HD Gaming -- الموضوع الرسمي

[king zell]

بريفيا V ما يعرض 1080p إطلاقا


لكن هذي المقالة تقول لك 1080p أو 720p ما هو فرق يسوا


و الله أعلم

 

[Humam]

مقالة مشوشة كليا.. حتى الواحد ما يفهم منها كلمتين على بعض.. لول الترجمة في أسوا صورها.. أخ فيجا تقدر تجيب المقال الأصلي باللغة الانجليزية ؟

 

[ASWD]

ردي مثل رد همام احس المقالة تدوخ الواحد اكثر ماتنفعه+مشكك فيها

1080p=720P هممممممممممم صعبة شوي

 

[ShinShadi]

مقالة مشوشة كليا.. حتى الواحد ما يفهم منها كلمتين على بعض.. لول الترجمة في أسوا صورها.. أخ فيجا تقدر تجيب المقال الأصلي باللغة الانجليزية ؟

حرام عليك :embarrassed: .. أنا جالس أنقلها ( المقالة ) من المجلة حرف حرف :embarrassed: ..
أعتقد إن النسخة الإنجليزية من المجلة مازالت موجود في السوق ..

ردي مثل رد همام احس المقالة تدوخ الواحد اكثر ماتنفعه+مشكك فيها

1080p=720P هممممممممممم صعبة شوي

أنا رح أشرح لكم إلي فهمته من المقالة حبه حبه ( ياكلك :yuck: ) ..
( كل الأمثلة لي رح أذكرها بتكون عن تلفزيونات سوني برافيا .. بحبها يا قماعة )

المقال بيتكلم عن مقبس HDMI 1.3 المتوفر في PS3 و عن التلفزيونات إلي تدعمه ..
طبع كاتب المقال توصل لشيء جميل يقول فيه .. إن أي تلفزيون ما يتوفر فيه مقبس HDMI 1.3 ما رح يقدر يعطيك صورة 1080p حتى لو كان تلفزيونك
يدعم هذا النوع من المعايير .. حلو الكلام .. OK .. طبعا إلى الأن ما في أي تلفزيونات في السوق تعطيك صورة 1080p لا تلفزيون برافيا V ( إلي ما فيه خلقة )
و لا تلفزيون برافيا X ( إلي يدعم هذا النوع من المعايير !! ) .. يعني لازم يكون موجود في تلفزيونك مقبس HDMI 1.3 عشان تتمتع بصور 1080p !!

أتوقع إن تلفزيون بمدخل HDMI 1.3 رح تتوفر في السوق بعد سنه و نصف على أقل تقدير .. طبعا ممكن سوني يكون لها رأي أخر ( إن شاء الله ) ..

خلاصة الهرج الكثير إلي فوق :
عندك مدخل HDMI 1.3 .. تقدر تشوف صورة 1080p حقيقية :moneymouth:
ما عندك مدخل HDMI 1.3 .. ما في صورة 1080p ( حتى لو تلفزيونك يقول غير كذا ):cryy:

بالنسبة لكلمة الأخ ASWD ...
1080p=720p إنها صعبة .. مش صعبة .. أنا رح أفهمك !!

في تلفزيونات نزلت في السوق تقول إنها تدعم 1080p و طبعا منها البرافيا X .. حلو الكلام .. بس هذي التلفزيونات ما تدعم مدخل HDMI 1.3 الجديد إلي يخليك تستفيد
من هذا المعيار من التعريف العالي .. طبعا بسبب هذي المشكلة ما رح تقدر تشوف الفرق بين صورة 1080p و بين صورة 720p .. هذا كل الموضوع ببساطة :normal:

طبعا برافيا X موجود حاليا في أمريكا .. و ما أعتقد إنه بيتوفر قريب في السعودية :slant:
بس فيه شيء قريب منه .. من سوني .. بس شفت دعايته و ما لقيته في المعارض !!
أعتقد همام ذكره في الصفحة الأولى ..

المهم .. أتمنى إني أكون سهلت عليكم الموضوع و ما أكون عقدتها أكثر ..

و سلامتكم ..

