HD Gaming -- الموضوع الرسمي

[hyuga neji]

السلام عليكم



شباب تونا خذينا تلفزيون سامسونج 50بوصة


يدعم 1080اي


بس يوم ركبت اكس بوكس مالتي موراضي الة 480بي


شنو الحل؟؟؟؟؟؟؟؟؟؟؟؟؟؟؟؟؟؟؟

 

[Nintendo]

نفس المشكلة صارت معي اخ نيجي ورحت للشركة وقدمت بلاغ للقسم الكوري عن طريقهم ...

هذا الكلام يمكن من 5- 6 شهور ولاوصلني منهم اي رد بخصوص الموضوع .. المشكلة الوكيل عندنا قسم بالله العظيم مايدري وش الHD اصلا .. ال480P هو الشئ الوحيد اللي شغال معي مع انه التلفزيون يدعم ال1080i ..

 

[ABUALI]

دورت شوي عن هالسالفة، مشاكل شاشات السامسونج مع ال360 تصير بسبب الكمبوننت كيبل.. ينصحون باستخدام VGA cable الخاص بالـ360 وكل شي يصير مضبوط على 720P
http://www.einnova.com/dream/X360_ACC_VGA CON OPTICO.jpg
مو متأكد ان المشكلة تنحل 100%
نقطة سيئة في تلفزيونات سامسونج، اعوذ بالله

 

[Nintendo]

المشكله صارتلي حتى مع البلايستيشن2 🙂

لعبة جران تورزمو تدعم ال 480P وال 1080i . الاول اشتغل والثاني ابدا ماشتغل ..

 

[Ginko]

السلام عليكم



شباب تونا خذينا تلفزيون سامسونج 50بوصة


يدعم 1080اي


بس يوم ركبت اكس بوكس مالتي موراضي الة 480بي


شنو الحل؟؟؟؟؟؟؟؟؟؟؟؟؟؟؟؟؟؟؟

وش نوع الكيبل الي شابكه؟ لازم يكون ابو 6 وصلات، ولا تنسى تغير السويتش في كيبل ال360 الخاص من TV الى HDTV.

 

[ABUALI]

عمر في احتمال ان مداخل الكمبوننت في التلفزيون اذا كانت متعددة يختلف الرزلوشن، يعني كمبوننت 1 حق 480i/480p والثاني 1080i

 

[king zell]

أتوقع المشاكل هذي ما تصير مع LCD

ممكن التلفزيون اللي عندك حكما من حجمه فهو DLP Projection

عموما استخدم VGA اذا سالفة 360 لأن كثير يقولون انه أفضل

المشكلة الوكيل عندنا قسم بالله العظيم مايدري وش الHD اصلا

المشكلة هذي مفروض يعرفها العامل بالمحل أصلا.. فما بالك بالوكيل !

 

[hyuga neji]

السلام عليكم


شباب^_^

انا جبت رفيجي وسوي لي التلفزيون وضبط كل شي الة 1080اي مو راضي



وعندي ال في جي اي بس يدعم 720بي انا ابي 1080اي


شباب التلفزيون دشيت المنيو مالتة وحولت من اوتو الي برجريسف



اليوم اروح الوكيل اسئلهم ويلت الي يعرف يقولي^_^

 

[Humam]

الله يعينك.. والله سبب جديد يخليني أهرب من السامسونج.. شي يخوف أنا ماني ناقص عوار راس.

سوني .. للفوز.. المبجل !

 

[NESTA]

السلام عليكم



شباب تونا خذينا تلفزيون سامسونج 50بوصة


يدعم 1080اي


بس يوم ركبت اكس بوكس مالتي موراضي الة 480بي


شنو الحل؟؟؟؟؟؟؟؟؟؟؟؟؟؟؟؟؟؟؟

انا زيك اخوي hyuga neji.... انا توني شاري تلفزيون بروجيكشن 43 من سامسونج ومكتوب

عليه انه يدعم 1080i .... كل ما احط خيار ال 1080i في ال 360 مايشتغل ويتحول على 480p ?

ما ادري ليه؟؟

 

[ASWD]

تلفزيونات لبروجيكشن صارت مغبرة ومفروض محد يقرب جمبها مع وجود LCD ولبلازما..ناهيك عن حجمه اللي مدري وش يبي

 

[Nintendo]

يوسف المشكله يوم يكون عندك ديوانيه كبيره ويدخلونها عيال كثير ماينفع معك غير البروجكشن لانه يستحمل ..

