HD Gaming -- الموضوع الرسمي

[ABUALI]

الاكس بوكس محدود الخيارات في الكيابل، اذا بتشغل الHDMI ماتقدر تستخدم الثاني والعكس...

المهم، ماضوعنا، لازم تشتري امبلفاير حق تستمتع بالصوت 5.1 أو 7.1.

في نوعيات كثيرة من الامبلفايرات وما ادري شنهو الماركات المنصوح بها. لكن اتاكد من هذا الشي، اغلب الماركات تتقسم اجهزتها حسب التالي
الموديل الرخيص، يقبل الصوت 5.1 عن طريق الـoptical cable فقط وتقدر توصله بالكمبيوتر بالوايرات العادية وغالبا هذا الموديل انقرض
الموديل المتوسط، يحتوي على مداخل HDMI لكنه يقبل الصوت 5.1 عن طريق الـoptical cable فقط
الموديل الغالي، يحتوي على مداخل HDMI و ـoptical ويقبل الصوت عن طريق الاثنين

بطريقة ثانية لو ما فهمت بالعملي خذ النظري
فيه صيغ متعددة وكثيرة للصوت
منها
Dolby Digital, Dolby Pro Logic , Dolby Pro Logic II, DTS-HD , Dolby TrueHD

الصوت اللي يطلع من مخارج الHDMI يكون احد هذي الصيغ DTS-HD , Dolby TrueHD، اللي توصل فيها جودة الصوت ل7.1... الموديلات الرخيصة والمتوسطة ما تدعم هذي الصيغ فلذلك الصوت ما بيشتغل عن طريق الـHDMI ولكن الموديلات الغالية صنعت من أجل هذا الغرض

 

[BLACK KN1GHT]

شباب .. وشرايكم بذي الشاشه ..:

http://www.samsung.com/sa_en/consum...levision&subtype=lcdtv&model_cd=LA32A450C1XZN

انا شفتها في بست بـ 2400 تقريبا بعد ما كانت بـ 2950 ريال ..!

ابغى رايكم بالمواصفات وبالسعر .. 🙂

....................................

 

[Burdegation]

^
قريت عن هالشاشه يوم كنت بختارلي تلفزيون جديد و كل الريفيو عنها كانت ممتازه

 

[Snake-87]

شلون أسعار الشاشات بالسعودية ؟
السامسونج زينة أسعاره ؟

 

[Solidus]

شباب وش رايكم في برايفيا W وهل يستاهل ادفع زيادة ولا بحصل نفس الاداء الاثنين الي تحت...
اخدها ولا اخد واحد من s or v
ووش الفرق بين s and v
مخطط اخد 32 بوصة الغرفة ما تساعد اخد اكبر :whistle:

 

[Magnificent]

^ عندي فئة v و ماهي ذاك الزود مع اللون الأسود لكن في الحالات الأخرى تعطيك صورة رائعة ، يعني لما تكون الصورة المعروضة معتمة مثل لما تشوف فلم و يكون المشهد في غرفة مظلمة او اذا كنت تلعب و دخلت نفق مظلم او ببساطة لما تكون فاتح الـXMB و تحاول تقرا نص الخيارات قدامك ، يصير اللون الأبيض ساطع زيادة و اللون الأسود يطلع رمادي اقرب للفاتح منه للغامق

 

[al WaTaR]

سلام مليون على ال HD GAMERS

شباب طلبتكم نصائح خبراء في مجال ال hd gaming بما إن الموضوع مختص به

شريت تلفزيون Samsung Series 9 55' in و التلفزيون لا يعلى عليه صراحه

لكن المشكله إني ما ني عارف شو هي السيتينج المناسبة للجيمينج خصوصا إن ال game mode لما تحطه لكون فيه نوع من الظلمة و ما تقدر تغير في السيتينج ، غير إني سمعت إن في طريقة تقلل اللاق اللي في حركة الصورة في تغيير بعد السيتينجز فهل من خبير؟

ثانيا هل تنصحوني بإستخدام تقنية ال motion plus لأني لاحظة عند تفعيلها ألاحظ واقعية في الصورة و كأنك إظهر حقيقة الصورة يعني مثلا

لو تشوف مسلسل لوست ، و حطيته على ال motion plus تحس الحركة واقعية لدرجة تحس إن اللي تشوفه خلف الكواليس و ليس المسلسل!!! فهل هذي ميزة و الا شنو بالظبط؟

هل أنا تسرعت في شراءه و كان من الأفضل شراء سوني برافيا series z ، خصوصا إن سعره 17000 و الثاني 18000 ( يعني مافي فرق بينهم ) ؟

