Grand Theft Auto: Liberty City Stories لل.....

[Nintendo]

اعلنت شركة take2 بموقعها الرسمي ان لعبة جراند ثيفت اوتو ليبرتي سيتي والتي صدرت مؤخرا لجهاز سوني المحمول الPSP في طريقها لجهازي البلايستيشن2 والاكس بوكس :

Additional products expected for fiscal 2006 include the newly announced Grand Theft Auto: Liberty City Stories for PlayStation 2, tentatively planned for release in the second quarter, Bully for PlayStation 2 and Xbox

http://ir.take2games.com/ReleaseDetail.cfm?ReleaseID=183286

اللعبه راح تصدر على الجهازيين خلال الربع الثاني من هذا العام .... تعليق صغير ... يعني يوم الجهاز يحصل على لعبة قوية جديده .... يسوون لها بورت للاجهزة المنزليه !!! مادري يمكن الشركة توقعت مبيعات افضل للعبه ويمكن الشركة ودها تبيع وخلاص 🙂

 

[bnbn]

اي شيء 😛eeved:

صج روك ستار و تيك 2 بدون جراند ثيف اوتو ما تقدر تعيش سنه وحده زيادة

...

 

[ASWD]

لووووووووووووووووووووووووووووووووول عمر اول ماشفت العنوان قلت اكيد للدي اس يسويها وبسهولة😛

الناس الحين شبعة من هالجزء على البي اس بي وهذي ناوية تنزله على لبلاي ستيشن2 والاكس بوكس -ــ-

باين على السالفة انها للربح لا اكثر

 

[Humam]

بصراحة قاعد ادور تقسير لهذه الخطوة ومو ملاقي ابدا .. حتى لو الربح.. اللعبة قاعدة تبيع بشكل ممتاز على الPSP..

 

[rubso]

:suspiciou .... لا حول ولا قوة الا بالله ..
GTA LCS للـ PSP للبيع من يشتري ؟

 

[ASWD]

بصراحة قاعد ادور تقسير لهذه الخطوة ومو ملاقي ابدا .. حتى لو الربح.. اللعبة قاعدة تبيع بشكل ممتاز على الPSP..

الطمع همام..الشركة تشوف مبيعات الاجزاء اللي على الكونسلز وماتبيها تنزل هذ الجزء عشان الربح!.خاصة ان الثلاثة احرفGTA كفيلة برفع المبيعات في اوروبا وامريكا حتى لو كان بورت لا اكثر 🙂

 

[Humam]

لول شباب اليوم يوم GTA.. موقع PSPupdate الي يهتم بالPSP والهوم برو والبرامج والمحاكيات الغير رسمية للجهاز, أصدر ملف Save File كأنه باتش, يخلي GTA تشتغل على كلوك سبيد 333 ميغاهرتز وفيه حركة رهيبة تخلي الشخصية تنقز من فوق المباني العالية مثل سبايدر مان هههههههههههههههههههه.. صور:

والمثير إن اللعبة بعد تنزيل الملف صارت تشتغل في 60 إطار في الثانية !!! ووووو..

http://pspupdates.qj.net/2005/12/cheat-device-v05d-for-psp.html

 

[rubso]

ما تخلص البطارية بسرعة او يصير بالجهاز شي ؟ لانه واحد من الشباب جربه قال الجهاز قام يخرف .. ارجو التوضيح

 

[msm]

أكيد بعد هذا الخبر راح تنزل مبيعات اللعبة بشكل كبير .. أحس ان اللعبة ماخذت فرصتها على PSP ..

لكن على العموم هناك GTA جديدة أخرى للPSP أيضاً ..

على فكرة الخبر ماذكر نسخة الاكس بوكس :

Grand Theft Auto: Liberty City Stories for PlayStation 2, tentatively planned for release in the second quarter,

ولو أنه متوقع بطبيعة الحال ..