نحنا نعاني من ذي المشكله بالبيت .. ان شاء الله قريبا باخذ تلفزيون لي بغرفتي ولكن ماودي غرفتي تقلب ديوانيه للشباب كل شوي يطبون فيها ودهم يلعبون الوي ولا غيره عشان كذا مأجل الموضوع شوي ..

 

[ABUALI]

ما يعجبني وضوح البروجكشن وين الـLCD اول ما تشوفه تطيح عيونك

 

[ASWD]

عمر..انا اقصد الاشخاص اللي ودهم يشترو تلفزيون خاص بيهم ويكون بغرفتهم ويستخدمونه لحالهم*بأستثناء بعض الحالات*🙂

اما ديوانيات ماينفع معها تلفزيون مثل برافيا او اي تلفزيون حديث لأنه*بيروح بشربة موية*اذا زاد حماس الشباب😛

 

[bnbn]

شباب انا عندي سامسونغ LA32R71W و شغال مع الاكس بوكس 360 تمام التمام و الرزليوشن الذى ابيه

و صاحبي عنده بريفيا الفئة V و ما فيه اي فرق بين تلفزيوني و تلفزيونه (سيم سيم بالهندي :yuck🙂 و على ما اعتقد الستلايت العادي (SD signl ) عندي كان اوضخ منه بقليل بس صعب تفرق بينهم

بس في مشكله صغيرة ما ادري اذا كانت عندي فقط او عند كل تلفزيونات الهاي دفنشن و هي لما اشغل بلي ستيشن 2 باستخدام الـ AV الالوان تطلع باهته و في خطوط بيضة صغيرة جدا بالعرض تقسم الصورة و لما اشتريت كمبوننت كيبل الخطوط البيضة اختفت و الالوان صارت اوضح بس صارت تطلع لي مثل مربعات صغيرة حيل ( ماني عارف كيف اوصها كلاميا )

فهل سمع احد عن هذه المشكله ؟؟ و هل البلي ستيشن 2 يشتغل افضل على التلفزونات العادية ؟؟

و للعلم الالعاب التي تدعم البروجرسف سكان تشتغل بشكل مثالي و تختفي كل المشاكل المذكورة بس انا ابي اللعب فاينل فانتسي 12 بشكل مثالي ايضا :embarrassed:

...

 

[king zell]

و للعلم الالعاب التي تدعم البروجرسف سكان تشتغل بشكل مثالي و تختفي كل المشاكل المذكورة بس انا ابي اللعب فاينل فانتسي 12 بشكل مثالي ايضا :embarrassed:

...

اذا لعبة عادية (بدون بروجسف ، wide ) العبها على تلفزيون عادي أفضل (أو شيل الwide من تلفزيونك)


أما مثلا لعبة زي فاينل فانتسي ، أنا عندي بلاي ستيشن2 الصغير ، و مشبك Component و حاط اللعبة على Wide Mode اللي موجود أصلا في اللعبة (تدعمه) و طالع مثل العسل على Bravia V

 

[CyberMaster]

شباب تقنية شاشات جديده متوقع صدورها اواخر 2007 وبنصف اسعار التقنيات الحاليه وجوده افضل
Laser TV

http://tvtechnology.com/features/news/2006.05.31-n_mitsubishi_touts.shtml

“If you look at any screen today, the colour content is roughly about 30-35 per cent of what the eye can see,” he said.
“But for the very first time with a laser TV we'll be able to see 90 per cent of what the eye can see.
“All of a sudden what you see is a lifelike image on display.”

http://www.news.com.au/story/0,23599,20556847-2,00.html

and will also cost half the price, which technically would suggest about $1,000 or less for a 50-inch display in Q4 2007.

http://gear.ign.com/articles/738/738336p1.html

 

[Lonely Heart]

والله التلفزيون روعة Xing ..

ورحْيص وحجمه كبير ..

لكن ما ظن اني اقدر اصبر وراح اختار السامسونج .. ^^ ..

 

[Ginko]

وش الي صاير؟ مسحتوا بالDLP مسح لوول. انا عندي سامسونج دي ال بي بروكشن ويدعم 1080p واختار اي رزلوشن ابيه.

