Heavenly Sword | الموضوع الرسمي

[kInGsIzE]

في شي اسمه توفير.. في شي اسمه انتظار تخفيض سعر اللعبة..

المشكله هالشي ما يصير الا متأخر عندنا.. يعني لو قلنا هالشي في حالة البلاي3 مثلا يعني ما رح اشتريه الا في نصف 2009 عشان العاب هالسنه تتخفض وقتها ..

في خيار انك انت وكم واحد من الشباب تسووا قطة وتشتروا لعبة وتتبادلوها..مافيها شي..

وفي ناس تحب تحتفظ بنسخ خاصه فيها هي وما تحب ان احد يلمسها .. ممكن تسلفها بس لازم في النهايه تحتفظ فيها لنفسها ..


انا ما اعارضك اخوي همام واقول ان الناس لازم تشتري كوبي والاصلي فور ذا لوز لا .. لكن في ناس ابدا وضعها ما يناسب ابد انها تعتمد على الاصلي .. هو غش غش ما اختلفنا .. لكن كل واحد منا عنده اشياء اساسيه يحتاج يوفر لها اكثر من الفيديو جيمز ..

 

[Humam]

لكن كل واحد منا عنده اشياء اساسيه يحتاج يوفر لها اكثر من الفيديو جيمز ..

والله ما أقدر أقول غير كدة.. كلامك صحيح فعلا.. بس هذي سنة الحياة, يعني لا تتوقع من شخص حالته المادية متوسطة أو منخفضة انه يشتري سيارة فاخرة في قمة الرفاهية الا اذا قدر يوفر مبلغها بطريقة مناسبة.

والي مزود الطين بلة هو النصب الي يصير عندنا.

 

[m7tram]

بالنسبه لسالفه المواقع والمحررين , انا اخذ رايهم وتقييمهم لانهم يجربون اللعبه قبل الكل ويحللونها وماعتقد لهم مصحله انهم ينزلون من تقييم اللعبه راح يقيمونها على حسب الي شافوه وجربوه , طبعاً مو كل الالعاب اهتم لتقاييمها لان يا كثر الالعاب الي يكون تقيمها نازل واعتبرهم من أساطير الفيديو جيمز .

وبالنسبه لسالفه الأصلي , أحسن طريقه الي عن نفسي أطبقها .. اشتري الالعاب الي أنا أحبها بالدرجه الاولى وبنفس الوقت هالألعاب تكون لربعي انها لعبه من الدرجه الثانيه فمايحتاج ان اهو يشتريها , أخلص اللعبه واعطيه اياها .. ونفس السالفه معاهم في العاب انا اعتبرهم درجه الثانيه او الثالثه وعندهم من الدرجه الاولى يخلصونها واخذها .

 

[Khalid-S]

معليش .. الي ما يقدر يشتري العاب اصلي بالامكان انه يشتري لعبة بالشهر .. 85% lن الشهور تصدر لعبة وحدة جيدة على الجهاز .. ومرات ولا لعبة جيدة.

ما يقدر يوفر 250 ريال سعودي في شهر ؟؟ مع احترامي ولكن .. الزبال يقدر .. والان اذا الواحد يشتغل (بارت تايم جوب مثلا) بشهادة ثانوية يدخل 2500 ريال بالشهر بالراحه .. هذا وهو ماكل نايم في بيت ابوه .. يعني ما عليه التزامات. حتى بنزين السياره يمكن ياخذه من ابوه .. وايضاَ فاتوره الجوال ...

مافي شي اسمه ما اقدر ،، كانك تقول .. والله انا جايع .. ما اقدر اجيب اكل .. اروح اسرق !! هممم مافي الا كذا .. انا فقير

مافي اي مبرر لاستخدام القرصنه .. الي يستخدمها يخليها لنفسه ولا يقعد يتفاخر فيها هنا بالمنتدى ولا يجيب لها طاري في مواضيع الالعاب .. ولا بتطبق عليه القوانين بشكل جدي.

رجاء لحد يتناقش في هذي المسئلة .. تبون تتناقشون في عواقبها او اي شي عنها افتحوا موضوع .. رسمي لو تبون وتكلموا هناك .. هذا موضوع للعبة اسمها هيفلني سورد.

 

[Khalid-S]

انحط من اول .. راجع الساعة الي قبل.

