HD Gaming -- الموضوع الرسمي

[SALAH]

اخوي ياسر
انا للي عندي R71 32 ( لوول كنت محسبه R81 ) وشاريه بسعر 2599 درهم ( تقريبا 230 دينار كويتي )
فيه فتحتين HDMI طبعا و الجيم مود ..بصراحة مو مواجه اي مشاكل معاه
لكن لو ميزانيتك تسمح لك فعليك بالـR81 اما لو حابب توفر فاشتري R71 على ضمانتي ومارح تندم لاني مبسوط معاه ومافي اي مشاكل اطلاقا :cooool:

 

[justyaser]

السلام عليكم
رحت لوكيل السامسونغ وشفت التلفزيونين S81 و R81 على الطبيعة
الصراحة مافي فرق يتلاحظ في الصورة أبد

الفرق بينهم
اللهم الا الـ 3 فتحات HDMI لمصلحة الـ R81
وواحد قال لي انك ما بتحتاج كل هالعدد اصلا
إلا للبلاي ستيشن 3 بتحتاج وحدة .. وقال لي فتحتين كفاية جدا


شكلي باتوكل على الله وباشتري الـ S81 بكرة
فرق 80 دينار (= 800 ريال سعودي) كبير ترا ... واتوقع ينحط في شئ ثاني افضل اذا مافي فرق كبير بين التلفزيونين


اذا احده وده يوقفني قبل ما اتهور خخخخ بليز ... ترا باجيك المنتدى بكرة قبل ما اروح المحل 😀

 

[Dante]

وش رايك بالسوني برافيا ؟ اشوف انه افضل تلفزيون HD ,, تصميم روعة ومواصفات اروع طبعاً مع سعر اغلى شوي

 

[ASWD]

شكلي باتوكل على الله وباشتري الـ S81 بكرة
فرق 80 دينار (= 800 ريال سعودي) كبير ترا ... واتوقع ينحط في شئ ثاني افضل اذا مافي فرق كبير بين التلفزيونين

دامك عزمت الافضل انك تاخذ احسن الموجود.نصيحتي لك لاتاخذ فأة اقل من R اذا كنت حاط في بالك سامسونج..بالعربي الار8 افضل..لبرافيا لا تفكر في بفاة اقل من v اذا ودك تشتري برافيا

 

[Mista Koo]

سؤال ايش موديلات سامسونج الـ37" اللي متوفرة هنا (الخليج) وأسعارها؟ لأني دورت في كم موقع وتطلع أسامي غريبة أول مرة أسمع فيها

 

[justyaser]

شكرا على تفاعلكم وان شاء الله انا باتأكد من ان ما في فرق بين R و S في ال Engine نفسها لان حسب ماقارنت بالمواصفات مافي فرق الا في الاشياء اللي ذكرتها

عندي سؤال مهم للاخوان اللي جربوا يوصلون الـ Hdtv بالـ PC
انا الجرافيك كارد مالتي قديمة كلش وضعيفة في امل اوصل الـ PC بالـ HD وهل ممكن يتسبب هالشئ بضرر للـ HD

او اني اشوف لي جرافيك كارد HD Ready

وعلى فكرة انا ماعندي PCI Express في المذربورد يعني ما اتوقع باروح حق شئ وايد ادفانسد الحين وافكر اجدد كمبيوتري بالكامل بعد شهر او شهرين

بس يبقى السؤال في ضرر من التجربة لو كانت الجرافيك كارد مالتي قديمة ؟

 

[الــخــــارق]

سؤال ايش موديلات سامسونج الـ37" اللي متوفرة هنا (الخليج) وأسعارها؟ لأني دورت في كم موقع وتطلع أسامي غريبة أول مرة أسمع فيها

LA37S81B

سعره 3500 ريال
LA37R81B

ما أذكر سعره بالضبط لكن في حدود الـ 5000 ريال

الـR81 يوم أشتريه أنا قبل شهرين ما كان عند الوكيل (المتبولي) 37 بوصة ..
لكن اتوقع تلقاه عند غيره (اكسترا - الكترو - بيست - الخ ) او ممكن وفروه المتبولي ..

موقع سامسونج السعودية :
http://www.samsung.com.sa

 

[Ammar_R]

شباب بجيب سوني برافيا
ارخص X كم ألقاه ؟
+
ال V هل في منو 37 بوصة ؟ بكم ؟ ابو32 بكم ؟ اقصد V300 اللي يدعم إشارة 1080P .. واللي قبلو اللي مايدعم بكم برضو ؟

عموما ميزانيتي 5500 ريال سعودي ...

