياشباب ,,,, قلتلكم

الجيم بلاي تعبااااااااااااان جدا مجرد حركات واستعراض بموشن سيء جدا جدا , والمشكلة عنصر الاكشن حيكون أساسا اللعبة بنسبة 90% او اكثر
الجرافكس فقط هو اللي كان ممتاز بالديمو , انا اتكلمت ان الجيم بلاي كان سيء والكل طاح في

 

[Super Shadow]

لووول يا جماعة

بكل صراحة أنا جربت الديمو و كان عادي بالنسبة لي

ما عجبني

و مع ذلك فيه أشياء الحلوة مثل الجرافيكس القوي و الموسيقى

كنت ناوي أقول رأيي بالمنتدى بس خفت من هجوم سوني فان بويز :roll:

 

[The Last Fantasy]

خخخ والله قلتها .
الجيم بلاي خفيف زيادة عن اللزوم ، ما فيه احترافية وما فيه حتى تركيز، مجرد حركات في الهوى واللي تجي فيه حياه الله.

للأسف... جيم سبوت بيعطيها تحت الـ7 ، أتوقع! 😛

 

[Khalid-S]

هههههههههههههههههههههههههههههههههههههه



مع اني تعبان وبقوه وتفتيش وقلق في نيويورك امدت لست ساعات .. فتحت الجوال ولقيت مسج همام . ههههههههههههههههه مت من الضحك مع ان ما كان لي نفس اضحك.

الزحمه كلها على الفاضي .. مره ثانيه شباب انتبهو تسون زحمه لايت لعبة لول.

حولوا تواقيعكم لميترويد .. واشترو وي .. 😛

همام انت رهيب.

 

[Super Shadow]

هههههههههههههههههههههههههههههههههههههه

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

حلوة بو وليد XD

الصورة صج تعبر عن التحطيم

 

[ASWD]

بعيدا عن التقييم*اي جي ان الاوروبي* من الديمو الجيم بلاي شكله عادي جدا*ماعجبني*..شخصيا احتمال كبير اخذها لانها راقت لي

 

[Final Fantasy]

صــــــدمـــــــــه !!!!


بانتظار تقاييم مواقع و مجلات أخرى 😵

 

[m7tram]

هل راح اشطبها من قائمتي ؟؟

 

[Mista Koo]

التقييم مو كل شي :\
عشان تقييم موقع واحد خلاص الكل تحطم وحط عاللعبة x؟؟ meh

لو لعبة أخذت صفر وأنا متحمس لها أو عجبني الديمو حقها رح أجربها!

 

[Colorization]

خخخخخخخخخخخخخخخخخخخخخخخخخخخخخخخخخخخخخ
ليش ضايق خلقكم؟!! اللعبة مو فاشلة، تقييم 7 مو معناها اللعبة بالحظيظ، معناته اللعبة متوسطة. ممكن التقاييم تكون مقياس للبعض (يفضل تقرون المراجعة للي يبي يعرف وين عيوبها بالضبط)، لكن كل ما أتذكر تقييم Rhapsody و Breath of Fire 3 اللي خافسين فيهم بالقاع وهم من أحلى الRPG's اللي لعبتهم، أعرف تماما ً إنه التقاييم ماهي إلا آراء شخصية لمحررين ما تقدّم ولا تأخّر شي للاعب بالدرجة الأولى. صحيح بتأثر عليها، لكن أبدا ً ما يأثر للي كان متحمس لها أو عجبه الديمو!

 

[M 7 L]

أهلاً شباب , , ,

مادري شقول لكن عن الشباب إلي كانوا متحمسين وتققيم ( واحد ) كسّر كل مجاديفهم !!

أنا شخصيّاً مقتنع باللعبة تماماً وأما مشكلة " قصر اللعبة " ما تهمني أبداً وعندي مثال أعتز فيه وبقوّة ( I C O ) كانت تقريباً بنفس المدّة واللعبة من أفضل ما لعبت إلى الآن وبالإضافة إلى ذلك تقييماتها ما أذكر إنها كانت جبّارة . . . !

وأعتقد الكل يدري إن كثييييييير من الألعاب وحتى على أيام البلاي ستيشن 1 تنظلم في التقاييم أو تنظلم في المبيعات مع أنها تستحقّ أكثر !!

مادري ليش ( فجأة ) خيّم التشائم بين المتحمسين للعبة ؟؟ صحيح من حق الكل إنه يتفاجئ من التقييم . . . لكن مو بهاذي الصورة !! , يمكن لأن الأكثريّة من المتحمسين كانوا متحمسين من الجو والهايب إلي صاير , مو لأنهم " فعلاً " أحبّوا الأسلوب والطريقة إلي تقدمها اللعبة من التجربة إلي جربوها في الديمو !

على فكرة ما عمري اهتميت لتقييم لعبة كان ممتاز أو سيّئ ! وأكيد لو كان ممتاز بكون مستانس عشان اللعبة لكن يظل بدون اهتمام بالنسبة لي . . .

(( ما زالت تتصدّر قائمتي ))

تحياتي . . .