 

[BioMario]

شباب هذي ثاني مرة اليوم اشوف دعاية تلفزيون Samsung الجديد
مواصفاته تخوف ^^ ..
وحش بمعنى الكلمة الصراحة ..
موديلة LA40F71B و الدعاية في جريدة الأتحاد ..
http://www.samsung.com/me/products/tv/lcdtv/la40f71b.asp?page=Specifications

 

[Van]

لكن هذي المقالة تقول لك 1080p أو 720p ما هو فرق يسوا

و الله هذا الكلام مو أول مره أسمعه و هو اللي خلاني أشتري 720p و انا مرتاح,
EGM مره كتبت في مقالة عن تلفزيونات الHD انك ما بتقدر تلاحظ الفرق بين ال720p و 1080p الا اذا كنت من النوع اللي يجلس قريب من التلفزيون, يعني هو أكيد في فرق بين الاثنين بس هذا الشي ما يعني انه العين بتقدر تلاحظه بشكل قوي

 

[H-Bomb]

شباب ... أحد سمع عن SED ؟

http://www.nowetrendy.pl/admin/html/images/newsy/[email protected]

 

[CyberMaster]

شباب ... أحد سمع عن SED ؟

http://www.nowetrendy.pl/admin/html/images/newsy/[email protected]

ايه سمعت عنها وعندي معلومات جيده عنها ومقرر اني مارح اشتري تلفزيون برزلوشن 1080p الا بهذه التقنيه
وهي مارح تصدر الا اواخر 2007 وبدايت 2008 واول ماتصدر متوقع تكون بحجام كبيره 55 بوصه وطالع وهي تعتبر تطوير للـCRT لكن بحجم صغير وتكلفت تصنيعها ارخص من البلازما والكرتسال السائل و تتفوق عليهم في كل الجوانب وتخلو من جميع عيوبهم التقنيه
والتقينه هذي من تطور فيها توشيبا من الثمانينات ثم بعد ذلك انظمت لها كانون

 

[Humam]

و لا تلفزيون برافيا X ( إلي يدعم هذا النوع من المعايير !! ) .. يعني لازم يكون موجود في تلفزيونك مقبس HDMI 1.3 عشان تتمتع بصور 1080p !!

يعني الحين الواحد ما يقدر يحصل على صورة 1080p إلا إذا عنده HDMI1.3 !! لول لو هذا فعلا قصد المجلة الحقيقة .. فأنا أنصح القائمين عليها يسكروها ويروحوا يبيعوا فصفص و لوز أحسن لهم 😉

ايش الكلام ذا .. صراحة شي غريب جدا يصدر الكلام ذا من مجلة T3 البريطانية.. أتوقع الترجمة كانت سيئة لا غير.

 

[ShinShadi]

يعني الحين الواحد ما يقدر يحصل على صورة 1080p إلا إذا عنده HDMI1.3 !! لول لو هذا فعلا قصد المجلة الحقيقة .. فأنا أنصح القائمين عليها يسكروها ويروحوا يبيعوا فصفص و لوز أحسن لهم 😉

ايش الكلام ذا .. صراحة شي غريب جدا يصدر الكلام ذا من مجلة T3 البريطانية.. أتوقع الترجمة كانت سيئة لا غير.

طيب ليه غريبة ؟
لازم في هدف من تطوير مدخل الـ HDMI .. ولا يمكن طورها عباطه !!
أكيد .. عندك شيء .. قلنا عليه عشان نفهم أخوي همام ..

و بعدين زي ما ذكرت فوق .. أنا نقلت الكلام هذا من الطبعة العربية و لم أترجمها من الطبعة الإنجليزية ..

 

[BioMario]

انا الصراحة اقتنعت ..
رح اخذ لي تلفزون 32 بوصة الصراحة و مناسب و تمام في غرفتي ..
و سعرة ممتاز ..