شباب اللي حاب يزورني و يشوف التلفزيون و يجربه يحصلي الشرف أستقبل أي حد من منتدى ترو جيمنج المحترم في بيتي في منطقة الرحبة في أبوظبي


و السموحه

 

[ABUALI]

motion plus أو movie plus هذي هي نفسها اللي يقولون لك عنها تقلل اللاق لكنها بالحقيقة تزيد معدل الفريمات وتصلح للافلام فقط لأن الفريم ريت فيها ثابت أما الالعاب الفريم ريت فيها متقلب في اغلب الالعاب فما تنفع

 

[Akilla]

السلام عليكم

شباب الاسبوع الجاي بشتري شاشة HD ومدري رأي الأعضاء في شاشة سامسونق T220HD ..

فيها مدخل حاسب ومنفدين HDMI ومدخل كومنبت .. وTv Tuner .. سعرها في امازون 330 تقريبا .. 22 بوصة

* Screen Size : 22" wide
* Resolution : 1680 x 1050
* Contrast Ratio : DC 10,000:1 (1000:1) (typ.)
* Response time : 5 ms

سؤالي الحين الشاشة تصلح للقيمينق والحاسب بشكل عام ...

اراء الخبراء والمجربين ..

وهل تقنية HD تستحق مبلغ 1550 ريال .. ! لأن همي الوحيد هو الX360 ,,,

الرجاء عدم التطنيش

http://www.samsung.com/us/consumer/...e=monitors&subtype=lcd&model_cd=LS22TDNSUV/ZA

 

[Dark Man]

انا ماعندي خبرة عميقة بالـHD
بس :

وهل تقنية HD تستحق مبلغ 1550 ريال .. ! لأن همي الوحيد هو الX360 ,,,

أول ماتشغل الاكس بوكس على الـHD بتحس انك تلعب في جهاز ثاني

 

[Eario]

حسين ماأقدر افيدك لو كانت الشاشة زينة او لأ, لكن ماكو افضل من إنك تقرأ ريفيوز + تسأل بالمحل نفسة.

وهل تقنية HD تستحق مبلغ 1550 ريال .. ! لأن همي الوحيد هو الX360 ,,,

حسين بتستمتع و تنبهر من تفاصيل طول عمرك غافل عنها .. الـ hd ثورة حقيقية و لا تنسى كيبل hdmi.

مقدما ً مبروك دخولك النكست جنريشن بشكل رسمي :laugh::

 

[Solidus]

السلام عليكم

شباب الاسبوع الجاي بشتري شاشة HD ومدري رأي الأعضاء في شاشة سامسونق T220HD ..

فيها مدخل حاسب ومنفدين HDMI ومدخل كومنبت .. وTv Tuner .. سعرها في امازون 330 تقريبا .. 22 بوصة

سؤالي الحين الشاشة تصلح للقيمينق والحاسب بشكل عام ...

اراء الخبراء والمجربين ..

وهل تقنية HD تستحق مبلغ 1550 ريال .. ! لأن همي الوحيد هو الX360 ,,,

الرجاء عدم التطنيش

http://www.samsung.com/us/consumer/...e=monitors&subtype=lcd&model_cd=LS22TDNSUV/ZA

خذ لك سوني برفيا بوصة 32s سعره 2200

للحين انا محتار:crying: مادري اخد S32 ولا انتظر الموديلات الجدد

 

[Akilla]

Dark Man

تسلم حبيبي على الرد 🙂 .. الا اجرب خايف اتحسف عليها :crying: خصوصا اني فكرت كثير واحترت اخد الوي ولا شاشة استخدمها كثير .. قلت الشاشة افضل

Eario

هلا حبيبي احس انك مضيع :laugh:: اسمي فهد لا يكون شفت نفس التوقيع والأفاتر وضيعت مابيننا .. يعطيك العافييه حبيبي ع الرد 🙂


Solidus

يارجال انا لو بيدي شريت برافيا ام 15000 ريال 😀 .. الميزانيه محدوده جدا , والشاشه اللي ابغاها موصفاتها خياليه وسعرها حلو .. وتلبي احتياجتي انا همي الوحيد هي حجمها 22 بوصة مدري مناسبة للقيمينق ولا لا ..؟

 

[kInGsIzE]

السلام عليكم ..
شباب عندي ساوند سيستم من سامسونج اسمه HT-TX715 اخذته بـ 2200 ريال تقريبن "هالكلام قبل 4 شهور" ..