والي يقول لي صوره الال سي دي افضل لانه ال سي دي فيسمح لي اقوله "ما عندك خبر" 🙂

محمد المشكله هذي ما عمرها صارت مع الدي ال بي، اكيد في الستنغ شيء مو مضبوط او التلفزيون نفسه فيه بلأ تضنيع مع اني اشك.


اخوي نيجي، سويت الي قلت لك فوق؟

 

[Isaac]

شباب انا عندي سامسونغ LA32R71W و شغال مع الاكس بوكس 360 تمام التمام و الرزليوشن الذى ابيه

...

أنا عاجبني تصميم ولون هالجهاز جدا... بس عزيزي, بغيت اسألك بضعة اسئلة.


1- الجهاز كم سعره بالضبط عند الوكيل, وهل عليه ضمان (يسوى) ؟

2- كم فتحة Component فيه ؟ ... ( لاحظ فيه فرق بين الكمبوننت والـ compsite )

3- اللي أعرفه إنه الـ 40 فيه HDMI. هل ال32 فيه أيضا؟

4- بخصوص ملمس الجهاز ... هل هو (أبيض معدني زي الـ PSP الأبيض) أم (أبيض كريستالي مثل الـ DS lite)؟ .... لأني بأنقل الجهاز واجد ... وخايف إن احتمالية ظهور الخدوش عليه تكون كبيرة.



ومشكور أخوي bnbn مقدما

 

[Humam]

سامسونغ LA32R71W

اليوم نزلت السوق ( جدة - التحلية سنتر ) لقيتهم مسوين بسطة عارضين تلفزيونات سامسونج كثيرة, لقيت هذا الموديل, فاصلت مع الرجال قالي ال 40 بوصة أعطيك ب 8000 ريال !!! لول سعر جباااااااار.. بس قالي بدون الجوال الهدية قلت له طز في الجوال..

العرض ينتهي بمجرد نهاية رمضان, طبعا ضمان الوكيل, صراحة عرض ما يتفوت للي حاب يشتري التلفزيون, ال 32 بوصة ب 5700 ريال لقيته.. نفس المواصفات ( 1 كومبوننت - 2HDMI - و 2 كومبوزت ) .. اللهم الفرق الحجم.

 

[BioMario]

اليوم نزلت السوق ( جدة - التحلية سنتر ) لقيتهم مسوين بسطة عارضين تلفزيونات سامسونج كثيرة, لقيت هذا الموديل, فاصلت مع الرجال قالي ال 40 بوصة أعطيك ب 8000 ريال !!! لول سعر جباااااااار.. بس قالي بدون الجوال الهدية قلت له طز في الجوال..

العرض ينتهي بمجرد نهاية رمضان, طبعا ضمان الوكيل, صراحة عرض ما يتفوت للي حاب يشتري التلفزيون, ال 32 بوصة ب 5700 ريال لقيته.. نفس المواصفات ( 1 كومبوننت - 2HDMI - و 2 كومبوزت ) .. اللهم الفرق الحجم.

واااو عرض رهيب والله ..
انا بروح الوكيل و بشوف يمكن عندنا عروض ^_^ ..
انا نوي اخذ الـ HD TV في شهر 6 من 2007 بأذن الله ..
ورح اشتري اخر تلفزيون ان شاء الله

لكن اهم شي عندك يكون 1080p

 

[bnbn]

أنا عاجبني تصميم ولون هالجهاز جدا... بس عزيزي, بغيت اسألك بضعة اسئلة.


1- الجهاز كم سعره بالضبط عند الوكيل, وهل عليه ضمان (يسوى) ؟

2- كم فتحة Component فيه ؟ ... ( لاحظ فيه فرق بين الكمبوننت والـ compsite )

3- اللي أعرفه إنه الـ 40 فيه HDMI. هل ال32 فيه أيضا؟

4- بخصوص ملمس الجهاز ... هل هو (أبيض معدني زي الـ PSP الأبيض) أم (أبيض كريستالي مثل الـ DS lite)؟ .... لأني بأنقل الجهاز واجد ... وخايف إن احتمالية ظهور الخدوش عليه تكون كبيرة.