 

[Ammar_R]

9.0 Presentation
The cutscene work is fantastic, as are the extras (even though you can get most of them freely online).

9.0 Graphics
Beautiful in every respect. Character models are great, and the vistas are a-plenty.

9.0 Sound
Sound effects are fantastic as is the music and voice work.

لسا ماقريت المراجعة كلها
لكن
التقييم كرقم لا يزال نفسو
على الأقل اللعبة معطينها شوية من حقها في البرزنتيشن + الجرافكس + الأصوات

وبعدين تعال للجيم بلاي ...

The combat system is mostly very good,

شي عارفه ومتأكد منو
غير عناصر البزلز والبلاتفورمنج في اللعبة .. 7 ظلم كبير بحق الجيم بلاي ...

الاستنج أبيل
أوكي اللعبة قصيرة
لكن إنك تعطي جنط للأنلكبل كونتيت عشانها موجودة على النت .. إذا دا مو ظلم .. فأنا معرف شي !

التقاييم لازم تكون على الأقل
8 للجيم بلاي
7 للاستنج أبيل

خصوصا لمن تكون اللعبة ذات مظهر عام وأتموسفير + جرافكس + أصوات ممتازة .. وخصوصا لمن يكو الجيم بلاي - المظلوم هنا - صلب .. يكفيك الكومبوهات الكتيرة الممتازة ...

اللعبة لازالت في بداية لستتي ل2007 ...

 

[Ammar_R]

انحط من اول .. راجع الساعة الي قبل.

ماشفته :slant:

 

[Strife]

معليش .. الي ما يقدر يشتري العاب اصلي بالامكان انه يشتري لعبة بالشهر .. 85% lن الشهور تصدر لعبة وحدة جيدة على الجهاز .. ومرات ولا لعبة جيدة.

ردود تثلج الصدر :laugh:

 

[M 7 L]

في ردود ابتعدت كثييييير عن مجرى الموضوع الأساسيّ

لكن عندي كم نقطة أبي أتكلّم عنها

المحررين وتحلليلهم للعبة وإبداء رأيهم فيها ومراجعاتهم لها , كل هاذي الأشياء ما يدخل فيها عامل " الذوق " بشكل كبيييييييييييييير !!!

إذاً إحنا ندور ندور ونرجع لنفس المكان إلي نبدأ منّه الكلام إن العامل الأساسي في إن لعبة تعجبك لولا هو (( الذوق )) لا حد يقولي إن المحررين يحللون اللعبة ويفصفصون كل شي فيها قبل الكل ومادري إيش . . . إلخ

السؤال ( هل محرر راح يمنعك من اقتناء لعبة من النوع إلي تحبه ) !!! أتوقّع إنك ما راح تفكّر إنك تهتم بالتقييم حزتها !

جبنا أمثلة وجبنا مادري شنو لكن ما فيه فايدة , إلا غصب اللعبة فاااااشلة وتستاهل التقييم التعبان وسوني راحت فلوسها والسالفة كلها مسخرة وفشيلة . . . إلخ !!!


مادري شقول عن هذا الأسلوب !

وأكثر شي يقهر إن تشوف واحد متحمسسسسس للعبة جداً جداً وصاير الأب الروحي لها وفجأة تشوفة يقلب 180 درجة !

عشان تقييم " المحرر فلان الفلاني لأني أوثق فيه " مو انت لك ذوقك وأهو له ذوقة وحتى لو ذوقكم يتشابه أكيد راح يختلف في أشياء معيّنة !!!

وا عجباه !

 

[hamad 11]

اخوي همام بس اعلق على جملة كتبتها :laugh:

فعلا خلاص مواقع ومجلات الفيديو جيمز مالهم دور أبدا, المراجعات والتقاييم هذي مجرد فشخرة منهم لابداء آراء شخصية .. صح ؟

اخوي همام المحررين = بشر
والأراء الى يكتبوها مجرد أراء شخصية, على سبيل المثال عندك لعبة Monster Hunter, كل الناس كرهوها وانا حبيتها.. المقدار الحقيقي للحكم على الالعاب هو بتجربتك انت لها, اصابع اليد مو وحدة

مثال ثاني, MGS3 عطوها تقييم 8,7 وانا اشوف انها مفروض تاخذ 9,6

ما اقول لك لا تأخذ باراء المحررين او شي, اخذ بها ولكن كشيء فرعي ولا تخليها تكون شيء رئيسي للحكم على الألعاب الى رح تاخذها والألعاب الى ما رح تاخذها... والأهم من كل شي تذكر أنها مجرد اراء شخصية, وإذا الواحد بيمشي على كلام الناس خاب

وانا عمري ما اخذت باراء المحررين, وحتى أني أعتمد على عروض اللعبة أكثر في الحكم عليها قبل التجربة والحمدلله مرات قليلة انحبطت من لعبة كنت متوقعها منها النجاح بالنسبة لي.