بس سؤالي الحين .. ايش الفرق بين الوضعيات هذي " Music - Stereo - Cinema - Pro Logic - Matrix" ..
هل الفرق بينهم كبير يعني ولا ؟ ومتى افضل وضعيه استخدمها لما العب؟ولما اتفرج تلفزيون "شوبوكس" ولما اتفرج افلام سواء DVD او Blue-ray ؟

 

[Magnificent]

^ ميتركس ما مر علي بس برو لوجيك يطلع مية مية مع الجيمز اللي تدعم الخاصية هذي

 

[ABUALI]

السلام عليكم ..
شباب عندي ساوند سيستم من سامسونج اسمه HT-TX715 اخذته بـ 2200 ريال تقريبن "هالكلام قبل 4 شهور" ..

بس سؤالي الحين .. ايش الفرق بين الوضعيات هذي " Music - Stereo - Cinema - Pro Logic - Matrix" ..
هل الفرق بينهم كبير يعني ولا ؟ ومتى افضل وضعيه استخدمها لما العب؟ولما اتفرج تلفزيون "شوبوكس" ولما اتفرج افلام سواء DVD او Blue-ray ؟

Pro Logic للألعاب والأفلام
Cinema وضعية معدلة من الشركة نفسها، يعني يمكن مخلين لك الصوت من السماعة الوسطية عالي ومقللين على البيس شوي وتكون 5.1
Stereo هذا يشغل لك سماعتين والبيس.. يعني 2.1 تنفع حق الاناشيد والصوت من الكمبيوتر وبعض الافلام الdvdrip
Music نفس الستيريو، لكن مضبط على أيكولايزر معين، وأعتقد عندك خيارات كثيرة في الميوزك مثل الروك والجاز...الخ
Matrix هذي تنفع لو كان الصوت الاصلي 2.1... فهو يدمج لك صوت السماعتين اليمين واليسار ويخليهم في الوسطية، ويشغل السماعة اليسار اللي بالخلف يخليها مثل اليسار اللي قدام، ويشغل السماعة اليمين اللي بالخلف ويخليها مثل اليمين اللي قدام

بالنسبة حق اللعب.. اذا شفت شعار dolby على اللعبة.. اختر خيار الPro Logic، بتشوفه في أغلبية الالعاب، أما اذا ما كان دولبي فلك الحرية بالاختيار
حق الشوبوكس، لو كنت بمكان معزول ومحد يسمع "رديح" الصوت من خارج الغرفة خذ ماتريكس... اذا ما يناسبك خذ ستيريو
أفلام ديفيدي وبلوراي Pro Logic خيارك الافضل، في بعض الافلام تجي صيغتها DTS اذا ما عندك خيار DTS أعتقد هو نفسه البرولوجيك

المهم اذا كانت غايبة عن هالسالفة مع اني ما اعتقد،
اذا عندك أيا كان PS3 أو أكس بوكس وصل الصوت بالديفيدي عن طريق كيبل الاوبتيكل علشان تحصل جودة الصوت المنصوح بها حق الالعاب وكذلك افلام البلوراي.

 

[MaX8002]

شباب ناوي اخذ شاشة HD للأكس بوكس360 و ps3 وش تنصحوني؟؟؟؟؟؟؟

وترا الميزانية محدودة يعني فوق 2500 مانبي.... 8ــــــ8

 

[عاشق 360]

دام ان الموضوع انرفع

في مشكله صايده تلفزوني السامسونق

هي انها لما اغلق التلفزون وافتحه كل الاعدادات الي ضبطتها تنمسح ! وارد اضبطها مره ثانيه ..للعلم ان هاذي المشكله ماكانت تضهر معاي .

المشكله الثانيه هي لما العب ... تنقطع الشاشه اثناء اللعب " تضهر شاشه سوداء " لمدة ماتتجاوز الـ " 3 او 2 ثانيه " ويرجع التلفزون يشتغل مره ثانيه بس الاعدادات تتغير وترجع للأعدادات الاصليه للتلفزون . وارد اضبطها .

هاللشي مزعج جدا.. احد صادفه ؟ شنو الحل ؟

 

[ABUALI]

Samsung R71 اذا حصلته على طول وبدون تردد اخذه ويكون 32 انش بفتحتين HDMI
واذا ما حصلت خذ من الseries 4 وفوق، لأني مجرب الفئة الثالثة وباين عليها انها اخرطي للأسف.. لكن اخواني واحد عنده الفئة 4 والثاني الفئة 5 وماشين مضبوط لكن ما اتوقع اسعارهم ارخص من 2500

 

[ABUALI]

دام ان الموضوع انرفع

في مشكله صايده تلفزوني السامسونق

هي انها لما اغلق التلفزون وافتحه كل الاعدادات الي ضبطتها تنمسح ! وارد اضبطها مره ثانيه ..للعلم ان هاذي المشكله ماكانت تضهر معاي .