 

[Khalid-S]

خخخخخ ملل من جد , اللعبة من الاساس بورت للبي اس بي مع اضافات وتعديل في القصة خلوها قبل ,, ينقلونها للي نقوله منه اساساَ ,, واضح ان الشركه تبي تكثر فلوس زياده. ويحق لها هذا الشي

خارج الموضوع

لول همام افرح , نسخت لك اغاني 4 جيجا . بس ياخي قهر في اغنيتين لكولد بلاي من سينقل Fix you نسيت احطهم -_______- والله بقوه انقهرت مع ان كان في مساحة كبيره مره.

 

[Humam]

روبسو اكيد البطارية راح تستهلك أكثر, وقبل ماتنزل السيف فايل لازم تسوي back up للملف القديم لأنه راح يمسحه .. وبالنسبة للتخريف لول شي متوقع بس ما ادري صراحة.

edit: خالد تسلم لي هالأنامل ياشيخ 😉 صحيح لا تقلي ماحطيت الOSTs كمان ؟ ياخي سواند تراك شادو ماني قادر احمله انسخلي هو تكغى .. اي شي قدامك انسخه XD

 

[Final Fantasy]

أصلا أنا رسميا صرت غير مهتم بأي اصدار جديد لهالسلسلة .. حسيت نفسي اكتفيت بعد الأجزاء السابقة .

 

[Mario2]

ياليت حصريتها تكون للبي اس بي .. بس الظاهر الفلوس تعمي النفوس .. ما حبيت السلسله يشكل عام ..

 

[THEjoker]

يعتبر هذا الخبر رائع للذين لايمتلكون الجهاز المحمول..

ولكن التساؤل لماذا لم تأخذ هذه اللعبه فرصتها في جهاز البي اس بي؟

سؤال للي جربوا اللعبه هل هي ناجحه مثل سابقاتها من الاجزاء ليتم برمجتها مره ثانيه على البلاي ستيشن2 والاكس بوكس؟

 

[hussien-11]

خبر محبط الصراحة ، مع اني فقدت الاهتمام بالسلسلة من فترة طويلة لكن يعني حركتهم بايخة ، الجهاز حصل على لعبة حصرية و حلوة الافضل تظل عليه ، بس الطمع -___-​

 

[Zeyad]

تمنيت تكون GTA حصريه على PSP،،

لكن مع Take-Two لا وجود لكلمة "حصرياً".

 

[Strife]

هممم...اللعبة عندي على البي اس بي لعبتها وخلصتها, المشكلة كانت في البطارية واكيد كنت بستمتع فيها اكثر على الاجهزة المنزلية....

لووووووووووووووووووووووووووووووووول عمر اول ماشفت العنوان قلت اكيد للدي اس يسويها وبسهولة😛

من صجك ولا تتغشمر 😕

 

[Strife]

ما تخلص البطارية بسرعة او يصير بالجهاز شي ؟ لانه واحد من الشباب جربه قال الجهاز قام يخرف .. ارجو التوضيح

اللعبة كماهي تعلق كثير عندي, ويحصل فيها تباطوء...بعد استخدام الهاك البطارية قل عمرها اكثر, وبعض المركبات تعلق اللعبة وايضاً احياناً تعلق بدون سبب...لما جربت اللعبة ب333 ما لاحظت فرق يذكر صراحةً الا بعمر البطارية....:s استخدمه فقط للscreen shots...

 

[Tomb raider]

لكن على العموم هناك GTA جديدة أخرى للPSP أيضاً

انتظر بتنزل عالبلاي 2 لووول

 

[الــخــــارق]

حركة بايخة
يعني ما صدقنا تنزل لعبة على البي اس بي قوية
يقومون يصدرون لها بورت للبلاي ستيشن والاكس بوكس
الطمع شين صراحة..

حظ أوفر للبي اس بي..

 

[fnh]

حركه مالها تفسير الا انهم يبغون يكسبون من وراء اللعبه فلوس

أكثر بما انها نجحت على البي اس بي بينزلونها على

باقي الأجهزه علشان تبيع أكثر و أكثر

 

[Conqueror]

بسم الله الرحمن الرحيم

مع أني من عشاق السلسة لكن هذا الجزء بالذات مو مهتم فيه ، لأنه عبارة عن expansion pack للجزء الثالث اللي فايس سيتي و سان أندريس تخطوه بمراحل....