 

[AMG]

تقييم IGN طلع

7.0

http://ps3.ign.com/articles/815/815721p3.html

اعطى الجيم بلاي 7

لكن ال Lasting Appeal اخذ 5

تقريبا كذا عادل اكثر لان الجيم بلاي ماكان يتسحق 6

كمان انا شايف ال Presentation المفروض 10 لكن ممكن المشكلة ان اغلب العروض كما قال IGN موجودة على النت يعني مكان في مفاجئة

 

[High Lander]

ايوووووووه ....عدنا والعود جميييل ولد اخو احمد .
اجل لعبة السيف اللى من الجنه ....تبدو كلاسيكيه, تذكرني بسالفة ICO. كلام كثير ثم تقيمات زي الزفت, بالاخير ماعرف الصقر الا راعيه و اللى اعتمد على تقيمات المرتزقه ...اختلط عليه الامر واشترى لعبة نروتو وقام يسعبل عليها .......يمكن يتغير كلامي بعد ما العب اللعبه ....من يدري .

الزبال يقدر

الزبال راتبه 200 ريال ...يروح يتسلف من خويه الزبال الثاني 50 ريال ثم يشتري لعبه ....بس المشكله ماعنده جهاز ؟!؟!

والان اذا الواحد يشتغل (بارت تايم جوب مثلا) بشهادة ثانوية يدخل 2500 ريال بالشهر بالراحه

اذكر اني رحت لمكدانلدز ...طلبا للرزق . ما ابغى سالفتي تصير مثل سالفة الزبال.
عبيت الابلكيشن ثم قلت للمسؤول عن تعبئة الاستبانات : متى تتوقع استلم الوظيفه ذات المنصب المتدني ؟ رد بابتسامه صفراء : ايييه يصير خير



5 سنوات مرت ...................لازلت انتظر :exclamati

 

[ShinShadi]

الزبال راتبه 200 ريال ...يروح يتسلف من خويه الزبال الثاني 50 ريال ثم يشتري لعبه ....بس المشكله ماعنده جهاز ؟!؟!

مو مشكلتنا يدبر حاله .. يسوي جمعية ؟! يبيع كليته !! يشوف له دبره :slant:

؟؟؟ على العموم ما يهم لأني عارف انك ما حبيتني..شكرا.

طيب و الله العظيم أنا حبيتك ..
أنا أكيد ما رح أزعل من شخص عشان يخالفني في الرأي .. بس أنا جاريتك في أسلوبك في الحوار ..
في شوية عيوب عندك تخلي الحوار معاك شوي صعب ..

* تحقر من أراء الأخرين .. زي " إنت ما تفهم \ إنت ما تعرف " و قيس عليها ..
* تفترض أمور و تعتبرها حقيقى .. مثال " أمثالي ما عندهم أوفيس أصلي و لسة دوبني داخل محو الأمية .. و .. و .. آه نسيت .. طلعت حرامي .. حق كوبي "
* تعتقد إن إلي قاعد يتكلم معاك جاي يتعلم منك مو بيتناقش معك ..

برغم من إني أبغى أكمل النقاش .. بس عشان ما نطلع برا الموضوع الرئيسي .. رح أوقف هنا .. و حصل خير ..

و على فكرة إنت أول واحد أشوفه يحلف بأغلظ الأيمان عشان عنده أوفيس و XP .. لما تاخذ الكريتيف سوت رح تعزمنا .. صح :: ..

 

[JOE]

الي يلعب على الكوبي طبعا ما فرقت معاه, 10 ريال ويلا كدس كدس كدس .. سيديهات بالهبل تلقاها عنده.. وفي النهاية لا راح ولا جا.. اسمه حرامي يلعب على المقرصن.. واذا اللعبة ما عجبته عاااادي.. كلها 10 ريال ما فرقت.