 

[Final Fantasy]

^
^
^


آخر 3 ردود من الموضوع صراحة منطقية ... و معاها بكل كلمة قالوها فيها .

عن نفسي اللعبة متصدرة قائمتي لأني متأكد أنها Epic و راح تعجبني حتى لو أسلوب القتال ما عجب المحررين و حتى لو اللعبة كانت قصيرة .







بس فعلا غريب و عجيب شلون الحماس انطفأ فجأة :\

 

[kanon]

اللعبه صراحه قويه خصوصا اني جربت الديمو

وان شاء الله راح اتشوف تقاييم احسن من هذه

لكن مع هذا ماراح اخذها لسبب....

 

[Black]

lol , I don't know about u guys but I'm gona buy the game any way >.>
It has an hour and half of cut senes , lol that's enough for me 😛
Waiting for GS >.>

 

[Solay]

شباب اللي متحمسين للعبه من زمان ماله داعي يروح كل هالحماس عشان ايش؟!!!تقاييم؟!!!

مااأظن بيجي اليوم اللي يخليني اتحمس للعبه بشكل خيالي ويتغير تفكيري عنها بسبب تقاييم!!

اللعبه للحين موست عندي وبقوة طبعا اذا اخذت البلاي3 وراح تكون من اول العابي اللي العبها...

 

[Double T]

مين قال اني عشان التقييم راح اشيل اللعبة من قائمتي و الا من توقيعي .. اللعبة لسه عاجبني سواء اخذت 7 و الا غيره

الإحباط طبيعي يا شباب من لعبة كنا نحلم انها تاخذ جوتي الى 7 قوية شوي و خصوصا هذي الفترة الي الجهاز محتاج فيها العاب قوية

لازت مصر على اللعبة

و اقرب مثال : توقيعي الكلام الي متكوب فيه الي يعرف ايش معنى ذكي ... 😀

 

[Solay]

مين قال اني عشان التقييم راح اشيل اللعبة من قائمتي و الا من توقيعي .. اللعبة لسه عاجبني سواء اخذت 7 و الا غيره

هذا هو الكلام^__^

و اقرب مثال : توقيعي الكلام الي متكوب فيه الي يعرف ايش معنى ذكي ...

التقييم اللي كنت متوقعه للعبه؟!!

 

[Double T]

التقييم اللي كنت متوقعه للعبه؟!!

هههه لا انا كنت اتوقع اللعبة تاخذ فوق ال9

محتوى مخفي

هذي تقيمات اجزاء زينوساحا الثلاث الي اعتبرها افضل ما لعبت مع ذلك اخذت هذي التقيمات .. يعني تجربه قد مريت فيها .. سؤال صعب و ما اتوقع يعرفه غير فانز اللعبة 😀

 

[Solay]

لوووول والله ماجا في بالي ولا راح يجي في بالي حتى لو ماقلت:yuck:

 

[ShinShadi]

رغم إني ما أهتميت بهاذي اللعبة من البداية .. و ما عجبني الديمو .. و رغم ذالك رح أحاول ألعبها لما تنزل ..
بس إلي مستغرب منه كيف الواحد تعجبه اللعبة و يسحب عليها عشان تقيم أو مراجعة ؟!
يعني إذا عجبك شيء .. خلي لرأيك مجال أكبر .. مع الإستماع لأراء الأخرين .. مو تعتمد بشكل كامل على رأي المحررين ..
"و الله أعطاها 9 هذي أسطورة .. لا .. لا لا .. أعطاها 6 هذي زبالة .. خلينا نشوف لعبة ثانية نسويلها هايب !! " .. ما ينفع أبدا !!

 

[Suzuki Yu]

ههههههههه فيجا , افتارك رهيب

كلامك طبعا صحيح , انا ديني ودين واحد يقعد يشكل رأيه على حسب تقييم , اذا الواحد عجبته عروض لعبة او ديمو خلاص يتكل على الله ويلعبها

 

[m7tram]

شباب اهني نتكلم عن الجيم بلاي , بالألعاب الي نفس هالألعاب لازم الجيم بلاي يكون ممتاز او جيد جداً بس من التقيم شكله سيئ , نشوف سبوت الفاصل .

 

[Mr.3B]

...

فلاليب فلاليب فلاليب

 

[Krat0s]

فلاليب فلاليب فلاليب

على عشرة على عشرة
:cryy:

 

[Futrus]

يا شباب شكلكم مو شايفين التقييم عدل ال7 ماجات لأن الغرافيكس ضعيف ولا المسيقى مو لهناك جات بسبب الغيم بلاي التعيس اللي هو اهم شي في كل لعبه ،،،، وصراحه لو مكان المراجع لزدت من درجة أهمية قلة مدة اللعب شلون بستحمل العبها مده طويله رحمه منهم اصلا

سوني صار إسلوبها تقول للطرف الاول صممو لنا لعبه لما يشوفونها الناس ينبهرون من الغرافيكس ويقولون هالجهاز قوي مو مهم الغيم بلاي

للأسف مانبي منظر بس 🙁