الـ 1080p رح يكون قوي اعتقد في التقنيات الأخرى مثل SED
و الـ LCD حالياً غالية جداً جداً

انا اشوف تلفزيون 32 بوصة ويدعم 720p + 1080p + HDMI ممتاز و كافي الصراحة ..
ورح يمشيك 5 سنوات فما فوق

 

[Humam]

أخ فيجا الله يهديك أنا عارف إنك ماخذ الكلام من الطبعة العربية.. أنا أعيبهم هم على الترجمة السيئة ما أعيبك إنت 🙂

تطوير الHDMI مو عبط بلا شك.. راجع الصفحات السابقة من الموضوع حتى تعرف ايش المميزات الإضافية إلي يقدمها الHDMI 1.3 .. بس مقولة إنه إذا ما عندك HDMI 1.3 يعني ماراح تشغل ال1080p هذا كلام غير صحيح إطلاقا 🙂

 

[Matt Casamassina]

ممكن أحد يتواضع ويساعدني بردي السابق بالصفحة السابقة.

 

[Humam]

أخ مات أعتقد ال 26 بوصة صغيرة شوية.. اذا بتاخذ تلفزيون للنكست جن فما أنصحك إطلاقا, أما إذا بتاخذه للوي فقط أولا وأخيرا فالي يريحك.. لكن لحظة.. 26 بوصة .. و ب 5000 ريال ؟؟!! هذا سعر فاحش جدا .. السامسونج ( الموديل الأسود الشهير ) 32 بوصة أعرف واحد رهيب اليوم شراه ب 5350 ريال ..

 

[sir KoRn]

السامسونج ( الموديل الأسود الشهير ) 32 بوصة أعرف واحد رهيب اليوم شراه ب 5350 ريال ..

المشكلة انه ماليزي...
حتى سوني نزلت برافيا V ماليزي ...أتذكر سعرة كان حدود الستة و شوي "32 طبعاً"
والجودة أقل .

 

[squall leonhart]

32 بوصة أعرف واحد رهيب اليوم شراه ب 5350 ريال ..

خخخخخخ .. سلم لي على الرهيب يا همام بكره

 

[squall leonhart]

المشكلة انه ماليزي...

فيه مودلين ماليزي الكلور كونسستراكت فيه 3000 لون و هذا ب 5100 ريال

و كوري 5000 لون ب 5500 ( بس مع المكاسره ينزل ل 5350)

 

[ShinShadi]

أخ فيجا الله يهديك أنا عارف إنك ماخذ الكلام من الطبعة العربية.. أنا أعيبهم هم على الترجمة السيئة ما أعيبك إنت 🙂

تطوير الHDMI مو عبط بلا شك.. راجع الصفحات السابقة من الموضوع حتى تعرف ايش المميزات الإضافية إلي يقدمها الHDMI 1.3 .. بس مقولة إنه إذا ما عندك HDMI 1.3 يعني ماراح تشغل ال1080p هذا كلام غير صحيح إطلاقا 🙂

هممم ...
لو عندك شاشة 1080p و جهاز يدعم هذا المعيار ( نقول PS3 ) أكيد بتشتغل معاك ..
بس إذا شاشتك فيها HDMI 1.3 ( مع جهاز يدعم هذا المدخل .. طبعا PS3 ) رح تشوف صورة أوضح بكثير ..
يعني 1080p يكون أفضل و أقوى بوجود مدخل HDMI 1.3 .. بدون HDMI 1.3 زي ما قلنا 1080p=720p !!

إنت من أول رافض الكلام هذا ... و أكيد منت رافضه عبط .. أتمنى تقول لي المعلومة الصحيحة ( و لو في دليل يدعم كلامك يكون أفضل ) ..
يمكن طريقة كلامي ما تكون قد كذا .. بس أنا من جد أبغى أستفيد من كل شيء في الموضوع و أفيد ( طبعا بالمعلومات الصحيحة فقط ) ..

تحياتي ..

 

[Humam]

أخ فيجا رجاء لا تقولني شيء أنا ما قلته.. شي بديهي جدا يوم يكون عندك تلفزيون بمدخل 1.3 HDMI راح تحصل على جودة أفضل من الHDMI 1.1 - 1.2 خصوصا فيما يتعلق بالألوان.. قلت لك راجع الصفحات السابقة راح تلاقي حديث عن الHDMI 1.3 وليش تعتبر أفضل وراح تحصل من خلاله على جودة أكبر 🙂