1- انا شريت التلفزيون من الوكيل بالكويت بـ 437 دينار و معاه ضمان سنه للشاشة و 5 سنوات للامور الاخرى ( سامسونغ الوحيدة التى تعطيك هذا الضمان )

2- الفتحات كثيرة مشاء الله و هي :

- فتحتين للـ كمبوننت
- فتحتين للكمبوزت وحده منهم بالجنب و وحدة معاها S video
- فتحه وحده HDMI
- فتحت PC ( رهيبة اذا تبي تتابع ون بيس على التلفزيون )
- فتحتين للصوت وحده out و وحده in
- فتحه للصوت مال الكمبيوتر

3- نعم فيه HDMI

4- ما ادري ؟؟ لان ماعندي لا لايت و لا بي اس بي بس الجهاز خفيف جدا للنقل و تقدر تشيله بروحك و بيد وحده فقط

و العفو و اذا عندك اسئله اخرى ما في مانع
...

 

[BioMario]

اخوي bnbn
إلى عندك 40 بوصة ..؟

 

[bnbn]

اخوي bnbn
إلى عندك 40 بوصة ..؟

لا مالي 32 بوصه

...

 

[BioMario]

اخوي خالد انت عندك BRAVIA X صح ..؟
اوكي انا سمعت انك يوم تركب علية رسيفر او دي في دي او اي شيء ما يدعم الـ HD
تكون الصورة سيئة جداً ..

صحيح الكلام ..؟

 

[king zell]

اخوي خالد انت عندك BRAVIA X صح ..؟
اوكي انا سمعت انك يوم تركب علية رسيفر او دي في دي او اي شيء ما يدعم الـ HD
تكون الصورة سيئة جداً ..

صحيح الكلام ..؟

أنا ما أدري

لكن اللي عرفته انه تلفزيونات ال1080p عرضها للأجهزة العادية SDTV أسوأ من التلفزيونات اللي 1080i


خالد يعطيك معلومات أفضل

 

[Khalid-S]

ميتريكس .. مين عطاك المعلومه هذي ؟؟ هم غريبه

التلفزيون Full HD .. وماله دخل في انه يعرض HD او لا .. الاجهزه الي عندك الي توصلها له لازم تكون HD .. مثلا الريسيفر لازم تشتري ريسيفر خاص من مزود خدمه التلفزيونات الي تبيه (مثلا) Comcast تقريباَ واحده من اقوى مزودي الانترنت والتلفزيون والتلفونات ووالخ .. لازم تاخذ من عندهم ريسيفر HD .. طبعا يكون شكله كبير (مثل الريسيفرات حقت البلد) .. ومو بعض القنوات تعرض لك HD .. تقريباَ فقط 13 قناه .. انا شبكت عليه Blu-Ray Player وشفت افلام Blu-Ray من جهاز الـComcast وشغال باعلى نقاوه .. لكن القنوات ما تدعم 1080p .. تقريباَ كلهم 1080i . بس افلام البلو راي تقريباَ كلهم تدعم الـP .. ولا تسآلني عن الفرق لاني انتظر المحترم الـPS3 يجي عشان اشوف الفرق لاني لعبت على 720p-1080i كثير على شاشات كبيره (في البلد)

جهاز كومكاست الـHD .. بعضها يجي DVR (يسجل لك اي شي تبيه HD) .. طبعا رسوم الجهاز اغلى من العادي

ان شاء الله اكون افدتك.

Edit اووووه توني فهمت سؤالك (والله توني صاحي -ـ-) اسف .. بس تبقى المعلومات الي فوق مهمه للموضوع اذا واحد بيسكن في امريكا.

والله اخوي ما ركبت عليه اي شي مو HD .. يمكن مرات اشغل بعض القنوات العادية الي ما تدعم الـHD وتطلع بشكل سئ .. السبب هو حجم الشاشه الي تجي بحجم كبير .. مثل ما شغل لعبة PS2 على تلفزيون حجمه كبير .. او تشغله على واحد صغير .. البيكسلز تطلع تعيسه في الكبير لانه يبين لك كل التفاصيل.

 

[BioMario]

اهاااا ..
يعني ما ينفع مع الـ Wii ..
خسارة كنت باخذة ..

يعني الحين كل 1080p تكون احجامهم 40 بوصة يعني كلهم نفس الحالة ..؟
الله يعين -__- ..

 

[Khalid-S]

ايه ما ينفع .. لهذا السبب انا عندي واحد بالغرفه Samsung نفس الي قال عليه همام 32 بوصه .. للوي .. بلاي 2 والاشياء هذي.