المشكله الثانيه هي لما العب ... تنقطع الشاشه اثناء اللعب " تضهر شاشه سوداء " لمدة ماتتجاوز الـ " 3 او 2 ثانيه " ويرجع التلفزون يشتغل مره ثانيه بس الاعدادات تتغير وترجع للأعدادات الاصليه للتلفزون . وارد اضبطها .

هاللشي مزعج جدا.. احد صادفه ؟ شنو الحل ؟

ما ادري لكن أنا بعطيك تحليل بسيط بالنسبة للإعدادات وتخزينها من السالفة اللي صارت لي بتلفزيون السامسونج، لمن كنت استخدم الكمبيوتر بنظام اكس بي على الـHDTV عن طريق الـHDMI كانت الصورة ما تطلع مضبوطة، يعني تشوف زر الستارت والساعة صايرين خارج الشاشة وأضطر اعدلها واضبط موقعها والزووم حقها علشان ترجع الشاشة طبيعية وهالاعدادات اضبطها من الكمبيوتر ومالها دخل بالتلفزيون. اذا شغلت التلفزيون مرة ثانية أو غيرت اعدادات العرض في الكمبيوتر ترجع الشاشة للوضع الأول (زر الستارت والساعة صايرين خارج الشاشة) وأعدلها مرة ثانية وهكذا دواليك... ومع الايام نزلت السوفتوير الجديد لكرت الشاشة واختفت المشكلة بعدها وحتى ما الوندوز7 ما واجهت هالمشكلة.

لذلك اتوقع المشكلة مهي من التلفزيون بل من جهاز العرض اللي عندك أو الكيابل المستخدمة، وأغلب شي من الكيابل المستخدمة يمكن تكون تلفت أو غير مشبوكة جيداً.

بالنسبة لتقطيع الشاشة، هو الكلام يجر بعضه ويوصلك أخيرا لنفس النتيجة، عادة مدخل الVGA بالتلفزيون لو صارت مشكلة بالكيبل أو انفصل من مكانه، الشاشة اوتوماتيكيا تصير على وضع الايقاف. وأعتقد انك تستخدم كيبل الVGA بال×360 مما يؤدي لهذي المشكلة لو كان الكيبل فيه علّة.
أما اذا كنت تستخدم الHDMI فما ادري الصراحة :spy:

 

[عاشق 360]

ما ادري لكن أنا بعطيك تحليل بسيط بالنسبة للإعدادات وتخزينها من السالفة اللي صارت لي بتلفزيون السامسونج، لمن كنت استخدم الكمبيوتر بنظام اكس بي على الـHDTV عن طريق الـHDMI كانت الصورة ما تطلع مضبوطة، يعني تشوف زر الستارت والساعة صايرين خارج الشاشة وأضطر اعدلها واضبط موقعها والزووم حقها علشان ترجع الشاشة طبيعية وهالاعدادات اضبطها من الكمبيوتر ومالها دخل بالتلفزيون. اذا شغلت التلفزيون مرة ثانية أو غيرت اعدادات العرض في الكمبيوتر ترجع الشاشة للوضع الأول (زر الستارت والساعة صايرين خارج الشاشة) وأعدلها مرة ثانية وهكذا دواليك... ومع الايام نزلت السوفتوير الجديد لكرت الشاشة واختفت المشكلة بعدها وحتى ما الوندوز7 ما واجهت هالمشكلة.

لذلك اتوقع المشكلة مهي من التلفزيون بل من جهاز العرض اللي عندك أو الكيابل المستخدمة، وأغلب شي من الكيابل المستخدمة يمكن تكون تلفت أو غير مشبوكة جيداً.

بالنسبة لتقطيع الشاشة، هو الكلام يجر بعضه ويوصلك أخيرا لنفس النتيجة، عادة مدخل الVGA بالتلفزيون لو صارت مشكلة بالكيبل أو انفصل من مكانه، الشاشة اوتوماتيكيا تصير على وضع الايقاف. وأعتقد انك تستخدم كيبل الVGA بال×360 مما يؤدي لهذي المشكلة لو كان الكيبل فيه علّة.
أما اذا كنت تستخدم الHDMI فما ادري الصراحة :spy:

ايه بالضبط استخدم كيبل vga " الي فيه 6 الوان "

بحاول اشتري غيره اليوم او بحول لل HDMI وانشاء الله ماتواجهني المشكله مره ثانيه .

المشكله الاولى هي لما اغلق التلفزون الاعدادات تنمسح " واجهتني يوم ركبت الدريم بوكس " تتوقع المشكله منه ؟

شكرا لك على المساعده .

