مستوى التحسين للثلاثية هاذي ممكن يكون تعبان لكن ما يعكس مستوى السلسلة.
باخذ سان اندرياس كونه افضل جزء بينهم، من الأشياء الي تقدر تسويها في هذا الجزء:
- تقدر تحتل مناطق عصابات.
- تقدر ترد على كلام الناس بخيار إجابي او سلبي.
- تقدر تسوي وشم على جسمك
- تقدر تعدل شعرك.
- تقدر تعدل على السيارات.
- تقدر تاكل من مطاعم.
- اللعبة تجوع فيها لكن ذا الشيء ما يبان كثير لأن حسب ما اتذكر إذا مت عداد الصحة يرجع كامل عندك.
- إذا اكلت كثير راح تصير سمين وصوتك يتغير وحتى نصوصك وغير كذا عداد الصحة والتعب راح يضعف وأعتقد تصير ابطئ.
- تقدر تروح النادي وتسوي أنشطة كثير حتى تصير معضل واقوى.
- تقدر تلعب مهام سطو على بيوت وتدخل البيت وتتفاعل مع الأشياء الي حولك وراح تشوف CJ يشيل التلفزيون مثلا وتوديه للشاحنة.
- تقدر تلعب كرة سلة.
- تقدر تلعب دور الشرطي.
- تقدر تصير سواق تكسي.
- تقدر تقتل اي NPC قدامك.
- تقدر تسرق اي سيارة تشوفها وتقدر حتى تركب مدرعة.
- تقدر تركب كثير طيارات ومنها طيارة حربية تهاجم بها.
- تقدر تركب سفن.
- تقدر تسبح وتغوص وتستكشف بعض الأسرار.
- تقدر تلعب دور الإسعاف.
- تقدر تلعب دور رجل أطفاء.
- تشتري منازل.
- تلبس كثير لبوس.
- تقدر تدخل حلبة ملاكمة في النادي وتتعلم اساليب قتال !
- تقدر تلعب بلياردو.
- تقدر تدخل اختبار قيادة سيارات او دراجات او سفن.
- تقدر ترقص على إيقاع معين وتضغط ازرار.
- تقدر تواعد بنت لمطعم او شيء
- تقدر تروح لمحل اسلحة وتلعب رماية وتحقق افضل النقاط.
- تقدر تدخل سباقات سيارات او طيارات.
- تقدر تركب القطار وتسوقه وحتى تسرع لين يخرج من المسار ويتدمر !
- في اشياء تقدر تجمعها في العالم ويمديك تكتب على بعض الجدران.
- تقدر تروح Stadium وتلعب مجموعة من أفضل الأنشطة في اللعبة.
- تقدر تخلي أعضاء العصابة يرافقونك.
- تقدر تروح للكازينو وتلعب مجموعة انشطة وإذا خسرت كثير راح تصبح مدين وتجيك مكالمة وإذا طولت وانت ما دفعت راح يهاجمونك عصابة!