 

[justyaser]

شباب باركو لي اشتريت Samsung S81
الصراحة روعة وشبكت عليه الدريم بوكس والدي في دي
والـ PC وانا الحين قاعد اشتغل عليه خخخ

بس مضبط اعداد دقة الصورة على تقريبا ثاني اقل حاجة وهي 1024 * 768 لأن الأكثر من جذي يعطيني زوم ان داخل الشاشة ؟!! والظاهر ان يبي لي جرافيك كارد

حتى اذا اشغل فيديو يطلع كانه مقطوع بخط من النص
بس اذا اشغل على دقة 800 * 600 ممكن اسوي الفيديو فول سكرين

ان شاء الله بادور على جرافيك كارد تعطيني اداء محترم

واشكركم على نصايحكم وماقصرتوا

 

[Mista Koo]

الـR81 شفته في إكسترا بـ 5000
بس لحظة لحظة لحظة
الـS81 بـ3500 @@"؟؟ متأكد 37"؟؟ ومن وين؟؟

حطيت عيني عليه.. إن شا الله هو اللي رح آخذه (إلا لو إشتريته متأخر فـ رح يكون الـR81 نزل سعره)

فروقه عن الـR81 نفسها اللي قال عليها ياسر؟ (إذا إي ما أشوفها فروق تسوى)

 

[الــخــــارق]

ايه متأكد 3500 🙂
وهو عند Samsung Digital Plaza (المتبولي)
خريص تقاطع العليا على خريص (كانك فاضي اليوم نروح له 😉 )

بالنسبة للفرق ..

R81 :
Dynamic Contrast Ratio 8,000:1
1 HDMI side / 2 back
1 Composite side
2 Component back
1 PC input back

Movie Plus
Game Mode


S81 :
Dynamic Contrast Ratio 7,000:12 HDMI back
1 Composite side
2 Component back
1 PC input back

Game Mode

هذي الفروق الواضحة ..
Full Specifications :
R81
S81

 

[Mista Koo]

مشكور جدا محمد =)
فعلا رهيب سعرا ومواصفات ومناسب لي.. وإن شا الله أكيد رح أشتريه لاحقا

بس لا ما رح أشتريه الحين.. لول أشتريه عشان ويي؟!
لما أقرر أشتري 360 ولا PS3 إن شا الله (إحتمال لما أقرر يكون الـR8 بنفس السعر P: )

 

[DoGnA]

سلام عليكم

كيفكم ياشباب

الصراحة انا ناويلي على تلفزيون جديد يكون للجيمنج

وانا محتار بين samsung R81 or sony V300 ؟؟؟؟؟؟؟

طبعا المقاس 32 انش

وحبيت اسأل اذا بتنزل موديلات جديدة غير هذي ولا لأ ؟؟؟؟

لأن لو بينزل شي جديد فاللأفضل اني استنى

والله يعطيكم العافية

 

[BioMario]

اخوي DoGnA التلفزيونين ما عليهم كلام من حيث المواصفات ..
شوف السعر إلي يناسبك و خذه ..

 

[DoGnA]

الله يعطيك العافية

بس المشكلة انها نفس السعر

وحبيت اسألك

هل في تلفزيونات او موديلات جديدة بتنزل ؟؟

 

[BioMario]

الله يعطيك العافية

بس المشكلة انها نفس السعر

وحبيت اسألك

هل في تلفزيونات او موديلات جديدة بتنزل ؟؟

والله ما عندي علم اخوي ..
لكن حتى لو نزلت تلفزيونات جديدة خلاص التلفزيونين هذيل يعتبرون اخر من اواخر جيل الـ LCD
بداية السنه الجديدة رح تنزل تقنية جديدة LED يعني لو خذيت واحد منهم انت موب خسران ^^ ..

إن شاء الله فهمت

 

[m7tram]

شباب عندي مشكله بالـR81 كل ما اسوي السيتينج واضبطهم اطفي الجهاز واشغله والقى كل شي سويته راح مثل الـGame mode احطه on ولما اطفيه واشغله القاه Off وحتى الساعه خخخ شالحل ؟

 

[Humam]

شباب عندي مشكله بالـR81 كل ما اسوي السيتينج واضبطهم اطفي الجهاز واشغله والقى كل شي سويته راح مثل الـGame mode احطه on ولما اطفيه واشغله القاه Off وحتى الساعه خخخ شالحل ؟

لول حسب علمي مافي حل.. لأني قبل ما اشتري تلفزيوني عرفت المعلومة هذي ان تلفزيونات السامسونج ما يمديك تخزن فيها اعداداتك للصورة.. لازم تعيدها من جديد كل مرة.. فهذا من أهم الأسباب لي خلتني اتجه للسوني.

 

[Super Sonic]

لول حسب علمي مافي حل.. لأني قبل ما اشتري تلفزيوني عرفت المعلومة هذي ان تلفزيونات السامسونج ما يمديك تخزن فيها اعداداتك للصورة.. لازم تعيدها من جديد كل مرة.. فهذا من أهم الأسباب لي خلتني اتجه للسوني.