 

[ABUALI]

لأ لأ هذاك اسمه الكمبوننت، كيبل الVGA هذا

وبالنسبة للدريم بوكس، ما مرت علي المشكلة في ان الاعدادات تنمسح، كل التلفزيونات اللي عندنا يشتغل عليها الدريم بوكس ومافيها أي مشاكل لا من التلفزيون ولا من الرسيفر.. اللحين تغير الكلام من قبل كنت حاط في بالي انك تتكلم عن جهاز واحد ومدخل واحد والمشكلة صايرة هنا فقط في هذا المدخل، أما اذا تكررت الحركة في اكثر من مدخل بالتلفزيون فمعناته المشكلة من التلفزيون، جرب توديه الوكيل علشان يشوفون وش علته.

 

[MaX8002]

Samsung R71 اذا حصلته على طول وبدون تردد اخذه ويكون 32 انش بفتحتين HDMI
واذا ما حصلت خذ من الseries 4 وفوق، لأني مجرب الفئة الثالثة وباين عليها انها اخرطي للأسف.. لكن اخواني واحد عنده الفئة 4 والثاني الفئة 5 وماشين مضبوط لكن ما اتوقع اسعارهم ارخص من 2500

يعني هذا series3 ?????

 

[The Doctor]

شباب ناوي اخذ شاشة HD للأكس بوكس360 و ps3 وش تنصحوني؟؟؟؟؟؟؟

وترا الميزانية محدودة يعني فوق 2500 مانبي.... 8ــــــ8

شوف السامسونغ اللي بهالسعر و اشتريه

دام ان الموضوع انرفع

في مشكله صايده تلفزوني السامسونق

هي انها لما اغلق التلفزون وافتحه كل الاعدادات الي ضبطتها تنمسح ! وارد اضبطها مره ثانيه ..للعلم ان هاذي المشكله ماكانت تضهر معاي .

المشكله الثانيه هي لما العب ... تنقطع الشاشه اثناء اللعب " تضهر شاشه سوداء " لمدة ماتتجاوز الـ " 3 او 2 ثانيه " ويرجع التلفزون يشتغل مره ثانيه بس الاعدادات تتغير وترجع للأعدادات الاصليه للتلفزون . وارد اضبطها .

هاللشي مزعج جدا.. احد صادفه ؟ شنو الحل ؟

خذه للوكيل... في بعض الحالات المشكلة من التلفزيون نفسه

 

[ABUALI]

يعني هذا series3 ?????

لا، هذا R71

 

[Torpedo]

شباب . ايش رايكم في اجهزة الـ W من سوني .. زمان عن التلفزيونات قلت خلني أسألكم ..
في اثنين عجبوني .. اثنينهم نفس الشي لول بس فرق الحجم .. الـ KLV-40W400A او الـ KLV-46W400A .. >.> ..
الـ 40" بـ 6500 مع بلاي ستيشن 3 ( و لعبة .. أهم شي اللعبة لول ) و الـ 46" بـ9500 مع بلاي ستيشن 3 ( و لعبة D: ) >.>"

 

[The Doctor]

الW يدعموا 1080p صح؟

إذا بتشتري تلفزيون 1080p فالأفضل تاخد أكبر من 42"

و إذا بتاخده للgaming.. ف1080p ما يسوى، إذا للبلوراي فتوكل على الله و خده

 

[q8-gamer]

قبل شهرين خذيتلي شاشة توشيبا
الصراحة من الحرمان عدم اللعب على شاشة hd

 

[s3rorh]

قاعد ألعب بلاي 3 على تلفزيون موديله ونوعه كالتالي

37LG3000

وما ادري اذا بلازما ولاا LCD يا ريت واحد ينورنا بهالشي

وياريت تقولون لي شنو افضل اعدادات احطها .. علشان استمتع بالـHDMI

لأني حاسس بانه الجرافكس مو كلش :sarcastic: ... فا ابي اتمتع بجمال النكست جين

 

[Phoenix]

شباب امس رحت ادور لي على تلفزيون وطبعا حاط في بالي سامسونج وحصلت هذا كخيار أول
http://www.samsung.com/hk_en/consum...evisions&subtype=lcdtv&model_cd=LA32A330J1XZK

وعلاوة على هذا حصلت تلفزيونين الاول فليبس والثاني توشيبا وافضل من سامسونج الي فوق بالمواصفات 12000:1 الكونتراست وفيهم 3 فتحات HDMI وكلهم بنفس السعر تقريبا ..

محتاج نصايحكم ورايكم !!