هههههههههه و الله و طلعنا حرامية كمان !!!

خلاص خلاص سكروا الموضوع شباب .....

 

[ASWD]

اي رد ثاني بسالفة كوبي وما كوبي راح يحذف

اسمه موضوع رسمي للعبة مو موضوع رسمي لكوبي وما كوبي

 

[Solay]

Video Review

ماادري اذا حد حطه من قبل

 

[kInGsIzE]

خلاص شباب قفلوا موضوع الاصلي والكوبي .. ولا افتحوا موضوع ثاني عشانه ..

 

[AMG]

شفت الفيديو ريفيو

خلاص اكيد بتشري اللعبة

العيوب : نظام القتال جميل لكن راح تحس بالتكرار <<< ماهو عيب بالنسبة لي
اللعبة قصييييييرة لووول هذا عيب مهم لكن يالله المهم اني استمتع بال6 سعات و اكيد راح العبها مرارا و تكرارا

 

[Khalid-S]

خخخخ احلى شي ان اللعبة قصيرة.

 

[Mesharey]

خخخخ احلى شي ان اللعبة قصيرة.

ههههههه صج احلى شي، بالنسبة لي هذي ميزة كبيرة P:

 

[Khalid-S]

سترايف اعتقد انك عديت الرقم القياسي في حذف ردودك .. ممكن اعرف ليش ؟ ردك مافيه شي.

 

[NESTA]

سترايف اعتقد انك عديت الرقم القياسي في حذف ردودك .. ممكن اعرف ليش ؟ ردك مافيه شي.

من جد لحس مخي المشكلة الرد مافيه شي :slant:

 

[Strife]

مافي سبب 🙁 بس خفت باخذون الرد بحساسية مفرطة..

 

[Final Fantasy]

شنو الي صار في الموضوع !؟

المهم .. تقييمات اللعبة لحتى الآن :

Play Magazine 10/10
Tilt.TV 10/10
PSXtreme Magazine 9/10
Doupe.cz: 9/10
Gamepro 4.5/5
The Officiel Playstation Magazine 89%
PSW*Uk mag*8/10
IGN US 7/10
Edge 6/10

 

[BioMario]

شنو الي صار في الموضوع !؟

المهم .. تقييمات اللعبة لحتى الآن :

Play Magazine 10/10
Tilt.TV 10/10
PSXtreme Magazine 9/10
Doupe.cz: 9/10
Gamepro 4.5/5
The Officiel Playstation Magazine 89%
PSW*Uk mag*8/10
IGN US 7/10
Edge 6/10

رهيبة لكن IGN ليش جي شاذ :cryy:
نتريا الفرع الامريكي + جيمزبوت

 

[Strife]

شنو الي صار في الموضوع !؟

المهم .. تقييمات اللعبة لحتى الآن :

Play Magazine 10/10
Tilt.TV 10/10
PSXtreme Magazine 9/10
Doupe.cz: 9/10
Gamepro 4.5/5
The Officiel Playstation Magazine 89%
PSW*Uk mag*8/10
IGN US 7/10
Edge 6/10

همم لا بأس.. اعتقد اننا لازم ننتظر جيمسبوت... :laugh:

 

[Final Fantasy]

رهيبة لكن IGN ليش جي شاذ :cryy:
نتريا الفرع الامريكي + جيمزبوت

KH2 + Godhand + SH يسلمون علينا 🙂


يعني هذه لا أول مرة و لا أخر مرة نشوف IGN بتقييمات شاذه ... هههههههههه و لا أذكركم بجاد امبرور :yuck:

 

[Tomb raider]

ننتظر كل من
EGM و Gamespot و Game informer !

 

[Ginko]

مافي سبب 🙁 بس خفت باخذون الرد بحساسية مفرطة..

ههههه، هو بما انك ما تهجمت على احد وحطيت رأيك بأحترام فلا تخاف من شيء، خذ راحتك، فهذي ميزة المنتدى اساسا.


الحين لسه ما لعبت الديمو، يسوى ولا لا؟

 

[Khalid-S]

طبعا يسوى ..

يقولك البلاش كثر منه لول. واللعبة جيدة.