من جدك ؟؟؟
اغلب اللي معاهم R71 هذا الشيء زابط معاهم + في ناس عندهم R81 ويقولو انه هالمشكلة مو موجودة ...
يعني يالله ... التلفزيونات القديمة ام نص كم تخزن المعلومات ... هذي ليش لأ ؟

 

[Isaac]

من جدك ؟؟؟
اغلب اللي معاهم R71 هذا الشيء زابط معاهم + في ناس عندهم R81 ويقولو انه هالمشكلة مو موجودة ...
يعني يالله ... التلفزيونات القديمة ام نص كم تخزن المعلومات ... هذي ليش لأ ؟

من فضلك لا تغلط على تلفزيوني !

أنا الحمد لله معي R71 وما عندي مشاكل بالتخزين الـgame mode مشغله من يوم ما شريت الجهاز وللحين ما انطفى لول

 

[Super Sonic]

من فضلك لا تغلط على تلفزيوني !

أنا الحمد لله معي R71 وما عندي مشاكل بالتخزين الـgame mode مشغله من يوم ما شريت الجهاز وللحين ما انطفى لول

زين وأنا وش قلت ؟ لول
روح لخص P:

تعديل:
توني انتبه الbold
اقصد التلفزيونات اللي في زمن ما قبل الHD
3:

 

[Humam]

من جدك ؟؟؟
اغلب اللي معاهم R71 هذا الشيء زابط معاهم + في ناس عندهم R81 ويقولو انه هالمشكلة مو موجودة ...
يعني يالله ... التلفزيونات القديمة ام نص كم تخزن المعلومات ... هذي ليش لأ ؟

هذا الي أنا قرأته.. يمكن أكون مخطئ الله أعلم.

 

[Super Sonic]

هذا الي أنا قرأته.. يمكن أكون مخطئ الله أعلم.

حسبي الله ونعم الوكيل ; ; بشوف صرفة مع تلفزيوني اجل -_-

 

[king zell]

لا لا همام كل التلفوينات تخزن إعدادتها..

سوني ميزته الرهيبة إن يمديك تخزن أكثر من إعداد و تتنقل بينهم بسهولة



عبدالله انت روح و راجع الوكالة لأنه كما يبدو memory جهازك مضروب

 

[Mesharey]

كنت بقول نفس كلام الشباب ^^

التلفزيون عندي عادي مخزنة فيه الستنج للقنوات وماتغيرت والجيم مود شغال على طول ^^

حاول تودي الجهاز للصيانة أو شي ..

 

[Super Sonic]

وه يابويه !
يعني لازم مشوار لاكسترا للمرة المدري كم .... بآخذ فلوسي طفشت ...
امس وانا العب مغير الستنجز وكذا ، فجأة الشاشة تصير سودة ، والستنجز تنمسح قدام عيني -.- عيني عينك تلفزيون قليل ادب ! بعد ما الشاشة تصير سودة ترجع تشتغل بالdefault settings :/

تعديل : نسيت اقول انه اكسترا قالولي انه الوكيل ما عاد صار يجيب R81 -.- يقولي سحبوه من السوق ...

 

[BioMario]

لول حسب علمي مافي حل.. لأني قبل ما اشتري تلفزيوني عرفت المعلومة هذي ان تلفزيونات السامسونج ما يمديك تخزن فيها اعداداتك للصورة.. لازم تعيدها من جديد كل مرة.. فهذا من أهم الأسباب لي خلتني اتجه للسوني.

همام انا عندي R8 ما عندي اي مشكلة اعقدر اخزن 5 او 6 إعدادات بس على طول تتخزن وحدها بدون ما اضغط Save مثلاً ..
اصلاً مافي Save تتخزن اوتوماتيك

 

[Ammar_R]

شباب بجيب سوني برافيا
ارخص X كم ألقاه ؟
+
ال V هل في منو 37 بوصة ؟ بكم ؟ ابو32 بكم ؟ اقصد V300 اللي يدعم إشارة 1080P .. واللي قبلو اللي مايدعم بكم برضو ؟

عموما ميزانيتي 5500 ريال سعودي ...

أدري اسإله كتيرة . طيب جواب او اتنين يكفوا @_@

 

[Super Sonic]

همام انا عندي R8 ما عندي اي مشكلة اعقدر اخزن 5 او 6 إعدادات بس على طول تتخزن وحدها بدون ما اضغط Save مثلاً ..
اصلاً مافي Save تتخزن اوتوماتيك

اوكي رسميا الحين تم الكونفيرميشن انه تلفزيوني فيه مشكلة
كلامك + كلمت الوكيل قالي تعال ونشوف المشكلة ... قلتله بأروح ارده لاكسترا اول شيء بعدين اتفاهم
شكلي بروح المتبولي على طول لا اكسترا ولا هم يحزنون ......

عمار
البرافيا اكس كان ب 11000 ريال 40 بوصة اصغر شيء
أما عن الباقي فما ادري

 

[m7tram]

لول شباب للتوضيح انا جهازي مافيه مشكله بس حطيت الرد اشرح فيه مشكله عبدالله :yuck: .