لكن كون إنه يكون عندي تلفزيون يدعم ال1080p لكن مافيه HDMI, إما إنه ما يشغل ال1080p أو إن المستوى = 720p فمع احترامي هذا كلام عيب يخرج من مجلة T3... الآن في السوق ما في تلفزيون واحد يدعم ال1080p فيه مدخل1.3 HDMI ماعدا تلفزيونات سوني البرافيا في اليابان.. الناس الي قاعدة تلعب الPS3 حاليا وتلعب بألعاب ال 1080p على تلفزيونانت بمدخل HDMI 1.1 1.2 وتأكد على الفرق بينها وبين النسخ الأخرى الي تشتغل على 720p.. هل قاعدين يضحكوا علينا مثلا ؟


الخلاصة:

= عندك تلفزيون 1080p مع HDMI 1.1 / 1.2 = راح تحصل على جودة ممتازة بدون مشاكل

= عندك تلفزيون في المستقبل 1080p ب HDMI 1.3 = راح تحصل على جودة أفضل, مع ملاحظة إنه حتى الآن لم يتأكد إذا ألعاب الPS3 راح تبدا تتصمم بعمق ألوان 48 بت والا لا, لأنه حاليا تصمم بعمق ألوان 24 بت, ونسخ الHDMI السابقة تدعم حتى 24 بت أيضا, ايش الفائدة إذا نفس الألعاب ما تدعم 48 بت, لذلك ممكن الHDMI 1.3 مستقبله راح يكون لأفلام البلو راي فقط .. الله أعلم 🙂

 

[ShinShadi]

أولا : أنا لا قولتك و لا مولتك .. أنا قاعد أتناقش معاك بس ..
ثانيا : كل شوي تقول لي راجع الصفحات السابقة .. ما يحتاج أنا عرفها ..

النقطتين واضحه فوق .. حلو .. نبدا

من كلامك نفهم :
* إنت تبغاني أصف الـ T3 و كلام الناس إلي شغالة معهم .. و أسمع كلام الناس إلي بتقول عليهم ..
* و فتحت HDMI 1.3 في PS3 متوفرة عشان أفلام البلو ري فقط ..

إممممم ...

طبعا بكل تأكيد أنا ما رح أخلي رأي الـ T3 يمر مرور الكرام .. و رح أضعه في الحسبان .. و أنا أبغى منك يا همام رأي مضاد من خبراء مثل جماعة الـ T3 ..
أما مسألة .. و الله فلان في يابان لعب و ما شف فرق .. ما تنجر معايا !!

و بعدين مسألة تطوير الألعاب سواء كانت 24 بت ولا 48 بت في النهاية سوني وضعت هذا المدخل ( HDMI 1.3 ) للجيم أكثر من البلو ري لأنه جهاز ألعاب في الأخر !!

المهم ..

نقطة خلافنا هي :
V E G A : الفرق بين صورة 720p و صورة 1080p يكاد لا يذكر بدون مدخل HDMI 1.3 ..
GSenius : العكس .. الفرق موجود ..

دحين أنا قولتك 🙂 .. خلينا نتناقش على هذي النقطة ..
و أنا إن شاء الله رح أحول أجيب رأي أخر يأيد مجلة الـ T3 من مصدر موثوق ..

سلام ..

 

[Humam]

أخ فيجا أنا ما أدري انت ليش كل مرة تحاول تخلق نقاش مع إن القضية واضحة.. ما يحتاج أرجع أعيد لإنه بكل صراحة لو جبت أي انسان آخر يبغى يوصل لنقطة كان فهمها وسلام عليكم, لكن انت مصر على الاختلاف وكان كلام T3 قرءان كريم لا يأتيه الباطل من بين يديه ولا من خلفه..

أنا ما أبغى أقدم نفسي كخبير رأيه لا ينقض, بس من حقي إني أقولها بالفم المليان إذا كلام T3 فعلا صادر منهم ومعتبرينه صحيح, ذيك الساعة أنا خبير عليهم كلهم لأنه كلام مضحك و غير صحيح جملة وتفصيلا.. المصادر الموثوقة تارسة أبو النت:
www.cnet.com
http://www.beyond3d.com/forum/index.php
www.avsforum.com
www.avforums.com

بإمكانك تدخل كل ذي المواقع وتنشر موضوع هناك تستفسر عن القضية الي انت معطيها أكبر من حجمها.. ولا تزعل إذا أحد ضحك عليك 🙂

يا أخي ثم شي بديهي, الله ما شفناه بالعقل عرفناه, مدام ما في فرق بين ال1080p وال 720p ودي أعرف ليش الشركات تنزل تلفزيونات تدعم هذا الرزلوشن مع مداخل HDMI غير ال 1.3 ؟! يقعدوا مع ال720p مادام مافي فرق, ارخص لهم بكثير.

أنا ما ودي أخذ وأعطي كثير في الموضوع لأنه والله حرام الواحد يتناقش فيه.. إذا انت مصر إنك تاخذ بكلام T3 الله وياك.. المثل يقول كل واحد ينام على الجنب الي يريحه 🙂

* و فتحت HDMI 1.3 في PS3 متوفرة عشان أفلام البلو ري فقط ..

وهذي كمان ما قولتني ؟ للمرة الثانية أقلك رجاء لا تقعد تألف علي كلام 🙂

 

[Mukuro]

طيب وفي النهاية بايش تنصحوني

برافيا أو سامسونج؟؟

ياريت تحددولي أفضل موديل من هذه الماركتين لأني ناوي أشتريلي واحد 32 بوصه الأسبوع الجاي.

 

[Humam]

أفضل موديل سوني متوفر حاليا :

برافيا V ...ـ 32 بوصة = 6900 ريال تقريبا

أفضل موديل سامسونج متوفر حاليا:

LA32R71B... ـ 32 بوصة = 5350 ريال بعد المكاسرة..

البرافيا يتفوق في:

= عدد المداخل
= تعديل الإضاءة الخلفية
= حفظ الإعدادات حسب اختياراتك

بالنسبة لجودة الصورة فما أقدر أحكم لأن الجهازين ما جربتهم على أرض الواقع 100 % 🙂

 

[JOE]

شباب ما عندكم خبر بأفضل شاشات الـHDTV 1080i من باناسونيك مواصفاتاً و سعراً ؟؟ او اي معيار وضوح آخر غير 1080i ؟؟!!

إلي يعرف ياريت يخبرنا ( واحد وصاني على هذه الشاشة )

 

[Humam]

عندك تلفزيونات الVIERA من باناسونيك.. بلازما مو LCD.. الي أعرفه انه غالبا متوفرة بأحجام كبيرة.. الحقيقة ما أدري عنها كثير لذلك ما أقدر أفيدك 🙂

 

[squall leonhart]

خذ السامسونج و انت متطمن .. على الاقل شكل modren و شبابي مو تحس ان شكله اثري زي البرافيا v

 

[BioMario]

انا جربت سامسونج و برافيا ..
الصورة نفس الشي بالضبط ..
الفرق بس الشكل و الأسم ^^ ..

لكن إلي استنتجتة ان السامسونج افضل من ناحية السعر ..
وعند صديقي تلفزيون سامسونج اخر نوع و قال انه جربة و طلع نفس الشي ولكن قوي جداً ..
مواصفاته اقوى من البرافيا ..
اشتراه بـ 7800 تقريباً بس 40 بوصة ..

 

[ShinShadi]

شباب ما عندكم خبر بأفضل شاشات الـHDTV 1080i من باناسونيك مواصفاتاً و سعراً ؟؟ او اي معيار وضوح آخر غير 1080i ؟؟!!

إلي يعرف ياريت يخبرنا ( واحد وصاني على هذه الشاشة )

جو : خذ زي إلي عندي 🙂

همام : أعتقد إن كذا خلاص مافي داعي نكمل 🙂

 

[Mukuro]

أوكي قررت أخذ Samsung LA40R71B بما إنه سعر ممتاز ومواصفاته مقاربه جدا للبرافيا. إن شاء الله الأسبوع الجاي وهو مشرف عندي البيت. بس على فكره, هل هو متوفر في جده حاليا؟ مافيني اضرب مشوار وفي النهاية ما أحصله.

 

[squall leonhart]

ايوه ان شفته بفرع سامسونج بسوق جده الدولي و اظن سعره كان 8000 الاف ريال